காற்றிலே காவியமாய்

 

அந்த அரங்கத்தில் பள்ளி முதல்வரின் உரை தொடங்க இன்னும் பதினைந்து நிமிடம் இருந்ததால் ஆசிரியர்கள் கூடிப் பேச ஆரம்பித்தனர்.

காவ்யா திறமைசாலி. ஒரு முறை நான் அவளின் வகுப்பில் இப்போது கடவுள் உங்கள் முன் நின்றால் அவரிடம் என்ன கேட்பீர்களோ அதை ஐந்து வரிகளில் எழுதி கொடுங்களென்றேன். அனைத்து மாணவர்களும் விதவிதமான ஆசைகளை எழுதினர். காவ்யா மட்டும் எனக்குக் கார் வேண்டும். காரில் என் அப்பாவை அருகே அமர்த்திச் செல்ல ஆசை என எழுதியிருந்தாள். இது அவளின் ஐந்தாம் வகுப்பு ஆசிரியை. அவளின் ஒன்பதாம் வகுப்பு ஆங்கில ஆசிரியையோ அவள் கவிதை, கட்டுரை எழுதுவதில் வல்லவள். எழுத்தாளருக்கான முழுத்திறமையும் அவளிடம் இருந்தது என்றனர். அவளின் மற்ற வகுப்பு ஆசிரியர்களும் அதனை ஆமோதித்தனர்.

பன்னிரண்டாம் வகுப்பு மாணவ மாணவிகள் அமைதியாக அமர்ந்து முதல்வரின் வருகைக்காக காத்திருந்தனர்.

மேடையின் ஓரத்தில் நின்று அனைத்தையும் கவனித்துக் கொண்டிருந்த காவ்யா பேசத் தொடங்கினாள்.

என் அப்பா நான் மூன்றாம் வகுப்பு படிக்கும்போதே இறந்து விட்டார். பணம் நிறைய இருந்ததால் நானும் அண்ணனும் அம்மாவால் செல்லமாக வளர்க்கப்பட்டோம். கேட்கும் அனைத்துப் பொருட்களும் உடனுக்குடன்கிடைத்தது. நான் பத்தாம் வகுப்பு படிக்கும்போது அண்ணன் படிப்பிற்காக ஹைதராபாத் சென்றுவிடவே அம்மாவும் நானும் மட்டும் இங்கு டில்லியில் வசிக்க நேர்ந்தது.

நீங்களெல்லோரும் இந்தப்பொருள் வாங்கியதால் மகிழ்ச்சி, இந்த இ டத்திற்கு சென்று வந்ததால் மகிழ்ச்சி என்று பேசிக்கொள்ளும்போது அது எனக்குச் சிறு பிள்ளைத் தனமாகத் தோன்றும். எனக்கு எல்லாம் எளிதாகக் கிடைத்தால் மகிழ்ச்சிக்கு வேறு எதையாவது தேட வேண்டும் எனத் தோன்றியது. எனக்குக் கட்டுப்பாடுகள் விதிக்கப்படாததால் நேரம் காலமின்றி வெளியில் சுற்றினேன். பள்ளி தவிர மற்றபொது இடங்களிலும் என் வயதை மீறிய ஆண்களின் நட்பு அதிகமானது. அவர்களின் புகழ்ச்சியில் மயங்கி போதைப் பொருளுக்கு அடிமையானேன். உங்களனைவரிடமிருந்தும் விலகி என்னையும் , என் பணத்தையும் உபயோகித்தவர்களின் பின் சென்றேன்.

நம் ஆசிரியர்களும் உண்மையான நண்பர்களாகிய நீங்களும் எவ்வளவோ எடுத்துக் கூறியும் அப்பழக்கத்திலிருந்து வெளிவர முடியவில்லை. கடைசியில் செய்வதறியாது இந்நிலைமையில் என் அனுபவத்தைப் பகிர்கிறேன்.

என் இனிய நண்பர்களே என் நிலைமை உங்கள் யாருக்கும் வரக் கூடாது. தன் உரையை முடித்த காவ்யா பள்ளி முதல்வர் மேடையேறி வருவது பார்த்து வழி விட்டுநின்றாள்.

