Warning: Cannot modify header information - headers already sent by (output started at /home/content/42/10186442/html/index.php:2) in /home/content/42/10186442/html/wp-content/themes/Clipso/functions.php on line 189
Sirukathaigal - Sirukathai - Short Stories in Tamil

உள்ளும் புறமும்

 

உள்ளும் புறமும்“ஹலோ சார்…”

“சூரஜ்?”

“எஸ் சார்…”

“உட்காருங்க…”

“‘இங்க’ல்லாம் வேண்டாம் சார்…”

“சரி… டேக் யுவர் சீட்… யூ லைக் திஸ் ஆபீஸ்?’’

“ரொம்ப சார்…”

“எஞ்சினீரிங் முடிச்சது இந்தியாலதானே?”

“ஆமா சார்…”

“வேலைலாம் எப்படிப் போகுது?’’

“டைட்டா போகுது சார்…”

“அது ஓகே… பிடிச்சிருக்கா..?”

“ரொம்ப…”

“படிச்சது மெக்கானிக்கல் இல்ல?”

“ஆமா சார்…”

“செய்யற வேலைக்கும் படிச்ச படிப்புக்கும் சம்பந்தம் இருக்கற மாதிரி இருக்கா?”

“…”

“என்னடா ஒரு எலக்ட்ரிக்கல் என்ஜினீயர் நம்ம லைனைப் பத்திப் பேசறானேனு பாக்கிறியா?”

“இல்லை சார்… சம்பந்தம் இருக்கற மாதிரிதான் தோணுது. போகப்போக படிச்சது நிறைய யூஸ் ஆகும்னு நினைக்கிறேன்…”

“ஓகே… நான் கேட்க வந்தது இது இல்ல… கொஞ்சம் பர்சனலா பேசலாமா?”

“சார்?”

“வேலைல சேர்ந்து ஒரு நாலு மாசம் இருக்குமா?”

“நாலரை மாசம் ஆச்சு…”

“ஊர்ல படிச்சு முடிச்ச உடனே இங்க அபுதாபி வேலைக்கு வந்துட்ட இல்லையா?’’

“எஸ் சார்… இதுதான் முதல் ஜாப்…”

“அபுதாபி பிடிச்சிருக்கா?”

“எஸ் சார்”

“ஹோம்சிக்லாம் ஒண்ணும் இல்லையே?”

“அப்படியெல்லாம் ஒண்ணும் இல்லையே… ஏன் கேட்கிறீங்க..?”

“அப்புறம் ஏன் எந்த பார்ட்டிலயும் கலந்துக்க மாட்டேன்ற? போன வாரம் நடந்த உங்க டிபார்ட்மென்ட் பார்ட்டிலயும் கலந்துக்கலையாமே? இது மட்டுமில்ல… அபுதாபியில் இருக்கற எந்த மாலுக்கும் இதுவரை போனதே இல்லையாமே?”

“இதெல்லாம் உங்களுக்கு…”

“எப்படித் தெரியும்னு கேட்கறியா? அது முக்கியம் இல்லை. விசயத்துக்கு வா… ஏன் இப்படி விட்டேத்தியா இருக்க?”

“அப்படியெல்லாம் ஒண்ணும் இல்லை சார்…”

“எதுவாயிருந்தாலும் சொல்லு. கூட வேலை செய்யற ஒரு ஒர்க்கரா கேட்கல… என்னை உன் அண்ணனா நினைச்சுக்கோ…”

“நிஜம்மா அப்படி எதுவும் இல்லை சார்…”

“சரி… முதல் சம்பளத்துல என்ன வாங்கின?”

“….”

“நான்லாம் உன்னோட வயசுல அதுவும் ஃபாரின் வேலைக்கு வந்து முதல் சம்பளம் வாங்கினதும் என்ன வாங்கலாம்னு எத்தனை அயிட்டம் லிஸ்ட் போட்டு வச்சிருந்தேன் தெரியுமா? இந்த வயசுல நீ இப்படி இருக்கறது ஆச்சரியமா இருக்கு. சரி முதல் சம்பளம் வாங்கினதும் என்னதான் செஞ்சே?’’

“எங்க அப்பாகிட்ட கொடுத்தேன்…”

“முழு சம்பளத்தையுமா?”

“சார்… இவ்வளோ அக்கறை எடுத்து கேட்கறதால உங்ககிட்ட சில விஷயங்களை சொல்றேன். உங்களோட வச்சுக்கோங்க… எங்க அப்பா இங்க அபுதாபியில் ஒரு பில்டிங்கில நாதூரா (வாட்ச்மன்) இருக்கார். சம்பளம் எவ்ளோ தெரியுமா? எண்ணூறு திர்ஹாம். அதை வச்சுதான், நாங்க மூணு பிரதர்ஸ், எங்களையெல்லாம் ஊர்ல படிக்க வச்சார்.

