இலவசம்!

 

சபேசன் வீட்டு ‘கேட்’டை திறந்து கொண்டு மூன்று இளம் பெண்கள் வீட்டிற்குள்ளே நுழைந்தார்கள். விற்பனை பிரதிநிதிகளாக இருக்கலாம்! இனி மேல் பகலில் கூட வெளிக் ‘கேட்’டிற்கும் பூட்டு போட்டு விட்டால் தான், இந்த தொல்லையை தவிர்க்க முடியும் என்று சபேசன் நினைத்துக் கொண்டார். ஆண்களாக இருந்தால் கேட்காமல் உள்ளே நுழைந்தற்கு கடுமையாக ஏதாவது சொல்லியிருப்பார்.

தன்னைப் பார்த்து சிரித்துக் கொண்டே வரும் அழகான இளம் பெண்களிடம் ஒரு ஆணால் எப்படி கடிந்து பேச முடியும்? அவரும் ஒரு அசட்டுச் சிரிப்பு சிரித்துக் கொண்டே “வாங்க!…வாங்க!…” என்று வரவேற்றார். அவர்கள் மூன்று பேர்கள் தோள்களிலும் ஒவ்வொரு பெரிய பை நிறைய புத்தகங்களை தொங்க விட்டிருந்தார்கள்!.

“சார்!…. எங்க கம்பெனியை பிரபல படுத்தும் முயற்சியை எடுத்து வருகிறோம்! அதற்கு உங்களைப் போன்ற படித்தவர்களுக்கு நிறைய புத்தகங்களை இலவசமா கொடுத்து ஆதரவைத் திரட்டுவதற்காக நாங்க வந்திருக்கிறோம்! …”

“அப்படியா!….ரொம்ப சந்தோசம்! இப்படி உள்ளே வந்து உட்காருங்க!” என்று அந்தப் பெண்களை உபசரித்தார் சபேசன்.

இலவசம் என்ற வார்த்தைக்கு நமது சமுதாயத்தில் நல்ல மதிப்பு இருக்கிறது!

“இந்த பெரிய சைஸ் ஆக்ஸ்போர்டு டிக்ஸ்னரி 1500 ரூபா…இது முற்றிலும் இலவசம்!..இந்தா பிடியுங்க…” என்று அந்த பெரிய சைஸ் டிக்ஸ்னரியை அவர் கைகளில் வைத்தாள் முதலில் பேசிய பெண்.

அடுத்து ஒரு புத்தகத்தை எடுத்து “இது லேட்டஸ் அட்லஸ் சார்!…இது 1000 ரூபா விலை….இதுவும் இலவசம்…தான்!.”அதையும் அவர் கைகளிலிருந்த டிக்ஸ்னரி மேல் வைத்தாள் இன்னொரு பெண்!

மற்றொரு பெண் தன் கைப் பையிலிருந்து கனமான மூன்று புத்தகங்களை எடுத்து,. “ இது பிரபலமான ரஷ்ய நாவல்….இன்னொன்று சிறுவர் இலக்கியம்….அடுத்தது ஆரோக்கியம் சம்பந்தப்பட்ட நூல்….எல்லாமே உங்களுக்கு இலவசம் தான் என்று வரிசையாக சபேசனில் கைகளில் அவைகளை அடுக்கினாள்.

சபேசனின் கைகள் கனம் தாங்காமல் வலித்தது. அதே சமயம் மனசு இலவசங்களை நினைத்து குதூகலித்தது.

“சார்….இது எங்க கம்பெனி தயாரிப்பு பற்றிய விபரங்கள் அடங்கிய புத்தகம்!…இதன் விலை வெறும் 1000 மட்டுமே!…இந்த ஒரு புத்தகத்தை மட்டும் நீங்க விலைக்கு வாங்கினாப் போதும்….மற்றதெல்லாம் உங்களுக்கு இலவசம்!…”

சபேசனின் கைகளிலிருந்த புத்தகங்கள் எல்லாம் அவரை அறியாமல் நழுவி விட்டன!

