பய புள்ள….!

 

‘அட்டையாய் ஒட்டி படுத்தி எடுக்கிற மனைவி அஞ்சு நிமிசம் பிரிஞ்சாலே அமிர்தம் ! அதுவே அஞ்சு நாள்ன்னா…..?!!’ எனக்குத் தலைகால் புரியவில்லை.

மாட்டாதவரை நானும் என் பொஞ்சாதியும்…ரெண்டு புள்ளைங்க பெத்தும் ரொம்ப அன்னியோன்யம். எசகுபிசகாய் ஒருநாள் வீட்ல அடுத்தத் தெரு நிர்மலாவோட இருக்கும்போது கையும் களவுமாய் என் மகராசிகிட்டே மாட்டினேன். அன்னையிலேர்ந்து எனக்கு அடுத்தத் தெரு வாசனையே அடிக்காத அளவுக்குக் கிடுக்கிப்பிடி, கெடுபிடி. ஒரு நாள் ரெண்டு நாளில்லே. ஒன்பது மாசம்;!

”எதுக்கு இப்போ புள்ளைங்களை அழைச்சிக்கிட்டு அண்ணன் வீட்டுக்கு அஞ்சு நாள் திடீர் பயணம் ? ” உள்ளுக்குள் எழும்பிய சந்தோசத்தை அடக்கி, முகத்தைச் சுருக்கி, ரொம்ப யோக்கியப் புருசனாய் அருகில் அமர்ந்து சேதி சொன்னவளைப் பார்த்தேன்.

”பார்த்து மாசக்கணக்காய் ஆச்சு. சேதி சொல்லிட்டேன். கிளம்பறேன்!” படக்கென்று எழுந்தாள்.

‘கிளம்பின பயணத்தைத் தடை போட முடியாது ! போடுறதும் தப்பு. எந்த பொண்டாட்டி புருசன் சொல் கேட்டாள்.!? அவளுங்க நெனைச்சது, வைச்சதுதான் சட்டம்.! அதிலும் இவள் கிளம்பிப் போறது எனக்கு ரொம்ப சவுகரியம்.!’ அதை வெளியில காட்டிக்காம….

”நீ இப்படி திடீர்ன்னு கிளம்பிப் போனா… நான் சோத்துக்கு என்ன செய்ய ? ” ரொம்ப அக்கரையாய் அனுசரணையாய் வார்த்தைகளை விட்டேன்.

”ஓட்டல்ல சாப்பிடுங்க.” கைகள் சூட்கேசில் துணிமணிகளை அடுக்க ஒருமாதிரிப் பார்வை பார்த்துச் சொன்னாள்.

”ரொம்ப நல்லது. நானும் வெளியில சாப்பிட்டு ரொம்ப நாளாச்சு.” எனக்கும் கிறுவித்தனம். அவளுக்குப் புரியாது நினைப்பில் என்று முணுமுணுத்தேன்.

”அந்த ஆசை வேணாம். நான் ஒன்னும் ஏமாளி இல்லே. அவ நேத்திக்கே கிளம்பி ஊருக்குப் போயிட்டாள். திரும்ப ரெண்டு வாரமாகும். அந்த சேதி தெரிஞ்சுதான் நானே புறப்படுறேன். ஒழுங்கு மரியாதையாய் வீட்டுல ஆக்கி சாப்பிடுங்க. தன் கையே தனக்கு உதவி. ஜாக்கிரதை!” கண்டிப்பு கறாராய்ச் சொல்லி, எச்சரிப்பு பார்வை விட்டு என் பிடறியில் அடிப்பதைப்போல் பொட்;டென்று அடித்து சூட்கேசை அழுத்திப் பூட்டினாள்.

‘பாவி! படுபாவி !’ எனக்குத் தலை கிர்ரடித்தது. 

தொடர்புடைய சிறுகதைகள்
தனலெட்சுமி முகம் வாட்டமாக மூத்த மகன் வீட்டுப் படி ஏறினாள். ''என்னம்மா ? '' ''உன் தம்பிக்கு மருத்துவமனையில பெண் குழந்தைப் பிறந்திருக்கு.'' ''அதுக்கு ஏன் நீ வாட்டம் ? '' ''ஏற்கனவே அவன் குடிகாரன். இப்போ தலைச்சன் பெண். அந்த மனவேதனையிலும் அடுத்துப் பெண் பிறக்கும் ...
மேலும் கதையை படிக்க...
இரவு பத்து மணி. கட்டிலுக்கு வந்த மகேசுக்குள் மகிழ்ச்சித் துள்ளல். காரணம் இன்றைக்குத் தாம்பத்திய நாள். கணவன் மனைவி மாதச் சம்பளக்காரர்கள், அலுவலக உழைப்பாளிகள் என்றாலே தாம்பத்தியத்தில்கூட கட்டுப்பாடு என்பது காலத்தின் கோலம். என்னதான் ஆண் பெண்ணுக்கு உதவி ஒத்தாசை அனுசரணையாக இருந்தாலும் காலை...சமையல் ...
மேலும் கதையை படிக்க...
கடற்கரைக்குக் காற்று வாங்கச் சென்ற அலமேலு இடியை வாங்கிக் கொண்டு திரும்பி வந்து சோபாவில் அமர்ந்தாள். சேகரும் திவ்யாவும் நெருங்கி அமர்ந்து சுண்டல் தின்று மகிழ்ச்சியாக இருந்த காட்சி அவளால் நம்ப முடியவில்லை. நம்பாமலும் இருக்க முடியவில்லை. இடியின் உறுத்தலாய் இன்னும் மனதை ...
மேலும் கதையை படிக்க...
'விசயம் அங்கே போய் மோதாவிட்டால் முடிவிற்கு வந்து முடியாது!' என்பது தெளிவாகத் தெரிந்தது ஞானாம்பாளுக்கு. ஊரில் பெரும் புள்ளி, முக்கிய மனிதர், பஞ்சாயத்து, எந்த கொம்னாலும் அசைக்க முடியாத ஆள் தலையிட்டால் யார்தான் மிரளாமல் இருப்பார்கள்.! கட்டுப்படாமல் போவார்கள் ?! எல்லாம்....இவர்களுக்குப் பின்னால் சரியான ...
மேலும் கதையை படிக்க...
''என்னங்க! சாப்பிட வாங்க.'' அழைத்தாள் மனைவி மரகதம். ''அம்மாவுக்கும் போடு.'' என்றேன். அம்மா காலையில்தான் கிராமத்திலிருக்கும் தம்பி வீட்டிலிருந்து வந்தாள். வந்து இரண்டு நாட்கள் தங்குவாள். நல்லது கெட்டது சாப்பிட்டுவிட்டு கிளம்புவாள். அம்மாவிற்கு இங்கு கக்கூஸ் போகக் கஷ்டம். கிராமத்தில் காற்றாடச் சென்றவள். அடுத்து அவளுக்கு ...
மேலும் கதையை படிக்க...
பெண் குழந்தை – ஒரு பக்க கதை
ஞாயிறு…!
மகளுக்காக…
இன்னா செய்தாரை……..!
தாய்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)