குட்டி கதைகள்

 

சாலை

அந்த ஊரின் பிரதான சாலைதொடர் மழைக்குப் பிறகு குண்டும் குழியுமாய் போக்குவரத்துக்கே லாயக்கில்லாமல் சேதமாகியிருந்தது. பாதாசாரிகளும் வாகனம் ஓட்டுபவர்களும் மிகவும் அவதிக்குள்ளானார்கள்;

சாலையை சீர்படுத்தக் கோரி அரசு அதிகாரிகளுக்குப் பலமுறை விண்ணப்பித்தும் பலனேதும் ஏற்படவில்லை.

பள்ளித் தலைமை ஆசிரியர் சுந்தரமூர்த்தி.க்கு ஒரு பிரமாதமான ஐடியா தோன்றியது. அவருடைய பள்ளி மெயின் ரோடில்தான் இருந்தது. பள்ளி தொடங்கி ஐம்பது ஆண்டுகள் ஆனதைக் கொண்டாட ஊரார் ஒத்துழைப்புடன் ஒரு விழாவிற்கு ஏற்பாடு செய்தார். கல்வி மந்திரியை அழைத்து விழாவை சிறப்பாக நடத்தித் தர ஏற்பாடு செய்தார்கள்.

ஆச்சரியம்!

அத்தனை நாட்களும் கவனிப்பாரற்று இருந்த சாலை சீரமைப்புப் பணி போர்க்கால அடிப்படையில் மேற்கொள்ளப்பட்டு, சீக்கிரமே முடிவடைந்தது. அலங்கோலமாக இருந்த தெரு ஒரு புத்தப்புது தார் ரோடாக மாறியது! பொது ஜனங்களுக்கோ மட்டற்ற மகிழ்ச்சி !

மீசை

மணிக்கு வயது இருபதை நெருங்கிவிட்டது. ஆனால் முகத்தில் மீசையே அரும்பாதது அவனுக்கு பெருத்த கவலையை அளித்தது. கல்லூரி சக மாணவர்களின் கிண்டலும் கேலிப் பேச்சும் அவன் மன அமைதியைக் குலைத்தன.

அவன் நண்பன் சிவாவிடம் இதற்கு ஒரு தீர்வு காண உதவுமாறு கேட்டுக் கொண்டான். அவன் சிபாரிசு செய்த டாக்டர் கொடுத்த மருந்துக்கு நல்ல பலன் இருந்தது. முகத்தில் ‘கருகரு’ என்று மீசையும் தாடியும் வளரத்தொடங்கின,

தன்னைக் கேலி செய்தவர்களுக்குப் பதிலடி கொடுப்பதைப் போல் ஒரு பெரிய வீரப்பன் மீசை வைத்துக்கொண்டான்.

ஐந்து வருஷங்கள் கழித்து, மணிக்குத் திருமணம் ஆயிற்று. முதல் இரவில் அவன் புது மனைவி லதா அவனிடம்,” என்ன நீங்க, இப்படி என்னைப் பயமுறுத்தறாப்பிலே ஒரு பயங்கர மீசையை வச்சுகிட்டு? எனக்கு மீசை வச்சுகிட்டிருக்கிற ஆம்பிளைங்களையே பிடிக்காது. நீங்க என்னை அணைக்கறப்போ கம்பளிப் பூச்சி என் முகத்திலே ஊர்றாப்பிலே அருவருப்பா இருக்கு. அதனாலே நாளைக்கு முதல் வேலையா உங்க மீசையை எடுத்துட்டு. அப்புறம் என் கிட்டே வாங்க” என்று போலிக் கோபத்துடன் சொன்னாள், அவள் கட்டளையை மீற முடியாமல், அடுத்த நாளே மீசை மைனசான முகத்துடன் மீண்டும் அசட்டுத்தனமாகக் காட்சியளித்தான் மணி !

- நவம்பர் 06 2008 

தொடர்புடைய சிறுகதைகள்
அன்று காலேஜிலிருந்து வீட்டிற்குத் திரும்பிய வந்தனா என்றுமில்லாமல் சோகத்துடன் வாட்டமடைந்து இருப்பதை அவள் தாயார் கமலா கண்டுபிடித்துவிட்டாள். அதற்கான காரணத்தைக் கேட்டபோது, வந்தனாவிற்கு அழுகையே வந்துவிட்டது. "வரவர பஸ்லே காலேஜுக்குப் போயிட்டு வர்றதே ஒரு நரக வேதனையா இருக்கு. கூட்டத்தை சாக்கா வச்சிகிட்டு பசங்க ...
மேலும் கதையை படிக்க...
கண்ணத்தாக் கிழவி குடிசை வாசலுக்கு வந்து பேரன் கண்ணன் சைக்கிளில் வேலைக்குப் போவதை பார்த்து ரசித்துக் கொண்டிருந்தாள். கண்ணனும் பாசத்துடன் அவளைப் பார்த்து புன்சிரிப்புடன், "ஆயா, போ உள்ளே போய் பெசாமே குந்தி ரெஸ்ட் எடு. தினப்படி பாடற பாட்டை இன்னிக்கும் பாடதே. எனக்கு இப்போவே நேரமாயிடுச்ச்சு." ...
மேலும் கதையை படிக்க...
டாக்டர் வரதனின் க்ளினிக் தி.நகர் தண்டபாணித் தெருவிலிருந்த அந்த ஹைதர் கால வீட்டின் ஒரு போர்ஷனில் இருந்தது. வரதன் மருத்துவப் படிப்பை முடித்த பிறகு, பிராக்டிசுக்காக குடக்கூலிக்கு இந்த இடத்திற்கு வந்தவர். கிட்டத்தட்ட இருபது வருடங்கள் ஒடி விட்டன. இது வரை ...
மேலும் கதையை படிக்க...
அப்பாவின் உடல்நிலை கவலைக்கிடமாகி விட்டது.. "இதோ பாரப்பா ரவி, அப்பா நிலைமை நாளுக்கு நாள் மோசமாயிண்டு போறதைப் பார்த்தா, அவர் முடிவு எந்த நிமிஷமும் வரலாம்னு தோணுது. அதனாலே நீ மேற் கொண்டு நடக்க வேண்டியதற்கு எப்பவும் தயாரா இருக்கிறது தான் உசிதம்" என்று சொல்லி டாக்டர் ...
மேலும் கதையை படிக்க...
நளினியின் பிரிவு ஒரே வாரத்தில் தன்னை இப்படிப் பாடாய்ப்படுத்தும் என்று சுரேஷ் கொஞ்சமும் எதிர்பார்க்கவில்லை. வாழ்க்கையே டல்லடித்துப் போயிற்று. வீடு சிலை இல்லாத கோவில் போல, பூ இல்லாத சோலை போல களையிழந்து, சூன்யமாய் நிற்கிறது. கல்யாணமாகி மூன்று மாதங்களுக்குள்ளேயே, நளினி ...
மேலும் கதையை படிக்க...
ஈவ்-டீஸிங்
ஆசை
டாக்டருக்கு மருந்து
அழைப்பு
துடிப்பு – சிலிர்ப்பு – தவிப்பு

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)