Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

இவர்கள்..!

 

இவர்கள்..!

(கரு 1 கதை 3)

1

மாலை. கடைசியாய் எடுத்த பன்னிரண்டாம் வகுப்பு விடைத்தாளின் முதல் பக்கத்திலேயே தாமோதரனுக்கு அதிர்ச்சி, ஆனந்தம்.

‘கண்ணா ! லட்டுத் தின்ன ஆசையா !? ‘ சட்டென்று மூளைக்குள் மின்சார பல்பு பிரகாசமாக எறிய….. மீண்டும் படித்தான்.

‘ஐயா! நான் நிர்மலா. சிறு வயதிலிருந்தே ஆங்கில கல்வி வழியில் படித்து வந்ததால் தமிழ் எனக்குக் கஷ்டம். சுமாருக்கும் கீழ். தமிழைத் தவிர மற்ற பாடத்தேர்வுகளை நன்றாக எழுதியுள்ளேன். தாங்கள் திருத்தும் இந்த விடைத்தாளில் எனக்குப் பாஸ் மார்க் போட்டு என்னை வெற்றி பெறச் செய்தால் பிராயச்சித்தமாகத் தங்களுக்கு என்னையே அர்ப்பணிக்கத் தயாராய் உள்ளேன். தாங்கள் மதிப்பெண்கள் அளிப்பதற்கு வசதியாய் சரியோ தவறோ…. தேவையான கேள்விகளுக்கு பதில் எழுதி பக்கங்களை நிரப்பியுள்ளேன். என் வேண்டுகோளை முடித்ததும் தங்கள் விருப்பத்தை நிறைவேற்ற அணுக வேண்டி கைபேசி எண்.8675758234 திருச்சி.’

‘அட ! காரியம் இன்னைக்கே ஜெயம் !’

‘கண்ணா ! ரெண்டாவது லட்டுத் தின்ன ஆசையா ?!’ அடுத்தப் பல்பும் குதூகலத்துடன் எறிய…..தாமோதரன் மேம் போக்காக படித்துவிட்டு எண்பது மதிப்பெண்களை அள்ளி வீசிவிட்டு வெளியே வந்து அவசர அவசரமாக கை பேசி எடுத்து எண்களை அழுத்தி……

”ஹலோ நிர்மலா !” அழைத்தான்.

”மன்னிக்கனும். நான் நிர்மலா இல்லே நிர்மல். நான் திருச்சி இல்லே திண்டுக்கல். மதிப்பெண்கள் போட்டதற்கு நன்றி வணக்கம்.” அவன் பேசி வைத்தான்.

தாமோதரன் வேர்வை வழிந்த முகத்தை அழுந்தத் துடைத்தான்.

—————————-

2

தாமோதரன் வீட்டில் நுழைந்த அடுத்த விநாடியே …

”நிர்மலா !” கர்ஜித்து…. வந்தவள் கன்னத்தில் மாறி மாறி அறைந்தார்.

”வீட்டுக்கு வந்ததும் வராததுமாய் பெத்த மகளைப் போட்டு வெறித்தனமா எதுக்கு இந்த அடி அடிக்கிறீங்க ? ” மனைவி பார்வதி குறுக்கே பாய்ந்து தடுத்தாள்.

”நான் தமிழ்ல மட்டம். மார்க் போட்டு பாஸ்பண்ண வைத்தால் என்னையேத் தருவேன்னு விடைத்தாள்ல எழுதி இருக்காள். படிச்ச எனக்குக் கொதிச்சுப் போச்சு. பெத்த அப்பன் கையில கெடைச்சதால தப்பிச்சாள். இல்லே நல்லவன் கையில கெடைச்சாலும் தப்பிப்பாள். அதுவே ஒரு பொறுக்கி கையில கெடைச்சிருந்தால்…..என்ன நிலைமைன்னு யோசனைப் பண்ணிப் பாரு.” கத்தினார்.

பார்வதி ஸ்மதம்பிக்க….. நிர்மலா தலைகுனிந்தாள்.

————————-

3

தாமோதரன் வீட்டில் நுழைந்த அடுத்த விநாடியே…

”நிர்மல் !” அழைத்து….. வந்தவன் கன்னத்தில் பளார் பளார் என்று அறைய…

அவன் அதிர்ந்தான். புரியாமல் ஸ்தம்பித்தான்.

