பெண்!

 

அந்த பூங்காவில் யாருமில்லா இடத்தில் அவனும் அவளும் தனித்து எதிரெதிரே கண்ணியமாக அமர்ந்திருந்தார்கள்.

தலைகுனிந்திருந்த அவளையே வெகு நேரமாக உறுத்துப் பார்த்துக் கொண்டிருந்த அவன், ”அஸ்வனி ! முடிவா நீ என்னதான் சொல்றே ? ” மௌனத்தை உடைத்தான்.

”மன்னிக்கனும்ப்பா. சத்தியமா இதுக்கு எனக்கு சம்மதம், உடன்பாடில்லே.!” அழுத்தம் திருத்தமாய்ச் சொன்னாள்.

”இதுதான் உன் முடிவா ?”

”ஆமா சிவா. நீ யோக்கியன், நல்லவன்னு நெனைச்சிதான் நான் இத்தனை நாளாய் உன்னோட நட்பாய் இருந்தேன். மனம் விட்டு பேசினேன், பழகினேன். இன்னைக்கு உள்ளதைச் சொல்லி சுயரூபத்தைக் காட்டி நீயும் சாதாரண மனுசன்தான் என்கிறதை நிரூபிச்சுட்டே. இனி உன் பழக்கவழக்கம், நட்பு தேவை இல்லே. முறிஞ்சாச்சு வர்றேன்.” சொல்லி வேகமாக அந்த இடத்தை விட்டு அகன்றாள்.

ஏமாற்றம். அவள் செல்வதையே வெறித்த சிவா, ‘ போடி போ. புருசன் வெளியாட்டுல இருக்கான் ஏங்கிக்கிடப்பே தொட்டுக்கலாம் நெனைச்சா…மாறய்…. கற்பு கண்றாவின்னு மறுக்குறே…! இது என்ன எடுத்தால் தெரியற சமாச்சாரமா ? பாதிப்பு வராம இருக்க எல்லா வசதியும் இருக்குன்னு சொல்லியும் போறீன்னா…. உன்னைமாதரி பொழைக்கத் தெரியாதவ உலகத்துல கெடையாது.!’ மனசுக்குள் சொல்லி எழுந்தான்.

வீட்டிற்கு வந்தபோது வாசலில் புது செருப்பு.

‘யார் ? ‘ சட்டென்று சுவர் ஓரம் ஒதுங்கினான்.

”சொல்லு நிர்மலா ?” ஆண் பரிச்சயக் குரல்.

”முடியாது ! முடியாது!”

”பயப்படாதே நிர்மலா. எந்த பாதிப்பும் ஏற்படாம இருக்க நிறைய வழிகள் இருக்கு.”

”வேணாம.; அது துரோகம்.”

”புருசன் உனக்குத் துரோகம் செய்யாமல் ராமனாய் இருப்பான்னு நெனைக்கிறீயா ?”

”துரோகத்துக்குத் துரோகம். பழிக்குப் பழி. சரி இல்லே.”

”வீண் பிடிவாதம். இளமை வீணாகக்கூடாது நிர்மலா!”

”செருப்பால அடிப்பேன். அண்ணன் நண்பனாச்சேன்னு இதுநாள்வரை உன்னோடு பேசினேன், பழகினேன். அந்த மரியாதையிலதான் உன்னை வெயில நிக்க வைச்சு பேசி அனுப்பாம வீட்டுக்குள் விட்டு பேசினேன். இதுக்கு மேல ஒரு வார்த்தை பேசினே அந்த மரியாதை இருக்காது. வெளக்கமாத்தால அடிச்சி வெளியே தொரத்துவேன். புருசன் வெளிநாட்டுல இருந்தா பொம்பளை அத்து மீறுவாள், அலைவாள் நெனைப்பா !? தமிழ்நாட்டுப் பெண். தவறமாட்டாள்.! என் அண்ணன் கோபக்காரன், கொலைக்காரன். வர்றதுக்குள்ளே ஓடிப்போயிடு போ.” கத்தினாள்.

சிவா எண்சாண் உடம்பும் ஒருசாணாக குறுக…சுவர் ஒட்டினான்.

வெங்கடேஷ் தலை கவிழ்ந்தவாறு….. வெளியே நடந்தான். 

தொடர்புடைய சிறுகதைகள்
போன் அடித்தது. வீட்டில் தினசரி வாசித்துக்கொண்டிருந்த மாசிலாமணி வயசு 55. எடுத்தார். '' அப்பா..! '' மகன் ஹரி அiழைத்தான். சென்னைவாசி. தகவல் பரிமாற்றம் கம்பெனி ஒன்றில் வேலை. '' சொல்லுப்பா....? '' '' நாளைக்கு நீயும் அம்மாவும் சென்னைக்கு வரனும். நான் சொன்ன இடத்துக்கு வந்து ...
மேலும் கதையை படிக்க...
கையில் பூக் கூடையுடன் கோயில் பக்கவாட்டில் உள்ள மரத்தில் தொட்டில் கட்டில் திரும்பியவளை நெருங்கினாள் அவள். . தொட்டில் கட்டியவளுக்கு வயது 28. நல்ல களையான முகம். எடுப்பான நாசி. அழகு சொட்டும் நல்ல அகலமான கண்கள். புருவ மத்தியில் பொட்டு. இவளை நெருங்கியவளுக்கும் ...
மேலும் கதையை படிக்க...
காலையிலேயே அம்மா வீட்டிற்கு வந்துவிட்டாள். பிரச்சனை. பக்கத்துக் கிராமத்தில் வசிக்கும் தம்பி ஒரு வருட காலமாக குடி, கூத்தியாள் என்று ஒரே களேபரம். அதனால் மனைவி மக்களை அடித்து அட்டூழியம். அடித்தால் அவன் மனைவி மக்களுடன் என் வீட்டில் அடைக்கலம். நாசமாகப் போகிற ...
மேலும் கதையை படிக்க...
நண்பனைப் பார்க்க வீட்டிற்குப் போனேன். ஓய்வு பெற்ற தமிழ் ஆசிரியரான அவன் அப்பா சந்திரசேகர் காப்பகத்திலில்லாமல் வாசலில் நார் கட்டிலில் அமர்ந்திருக்க...அருகில் பத்து வயது பேரன் கையில் தமிழ் தினசரியைப் பிடித்து உரக்க வாசித்துக் கொண்டிருந்தான். அவர் கண் மூடிக் கேட்டுக் கொண்டிருந்தார். 'காலை வேலை ...
மேலும் கதையை படிக்க...
அப்பாவிற்கு நெஞ்சு குழியில் உயிர் ஊசலாடிக்கொண்டிருந்தது. இன்றோ... நாளையோ. .. எப்போது என்று சொல்ல முடியாத அளவிற்கு ஊசலாட்டம். ஆனால்... கண்டிப்பாய் ஒரு வாரத்திற்கு மேல் தாங்காது என்பது நிச்சயம்.! வந்திருந்த சுற்றம், நட்புக்கெல்லாம் இன்னும் இழுத்துக்கொண்டிருக்கிறதே... கவலை.! டெல்லி, மும்பை, கொல்கத்தா என்று ...
மேலும் கதையை படிக்க...
பூட்டாத பூட்டுகள்…!
ரம்யா…!
எட்டாம் அறிவு !
புத்தி..! – ஒரு பக்க கதை
அப்பா..!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)