Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

தோழி!

 

“நேற்று ஏண்டி நீ நடைப் பயிற்சிக்கு வரலே?….” பூங்காவுக்குள் நுழைந்ததும் தோழிகள் மாற்றி மாற்றி சித்ராவைக் கேள்வி கேட்டார்கள்!

“ அதை ஏண்டி கேட்கிறே?…எல்லாக் கடைகளிலும் ஆடி தள்ளுபடி போட்டிருங்காங்க! முதலிலேயே போனா நல்ல புடவைகளா ‘செலக்ட்’ பண்ணலாம்!…அதுதான் கடைவீதிக்குப் போயிட்டேன்!”

“ அப்ப நீ எத்தனை புடவை எடுத்தே?……அதைச் சொல்லு முதலிலே!….” என்றார்கள் தோழிகள் எல்லோரும் ஆர்வத்துடன்.

“…….மூணு புடவைகள் எடுத்திட்டேன்… அற்புதமா அமைச்சிட்டது!…நீங்க எல்லாம் போகும் பொழுது எங்க வீட்டிற்கு வந்து பார்த்திட்டுப் போங்க!..”

நடைப் பயிற்சியை அவசர அவசரமாக முடித்துக் கொண்டு, தோழிகள் ரம்யா, மேனகா, கோகிலா எல்லோரும் ஆர்வத்தோடு, பக்கத்துத் தெருவில் இருக்கும் சித்ரா வீட்டிற்கு, அவளோடு புறப்பட்டுச் சென்றார்கள்.

தோழிகளை உட்கார வைத்து, சித்ரா ஆர்வமாக அவள் விரும்பி எடுத்த பச்சையில் மயிலிறகு போட்ட பட்டுப் புடவை, சிவப்புக் கலரில் தாமரை மொட்டுப் போட்ட சில்க் காட்டன் புடவை, மற்றும் அவள் ஆசை ஆசையாக பல கடைகள் ஏறி கண்டுப் பிடித்த எம்.எஸ்.புளுவில் அன்னப் பட்சி போட்ட காஞ்சிப் பட்டுப் புடவை எல்லாவற்றையும் எடுத்து தோழிகளிடம் காட்டினாள்.

“ ஆகா!…..நீல நிறத்தில் அன்னப் பட்சி அற்புதம்!….” என்று வியந்து முதலில் பாராட்டியவள் ரம்யா.

“ இங்கே பாருங்கடி!…இந்த .பச்சை நிறத்தில் மயிலறகு பார்டரில் கொடுத்திருக்கும் ஜரிகை மின்னுவதை!….”.என்று ரசித்துச் சொன்னாள் மேனகா.

“ அதையெல்லாம் விடுங்கடி!….. இந்த சிவப்புக் கலர் புடவை தான் சூப்பர்!….தாமரை மொட்டு எவ்வளவு அழகாக இருக்கு பாரு!.. “ என்று மற்றவர்களுக்கு அந்தப் புடவையை விரித்துக் காட்டினாள் கோகிலா!

அதற்குள் ஒரு தட்டில் இனிப்பு, ஒரு தட்டில் காரம், இன்னொரு தட்டில் சுடச் சுட பில்டர் காப்பி என்று கொண்டு வந்து தோழிகளை உபசரித்தாள் சித்ரா.

டிபனை முடித்து விட்டு அடுத்த தெருவில் இருக்கும் அவரவர் வீட்டிற்கு கிளம்பினார்கள் தோழிகள்.

போகும் வழியில் முதலில் ஆரம்பித்தவள் ரம்யா தான்! “ இந்தக் காலத்தில் போய் நீல நிறத்தில் அன்னப் பட்சி!…சுத்தப் பட்டிக்காட்டுத் தனம்!….” என்று தன் கருத்தைச் சொன்னாள்.

“ ஆமாண்டி!…சித்ராவுக்கு கொஞ்சம் கூட ரசனையை இல்லை!…சிவப்புக் கலரில் போய் யாராவது புடவை எடுப்பார்களா?…ஒரு வேளை மேல் மருவத்தூர் போக எடுத்தாளோ என்னவோ?…” என்று சொல்லி விட்டுச் சிரித்தாள் கோகிலா!