”எதுக்கு வயசுக்கு வந்தவனை இப்படி அடிக்கிறீங்க ? ” பார்வதி பாய்ந்தாள்.

”அவன் தமிழ் விடைத்தாளை இன்னைக்கு நான் திருத்தினேன். நான் பொண்ணு. தமிழ்ல மட்டம். அதிகம் மதிப்பெண்கள் போட்டு பாஸ் பண்ண வைத்தால் நான் என்னையேத் தருவேன்னு எழுதி, கைபேசி எண்ணையும் குறிச்சிருக்கான். என்ன ஏமாத்தல் வேலை இது ? ” கத்தினார்.

”அது ஏமாத்தல் இல்லேப்பா? ஜொள்ளுக்காரனுக்கு செருப்படி!” சொல்லிவிட்டு நிர்மல் அந்த இடத்தை விட்டு வேகமாக நகர்ந்தான்.

தாமோதரன் அயர்ந்தார். சிலையாக நின்றார். 

தொடர்புடைய சிறுகதைகள்
மத்திய அரசு தணிக்கை அதிகாரி ராஜசேகரன் அறையிலிருந்தபடி ஜன்னல் வழியே வெளியே பார்த்தார். கண்ணுக்குக் குளிர்ச்சியாய் வெளியே பச்சைப்பசேல் காடு. அப்படியே வீட்டைச் சுற்றி அச்சு அசலாய் ராணுவ வீரர்;கள் போல் ஏ.கே. 47, பைனாக்குலருடன் தீவிரவாதிகள் காவல். இங்கு வந்து இன்றோடு ...
மேலும் கதையை படிக்க...
"ஐயா ! ஒரு ஐநூறு வேணும் ! " பண்ணையார் நாச்சியப்பனுக்குப் பக்கத்தில் வந்து பணிவாய் நின்று தலையைச் சொரிந்தான் பரமசிவம். வயசு நாற்பது. சாய்மான நாற்காலியில் சவகாசமாக கால்மேல் கால் போட்டுக்கொண்டிருந்தவர் "ஏன்டா ?" - ரொம்ப உரிமையாய்க் கேட்டார். தன் தகுதிக்குக் ...
மேலும் கதையை படிக்க...
தோழி வீட்டிற்கு இரண்டு நாட்கள் விருந்தாளியாகச் சென்று திரும்பிய மகள் தீபிகா வீட்டில் நுழைந்த அடுத்த நொடியே அந்த அதிர்ச்சி செய்தி சொல்லி தலையில் குண்டைத் தூக்கிப் போடுவாள் என்று கொஞ்சமும் எதிர்பார்க்கவில்லை திருவேங்கடம். வரன் அமைவதெல்லாம் இறைவன் கொடுத்த வரம். வேண்டாமென்றால் ...
மேலும் கதையை படிக்க...
உங்களுக்குப் பேரளத்தாரைத் தெரியாது. அவர் எங்கள் கிராமத்து ஆசாரி. அவர் பிறந்து வளர்ந்ததெல்லாம் பேரளம். எப்படியோ எங்கள் புளியங்குடி கிராமத்தில் சுமார் ஐம்பதாண்டுகளுக்கு முன் குடியேறி....வாழ்ந்து வருவதால் அந்தப் பெயர். அவர் சொந்தப் பெயர் கிராமத்தில் சத்தியமாக யாருக்கும் தெரியாது. அறுபத்தைந்தைத் தாண்டிய ...
மேலும் கதையை படிக்க...
எதிர் வீட்டிற்கு வேலையாய்ச் சென்ற மனைவி திரும்பி வரும்போது சுருசுருவென்று வந்தாள். ''உங்களுக்கு நல்ல இடம் பெரிய இடம் பார்த்துப் பழகத் தெரியாது.'' முணுமுணுத்து அருகில் அமர்ந்தாள். ''என்ன ?'' துணுக்குற்றேன். ''எதிர்வீடு.....எவ்வளவு தாய் புள்ளையாய்ப் பழகுறாங்க. அவுங்க மனசு வருத்தப்படுறாப்போல நடந்துக்குறீங்களே நியாயமா ?'' ...
மேலும் கதையை படிக்க...
நேர்மையின் நிறம் சிகப்பு….!
காவல் நிலையம்…!
இந்த வரன் வேண்டாம்…..!
தவறுதலான தவறுகள்…!
பாடம் !

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)