நானும் என் தம்பியும் இப்ப எஞ்சினியர்ஸ். இன்னொரு தம்பி எஞ்சினீரிங் படிச்சிட்டிருக்கான். நினச்சுப் பாருங்க… எண்ணூறு திர்ஹாம்ல எங்க காலேஜ் பீஸ் கட்டி, வீட்டு செலவுக்கு பணமும் அனுப்பி… மீந்த காசுல, அப்படி என்ன மீந்திருக்கும்னு எனக்குத் தெரியல, அவரும் சாப்பிட்டு… நல்ல வேளை… பில்டிங் நாதூர்ன்றதுனால தங்கற இடம் ஃப்ரீ… நானும் தம்பியும் வேலைக்குப் போனதும் முடிவு பண்ணோம். இனிமேலாவது அவரை நல்லா வச்சுக்கணும்னு…”

“உன் தம்பியும் அபுதாபியில் வேலை செய்றானா?”

“இல்லை சார், அவன் துபாய்ல இருக்கான்…”

“சரி…”“சம்பளம் வந்ததும் அப்படியே கொண்டு போய் எங்க அப்பாகிட்ட குடுத்துருவோம். எங்களை ஆளாக்க வாங்கின கடனை கொஞ்சம் கொஞ்சமா அடைக்க ஆரம்பிச்சிருக்கோம். ரொம்ப நாளா அவர் முகத்துல இருந்து காணாமப் போயிருந்த சிரிப்பும் நிம்மதியும் இப்பதான் கொஞ்சமா எட்டிப் பாக்க ஆரம்பிச்சிருக்கு. மால் பக்கம்லாம் ஏன் போறதில்லன்னு கேட்டிங்கல்ல.

காலேஜ்ல கடைசி வருஷம் படிச்சிட்டு இருக்கற எங்க தம்பியை ஒரு நல்ல வேலைல சேர்த்து விடணும். கடனை எல்லாம் முழுசா அடைக்கணும். ஏதாவது ஆசைப்பட்டு வாங்கிடு வோமோனு பயந்தே மால் பக்கமே போறதில்ல. அப்படியே வாங்கினாலும் அவர் ஒண்ணும் சொல்லப் போறதில்ல… அவர் என்னமோ எங்களை ஏதாவது வாங்கிக்குங்கடானுதான் சொல்லிட்டு இருக்கார். எங்களுக்குத்தான் மனசு வரல. இன்னும் கொஞ்ச காலம் இப்படியே ஓட்டிட்டோம்னா அப்புறம் மால் பக்கம் போயிக்கலாம்னு முடிவு செஞ்சிருக்கோம்…’’

“…”

“நீங்க வற்புறுத்தி கேட்டதாலதான் இதையெல்லாம் சொன்னேன். சாரி சார்…”

“இட்’ஸ் ஓகே சூரஜ்…”

“ஒரு டவுட் சார்… இப்படி டிபார்ட்மென்ட் பார்ட்டிக்கெல்லாம் போகாம இருக்கறது தப்பா சார்?”

“தப்பா… நீ தப்பே பண்ண முடியாது சூரஜ்… கவலைப்படாமே போய் உன் வேலையைப் பார்…”

“ஹலோ சூரஜ்…”

“ஸ்பீக்கிங்…”

“டேய் குணாடா… அரைமணி நேரமா ட்ரை பண்ணிட்டிருக்கேன். மொபைல் வேற ஆஃப் பண்ணி வச்சிருக்கே?”

“சார்ஜ் இல்லைடா… ஒரு மீட்டிங்கில் இருந்தேன். இப்ப சொல்லு…”

“நாளைக்கி வீக் எண்ட்… நம்ம சேகர் ரூம்ல பார்ட்டி… வந்துரு…”

“நான் இல்லாமலா?!”