இந்தக் காலத்தில் யாரும் எதையும் இலவசமாகத் தரமாட்டார்கள்! அப்படி நமக்கு ஒருத்தர் இலவசமாக எதையாவது தருகிறார் என்றால், அவர் நமக்கு கொடுத்ததை விட, உயர்ந்த எதையோ அவர் நம்மிடம் எதிர் பார்க்கிறார் என்று அர்த்தம்!

அதை மட்டும் நாம் புரிந்து கொண்டால் நாடே முன்னேறி விடாதா?

- புதுகைத் தென்றல் பிப்ரவரி 2015 

தொடர்புடைய சிறுகதைகள்
“நேற்று ஏண்டி நீ நடைப் பயிற்சிக்கு வரலே?....” பூங்காவுக்குள் நுழைந்ததும் தோழிகள் மாற்றி மாற்றி சித்ராவைக் கேள்வி கேட்டார்கள்! “ அதை ஏண்டி கேட்கிறே?...எல்லாக் கடைகளிலும் ஆடி தள்ளுபடி போட்டிருங்காங்க! முதலிலேயே போனா நல்ல புடவைகளா ‘செலக்ட்’ பண்ணலாம்!...அதுதான் கடைவீதிக்குப் போயிட்டேன்!” “ அப்ப ...
மேலும் கதையை படிக்க...
அந்த புற நகர் பகுதியில் அங்கொன்றும் இங்கொன்றுமாக வீடுகள் முளைத்துக் கொண்டிருந்தன. நவநீதம் அங்கு புது வீடு கட்டி, தன் மனைவியாடு குடி வந்து ஆறு மாசம் தானிருக்கும். நவநீதத்திற்கு அறுபத்தி ஐந்து வயசாகி விட்டது. இந்த வருஷம் வெயில் கொடுமை அதிகமாக இருப்பதால் ...
மேலும் கதையை படிக்க...
“ சித்ரா!....சித்ரா!...ஏண்டி அலாரம் அடிப்பது கூடத் தெரியாமே அப்படி என்னடி தூக்கம்?...எழுந்து வாடி!....”என்ற அம்மா கண்மணியின் சத்தம் கேட்டு திடுக்கிட்டு எழுந்து உட்கார்ந்தாள் சித்ரா. காலை ஐந்து மணி. அதற்குள் அம்மா ஆரம்பித்து விட்டாள் ‘படி!..படி!.’ என்ற ராமாயணத்தை!. முகத்தைக் கழுவிக் கொண்டு, வேறு ...
மேலும் கதையை படிக்க...
“ ஏண்டி! நேற்று நம்ம வீட்டில் முன் பக்கம் காலியாய் இருந்த போர்ஷனைப் பார்த்தவங்க ‘எங்களுக்குப் ரொம்பப் பிடிச்சுப் போச்சு.............நாளைக்கு அட்வான்ஸோட வருகிறோம்.’....’.என்று சொல்லிவிட்டுப் போனாங்களே அந்தப் பார்ட்டி இன்னைக்கு வந்தாங்களா?...”.” “அவங்க அட்வான்ஸோட நம்ம வீட்டுக்கு வந்த பொழுது, உங்க அம்மா ...
மேலும் கதையை படிக்க...
கதிரேசனுக்கு எழுபது வயசு பூர்த்தியாகி விட்டது. வயசானவர் என்பதற்கு அடையாளமாக சுகர், பிரஸர், மூட்டு வலி எல்லாம் நிரந்தரமாக வந்து விட்டது. அதனால் முன்பு மாதிரி எதற்கெடுத்தாலும் பைக்கை எடுத்துக் கொண்டு வெளியில் போவதை நிறுத்திக் கொண்டார். முடிந்த வரை பூஜை, புனஸ்காரம் ...
மேலும் கதையை படிக்க...
தோழி!
ஓட்டு வேட்டை! – ஒரு பக்க கதை
கல்லுக்குழி!
தொட்டி!
பிரியம்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)