பட்டால் தான் தெரியுமா?

 

மார்கழி மாதம் பிறந்தாலும் பிறந்தது. சாந்திக்கு அதே வேலையாகப் போய்விட்டது.!

எல்லோரும் படுத்தவுடன், இரவு பனிரண்டு மணிக்கு வாசல் லைட்டைப் போட்டுக் கொண்டு கோலம் போட ஆரம்பித்தால் அவள் கோலம் போட்டு முடிக்க இரவு மணி மூன்றாகி விடும்.

ரோடு முழுவதும் ஆக்கிரமித்துக் கொண்டு இரவு முழுவதும் கோலம் போடுவாள்.

கோலம் போட்டு முடித்தவுடன் சாந்தி , வீடு கட்டப் போட்டிருக்கும் பெரிய பெரிய கருங்கற்களை தேடிப் பிடித்து கஷ்டப் பட்டு தூக்கி வந்து, கோலத்திற்கு சுற்றிலும் வேலி போல் வரிசையாக தெருவை அடைத்துக்கொண்டு அடுக்கி வைப்பாள்.

அவர்கள் வசிக்கும் காலனி ரோடு வழியாகத்தான், பக்கத்து தெருவாசிகள் மெயின் ரோட்டிற்கு நடந்தும், டூவீலரிலும் போவார்கள். அதனால் ரோட்டில் பெரிய கற்களை கொண்டு வந்து போடாதே! அது அவர்களுக்கு இடையூறாக இருக்கும் என்று பாண்டியன் எவ்வளவோ முறை சொல்லிப் பார்த்து விட்டான். சாந்தி கேட்பதாகத் தெரிய வில்லை!.

“ உங்களுக்கு என்ன தெரியும்?….விடிய விடிய கஷ்டப் பட்டு கோலம் போடுபவர்களுக்குத்தான் அதன் அருமை தெரியும்!..” என்று சொல்லி அவன் வாயை அடைத்து விடுவாள்.அதன் பின் பாண்டியன் அதைப் பற்றிச் சொல்வதில்லை!

ஆபிஸ் வேலையாக பாண்டியன் சென்னை போயிருந்தான். சென்னையிலிருந்து வரும் எக்ஸ்பிரஸ் விடியற்காலை நான்கு மணிக்குத் தான் கோவை வரும். அதில் வரும் பாண்டியன் ஸ்டேசனில் நிறுத்தி வைத்திருக்கும் பைக்கை எடுத்துக் கொண்டு வீடு வர நாலரை மணியாகி விடும். அதனால் விடியற்காலை மூன்று மணிவரை வாசல் லைட்டைப் போட்டுக் கொண்டு சாந்தி நிம்மதியாக கோலம் போட்டாள்.அதன் பின் கற்களால் வேலி அமைத்து விட்டு, விளக்கை அணைத்து விட்டுப் போய் படுக்கும் பொழுது, மணி மூன்று முப்பது. அன்று அம்மாவாசை. தெரு விளக்கு வேறு எரியவில்லை.கும்மிருட்டு.

மணி நாலரை இருக்கும். “ஐய்யோ!…..அப்பா!…”.என்று சாந்தி வீட்டு வாசலில் பாண்டியனின் அலறல்!. விளக்கைப் போட்டுக் கொண்டு சாந்தி வாசலுக்கு ஓடி வந்தாள்..

அங்கே பாண்டியன் பைக்கோடு ஒரு கூரான கருங்கல் பக்கத்தில் விழுந்து கிடந்தான். அவன் தலையில் காயம் பட்டு தரை எங்கும் ரத்தம் பரவிக் கொண்டிருந்தது!

கஷ்டப் பட்டு முக்கி முணகி எழுந்து உட்கார்ந்தான் பாண்டியன்.

“ ஐயோ!…என்னங்க ஆச்சு?…”என்று பதறினாள் சாந்தி.

