Warning: Cannot modify header information - headers already sent by (output started at /home/content/42/10186442/html/index.php:2) in /home/content/42/10186442/html/wp-content/themes/Clipso/functions.php on line 189
Sirukathaigal - Sirukathai - Short Stories in Tamil

யாரிடம் சொல்வேன்

 

மும்பையில் அனிதா பாண்டே யின் வீட்டில் கிட்டி பார்ட்டி களை கட்டியது. அவர்கள் குழுவில் மொத்தம் ஆறு பேர். மாதாமாதாம் ஒவ்வொருவரும் ஆயிரம் ரூபாய் கட்ட வேண்டும். பின் குலுக்கல் முறையில் யாருடைய பெயர் வருகிறதோ அவருக்கு முழுப்பணம் ஆறாயிரம் கொடுக்கப்படும். அடுத்த மாதம் குலுக்கல் சீட்டிலிருந்து அவரது பெயர் நீக்கப்பட்டு ஐந்து பேர்களின் பெயர்கள் மட்டுமே எழுதப்படும். இங்ஙனம் வருடத்திற்கு இருமுறை அனைவருக்கும் பணம் கிடைத்தது. ஒவ்வொரு முறையும் குலுக்கலில் தேர்ந்தெடுக்கப்பட்ட நபர் மற்றனைவரையும் தன் வீட்டிற்கு அழைத்து விருந்து கொடுக்கவேண்டும். விருந்தின் முடிவில் கிடைத்தபணத்தை எப்படிச் செலவு செய்யப்போகிறார் என்ற தீர்மானத்தையும் அறிவிக்க வேண்டும்.

இன்று அனிதாவின் முறை.

சமையல் காரி சுட்கிக்கு ஆணைகள் பறந்தன.

சீக்கிரம் பிரட் பக்கோடா பண்ணு.

எல்லாருக்கும் பிளேட்ல சுடச்சுட பிரட் பக்கோடாவும் பன்னீர் ஜிலேபியும் பரிமாரணும்,

கூடவே இருந்து கவனிச்சுக்கோ. அப்போதான் இந்த பார்ட்டிய பத்தி எல்லாரும் பெருமையாப் பேசுவாங்க.

அனைவரும் உண்டு முடித்தவுடன் சிறிதுநேரம் பாட்டுக்கு பாட்டு விளையாடினர்.

பின் தோழி ரேஷ்மியின் விருப்பத்துக்கிணங்க டேப் ரிக்கார்டரில்அதிக சத்தத்துடன் பாட்டு போட்டு நடனமாடிக் களித்தனர்.

மற்ற நாட்களில் கீழிருக்கும் சிறிய பூங்காவில் ஒன்றமர்ந்து பேசிக்கொண்டிருப்பர். காலையில் வேலைக்காரியும் , சமயல்காரியும் வந்து போனவுடன் ஒன்றாகச் சேர்ந்து பக்கத்தில் இருக்கும் உடற்பயிற்சிக் கூடத்திற்குச் சென்று உடற்பயிற்சி செய்வர்.

மதிய வேளைகளில் சமயல்காரி சமைத்துச் சென்ற சப்பாத்தியையும் , காய்கறியையும் உண்டபின் சிறிய உறக்கம். அதன்பின்பூங்காவில் பொழுதுபோக்கு.

மாலை ஆறு மணியிலிருந்தே சமயல்காரிக்கான காத்திருப்பு. அதன்பின் இரவு உணவு, உறக்கம். இல்லத்தரசிகளான அவர்களின் இனிய பொழுது போக்கு இப்படித்தான்.

விருந்தில் களைப்புற்றிருந்த அனைவரும் அனிதா உட்பட அவளின் பிள்ளை சமன்யு பள்ளியிலிருந்து வந்ததைப் பெரிதாகக் கண்டு கொள்ளவில்லை.

வணக்கம் ஆன்ட்டி என கைகூப்பி

அனைவருக்கும் வணக்கம் சொல்லிவிட்டு அவன் தன் அறைக்குச் சென்று விட்டான்.

சமைத்து வைத்திருக்கும் உணவை உண்டுவிட்டு வீடியோ கேம் விளையாடுவது அவன் வழக்கம். ஆனால் இப்பொழுதெல்லாம் ஒன்பதாம் வகுப்பு படிக்கும் சமன்யு மற்றவர்களின் பேச்சைக் கவனிக்க ஆரம்பித்திருந்தான்.

அறையின் பேச்சுச் சத்தம் அவன் காதுகளிலும் விழுந்தது.

சுட்கி கொண்டு வந்த டிபனைச் சாப்பிட்டுக் கொண்டே காதுகளைத் தீட்டி அம்மாவின் பேச்சைக் கேட்க ஆரம்பித்தான் சமன்யு.

