தங்கமே தங்கம்

 

தங்கம் விலை நாளுக்கு நாள் ஏறுவதில், செருப்பு தைக்கும் சங்கிலியாண்டிக்கு ஒரே வருத்தம். ஒரு அரைப்பவுன் தங்கமும், ஒரு நல்ல சேலையும் வாங்கப்பணம் சேர்ந்துவிட்டால் போதும். யாராவது ஒரு பொண்ணைப் பார்த்து எளிமையான முறையில் திருமணம் செய்து கொள்ளலாம் என்று கணக்குப் போட்டிருந்தான். இவனிருந்த ரோட்டின் எதிர்புறம் ஒரு வயதானவர் செருப்புத் தைக்கத் தொடங்கியதிலிருந்து இவனுக்குக் கிடைத்து வந்த சொற்ப வருமானமும் குறைய ஆரம்பித்தது.

அன்று பெய்த மழையினால், கடுமையான ஜுரம் கண்டு நடுநடுங்கிக் கொண்டிருந்தார் பெரியவர். மறைந்து போன த‎ன் தந்தை வயதையத்த பெரியவர் மேல் இரக்கம் கொண்ட சங்கிலியாண்டி அரசாங்க ஸ்பத்திரிக்கு அழைத்துச்சென்று, மருந்து வாங்கிக்கொடுத்து, அவரது குடிசையில் கொண்டு போய் விட்டான்.

கை கூப்பி நன்றி கூறிய பெரியவர் “தம்பி உனக்குக் கல்யாணம் ஆயிடுச்சா” என்று பரிவுட‎ன் கேட்டார்.

“என் மனைவியாக வரப்போகிறவளுக்குப் போட அரைப்பவுன் தங்கமும், புதுச்சேலையும் வாங்க பணம் சேர வேண்டும். அதற்காகத்தான் காத்திருக்கிறேன்” என்றான்.

“உனக்கு அந்தக்கவலையே வேண்டாம், நான் தருகிறேன்” என்றார் பெரியவர்.

அதே சமயம், சத்துணவுக்கூடத்தில் ஆயா வேலை பார்க்கும் பெரியவரி‎ன் மகள் வீடு திரும்பினாள்.

அவள் சங்கிலியாண்டியை நோக்க, சங்கிலியாண்டியும் அவளை நோக்கினான். கண்கள் கலக்க, காதலும் கனிந்தது.

இருவரது கைகளையும் கோர்த்த பெரியவர் “அரைப்பவுன் தங்கம் சம்பாதிக்க அல்லல் படுகிறாயே; இதோ என் மகள் பெயரும் தங்கம் தான். நாற்பது கிலோ சொக்கத்தங்கம்; உனக்கே தருகிறே‎ன்” என்றார் பெரியவர்

தங்கமும் சங்கிலியாண்டியும் சேர்ந்து சிரித்தனர்.

- மே 2007 

தொடர்புடைய சிறுகதைகள்
நீண்ட நாட்கள் வடக்கேயே வேலை பார்த்து வந்த நமச்சிவாயத்திற்கு ஒரு அரசுடைமையாக்கப்பட்ட வங்கியின் முதன்மை மேலாளராகப் பதவி உயர்வுடன், சொந்த ஊருக்கே மாற்றலும் ஆகி விட்டது. சுமார் முப்பது வருடங்கள் கழித்து தன் சொந்த ஊருக்கே வந்துள்ள அவருக்கு பலவிதமான மாற்றங்கள் ...
மேலும் கதையை படிக்க...
திருச்சி தெப்பக்குளம் வாணப்பட்டரைத் தெரு மாரியம்மன் கோவிலில் சித்திரைத் திருவிழா. மலையைச் சுற்றியுள்ள நான்கு வீதிகளிலும் மழை பெய்ததுபோல நீர் தெளிக்கப்பட்டு கலர் கலராகக் கோலங்கள் போடப்பட்டுள்ளன. ஆங்காங்கே மாவிலைத் தோரணங்களுடன் தண்ணீர்ப் பந்தல்கள். பானகம், நீர்மோர், உப்புடன் பாசிப் பருப்பு ...
மேலும் கதையை படிக்க...
பிஸினஸ் விஷயமாகச் சென்னைக்கு வந்திருந்த மஹாலிங்கத்தின் செல்போன் சிணுங்கியது. "குட் மார்னிங்...ஜெயா....சொல்லு" என்றார், டெல்லியிலிருந்து பேசும் தன் ஒரே அன்பு மகளிடம். ஜெயாவுக்கு குரல் நடுங்கியது. அவள் அழுது கொண்டே பதட்டமாகப் பேசுவது இவருக்குப் புரிந்தது. "அப்பா.....தாத்தா சென்னையிலே ஒரு சாலை விபத்திலே இறந்து ...
மேலும் கதையை படிக்க...
நூற்றுக்கணக்கான பேர்கள் பணியாற்றும் அந்த அலுவலக வேலை நேரம் முடிந்து அநேகமாக எல்லோரும் வெளியேறிய பின், மிகவும் தயங்கியவாறே, மேனேஜர் அறைக்குள் மிகவும் பவ்யமாக நுழைந்தான் அட்டெண்டர் ஆறுமுகம். வயது ஐம்பத்தாறு. சற்றுக் கருத்த நிறம். ஒல்லியான தேகம், நெட்டையான உருவம், ...
மேலும் கதையை படிக்க...
அன்று வெள்ளிக்கிழமை. ஆபீஸுக்கு வந்து இரண்டு மணி நேரம் கூட ஆகாத நிலையில் அந்த அழைப்பு வந்தது. "ராமசுப்பு ஸார்! ஒங்களுக்கு வீட்டிலிருந்து போன் வந்திருக்கு" மேனேஜரின் ஸ்டெனோ புன்சிரிப்புடன், குரலில் தேன் ஒழுகக் கூப்பிட்டாள். தன் டேபிளிலிருந்து தாண்டிக்குதித்து வந்து "தேங்க்யூ ...
மேலும் கதையை படிக்க...
அழகு நிலையம்
தாயுமானவள்
சூழ்நிலை
அட்டெண்டர் ஆறுமுகம்
எலிஸபத் டவர்ஸ்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)