“ இருட்டில் பைக்கை தெரியாமல் ஒரு பெரிய கல் மேல் ஏற்றிவிட்டேன்! அது தடுக்கி கல் மேலேயே விழுந்து விட்டேன்!.”

“ச்சே!…சனியன் பிடிச்ச கற்கள்!..” என்று கோபத்தில் கல்லை ஓங்கி உதைத்த சாந்தி “ஐயோ!..” என்று அவளும் காலைப் பிடித்துக் கொண்டு உட்கார்ந்து விட்டாள்!

- 2014 ஜூலை 25-31 இதழ் 

தொடர்புடைய சிறுகதைகள்
அந்தப் பிரபல ஜவுளிக் கடை முன் கூட்டத்தைக் கட்டுப் படுத்த முடியாமல் செக்யூரிட்டி தடுமாறிக் கொண்டிருந்தான். “ இன்னும் கொஞ்ச நேரம் கழித்து உள்ளே போங்க சார்!....” என்று ஜவுளி எடுக்க குடும்பத்தோடு வந்தவர்களை வாசலிலேயே தடுத்து நிறுத்தினான் செக்யூரிட்டி. காரணம் உள்ளே கவர்ச்சி ...
மேலும் கதையை படிக்க...
“ஹலோ!....நான் ரமேஷ் பேசுகிறேன்!...நீங்க யார் பேசறது?...” “நான் உன் பால்ய சிநேகிதன் கேசவன் பேசுகிறேன்!....என்னைத் தெரியவில்லையா?...” அட!.....சின்ன வயசிலே கூடப் படித்த அந்தக் கேசவனா…ஐயோ! …அவனுக்குப் பொய் சொல்வது அல்வா சாப்பிடற மாதிரி! ...அவனிடம் எப்படி தப்பிப்பது என்று ரமேஷின் சிந்தனை ஓடியது! …. “ ...
மேலும் கதையை படிக்க...
சாந்தியின் அன்பு மகன் மோகனுக்கு அவனுடைய மூன்றாவது வயசிலேயே போலியோ தாக்கப்பட்டு வலது கால் சூம்பிப் போய் விட்டது. பிறப்பும், இறப்பும் யார் சொல்லியும் வருவதில்லை. அது போல் தான் இந்த ஊனமும்! யாரும் விரும்பி ஊனம் அடைவதில்லை! பிறப்பால், விபத்தால், வியாதியால் ...
மேலும் கதையை படிக்க...
விடாமல் அடித்த போனை கல்பனா தான் எடுத்தாள். திருப்பூரிலிருந்து சித்தி மகள் பேசினாள் “அக்கா!....அப்பாவுக்கு ஹார்ட் அட்டாக்....காலமாகி விட்டார்....” “அப்படியா?.....அட அடா.!...எப்ப எடுப்பாங்க?” “மாலை ஆறு மணி ஆயிடும்!......” “சரி!...நான் வந்து விடுகிறேன்...நேரில் பேசிக்கலாம்!” இரண்டு மாதம் கழித்து இரவு பத்து மணிக்கு மேல் போன். கல்பனாவின் கணவர் ராஜசேகரன் ...
மேலும் கதையை படிக்க...
சிவராமன் நியூ ஜெர்ஸிக்குப் போய் கிட்டத்தட்ட முப்பது வருஷங்களாகி விட்டன. இன்று சிவராமனும் அவர் மகன் ஶ்ரீதரும் அமெரிக்காவில் புகழ் பெற்ற டாக்டர்கள். சிவராமனின் மகன் ஶ்ரீதர் பிறந்தது வளர்ந்தது படித்தது எல்லாம் அமெரிக்காவில் தான்! சிவராமனுக்கு தன் மருமகள் தமிழ்நாட்டுப் பெண்ணாக இருக்க ...
மேலும் கதையை படிக்க...
ஆல்பம்!
எஸ்.எம். எஸ்!
உலகை மாற்றும் திறனாளி!
வலி!
தமிழ் பெண்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)