“ அதை விட கொடுமை இந்தப் பச்சைநிறம்!..இந்த பச்சை நிறமே பொதுவாக மங்கிப் போய் விடுகிறது!..இந்த லட்சணத்தில் கூத்தாடிகளைப் போல் ஜரிகை வேறு மின்னுகிறது!…சகிக்கலை!…” என்றாள் மேனகா.

பெண்களின் புடவைகள் விமர்சனமே நேரில் ஒரு மாதிரி, வெளியில் போய் ஒரு மாதிரி தான் இருக்குமோ?

- 11-11-16 

தொடர்புடைய சிறுகதைகள்
அரசு ஆய்வுக் கூடம் ஒன்றில் உயர் அதிகாரி சத்திய சீலன். அவர் மனைவி சித்ரலேகா ஒரு கல்லூரி பேராசிரியை. அவர்களுடைய ஒரே மகள் ஐஸ்வரியாவுக்கு பத்து வயசுதான் ஆகிறது. சுட்டிப் பெண். நினைத்ததை ‘பட்’ டென்று கேட்டு விடும் சுபாவம் அவளுடையது! அவளுக்கு ...
மேலும் கதையை படிக்க...
“ ஏண்டி!..மணி பதினொண்ணு கூட ஆகலே…….அதற்குள் என்னடி தூக்கம்?....எழுந்து போய் அந்த தைலத்தை எடுத்ததிட்டு வாடி!..” “ தினசரி இதே உங்களுக்குப் பொழப்பாப் போச்சு!.....ராத்திரியானா என் உசிரை எடுக்கிறீங்க!....உங்களுக்கு இந்த ஜவுளிக்கடை சேல்ஸ் மேன் உத்தியோகம் வேண்டாம்!....இந்த தீபாவளி போனஸை வாங்கிட்டு நின்னுடுங்க! ...
மேலும் கதையை படிக்க...
2054 ஆண்டு ஐனவரி மாதம் 26 ம் தேதி. ஞாயிற்றுக்கிழமை. அந்த பிரமாண்டமான கல்லூரி வளாகத்தில் நுழைவுத் தேர்வுக்கு அரசு ஏற்பாடு செய்திருந்தது. காலை 9 மணிக்கே சுமார் ஆயிரம் பேர்களுக்கு மேல் கூடி விட்டார்கள். எல்லோருடைய கைகளிலும் நோட்ஸ் புக், கைடு ...
மேலும் கதையை படிக்க...
“என்ன....சரவணா...பேப்பரில் அப்படி முக்கியமான நியூஸ்?....அம்மாவும் மகனும் அப்படி விரித்து வைத்து பார்த்துக் கொண்டிருக்கிறீங்க?.....” “அப்பா!....நேத்து சாயந்தரம் என்ன நடந்ததுனு உங்களுக்குத் தெரியாதா?..” “சொன்னாத்தாண்டா.....தெரியும்.?....” “நம்ம ரயில்வே கேட் இருக்கல்ல?.....” “நீ காலேஜூக்குப் போகும் வழியில் இருக்கே!...அதுவா?...” “அதே தானப்பா!....நேத்து மாலை 5-30 மணிக்கு வழக்கம் போல கேட் மூட ...
மேலும் கதையை படிக்க...
காலை நேரம்.‘டவுன் பஸ்’லிருந்து இறங்கி வந்த குமாரைப் பார்த்த நண்பன் முத்துசாமி “ என்ன குமாரு உன் டூ வீலர் என்னாச்சு?....டவுன் பஸ்ஸில் வருகிறாய்?..” “ தினசரி பெட்ரோல் விலை ஏறிட்டே போகுது!....டூ வீலரில் வந்தா குறைந்தது ஐம்பது ரூபா ஆகுது!....’டவுன் பஸ்’னா ...
மேலும் கதையை படிக்க...
வயசுக்கு மீறிய புத்தி!
போட்டோவில் தொங்க விடும் உறவா அது?
2054
இரண்டுமே வேறு! வேறு!
மிச்சம்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)