அனிதா தன் ஒரே பிள்ளையான சமன்யுவை பார்த்துப்பார்த்து வளர்ப்பதாக பெருமையடித்துக் கொண்டிருந்தாள். மற்றவர்களும் அதே பாட்டைத் தான் பாடிக் கொண்டிருந்தார்கள். நேற்று பள்ளியில் நடந்த பெற்றோர் ஆசிரியர் கூட்டத்தில் கூட அவள் தன் வகுப்பு ஆசிரியையிடம்

எங்க சமன்யுக்கு வீட்ல முழு சுதந்திரம் கொடுத்திருக்கோம்.

அவனுக்கான தனி அறையில் அவன் விருப்பப்படி இருக்க அனுமதிக்கிறோம்.

இங்க இருக்கற மத்த பெற்றோர்கள் போல படிப்புக்கு பின்னாலேயே ஓட்டப் பந்தயம் மாதிரி ஓடச்சொல்றதுல எங்களுக்கு விருப்பம் இல்லாததால அவனுடைய மன மகிழ்ச்சிக்காக கீ போர்ட் , வீடியோ கேம்ஸ், ஐ பாட் எல்லாம் வாங்கிக் கொடுத்திருக்கோம்.

அவனுடைய உடல் நலத்துக்காக தினமும் சாயங்காலம் யோகா, தியானப் பயிற்சி.

மாஸ்டர் வீட்டுக்கே வந்து சொல்லிக் கொடுக்கிறார்.

இன்னும் அவளின் பட்டியல் நீண்டு கொண்டே சென்றது.

இது போல் பல இடங்களில் அம்மா பெருமையடித்துக் கொள்வதை அவன் பார்த்திருந்தாலும் தன் பள்ளியிலுமா. ..

அவள் பேசி முடித்தவுடன்

அங்கிருந்த ஒருசில பெற்றோருடன் தன் மதிப்பிற்குரிய ஆசிரியரும்சேர்ந்து அவளைப் புகழ்ந்தது ஆச்சர்யத்தை அளித்தது.

அப்பாவோ வேலை நிமித்தம் காரணமாக எதைக் கேட்டாலும் நேரமில்லை என்பார்.

அம்மாவோ சுதந்திரம் என பிதற்றிக் கொண்டு வேலைக் காரியின் மூலம் அவனின் அனைத்து தேவைகளையும் நிறைவேற்றுகிறாள்.

வர வர வீடு அவனுக்கு உயர் ரக நட்சத்திர ஓட்டலைப் போல் தோன்றியது.

எனது சிறிய சிறிய வெற்றிகளையும் , வருத்தங்களையும் யாரிடம் பகிர்வேன். போன வருடம் பிறந்த நாளைக்கு அப்பா அநாதை இல்லத்திற்கு கூட்டிச் சென்றது ஞாபகத்திற்கு வந்தது. அங்கு கூட தன் வயதொத்த நண்பர்கள் சிரித்து மகிழ்ந்து கலகலவென்று இருந்தது போல் தோன்றியது.

எனக்கு நண்பர்கள் னு யாருமில்ல. அம்மாவோட தற்பெருமை கலந்த பேச்சு எனக்கு வருத்தத்த கொடுக்குது..

என் கூட உக்காந்து பேசி அரட்டை அடிச்சி , மார்க் காக சண்டை போட்டு, உணவு ஊட்டிவிட்டு,

சில நேரம் எனக்காகவே அழுது, சில நேரம் என் வெற்றிகளுக்காக சந்தோஷப்படற மிகச் சாதாரணமான ஒரு அம்மா தேவை. எங்கேயாவது கிடைச்சா எவ்ளோ நல்லா இருக்கும் .

‘ எனக்குன்னு வேற யார் இருக்காங்க. உன்னைத் தவிர.

நீயே கேட்டுக்கோ’

என ஐ பேடில் தெரியும் பொம்மையிடம் புலம்பிக் கொண்டிருந்தான் சமன்யு. 

