படையல் துணி!

 

துணிக்கடையிலேயே ஆரம்பித்துவிட்டது எனக்கும் என் மனைவிக்குமான முரண்.

தீபாவளி நெருக்கம். கடையில் கூட்ட கசகசப்பு. தரை தளத்தில் புடவையைத் தேர்வு செய்யத் தொடங்கியதுமே என் மனைவி, ”படைக்க ஒரு வேட்டி துண்டு எடுத்து வந்துடுங்க.” சொன்னாள். அவளால் மாடி ஏற முடியாது. முழங்கால், முட்டி வலி.

”வேணாம் பிரமிளா ! கைலி எடுத்துக்கலாம் !”

”கூடாது.! வேட்டி துண்டு வைச்சுதான் படைக்கனும்.” முகத்தைக் காட்டினாள்.

அடுத்த விநாடி எனக்கும் சுர் ஏறிவிட்டது. பொது இடத்தில் எப்படி காட்ட ? அப்படியே காட்டினாலும் அது அநாகரீகம். மனஸ்தாபம். மறு பேச்சு பேசாமல் அதே முகத்துடன் மாடி ஏறி…… வேண்டா வெறுப்பாய் ஒரு வேட்டி ஒரு துண்டு வாங்கி அப்படியே இறங்கினேன்.

என் முகத்தைப் பார்த்த அவளுக்கு என்னைப் புரிந்து விட்டது. அவளுக்குள்ளும் கோபம். வேறு பேச்சு ஏதும் பேசாமல் புடவை எடுத்தாள். நான் பணம் கொடுத்தேன்.

ஹீரோ வண்டியில் பேசாமல் ஏறி, பேசாமல் திரும்பினோம்.

வீடு வந்து உள்ளே நுழைந்ததுமே, ”ச்சே ! இந்த வீட்ல சாமின்னாலே சண்டை!” கையில் வைத்திருந்த துணிப்பைகளைத் தொப்பென்று போட்டு வெடித்தாள்.

எனக்குள்ளும் குமுறிக்கொண்டிருந்த கோபம். சட்டென்று பீரிட்டது.

”ஏய்! என்ன சொல்றே? நான் உன்னைச் சாமி கும்பிட வேணாம்ன்னு சொன்னேனா ? இல்லே…. நான் கும்பிடலை, நீயும் கும்பிட வேணாம்ன்னு கோயில் குளம்ன்னு அழைச்சுப் போகாம இருக்கேனா ?! தேவை இல்லாதது செய்ய வேணாம் என்கிறதுதான் என் புத்தி. தெரிஞ்சுக்கோ.”

எங்கள் சத்தம் கேட்டு அறையில் படித்துக்கொண்டிருந்த நிர்மல், விமல் மகன்கள் வெளியே வந்தார்;கள். பொறியியல் படிப்பு.

”எது தேவை இல்லாதது ? நரகாசூரனுக்கு வேட்டி வைச்சுதான் படைக்கனும் !” பிரமிளா கறாராய்க் கடுகடுத்தாள்.

”அவன் சொன்னானா ? அவன் கட்டி பார்த்திருக்கிறீயா ? அதான் ஐதீகமா ? யார் சொல்லிக் கொடுத்தது, எப்படி வந்தது. முன்னவங்க செய்ததுதான் ஐதீகம்ன்னா நீயும் அவர்களைப் போல் கம்பு, கேழ்வரகு தின்றீயா ? எந்த தெய்வம் படைச்சதை எடுத்துப் போய் கட்டிக்குது, திங்கிகுது. மனுசனுக்குத் தேவையானதைப் படைக்கிறோம் தின்கிறோம். இதுதான் நடைமுறை.”

”அப்பா இருந்தவரை படைச்ச வேட்டி, துண்டு உபயோகப்படுத்தினார். இப்போ அவர் இல்லே. அதனால் தேவை இல்லே. உபயோகப்படுத்தாதை ஏன் படைச்சு வைச்சு அடுக்கனும். இல்லே வயதானங்கவளைத் தேடிப் பிடிச்சுக் கொடுக்கனும். அப்படி கொடுத்தாலும் அவுங்க நிறை மனசோட வாங்குறாங்களா ? ஏதோ குறைன்னு நெனைச்சு அரை மனசா வாங்கிப் போய் கட்டிப்பாங்களோ தூக்கிப் போடுவாங்களோ யார் கண்டது. கைலி எடுத்தா எனக்கு உபயோகப்படும்ன்னுதான் எடுக்கச் சொன்னேன் நினைவு வைச்சுக்கோ.” சீறினேன்.

