நவீன கார்த்திகை

 

ஊரிலிருக்கும் போது பாட்டியிடம் பேசிக்கொண்டிருந்தது ஞாபகத்திற்கு வந்தது யமுனாவிற்கு.

அம்மா ஒவ்வொரு பண்டிகையையும் சின்ன வயசில எப்படிக் கொண்டாடினாள் என்று பாட்டி சொல்லியிருந்தாள்.

கார்த்திகைத் திரு நாளுக்கு முந்தைய தினம் அம்மாவும், அவளின் தோழிகளும் சக்கரம் பொறுத்தப்பட்ட யானை விளக்கு, பாவை விளக்கு, ஐந்து முக விளக்கு, அன்ன விளக்கு என்று பல விதமான விளக்குகளை ஒரு கூடையில் வைத்து குளத்திற்கு எடுத்துச் செல்வார்களாம்.விளக்குகளில் புளி தடவி கரையிலுள்ள மண்ணை எடுத்து தேங்காய் நாரினால் தேய்த்துபளபளக்கச் செய்வார்களாம். இதில்யார் வீட்டு விளக்கு பளிச்சென மின்னுகிறது என்பதில் போட்டி வேறு. தேய்த்தபின் கழுவி குளக்கரையில் காய வைத்து விட்டு அவர்கள் விளையாடுவதற்குள் அவை காய்ந்து விடுமாம்.

பின்னர் வீட்டிற்குஎடுத்துச் சென்று ஒவ்வொரு விளக்கிற்கும் திரியிட்டு பொட்டு வைத்து ஏற்றுவதற்குத் தயாராக அடுக்கி வைப்பார்களாம்.

பாட்டியும் மற்ற பாட்டிகளுடன் சேர்ந்து நெல்லை மண்ணுடன்சேர்த்து சட்டியில் வறுத்து அது பொரிந்தவுடன் அந்த அரிசிப்பொரியை வெல்லப்பாகு , தேங்காய்த் துருவல்சேர்த்து உருண்டையாகப் பிடிப்பார்களாம்.

பின் அப்பமும் அடையும் செய்து, பொரி உருண்டையையும் வைத்து விளக்கேற்றி வழிபடுவார்களாம்.

சகோதரன் நன்றாக இருக்கவேண்டும் என வேண்டிக் கொண்டு யானை விளக்கில் நெய் ஊற்றி ஏற்றுவார்களாம். அதே நேரத்தில் ஊர் மக்கள் செழித்துவாழ கோவில்களில் சொக்கப்பனை கொளுத்துவார்களாம்.

பள்ளிப் பேருந்தில்அமர்ந்துகொண்டே இத்தனை யோசனைகள் யமுனாவிற்கு. வீட்டிற்குள் நுழைந்தவுடன் யமுனா பேச ஆரம்பித்தாள் தொலைபேசியில்.

அம்மா இன்னிக்கு கார்த்திகை தானே. நான் பட்டுப் பாவாடை சட்டை போட்டுக்கிட்டேன். விளக்குகளை எங்க வச்சிருக்கீங்க. நீங்க வரதுக்குள்ள நான் சுத்தப்படுத்தி தயாரா வைக்கிறேன்.

விளக்கு ஏத்திட்டு நாமெல்லாரும் கோவிலுக்கு சொக்கப் பனை பாக்கப் போலாமா? .

ஒன்ணும் அவசரமில்லை. நீ ரெஸ்ட் எடுத்துக்கோ. சொக்கப்பனை நேரடி ஒளி பரப்பு டி.வி ல யே பாக்கலாம். அம்மாவின் பதிலைக் கேட்ட யமுனாவுக்கு ஒரே ஆச்சரியம்.

இப்போதே மணி ஐந்து. ஆறு மணிக்குள்ள எப்படி விளக்கேற்ற முடியும். சோகத்துடன் அமர்ந்தாள்.

அரை மணி நேரம் கழித்து அவளின் அம்மாவும், அப்பாவும் வந்தனர் கை நிறைய சாமான்களுடன்.

ஐந்தே நிமிடத்தில்அப்பா விளக்குகளைப் பெட்டியிலிருந்து எடுத்து பாலிஷ் செய்து வைத்தார். அதன் மேல்திரி போடுதற்குப் பதில் அம்மா விளக்கின் ஒவ்வொரு முகத்திலும் விதவிதமான மெழுகு வர்த்திகளை அடுக்கினாள்.

