அசையும் சொத்தும் அசையா சொத்தும்

 

தேர்தல் வரப்போகிறது. பத்திரிகைகளில், செய்திச் சேனல்களில் வேட்பாளர்களின் சொத்து விபரங்கள் வெளியாகி பரபரப்பை ஏற்படுத்தி கொண்டிருக்கின்றன.

தினசரி காலை மாலை செய்தித்தாளைப் படித்துவிடும் பழக்கம் உள்ள, சென்னை புறம்போக்குப் பகுதி ஒன்றில் குடுசை போட்டுத் தங்கியிருக்கும் தினக் கூலி வேலை செய்யும் முனுசாமிக்கும் தன சொத்து விபரங்களைத் தெரிந்துக் கொள்ள ஆசையாக இருந்தது. டாஸ்மாக் தண்ணி மயக்கம் இல்லாத ஒரு காலைப் பொழுதில் தன மனைவி மாரியம்மாவுடன் இது குறித்து கலந்து உரையாடினான். குடி தண்ணீர் ஒன்று விட்டு ஒரு நாள் வரும் அந்தப் பகுதியில் குழாய்ச் சண்டையெல்லாம் முதல் நாளே முடிந்து விட்டதால் ஆசுவாசமாக இருந்த மாரியம்மாளும் அவனுடன் விலாவாரியாகத் தங்கள் சொத்து விபரங்களை அலசினாள் .

“இந்தப் பொறம்போக்கு குடிசையை என்னிக்காச்சும் எதாச்சும் கட்சிகாரங்க கலச்சுப் போட்டுருவாங்க. அதனால இத்த நம்ம சொத்தில சேர்க்கமுடியாது. நல்ல யோசிச்சிப் பார்த்தா அப்பப்ப அடுப்புல ஏத்தி எறக்குறனே இந்த அலுமினிய குண்டானுங்க, தண்ணி பிடிக்கிற நாலு பிளாஸ்டிக் கொடங்க, நசுங்கிப் போன ரெண்டு அலுமினியத் தட்டுங்க, உடுத்திக்கினுக்கற கிழிசலைத் தவிர இன்னொரு கிழிசப்பொடவை அதான் சொத்து இந்த வூட்டுல” என்றாள் மாரியம்மா.

“எனிக்கு மட்டும் இன்ன வாழுதாம்?” என்றான் முனுசாமி. “இன்னா? கட்டிக்கினுக்கிற கிழிச லுங்கியைத் தவிர எக்ஸ்டிராவா அரணாக்கயத்தில ஒரு தாயத்து தொங்கினுக்கினு கீது. அதில்லேமே! அவ்ளோ பெரிய பணக்காரங்களாகீறாங்க இந்த அரசியல்வாதீங்க? கோடி கோடியா சொத்து கீது, ஆனா ஒரு கார் கூட இல்லேன்னு லிஸ்ட் குடுக்கிறாங்க? அத்தாம்மே அதிசியமா கீது!”

“அப்படியா சொல்றாங்க? அதோ பாத்தியா ஓம் புள்ள கைலே? ரெண்டு காரு!” என்றாள் மாரியம்மா கிண்டலாக.

குப்பையில் பொருக்கி வைத்து ரெண்டு வயதுக் குழந்தை மகிழ்ச்சியோடு வைத்து விளையாடிக்கொண்டிருக்கும் ரெண்டு உடைந்து போன பொம்மைக் கார்களை பார்த்தான் முனுசாமி.

“அது இன்னாம்மே அசையும் சொத்து, அசையா சொத்துன்னிட்டு பிரிச்சி வச்சி வெவரம் காட்டறாங்க? நமக்கு அந்த மாதிரி ஏதாச்சும் இருக்குதா?” என்று சற்று விவரமான தன மனைவியிடம் அக்கறையாக சந்தேகம் கேட்டான் முனுசாமி.

