குரு வீட்டில் சனி!

 

‘டொக்! டொக்!’ என்று கதவைத் தட்டிவிட்டு அறைக்குள்ளே வந்தாள் நர்ஸ்.

“ என்னம்மா!…. மாலை நாலு மணிக்கு ஆபரேஷன்….நீங்க இன்னுமா நீங்க பணம் கட்டலே!….உடனே போய் கேஷ் கவுண்டரில் பணத்தைக் கட்டிட்டு வாங்க!..”

என்று நர்ஸ் சொன்னவுடன் மகன் முருகேசனைப் பார்த்தாள் பார்வதி.

“ அம்மா!…நேற்று நீ கொடுத்த நகைகளை பாங்கில் அடமானம் வைத்து ஐம்பதாயிரம் வாங்கினேன்….அந்தப் பணத்தை பேண்ட் பாக்கெட்டில் போட்டுக் கொண்டு இங்கு தான் வந்தேன்!…இங்கு வந்து பார்த்தா ரசீது தான் இருக்கு!….நோட்டுக் கட்டைக் காணோம்!..வழியில் எங்கயோ தவறி விழுந்து விட்டது!…”

“ ஐயோ!…ஐயோ!…” என்று பார்வதி தலையில் அடித்துக் கொண்டு கதறினாள். முருகேசன் என்ன செய்வதென்று புரியாமல் நின்று கொண்டிருந்தான்.

அன்று வந்த மாலைப் பதிப்பு செய்தி தாள் பிரிக்காமல் அப்படியே கீழே கிடப்பதைப் பார்த்தாள் நர்ஸ். “ தம்பி!.. அந்தப் பேப்பரில் முதல் பக்கத்தில் 50 ஆயிரம் என்று என்னவோ போட்டிருக்கு!.. என்னவென்று எடுத்துப் பார்!….” என்றாள்.

நர்ஸ் சொன்னவுடன் அவசர அவசரமாக செய்தி தாளை எடுத்தான். அதில் முதல் பக்கத்திலேயே கொட்டை எழுத்தில் போட்டிருந்தது!

இன்று காலையில் ஒரு ஆட்டோ டிரைவர் வீதியில் கிடந்த 50 ஆயிரம் ரூபாய் கட்டை கண்டெடுத்து காவல் நிலையத்தில் ஒப்படைத்தாராம்! அந்த உத்தமரின் நேர்மையைப் பாராட்டி முதல் பக்கத்தில் பெரியதாகச் செய்தி வெளியிட்டிருந்தார்கள்! உரியவர் தக்க ஆதாரத்தைக் காட்டினால் பணத்தை திருப்பித் தரப்படும் என்று செய்தியில் தெளிவாகப் போட்டிருந்தது!

முருகேசனுக்கு அந்த செய்தியைப் பார்த்தவுடன் உயிர் வந்தது! காவல் நிலையத்திற்குப் போய் எந்த இடத்தில் தவற விட்டேன் என்ற விபரம் சொல்லி சான்றுகளைக் காட்டி பணத்தைக் கேட்டான்.

“ அதெல்லாம் சரியாத்தான் இருக்கு!..இங்கே பத்தாயிரம் வெட்டினா உனக்கு உடனே பணம் கிடைக்கும்!…இல்லா விட்டா கோர்ட்டு, வக்கீல் என்று நீ அலைய வேண்டியிருக்கும்!..”

சோதிடத்தில் தான் ராகு கேது இடம் மாறி உட்கார்ந்திருப்பதாகச் சொல்வார்கள்! நம்ம ஊரிலே உத்தமனும், வில்லனும் கூட இடம் மாறி உட்கார்ந்து விடுவார்கள் போலிருக்கிறது! முருகேசன் என்ன செய்வதென்று தெரியாமல் விழித்தான்!

பாக்யா டிசம்பர் 2-8 2016 

தொடர்புடைய சிறுகதைகள்
கோவை ரேஸ் கோர்ஸ் பகுதியில் உள்ள பூங்காவில்தான், தினசரி மாலை நடைப் பயிற்சியை முடித்த பிறகு லலிதாவும், சித்ராவும் உட்கார்ந்து மனம் விட்டுப் பேசிக்கொள்வார்கள் . இருவருக்குமே அறுபத்தி ஐந்து வயசிருக்கும். சித்ராவின் கணவர் சென்ற ஆண்டு தான் காலமானார். அவர்களுக்கு கோவையிலிலேயே ஐந்தாறு பங்களாக்கள்உண்டு. ...
மேலும் கதையை படிக்க...
“ இன்னைக்கு....ஞாயிற்றுக் கிழமை….சரியா ஒன்பது மணிக்கு நீங்களும், உங்க அருமைப் பொண்ணும் டைனிங் டேபிளில் வந்து உட்கார்ந்திடுவீங்க!...நான் அதற்குள் சிக்கன் குழம்பு, வறுவல், இட்லி, தோசை எல்லாம் தயார் செய்ய வேண்டாமா?...சீக்கிரமா போய் ‘லெக் பீஸா’ நீங்களே பார்த்து.... இளங்கறியா வாங்கிட்டு ...
மேலும் கதையை படிக்க...
“ ...ஹலோ!...விஜயா பேங்க் பிராஞ்சா?...” “ ஆமாம்! உங்களுக்கு யார் வேண்டும்?...” “ மேனேஜர் ரமா மேடத்திடம் அவசரமாப் பேசவேண்டும்!..” டெலிபோன் ஆபரேட்டர் மேனேஜர் ரூமுற்கு லைன் கொடுக்கிறார். “ எஸ் மேனேஜர் ஸ்பீங்கிங்!...” “ மேடம் நான் மெட்ராஸிருந்து கௌதம் பிரண்ட் பிரகாஷ் பேசுகிறேன்!...… வந்து….வந்து,,,” குரலில் ...
மேலும் கதையை படிக்க...
படிப்பு, நேர்மையான உழைப்பு எதுவுமே இல்லாமல் ஒரு மனிதன் பணம், பதவி, அதிகாரத்தோடு, தன்னுடைய வாழ்க்கையை அமைத்துக் கொள்ள ஏற்ற ‘தொழில்’ அரசியல் தான்! அதற்கும் பொய்யை மற்றவர்கள் நம்பும்படி சொல்லும் ஒரு சாமார்த்தியம் வேண்டும்! அது ராமசாமிக்கு இல்லை. அதனால் தான் ...
மேலும் கதையை படிக்க...
கோவை பீளமேட்டில் தொழிலதிபர் கோமதி நாயகத்தின் பங்களா. குழந்தை காணாமல் போய் இருபத்தி நான்கு மணி நேரமாகி விட்டது. குடும்பமே துடித்துக் கொண்டிருந்த நேரத்தில் அவர் செல்போனுக்கு ஒரு வீடியோ கால்! குழந்தை பற்றிய தகவலாக இருக்கும் என்று பதறிப் போய் பார்த்தார் ...
மேலும் கதையை படிக்க...
அக்கரைப் பச்சை!
சமயம் பார்த்து அடிக்கணும்
நீயும் கூட ஒரு தாய் தான்!
அரசியல்வாதி!
டைட்டில் கார்டு!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)