தொடர்புடைய சிறுகதைகள்
எந்த அப்பாவனு கேட்டுட்டானே இந்த பொடிப்பய. விசயம் என்னவா இருக்கும். மனசு போட்டு குடைந்து தள்ளியது. என்னவோ சென்னைய ரொம்ப ஒழுக்கமான உயர்ந்த இடத்தில வச்சிதான் இவ்ளோ நாள் கோட்டை கட்டிக்கிட்டு இருந்தேன். இங்கயும் இப்டித்தானா. அதிக யோசனையால் தலை லேசா ...
மேலும் கதையை படிக்க...
வேல எல்லாம் முடிச்சாச்சா. போகும் போது ஞானத்துக்கிட்ட சொல்லிட்டுப் போ. பக்கத்து வீட்டு மாமி பாக்கணும் னு சொல்லிச்சின்னு. உங்க ரெண்டு பேருக்கும் வேற பொளப்பில்ல போ. வருசக் கணக்குல இதே பாட்டு தான். வேலைக்காரி சலித்துக் கொண்டே சென்றாள். கோமளி மாமி ஈசிச் சேரில் ...
மேலும் கதையை படிக்க...
சென்னை பல்லாவரத்தில் டெக்ஸ் பன்னாட்டு நிறுவனத்தின் மானேஜர் பதவிக்கான நேர்முகத்தேர்வு இன்று. . என்னுடன் சேர்த்து மொத்தம் ஐந்து பேர் அமர்ந்திருக்கிறோம். மற்ற நால்வரிடமும் பேச்சு கொடுத்ததிலிருந்து தெரிந்தது. எல்லா விதத்திலும் இந்த வேலைக்கு நான் தான் தகுதியானவன். படிப்பு, அனுபவம் எல்லாம் ...
மேலும் கதையை படிக்க...
ஊரிலிருக்கும் போது பாட்டியிடம் பேசிக்கொண்டிருந்தது ஞாபகத்திற்கு வந்தது யமுனாவிற்கு. அம்மா ஒவ்வொரு பண்டிகையையும் சின்ன வயசில எப்படிக் கொண்டாடினாள் என்று பாட்டி சொல்லியிருந்தாள். கார்த்திகைத் திரு நாளுக்கு முந்தைய தினம் அம்மாவும், அவளின் தோழிகளும் சக்கரம் பொறுத்தப்பட்ட யானை விளக்கு, பாவை விளக்கு, ஐந்து ...
மேலும் கதையை படிக்க...
எ 2 ப்ளாக் ல குடியிருந்த மாமி காலையில 6 மணிக்கு செத்துப் பொயிட்டாங்களாம். உங்கள பூரணி அம்மா போன் பண்ணச் சொன்னாங்க. சொசைட்டி கிரவுண்டில் கால்பந்து பயிற்சி முடிந்து வீடு திரும்பிய விக்னேஷ் சொன்ன தகவல் மனதைப் பிசைய ஆரம்பித்தது. ...
மேலும் கதையை படிக்க...
அந்த அரங்கத்தில் பள்ளி முதல்வரின் உரை தொடங்க இன்னும் பதினைந்து நிமிடம் இருந்ததால் ஆசிரியர்கள் கூடிப் பேச ஆரம்பித்தனர். காவ்யா திறமைசாலி. ஒரு முறை நான் அவளின் வகுப்பில் இப்போது கடவுள் உங்கள் முன் நின்றால் அவரிடம் என்ன கேட்பீர்களோ அதை ஐந்து ...
மேலும் கதையை படிக்க...
இன்று மேகலாவின் பள்ளியில் பழைய மாணவர்கள் அனைவரும் ஒன்றிணைந்து தங்கள் அனுபவங்களைப் பகிரும் நாள். பத்தாண்டுகளுக்கு முன்பு அப்பள்ளியிலிருந்து பன்னிரண்டாம் வகுப்பு தேர்ச்சி பெற்றுச் சென்ற அவர்கள் முதன் முதலில் மீண்டும் சந்தித்த போது மகிழ்ச்சிப் பெருமிதத்தில் நனைந்தனர். மேகலா தான் முழு ...
மேலும் கதையை படிக்க...
ரொம்ப நாள் கழிச்சு நண்பன் ஜோசப் கிட்ட பேசினதுல மனசுக்குள்ள ஒரு குதூகலம். பழைய நினைவுகளோடு மொட்டை மாடியின் உச்சத்தில் ஏறி மல்லாக்கு படுத்து வானத்தைப் பார்த்துக் கொண்டிருந்தேன். இன்னும் முழுவதும்இருட்டாத அந்தி மாலைப் பொழுது. கூட்டம் கூட்டமாக பறவைகள் எங்கிருந்தோ அவசரமாக ...
மேலும் கதையை படிக்க...
ஐஸ் கிரீம் பார்லரில் இவ்வளவு பிரச்சினை வரும் என எதிர் பார்க்கவில்லை தான். இனிமேல் பேச்சில் கவனம் தேவை. எனக்குள் நானே சொல்லிக் கொண்டேன். என்னப்பா இது வெண்ணிலா ஐஸ் கிரீம் மேல தேன் மட்டும் உட்டு கொடுத்திருக்காங்க. எனக்கு சாக்கலேட் சிப்ஸ், ...
மேலும் கதையை படிக்க...
நலம் விரும்பி நல்ல சாமி விருவிருவென்று போய்க் கொண்டிருந்தார் தாலுகா அலுவலகம் நோக்கி. ஏம்வே இன்னிக்கு யாரப்பத்தி கோள் மூட்டி உடப் போறீறு. அடி பைப்பில் தண்ணீர் பிடிக்க வந்த சின்னத்தாயியின் குரலைக் கேட்டும் கேட்காததுபோல் ஓடிக் கொண்டிருந்தார் அவர். சின்னத்தாயி குடத்தை இடுப்பில் ...
மேலும் கதையை படிக்க...
மெல்லத் தெரிந்து சொல்
அருகருகே வெகு தொலைவில்…
மாம்பழ அவதாரம்
நவீன கார்த்திகை
கறிவேப்பிலை மாமா
காற்றிலே காவியமாய்
தந்தையின் மனைவி
சாமியாடி
மனதின் குரல்
மினுங்கும் தாரகை

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)