யானை விளக்கில் நெய் ஊற்ற வேண்டாமா. கேட்டுவிட்டுத் திரும்பிய யமுனாவுக்கு ஆச்சரியம். அப்பா யானை விளக்கில் சிறிய சுடர் போன்ற பல்பைப் பொருத்திக் கொண்டிருந்தார்.

அலங்கரிக்கப்பட்ட தட்டுக்களில் வெளியிலிருந்து வாங்கி வந்த கார்த்திகைப்பொரி, அப்பம், அடைகள் அடுக்கப்பட்டன. ஆறு மணிக்கு முன்னரே யமுனாவின் வீடு கார்த்திகைத் திருநாளுக்குத் தயாரானது.

இனி மெழுகுவர்த்தி விளக்கை ஏற்றி, சுவிச்சை அமுக்க வேண்டியதுதான். அவளுடைய மும்பை அபார்ட்மெண்ட்

வீட்டிலும் நவீன கார்த்திகை தீபம் ஒளிரும். 

தொடர்புடைய சிறுகதைகள்
வாசலில் கவுசல்யா தன் மகனின் வருகைக்காகக் காத்திருந்தாள். பள்ளிப் பேருந்திலிருந்து இறங்கிய ஆதித்யா வீட்டினுள் நுழையுமுன்பே தன் புத்தகப் பையிலிருந்த ஸ்கூல் டைரியை எடுத்து நீட்டினான். அம்மா என் டீச்சர் என்னை கவுன்சிலர் சைல்ட் னு சொன்னாங்க தெரியுமா, ஏதோ கவுரவப் பட்டம் ...
மேலும் கதையை படிக்க...
அம்மா போரடிக்குது. எங்கேயாவது வெளியில் போகலாமா? தொடர்ந்து நச்சரிக்கும் குட்டி ஸ்ருதியை அழைத்துக் கொண்டு செல்ல இடம் ஆலோசிக்க ஆரம்பித்தனர். ‘அரை மைல் தூரத்தில் புதியதாக மால் திறந்திருக்கிறார்கள் கூட்டிக் கொண்டு போய் வா’ என்றாள் பாட்டி கோமதி. மும்பையிலிருந்து கோடை விடுமுறைக்காக வந்திருக்கும் ...
மேலும் கதையை படிக்க...
டில்லியின் அந்த பரபரப்பான சிக்னலில் வரிசையாகக் கார்கள் நின்றவுடன் வியாபாரம் களை கட்ட ஆரம்பித்தது. இன்னும் ஒரு சிக்னல் தான். இந்தியா கேட் போயிடலாம். நாளை மறு நாள் சுதந்திர தினம். அதனால லைட் அலங்காரம் இந்தியா கேட்லேருந்து ராஷ்டிரபதி பவன் வரைக்கும் ...
மேலும் கதையை படிக்க...
ஐஸ் கிரீம் பார்லரில் இவ்வளவு பிரச்சினை வரும் என எதிர் பார்க்கவில்லை தான். இனிமேல் பேச்சில் கவனம் தேவை. எனக்குள் நானே சொல்லிக் கொண்டேன். என்னப்பா இது வெண்ணிலா ஐஸ் கிரீம் மேல தேன் மட்டும் உட்டு கொடுத்திருக்காங்க. எனக்கு சாக்கலேட் சிப்ஸ், ...
மேலும் கதையை படிக்க...
இன்று மேகலாவின் பள்ளியில் பழைய மாணவர்கள் அனைவரும் ஒன்றிணைந்து தங்கள் அனுபவங்களைப் பகிரும் நாள். பத்தாண்டுகளுக்கு முன்பு அப்பள்ளியிலிருந்து பன்னிரண்டாம் வகுப்பு தேர்ச்சி பெற்றுச் சென்ற அவர்கள் முதன் முதலில் மீண்டும் சந்தித்த போது மகிழ்ச்சிப் பெருமிதத்தில் நனைந்தனர். மேகலா தான் முழு ...
மேலும் கதையை படிக்க...
மகனின் பொம்மை வாழ்க்கை
ஆடையில் ஓட்டையிடும் இராட்சதர்கள்
என் சுதந்திரம் உங்க கையில
மனதின் குரல்
தந்தையின் மனைவி

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)