பொறுமை

 

ரகுவோடு கல்யாணம் முடிந்து, உமா புகுந்த வீட்டுக்கு வந்தாயிற்று. புறப்படும் முன் அவள் அம்மா சொன்னதை மறுபடி நினைத்துக்கொண்டாள்.

‘‘முதலில் சாமி படத்துக்கு விளக்கு ஏத்தி நமஸ்காரம் பண்ணும்மா…’’ – மாமியார் பார்வதி சொன்னாள்.

உமா ஒரு நிமிடம் தயங்கி நின்று, ‘‘பழக்கம் இல்லேம்மா… கையைச் சுட்டுக்குவேன். வெறுமனே நமஸ்காரம் மட்டும் பண்றேன்.’’ – பதிலுக்குக் காத்திராமல் பூஜையறைக்குப் போனாள் உமா. ஏதோ சொல்ல வந்த கணவர் சிவராமனைக் கையமர்த்தினாள் பார்வதி.

தன் அறைக்குப் போன உமா, நைட்டிக்கு மாறி கீழே வந்தாள். சிவராமன் கண்கள் சிவந்தன. ‘‘என்ன இது, பகல்லயே நைட்டியா?’’ – கேட்ட சிவராமன் வாயை சட்டென்று மூடினாள் பார்வதி.

இதோ… ஒரு மாதம் ஆகிவிட்டது உமா வந்து! அவளது ஒவ்வொரு செய்கையும் சிவராமனுக்கு எரிச்சல் தந்தது. மனைவிக்காக பொறுத்துக்கொண்டார்…

‘‘வீட்டிலேயே இருந்தா, மனசு அவ பண்ற தப்பு மேலேயே இருக்கும். வாங்க கோயிலுக்குப் போலாம்…’’

தங்கள் பக்கம் திரும்பியே பார்க்காத உமாவிடம் சொல்லிக் கொண்டு சிவராமனுடன் புறப்பட்டாள் பார்வதி.

வீட்டுக்குத் திரும்பி வாசலில் கால் பதிக்கும்போது உள்ளிருந்து வந்த பேச்சுக்குரல் இருவரையும் நிற்கச் செய்தது.

‘‘உமா, ஒரு மாசத்துல ஏதாச்சும் சாக்கு கிடைச்சுதா?’’ – உமாவின் தாயார் வந்திருக்கிறாள் போல… அவள்தான் பேசினாள்.

‘‘இல்லேம்மா…’’

‘‘இதோ பார் உமா… நான் புகுந்த வீட்டுக்குப் போன புதுசுல என் மாமனார், மாமியார்கிட்டே பணிஞ்சு நடந்து, அதனால பட்ட கஷ்டம்…. அப்பப்பா! தனிக் குடித்தனம் போக உங்க அப்பாவை சம்மதிக்க வைக்க ஆறு வருஷம் ஆயிடுச்சி. அந்தக் கஷ்டம் நீ படக்கூடாதுன்னுதான் முதலிலேயே ஆரம்பின்னு சொன்னேன். ரகு இப்பதான் உன் பேச்சைக் கேட்பார்… நாளாக நாளாக, கஷ்டம்.’’

‘‘நான் என்ன செய்யட்டும்… எல்லாம் பண்ணிப் பார்த்துட்டேன்… அத்தை அசைஞ்சு கொடுக்கல… என்ன செய்யச் சொல்றே?’’

சிறிது நேரம் மௌனம்.

‘‘இப்படி இருக்கும் உமா… எனக்காக வெயிட் பண்றாங்கன்னு நினைக்கிறேன். என்னைப் பார்த்ததும் பொரிஞ்சு தள்ளப் போறாங்க பார். அப்படிச் சொன்னா, அதையே சாக்கா வச்சு ஆரம்பி… ‘கோள்’ சொல்றீங்களான்னு கேளு…’’ – சம்பந்தியம்மா குரலில் சாணக்கியத்தனம் தெரிந்தது.

பார்வதி, சிவராமனைப் பார்த்து மெல்லச் சிரித்தாள்.