முதல்வர் தம் உரையைத் தொடங்கினார்.

போதைப் பொருளுக்கு அடிமையாகி செய்வதறியாது கடைசியில் நேற்று மாலை தற்கொலை செய்து கொண்ட நம் முன்னாள் மாணவியான அதிபுத்திசாலி காவ்யாவிற்கு நாம் அனைவரும் எழுந்து நின்று இரண்டு நிமிடம் மௌன அஞ்சலி செலுத்துவோம். அஞ்சலிக்குப்பின் அவரின் உரை தொடர்ந்தது.

காற்றிலே காவியமாகிவிட்ட காவ்யா தன் உரை யாருடைய காதுகளுக்கும் கேட்கவில்லை என்பதை உணராமலேயே பேசிய பெருமிதத்தில் முதல்வரின் அருகே நின்றிருந்தாள். 

தொடர்புடைய சிறுகதைகள்
அம்மா என் மொபைல பாரு. கால் வருது. கிணற்றிலிருந்து பாட்டி இறைத்துக்கொட்டும் தண்ணீரில் குளித்துக்கொண்டிருந்த வியக்தா அலறினாள். பாம்பு காது. எங்கேயோ இருக்கு உன் மொபைல். நெனப்பு பூரா அதுல தான். தப்புடியம்மா. ரொம்ப உபயோகிச்சா காதும் கண்ணும் போயிடுமாம். அடுத்த வீட்டு ...
மேலும் கதையை படிக்க...
மருத்துவரின் குறுக்குக் கேள்விகள் முடிந்தவுடன் அவருக்கு கைபேசியில் முக்கிய அழைப்பு வந்ததால் எங்களை உட்காரச் சொல்லிவிட்டு எழுந்து சென்றிருக்கிறார். இப்பொழுது யாராவது என்னிடம் பேச வேண்டும் எனத் தோன்றியது. மதன் மருத்துவர் என்ன கேட்டார்னு கேளுங்களேன். நீங்க வெளில தானே இருந்தீங்க. என்ன கேக்கணும். சொல்ல ...
மேலும் கதையை படிக்க...
ஐஸ் கிரீம் பார்லரில் இவ்வளவு பிரச்சினை வரும் என எதிர் பார்க்கவில்லை தான். இனிமேல் பேச்சில் கவனம் தேவை. எனக்குள் நானே சொல்லிக் கொண்டேன். என்னப்பா இது வெண்ணிலா ஐஸ் கிரீம் மேல தேன் மட்டும் உட்டு கொடுத்திருக்காங்க. எனக்கு சாக்கலேட் சிப்ஸ், ...
மேலும் கதையை படிக்க...
அம்மா போரடிக்குது. எங்கேயாவது வெளியில் போகலாமா? தொடர்ந்து நச்சரிக்கும் குட்டி ஸ்ருதியை அழைத்துக் கொண்டு செல்ல இடம் ஆலோசிக்க ஆரம்பித்தனர். ‘அரை மைல் தூரத்தில் புதியதாக மால் திறந்திருக்கிறார்கள் கூட்டிக் கொண்டு போய் வா’ என்றாள் பாட்டி கோமதி. மும்பையிலிருந்து கோடை விடுமுறைக்காக வந்திருக்கும் ...
மேலும் கதையை படிக்க...
வேல எல்லாம் முடிச்சாச்சா. போகும் போது ஞானத்துக்கிட்ட சொல்லிட்டுப் போ. பக்கத்து வீட்டு மாமி பாக்கணும் னு சொல்லிச்சின்னு. உங்க ரெண்டு பேருக்கும் வேற பொளப்பில்ல போ. வருசக் கணக்குல இதே பாட்டு தான். வேலைக்காரி சலித்துக் கொண்டே சென்றாள். கோமளி மாமி ஈசிச் சேரில் ...
மேலும் கதையை படிக்க...
பி.ஜி.ஜி
என் மனத்தோழி
மனதின் குரல்
ஆடையில் ஓட்டையிடும் இராட்சதர்கள்
அருகருகே வெகு தொலைவில்…

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)