வலி!

 

விடாமல் அடித்த போனை கல்பனா தான் எடுத்தாள். திருப்பூரிலிருந்து சித்தி மகள் பேசினாள்

“அக்கா!….அப்பாவுக்கு ஹார்ட் அட்டாக்….காலமாகி விட்டார்….”

“அப்படியா?…..அட அடா.!…எப்ப எடுப்பாங்க?”

“மாலை ஆறு மணி ஆயிடும்!……”

“சரி!…நான் வந்து விடுகிறேன்…நேரில் பேசிக்கலாம்!”

இரண்டு மாதம் கழித்து இரவு பத்து மணிக்கு மேல் போன்.

கல்பனாவின் கணவர் ராஜசேகரன் தான் போனை எடுத்தார். கோவையிலிருந்து அவருடைய பெரியப்பா மகன் சுந்தரம் பேசினார்.

“அண்ணா….அம்மா காலமாகிட்டாங்க.!…”

“அப்படியா?…”

அதற்குள் கல்பனா புருஷன் பக்கத்தில் வந்து என்ன ஏது என்று விசாரித்தாள்.

ரிசீவரை ஒரு கையால் மூடிக்கொண்டு சுந்தரத்தின் தாயார் காலமான செய்தியைச் சொன்னார்.

“அப்படியா?….சரி எப்ப எடுப்பாங்கனு கேளுங்க….” என்று ராஜ சேகரிடம் சொன்னாள் கல்பனா.

அடுத்த மாசம் பொள்ளாச்சியிலிருந்து வந்த போனை கல்பனா தான் எடுத்தாள். ராஜ சேகரின் மாமா பேசினார்.

“கல்பனா…அத்தை காலமாகிட்டாங்க…ராஜூவைக் கூட்டிட்டு நீ பொள்ளாச்சி வந்திடும்மா!…..”

“சரிங்கண்ணா!……எப்ப எடுக்கலாமென்று இருக்கிறீங்க?…..”

“ராத்திரி ஆயிடும்!…”

அதற்குள் ராஜ சேகரன் வந்து என்ன விஷயம் என்று கேட்டு விட்டு,.“அது சரி!…..நீ எப்ப இழவு செய்தி நமக்கு வந்தாலும் …..எதற்கு எப்ப எடுக்கிறீங்க…என்று கேட்கிறே…..அவங்க துக்கத்தில் இருப்பாங்க!.அந்த நேரத்தில் அப்படி கேட்பது நல்லாவா இருக்கு?..”.

“நீங்க எழவுக்குப் போனா …எடுக்கறவரை இருந்திட்டுப் போகலாமென்று சொல்வீங்க!…..சில சமயம் அவங்க வரவேண்டும். இவங்க வரவேண்டும் என்று அங்கே லேட் பண்ணுவாங்க…இல்லாட்டா.மின்மயானத்திலே நேரம் கெடைக்கலேனு சொல்லுவாங்க….நாம அங்கே போய் காத்துக் கெடக்கனும்…எடுக்கிற நேரம் சரியா தெரிஞ்சா அந்த நேரத்துக்குப் போயிட்டு சீக்கிரமா போன வேலையை முடிச்சிட்டு வந்திடலாம்..அதற்காகத் தான்!”

அடுத்த மாதம். மேட்டூருக்கு ஒரு கல்யாணத்திற்குப் போயிருந்த ராஜ சேகரின் கார் மேல் லாரி ஏறி அவர் ஸ்பாட் அவுட். உடலை ஈரோடு அரசு மருத்துவ மனைக்கு ஆம்புலன்ஸில் கொண்டு போயிருந்தார்கள். தகவல் தெரிந்து கல்பனாவுக்கு ஏகப் பட்ட போன் கால்கள்.அதில் சிலர் ‘எப்ப எடுப்பீங்க?..’என்று கல்பனாவிடம் மறக்காமல் கேட்டார்கள்.

பாவம்!…கல்பனாவுக்கே அது நிச்சயமாகத் தெரியவில்லை! அந்தக் கேள்வியின் வலி அப்பொழுது தான் கல்பனாவுக்கு புரிந்தது! 

தொடர்புடைய சிறுகதைகள்
“ என்ன.....மேஸ்திரி.....பையன் யாரு?....” “எம் பையன் தான் முதலாளி!....இப்பவே நம்ம தொழில் நுணுக்கங்களையெல்லாம் கூடவே வச்சு சொல்லிக் கொடுத்துக் கொண்டிருக்கேன்!....” “அப்படியா?....ரொம்ப சந்தோஷம்!... இப்ப நீ வேலை செய்யற கட்டிட வேலை எந்தளவுக்கு இருக்கு?..” “ரூப் சிலாப் போட்டாச்சு....ரூப் பிரிக்கும் வரை சில்லறை வேலை செய்யச் ...
மேலும் கதையை படிக்க...
“வெற்றி!.நமக்கு நல்ல கதை கிடைத்து விட்டது!இனி பட்ஜெட்டைப்பற்றி கவலையே வேண்டாம்!.”இந்தப் படம் கதை,வசனம்,நடிப்பு மூன்றுக்கும் தேசிய விருது வாங்கி விடும்!....வசூலும் எப்படியும் எழுபது ‘சி’யைத் தொடும்!.....”” “எப்படி அவ்வளவு உறுதியாகச் சொல்கிறாய்?......” “அந்தக் கதை பத்திரிகையில் தொடராக வந்தபொழுதே பெண்கள் விரும்பி படித்த கதை! ...
மேலும் கதையை படிக்க...
மார்கழி மாதம் பிறந்தாலும் பிறந்தது. சாந்திக்கு அதே வேலையாகப் போய்விட்டது.!எல்லோரும் படுத்தவுடன், இரவு பனிரண்டு மணிக்கு வாசல் லைட்டைப் போட்டுக் கொண்டு கோலம் போட ஆரம்பித்தால் அவள் கோலம் போட்டு முடிக்க இரவு மணி மூன்றாகி விடும்.ரோடு முழுவதும் ஆக்கிரமித்துக் கொண்டு ...
மேலும் கதையை படிக்க...
பள்ளிக்கூடத்திலிருந்து வந்தவுடன் ராமு, தெருவில் விளையாடிக் கொண்டிருந்த கூட்டத்தில் கலந்து கொள்வதற்காக அவசர அவசரமாகப் புறப்பட்டான். தன்னுடைய பம்பரத்தை எடுத்துக் கொண்டு புறப்படும் பொழுது, சமையலறையிலிருந்து வந்த நெய்யின் மணம் அவனை திகைக்க வைத்தது! உடனே பம்பரத்தை சட்டை பையில் போட்டுக் கொண்டு ...
மேலும் கதையை படிக்க...
இடியோசை இன்ப சாகரன் அந்தக்கட்சியின் அங்கீகரிக்கப்பட்ட முதல் நிலைப் பேச்சாளர். கிளைக் கழகச் செயலாளர்களும், கட்சி நிர்வாகிகளும் அவர் ‘டேட்ஸ்’ வாங்க படாத பாடு படுவார்கள். காரணம் பிரியாணி கொடுத்து, காசு கொடுத்து, லாரி வாடகை கொடுத்து கூட்டத்திற்கு ஆட்கள் தேட வேண்டியதில்லை. ...
மேலும் கதையை படிக்க...
நுட்பம்!
சம்பளம்
பட்டால் தான் தெரியுமா?
மைசூர் பாகு!
நெருக்கம்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)