- 13 Sep 2019 

தொடர்புடைய சிறுகதைகள்
கியான் செத்துப் போனாளாம். விழாக் காலங்களில் மைக் செட் போடும் மதியழகன், பார்க்கும் எல்லோரிடமும் சொல்லிக் கொண்டிருந்தான். யாருமே அதை அவ்வளவு பொருட்படுத்தியதாய் தெரியவில்லை. அழகப்பர் தன் பெட்டிக்கடையில் உட்கார்ந்தபடி வருவோர் போவோரிடமெல்லாம் தன் பிள்ளைபற்றிய இழிபுராணத்தைப் பாடிக்கொண்டிருந்தார். டீக்கடை கோவிந்தன் சூடான ...
மேலும் கதையை படிக்க...
கையில இருக்கிற கல்யாண அழைப்பிதழ பாக்கறச்ச, கண்ல ஜலம் முட்டிண்டு வர்றது. இப்பதான் ஜானு மாமி, தன் பொண்ணுக்கு கல்யாணம் கட்டாயம் வந்துடுன்னு சொல்லிக் குடுத்துட்டுப் போறா. அதைப் பார்த்ததும் ஏனோ எனக்கு அழுகை வந்துடுத்து. பசங்கல்லாம் ஒரு மாதிரிப் பார்க்கறதப் ...
மேலும் கதையை படிக்க...
மேடையின் வலது மூலையில் அமர்ந்திருந்த அமலா, மேடைக்கு இடது மூலையில் நண்பன் ஒருவனோடு உட்கார்ந்து இருந்த ரகுவை அவ்வப்போது ஒரு கண் பார்ப்பதும் அவன் பார்வை தன்னிலேயே நிலைத்திருப்பதைக் கண்டதும் உடனே வேறு பக்கம் திரும்பி யாரையோ பார்த்து பொதுவாக ஒரு ...
மேலும் கதையை படிக்க...
சொல்லாத சொல்லுக்கு
சங்கர் அதை எதிர்பார்க்கவில்லை. முகம் குப்பென்று வியர்த்தது. பாக்கெட்டிலிருந்து கர்சீப்பை எடுத்து முகத்தைத் துடைத்துக் கொண்டான். பக்கத்தில் உட்கார்ந்திருந்த என்னிடம், ""என்னதிது குமார்?'' என்றான். எனக்கும் ஒன்றும் புரியவில்லை. ""என்ன பண்ண அவரை?'' என்றேன். அந்த நபர், நாங்கள் உட்கார்ந்திருந்த இருக்கையில் இருந்து இரண்டு ...
மேலும் கதையை படிக்க...
தியாகு மாதிரி இருந்தது. தியாகராஜன். எட்டாவது வரை உடன் படித்தவன். இத்தனை வருடங்கள் கழித்து இப்படி இங்கு ஒரு ஓட்டலில் வைத்து பார்ப்பேன் என்று நிச்சயமாய் நினைக்கவில்லை. ஒரு அலுவலக நண்பனோடு, ஆழ்வார்பேட்டையில் மாதந்தோறும் கடைசி சனிக்கிழமைகளில் நடைபெறும் இலக்கிய கூட்டமொன்றுக்கு போய் ...
மேலும் கதையை படிக்க...
அதற்குள் அப்படியொன்று இருக்குமென்று சத்தியமாக எதிர்பார்க்கவே இல்லை. அதன் விளைவாக நடந்த அத்தனை நிகழ்வுகளையும் நினைவுக்கு கொண்டு வந்து போட்டது, மைக்கேல் சாரை, அவரின் மனைவியோடு எதிர்கொள்ள நேர்ந்த இந்த மாலைப் பொழுது. தம்பதி சமேதராய் எதிரில் கடந்து போனவருக்கு என்னை அடையாளம் தெரியவில்லை. ...
மேலும் கதையை படிக்க...
நிறை மாத வயிறோடு அந்த பேருந்து நிறுத்தத்தில் டாக்ஸிக்காக காத்துக் கொண்டிருந்தாள் பிரேமா. அபுதாபியில் காலை வெயிலோடு நல்ல தூசுக் காற்று வீசிக் கொண்டிருந்தது. கடந்து போன டாக்சி ஒன்றில் பயணிகள் நிறைந்து காணப்பட்டது. ஒன்பது மணிக்கு ஆஸ்பத்திரியில் இருக்கவேண்டும். செல்பேசியில் ...
மேலும் கதையை படிக்க...
கண் விழித்தவுடன் அன்றைக்கு செய்ய வேண்டிய வேலைகள் குறித்து ஒரு அலையோடி மறையும். வேலை நாள், ஓய்வு நாள் எதுவாக இருந்தாலும் முரளியின் நாட்கள்தொடங்குவது இப்படியே. பல் விளக்கி தேநீர் குடித்து முடிப்பதற்குள் செய்ய வேண்டியவை குறித்த ஒரு கால அட்டவணை மனதுக்குள் ...
மேலும் கதையை படிக்க...
கையில் இருந்த பீடியைக் கடைசி இழுப்பு இழுத்துவிட்டு, தூர எறிந்தான் பாலு. பஞ்சாலையில் இருந்து சங்கு ஊதும் சத்தம் கேட்டது. நைட் ஷிப்டுக்கான அழைப்பொலி. முன்பென்றால், இந்நேரம் கிளம்பி வேக வேகமாக வேலைக்கு போயிருப்பான். இப்போது எந்த வித அவசரமும் இல்லாமல் நடந்து கொண்டிருந்தான். வேலை ...
மேலும் கதையை படிக்க...
ஒரு காதல் கதை!!
பேசி முடித்து தொலைபேசியை அதன் இடத்தில் வைத்த சந்திராவைப் பார்த்து ‘‘என்னடி ஆபீஸ் கிளம்பணுமா?’’ என்றாள் அவள் அம்மா. அன்று சனிக்கிழமை விடுமுறை நாள். விடுமுறையில் கூட வேலைக்குப் போகணுமா என்பதுதான் அம்மா கேட்க வந்தது. ஆனால், அம்மா எப்போதும் இப்படித்தான் ...
மேலும் கதையை படிக்க...
கியான்
குழந்தையின் தாய்
கண்ணெதிரே தோன்றினாள்
சொல்லாத சொல்லுக்கு
கடன்
காக்கைச் சிறகினிலே
பார்வைகள்
ஞாபகம்
பஞ்சு மனசுகள்
ஒரு காதல் கதை!!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)