“இல்லாம இன்னா? இதோ, ஒடஞ்ச காரை வச்சிக்கினு வூட்டுக்குள்ளாரயே ஓடியாடி வெளையாடிக்கினுக்கீதே நம்ம புள்ள?. அதுதான் நம்ம அசையும் சொத்து, அதோ! சீக்கு வந்து இன்னும் போவாம, பூமிக்கு பாரமா, மூலேல சுருண்டுக்கினு கீதே ஒங்காத்தா, அதுதான் நாம அசையா சொத்து.” மாரியம்மா விலாவாரியாக விளக்க, பிரமிப்போடு கேட்டுக்கொண்டிருந்தான் முனுசாமி. 

தொடர்புடைய சிறுகதைகள்
அனிதாவுக்கு பற்றிக் கொண்டு வந்தது. பரத்தைக் குளிப்பாட்ட வேண்டும், வயிற்றுக்கு ஏதாவது கொடுத்து பள்ளிக்குக் கிளப்ப வேண்டும். இன்றைக்கென்று பார்த்து குழந்தைக்கு 'மூடே' சரியில்லை.அனிதாவின் கோபம் பரத் மேல் இல்லை. பரத் அழுவது, அனிதா பரபரப்பது எல்லம் தெரிந்தும், தலையே நிமிராமல் ...
மேலும் கதையை படிக்க...
எழும்பூரில் ரெயில்வே குவார்ட்டர்ஸில் வசித்து வந்த எங்களுக்கு ரெயில்வேயில் பணி புரிந்து வந்த எங்கள் தாத்தா பணியிலிருந்து ஓய்வு பெற்றதும் தான் வாழ்க்கையில் மாற்றங்கள் ஆரம்பித்தன. பாட்டி கூடத்தில் கால் நீட்டி அமர்ந்து தன் நீண்ட கூந்தலைப் பின்னி பிச்சோடாவாக முடிந்து ...
மேலும் கதையை படிக்க...
கூட்டம் நெரிந்தது. கோலாகலமான டிசம்பர் சங்கீத சீஸன்! எல்லா சபாக்களிலும் மத்யான நேர கச்சேரி மேடைகள் வளரும் இசைக் கலைஞ்ர்களுக்கென்றே பிரத்யேகமாக. முதல் கச்சேரிக்கு வந்த கும்பல் அப்படியே அடுத்த கச்சேரிக்கும் அமர்ந்து விட்டது. அடுத்த கச்சேரிக்கு, அந்த பிரபலமாகி வரும் இளம் ...
மேலும் கதையை படிக்க...
கடற்கரைக்குச் செல்லும் சாலையில் நீள நெடுக நடந்து கொண்டிருந்தார் நடராஜன். காலை வீசிப் போட்டு நடக்கும் இந்த நடைப்பயிற்சி தான் எவ்வளவு சுகமாக இருக்கிறது என்று எண்ணிக் கொண்டார். கூடவே மனதிற்கும் அல்லவா பயிற்சி? 'சள சள'வென்று பேசிக்கொண்டே ஒரு குழுவாக ...
மேலும் கதையை படிக்க...
ஆடி வெள்ளிக்கிழமை! ஆடி வெள்ளிக்கிழமையென்றாலே மைத்ரேயியின் அலுவலகத்தில் பட்டுப்புடவை சீருடைதான். இன்று என்ன புடவை கட்டிக் கொண்டு போவது என்று யோசித்துக் கொண்டு இருந்தாள் மைத்ரேயி. படுக்கையறை கட்டிலின் மீது புடவைகளை கடை பரப்பிக் கொண்டு உட்கார்ந்தாள். நிச்சியதார்த்தப் புடவை? சம்பங்கி வண்ணத்தில் வைர ஊசிகள் ...
மேலும் கதையை படிக்க...
சின்ன முள்ளும் பெரிய முள்ளும்
மாற்றங்களும் ஏற்றங்களும்
சங்கீத சௌபாக்யமே!
மனசு, அது ரொம்பப் பெரிசு!
இவர்களும் வேலைக்குப் போகும் பெண்கள் தான்!

அசையும் சொத்தும் அசையா சொத்தும் மீது ஒரு கருத்து

  1. பாக்கெட் சைசில் , சிறுகதைகளின் விதிகளுக்குட்ப்பட்ட ஒரு நல்ல கதை. வாழ்த்துக்கள்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)