விபத்து

 

காலை ஒன்பது மணி.

அந்தத் தனியார் அலுவலகம் அப்போதுதான் மெல்ல இயங்க ஆரம்பித்திருந்தது.

அரக்கப் பரக்க உள்ளே நுழைந்த பிரேமா, மாலதியிடம் சென்று, “ஏய் மாலா…உன்னோட சங்கருக்கு ஜி.எச். முன்னால ஆக்ஸிடெண்ட் ஆயிருச்சு. லாரிக்கு அடியில சங்கர்னு தெரிஞ்சதும் எனக்கு தூக்கி வாரிப் போட்டிருச்சு.. அவரை ஜி.எச்-லதான் அட்மிட் பண்ணியிருப்பாங்க” என்றாள்.

மாலதி பரபரப்பானாள்.

உடம்பு வியர்த்து மனம் கலக்கமுற மானேஜர் அறைக்குச் சென்று விடுப்பு எடுத்தாள். வெளியே ஓடி வந்து கிடைத்த ஆட்டோவில் நுழைந்து அவசரமாக ஜி.எச்.போகச் சொன்னாள்.

சங்கருக்கும் அவளுக்கும் எட்டு மாதப் பழக்கம். அடுத்த மாதம் அவர்கள் திருப்பதியில் திருமணம் செய்துகொள்ள முடிவெடுத்திருந்தார்கள். ஆட்டோ சிக்னலுக்காக நின்றது. மாலதி பொறுமையிழந்தாள்.

‘சங்கர், நீங்க இல்லாத வாழ்க்கையை என்னால கற்பனை செய்யக்கூட முடியாது. நல்லவங்களைத்தான் கடவுள் அதிகம் சோதிக்கிறார்..” – புலம்பினாள்.

‘ஏழுமலையானே, எங்களை நல்லபடியா வாழவிடு… திருமணம் முடிஞ்ச கையோட உனக்கு நான் அங்கப் பிரதட்சணம் செய்யறேன் !’ – கண்கள் கலங்க வேண்டினாள்.

சிக்னல் கிடைத்து பத்து நிமிடப் பயணத்தில் ஆட்டோ ஜி.எச்.வாசலில் நின்றதும் இருபது ரூபாய் நோட்டை டிரைவர் கையில் திணித்துவிட்டு உள்ளே ஓடினாள்.

காஷூவாலிட்டியில் விசாரித்து மாடிப் படிகளில் தாவியேறி சங்கர் அட்மிட் ஆகியிருந்த அறையை அடைந்தாள். முகமெல்லாம் ஏராளமான கட்டுகளுடன் சங்கர் மயக்க நிலையில் இருந்தான்.

நர்ஸ் ஒருத்தி இவளிடம், “பின் மண்டையில் பெரிசா அடிபட்டிருக்கு… மத்தபடி ஆபத்து ஒண்ணுமில்லை.” என்றாள்.

சற்று ஆசுவாசமடைந்த மாலதி தன் கைப்பையைத் திறந்து நான்காக மடிக்கப் பட்டிருந்த அன்றைய தினசரியை எடுத்து, அவனுக்கு விசிறிக் கொண்டிருக்கும்போது புயலென உள்ளே நுழைந்தாள் ஒரு பெண்.

சங்கரைப் பார்த்து, “என்னங்க என்னைத் தவிக்க விட்டுட்டுப் போயிடாதீங்க” என்று தன் தாலியைப் பிடித்தபடி பெரிதாக அழ ஆரம்பித்தாள்.

அடுத்த கணம் அருகேயிருந்த மாலதியிடம், “நீங்க என் புருஷனோட வேலை செய்யறீங்களா?” என்றதும் மாலதி அதிர்ந்து போய்க் கண்களில் நீர் முட்ட பதிலேதும் பேச முடியாமல் எச்சில்கூட்டி விழுங்கினாள்.

- ஆனந்த விகடன் (6-6-1993) 

தொடர்புடைய சிறுகதைகள்
“கல்யாணத்துக்கு அப்புறமும் வாரக் கடைசியில் வீட்டிற்கு இந்த மாதிரி அர்த்த ராத்திரில குடிச்சுட்டு வராதடா.... உருப்படறதுக்கு வழியைப்பாரு..” “இல்லப்பா கல்யாணத்துக்கு அப்புறம் கண்டிப்பா எல்லாத்தையும் விட்டுடுவேன்.” “நான் உன்னை மாதிரி சின்ன வயசுல இருக்கும்போது குடிப்பது என்கிறது மிகப்பெரிய அசிங்கம்....கேவலமான விஷயம். ஆனா இப்ப ...
மேலும் கதையை படிக்க...
ஆறு வருடங்களாக நான் பவித்ராவைக் காதலிக்கிறேன். அவள்தான் என் சுவாசக் காற்று, வருங்கால மனைவி. ஆனால் எங்கள் காதல் சற்று வித்தியாசமானது. நான் இன்னமும் அவளை நேரில் சந்தித்ததில்லை. இன்றைக்கு நான் ஒரு நல்ல நிலையில் இருப்பதற்கு அவள்தான் முக்கிய காரணம் ...
மேலும் கதையை படிக்க...
என் பெயர் ரகுராமன். . வயது இருபத்தியாறு. சொந்தஊர் சென்னையின் தியாகராயநகர். மிகச் சமீபத்தில் அரசுடைமையாக்கப்பட தேசிய வங்கி ஒன்றில் வேலை கிடைத்து திருநெல்வேலியின் ஒரு சிறிய கிராமமான திம்மராஜபுரத்தில் போஸ்டிங். . வங்கியில் சேர்ந்த முதல் வாரமே மிகவும் சீனியரான வரதராஜனின் நட்பு கிடைத்தது. ...
மேலும் கதையை படிக்க...
எனக்கு வயது இருபது. எனக்குள் கடந்த நான்கு வருடங்களாக சினிமாவில் நடிக்க வேண்டும் என்கிற துடிப்பும் ஆசையும் அதிகமாகிவிட்டது. ஒவ்வொரு வகுப்பிலும் இரண்டிரண்டு வருடங்கள் படித்து, இப்பதான் +2 முடித்தேன். ஆனால் ரிசல்ட் இன்னமும் வரவில்லை. பரீட்சை எழுதின எனக்குத் தெரியாத ரிசல்டா? சின்ன ...
மேலும் கதையை படிக்க...
எனக்கு தற்போது வயது அறுபது. நான் பள்ளியில் படிக்கின்ற காலங்களில் எனக்குப் படிக்கவே பிடிக்காது. படிப்பு என்றாலே எனக்கு எட்டிக்காய். பள்ளியில் வாத்தியார் சொல்லிக் கொடுத்ததை படித்து அதை ஞாபகம் வைத்துக்கொண்டு, வீட்டிலும் அவைகளைப் படித்து வாரத் தேர்வுகளும், மாதத் தேர்வுகளும், குவார்ட்டர்லி, ஆபியர்லி, பைனல் ...
மேலும் கதையை படிக்க...
சைவம்
பவித்ரா
ராஜாத்தி
தங்க மீன்கள்
பள்ளிக்கூடம்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)