‘‘இப்போ புரிஞ்சுதா… ஏன் நான் மௌனமா இருந்தேன்னு? இப்ப ரீயாக்ட் பண்ணினா நம்ம பையன் நமக்கில்ல. பொறுத்துப்போம்… எல்லாம் சரியாயிடும்’’ என்றாள் கணவனிடம் ஆதரவாக!

பார்வதியைப் பெருமையாய்ப் பார்த்தபடி, கதவைத் திறந்து கொண்டு உள்ளே போனார் சிவராமன்.

‘‘வாங்க சம்மந்தியம்மா! எப்ப வந்தீங்க? சௌக்கியமா?’’ – செயற்கைப் புன்னகையுடன் உட்கார்ந்தார் சோபாவில்.

- செப்டம்பர் 2013 

தொடர்புடைய சிறுகதைகள்
ரேவதி கல்யாணம் முடிந்து புகுந்த வீட்டிற்கு வந்து சில நாட்கள்தான் ஆகியிருந்தன. அந்த வீட்டில் கடைப்பிடிக்கும் சில வழக்கங்கள் அவளுக்கு சரியாகப் படவில்லை. அதற்கு ஏற்ப தன்னை மாற்றிக் கொள்ள அவள் தயாராக இல்லை. ஈகோ இடித்தது. கணவன் ரவியிடம் சொல்லி வருத்தப்பட்டாள். “அது என்ன ...
மேலும் கதையை படிக்க...
‘என்னம்மா... பையனைப் பிடிச்சிருக்கா? பதிலே சொல்லாமல் இருக்கே!’’ - சடகோபன் தன் மகள் மாலதியிடம் மெல்லிய குரலில் கேட்டார்.மாலதி மெளனமாக இருந்தாள். காரணம், இது ரெண்டாந்தார சம்மந்தம். பிரசவத்தின்போது மனைவியை இழந்தவர்தான் மணமகன். கையில் ஒரு பெண் குழந்தை. ‘‘பையனை நல்லா தெரியும்மா! ...
மேலும் கதையை படிக்க...
‘‘இங்கே புதுசா சேர்ந்தவர்களை ராகிங் பண்ணுவாங்களா..?’’ ‘‘சேச்சே! அப்படியெல்லாம் இல்லை... யார் சொன்னது?’’ ‘‘புதுசா சேர்ந்த ஸ்டூடன்ட்ஸ் தலையில் தண்ணி ஊத்துவாங்கன்னு கேள்விப்பட்டேன்...’’ ‘‘அதெல்லாம் எப்போவோ நடந்தது... இப்போ அது மாதிரி இல்லை. ரொம்ப டிசிப்ளினா இருப்பாங்க...’’ ‘‘பேப்பரை கிழிச்சு தலையில் போடுவாங்களாமே?’’ ‘‘அப்படி எல்லாம் இல்லை!’’ ‘‘ஜூனியர்ஸோட லன்ச் ...
மேலும் கதையை படிக்க...
மாடி போர்ஷனில் கணவன்-மனைவி சண்டை இன்று வழக்கத்துக்கு மாறாக அதிகமாகக் கேட்டது. தினமும் நடப்பதுதான். கணவன் குடித்துவிட்டு வந்து மனைவியை அடிப்பது, வாய்க்கு வந்தபடி பேசுவது. பொறுக்க முடியாமல் மாடிக்குப் போனார் ஹவுஸ் ஓனர் மாணிக்கம். ‘‘இங்க பாருங்க சிவா சார்... நீங்க ...
மேலும் கதையை படிக்க...
மகள் ரம்யாவின் திருமண அழைப்பிதழை முதன்முதலில் தன் அண்ணனிடம் கொடுக்க கணவர் ரவி எடுத்துப் போவார் என்று கமலா எதிர்பார்க்கவில்லை. அவருக்கும் அவர் அண்ணனுக்கும் வெகு நாட்களாய் மனஸ்தாபம். ரவி செய்யும் எந்த வேலையிலும் தப்பு கண்டுபிடிப்பதே அவர் அண்ணனுக்கு வேலை. ...
மேலும் கதையை படிக்க...
மாற்றம் வரும் – ஒரு பக்க கதை
நம்ப முடியுமா?
ராகிங் – ஒரு பக்க கதை
உபதேசம்
தப்பு

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)
Sirukathaigal

FREE
VIEW