சீர்வரிசை

 

முதலில் மேடையேறும் நடிகனைப்போல மனதில் சொல்லிப் பார்த்துக் கொண்டார் வராகசாமி. ஒட்டக் கறந்துவிட வேண்டும். தரகர் சொல்லியிருந்தார், ‘சரியான பார்ட்டி‘ என்று. ரிமோட் கண்ட்ரோலில் மனைவியின் முகம் வேறு. ஆரம்பித்தார்.

“நாங்க மிடில் கிளாஸ்தான், நகை நட்டை வித்துத்தான்..“ அவரிடம் ஸ்க்ரூ நட் கூட கிடையாது என்பது நெருங்கியவர்களுக்குத் தெரியும்.

“இதையெல்லாம் நீங்க சொல்லணுமா ?“ பெண்ணைப் பெற்றவர் பெருந்தன்மையாகச் சொன்னவுடன் வராகசாமிக்கு வேகம் அதிகரித்தது.

“பையன் பொறந்தபோது வெள்ளியிலே அரைஞாண் கட்டக்கூட வசதியில்லை.“

“இப்போ தங்கத்திலே கட்டிக்கட்டும்.“

“நெஜமாவே உங்க மனசு தங்கம்தான்.. . பையன் ஸ்கூல் போக ஒரு சைக்கிள் கேட்டான்.“

“இப்போ காரிலே போகட்டும் ஆபீசுக்கு !“

“வாடகை வீட்டிலே அவன் பட்ட கஷ்டம்.. கொத்தவால் சாவடிதான்.“

“அரண்மனை மாதிரி பங்களாவை மொதல்லே மாப்பிள்ளை பேருக்கு மாத்திட்டுத்தான் மறு காரியம்.“

“உங்க வீடு மட்டுமில்லை, மனசும் ரொம்ப விசாலம்தான்.“

“நீங்க எதுவும் சொல்ல வேண்டாம், உங்க பிள்ளை எங்களுக்கு முக்கியம். அவரோட சந்தோஷம் முக்கியம். எது வேணும்னாலும் கேளுங்க, கூச்சப்படாமல் கேளுங்க. “

நைசாக ‘பிட்‘டை எடுத்துப் பார்க்கும் பையனைப்போல பையிலிருந்து பாக்கெட் நோட்டை எடுத்தார். அதில் வெள்ளி ஸ்பூன் முதல் வைர நெக்லெஸ் வரை வரிசைப் படுத்தி இருந்தார்.

“அதை இப்படிக் கொடுங்க, ஒண்ணுவிடாம செய்துடறேன் உங்க திருப்திதான் என் திருப்தி. “

“அடடா என்ன மனசு.. என்ன மனசு.. உங்க மாதிரி சம்பந்தம் கெடைக்க கொடுத்து வச்சிருக்கணும். இனிமே ஒரு வார்த்தை பேசமாட்டோம். எல்லாம் உங்க இஷ்டம். “

“எல்லாம் உங்க இஷ்டப்படி செய்துடறேன், ஒரே ஒரு ஆசை, ரிக்வெஸ்ட், ஒரே பெண்.. ரொம்ப செல்லமா வளர்த்துட்டோம் அதனாலே… “

“பரவாயில்லை, நாங்க அட்ஜஸ்ட் செய்துக்கறோம். “

“வேண்டாம். அந்த சிரமம்கூட உங்களுக்கு வேண்டாம். பையன் வீட்டோட மாப்பிள்ளையா எங்களோட இருந்துட்டாப் போதும் சரிதானே ?“

வராகசாமி மூர்ச்சையானார்.

- ஜூன் 16 2005 

தொடர்புடைய சிறுகதைகள்
திருமணஞ்சேரி ஐயனார் குளத்தின் வடக்கு கரையில் கேட்பாரற்று நின்று கொண்டிருந்த அந்த தென்னை மரம் எதிர்க்கரை ஐயனாரையும் எப்போதாவது மட்டுமே காற்றுக்காக கதவைத் திறந்தால் பெருமாளையும் தான் பேச்சுத்துணைக்கு அழைக்க வேண்டும் ! வீட்டுக்கு வீடு குழாய், கிணறு, பம்ப் செட், ...
மேலும் கதையை படிக்க...
ஆத்திரம் ஆத்திரமாய் வந்தது. அவள் கணவன் மீது, அம்மா மீது, அப்பா மீது, தங்கை மீது, அவள் மீதே கூட ! ‘அரைவிங் பை பிருந்தாவன் ‘ என்ற அவள் தங்கை கணவன் தந்தி அவள் ஆத்திரத்தை அதிகப்படுத்தியது. சூட்டும் கோட்டுமாய் ஜம்மென்று ...
மேலும் கதையை படிக்க...
"அம்மா இன்னைக்கு ஸ்கூல்லே.. ." குழந்தை மாயா சொல்ல வந்த போது. .. அம்மாவுக்கு சமையல் வேலை, அப்பா பேப்பரில் பிசி, அக்காவுக்கு நாவல் சுவாரசியம் கடைசியில் டெலிபோன் வந்தபோது.. . ஸ்கூலில் என்னதான் நடந்தது ? குழந்தை வாயால் கேட்க மூவருமே காத்திருந்தனர். முத்து முத்தாக முகத்தில் வியர்வை தளிர்க்க, ரவிக்கை கசகசக்க, ...
மேலும் கதையை படிக்க...
எரிமலையாய் வெடித்துக் கொண்டிருந்தார் மேனேஜர் ஏகாம்பரம். அவர் எதிரே நடுங்கிக் கொண்டிருந்தான் டிரைவர் நடராஜன். "வண்டி என்ன உன் அப்பன் வீட்டு வண்டின்னு நெனைப்பா ?" "இல்லே சார். .. சின்னப்புள்ளே ரோடிலே மயக்கமா கெடந்துச்சு" "நீ இரக்கப்பட்டு நம்ம கம்பெனி வண்டியில ஆஸ்பத்திரிக்குக் கொண்டு ...
மேலும் கதையை படிக்க...
மணல் நெருடியது மனத்தை. கீழே விழுந்த அந்தப் பேன்ட்டை மறுபடியும் கொடியில் போட்டே இருக்க வேண்டாம். உதிர்ந்தது மணல் மட்டுமா ? அவள் நம்பிக்கை... கோட்டை எல்லாமுந்தான், பின்னே என்ன ? அம்பத்தூரில் ஏதோ பாக்டரியில் அப்பரென்டீசாக இருப்பவனுக்கு பீச்சில் என்ன வேலை ? கேட்டுவிட முடியுமா ? ...
மேலும் கதையை படிக்க...
அது ஒரு தனி மரம்
பெருமை
அம்மா இன்னைக்கு ஸ்கூல்லே
மெமோ
மணல்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)