பதிலுக்கு பிரமிளா ஏதோ சொல்ல வாயெடுக்க……

”அட நிறுத்துங்க உங்க சண்டையை…. ” என்று நிர்மல் சொன்ன அடுத்த விநாடி…..

விமல், ”அப்பா ! நீங்க செத்தபிறகு அம்மா உங்க விருப்பத்தை நிறை வேத்துவாங்க. இப்போ தாத்தா ஆத்மா சாந்தி அடைய அம்மா ஆசை நிறைவேத்துங்க. வேட்டியை நாங்க உபயோகப்படுத்தறோம்.” சொன்னான்.

சரிதானே ! இருவரும் ஒரு சேர வாயடைத்து ஒருவரையொருவர் பார்த்தோம். 

தொடர்புடைய சிறுகதைகள்
வீட்டு முன் உள்ள தோட்டத்து மரத்தடியில் நாற்காலி போட்டு அமர்ந்து, தினசரியை விரித்துப் படித்துக்கொண்டிருந்த தணிகாசலம் முன் உள்ள நாற்காலியில் வாட்டமாக வந்து அமர்ந்தான் அவரின் பெரிய மகன். பெயர் சேகர். வயசு 27. ‘எம்.பி.ஏ. படிப்பு. நல்ல உத்தியோகம். கை நிறைய ...
மேலும் கதையை படிக்க...
ஆர்த்தி மனசுக்குள் ரொம்ப நாட்களாகவே ஒரு சந்தேகம், உறுத்தல். ' இன்றைக்கு எப்படியும் இதை தெளிவு படுத்திக் கொள்ள வேண்டும் ! ' - என்று நினைத்தவள் அருகில் நின்ற அம்பிகாவை அழைத்துக் கொண்டு தனிமையில் அமர்ந்து தினசரி படித்துக் கொண்டிருந்த சோமசுந்தரம் ...
மேலும் கதையை படிக்க...
எதிர் வீட்டு நித்யாவைப் பார்க்கப் பிரவீனாவிற்குப் பொறாமையாக இருந்தது. இவளுக்கும் அவளுக்கும் தொழில் ஒன்று. பலான தொழில். பிரவீனாவிற்கு ஆள் கிடைப்பது அரிதாயிருக்கிறது. நித்யாவிற்கு அப்படி இல்லை. நிறைய கிடைக்கிறார்கள் . தனக்கு அழகில்லையா...? எழுந்து சென்று கண்ணாடியில் பார்த்தாள். நித்யாவை விட இவள் எந்தவிதத்திலும் ...
மேலும் கதையை படிக்க...
ஒரு கைபேசி கலவரம்
இரவு மணி 10.00. அறையில் படித்துக்கொண்டிருந்த எனக்கு கை நழுவி புத்தகம் விழுந்தது நான்காவது முறை. இனி படிக்க முடியாது. தெளிவாய்த் தெரிந்தது. விழுந்த புத்தகத்தை எடுத்து மேசை மேல் வைத்து நாற்காலியை விட்டு எழுந்து அறையை விட்டு வெளியே வந்தேன். கூடத்தில் தொலைக்காட்சிப் ...
மேலும் கதையை படிக்க...
"அம்மா ! அம்மா ! இங்க வாங்களேன். அவுங்க வைத்திருக்காங்க.."மோனிகா, பரபரப்பாய் வந்து கிசுகிசுப்பாய் அழைக்க ...... 'யாராய் இருக்கும்..?'என்று நெற்றியைச் சுருக்கியவாறே மகளுடன் நடந்து வாசலுக்கு வந்த சொர்ணம்..... அங்கு நின்ற ஆளைப் பார்த்ததும் அதிர்ந்தாள். சுந்தரி..! 'இவளா..? ! ஏன் இங்கு வந்தாள்...?.... ,பூவிழந்து, ...
மேலும் கதையை படிக்க...
காதல் முடிச்சு!
மாமன் மனசு..!
தொழில் ரகசியம்..!
ஒரு கைபேசி கலவரம்
சொத்து!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)
Sirukathaigal

FREE
VIEW