Warning: Cannot modify header information - headers already sent by (output started at /home/content/42/10186442/html/index.php:2) in /home/content/42/10186442/html/wp-content/themes/Clipso/functions.php on line 189
Sirukathaigal - Sirukathai - Short Stories in Tamil

கிராமத்து சகோதரி

 

கிராமத்தில் நடைபெறும் சித்திரை திருவிழாவில் கலந்துகொள்ள குடும்பத்தோடு சென்று வரலாம் என அப்பா கோவிந்தசாமி முடிவு செய்து அம்மாவிடம் கேட்டார்.

அம்மாவும், ஆமாம் கிராமத்துக்கு திருவிழாவுக்கு போயி ரொம்ப வருஷம் ஆச்சு,இந்த வருஷம் போய் வரலாம் என்றாள்.

கவிதாவுக்கு கோயில்திருவிழாவிற்கு கிராமத்துக்கு செல்வதில் விருப்பம் இல்லை. அவள்,இந்த விடுமுறையில் பள்ளி தோழியருடன் சென்னையை சுற்றி வர வேண்டும் என நினைத்து இருந்தாள்.

ஆனால்,அம்மா சரோஜா,”நீ அடுத்து வருஷம் கல்லூரியில் சேந்துட்டா, அடுத்து நாலு வருஷத்துக்கு நாம கிராமத்துக்கு திருவிழாவுக்கு வர முடியாது,அதனால இந்த வருஷம் நாம கட்டாயம் கிராமத்துக்கு போகணும், உன்னோட தாத்தா,பாட்டியும் உன்ன பாக்கணும்னு ஆசைப்படுறாங்க என்று கூறிவிட்டாள்.

ஊருக்குள் நுழைந்த உடனேயே அந்த கிராமத்தின் செழிப்பு தெரிந்தது. பச்சைபசேலெனவயல்கள், மாந்தோப்பு,தென்னந்தோப்பு போன்றவை வழி நெடுகிலும் பார்ப்பதற்கு ரம்மியமாக இருந்தது.

வீட்டினுள் நுழைந்தவுடனேயே பாட்டி கவிதாவை கட்டிக்கொண்டு “ராசாத்தி,பாத்து எத்தனை வருஷம் ஆச்சு,என ஆசையாக பேசினாள்.தாத்தாவும் கவிதா கண்ணு எப்படிம்மா இருக்க? இந்த தாத்தா,பாட்டியைமறந்துட்டியா?என கேட்டார்

கவிதாவுக்கு இந்த கிராமத்து சூழ்நிலைபிடிக்கவில்லை.,மொபைல் போனும் நெட் ஒர்க் கிடைக்காமல் யாருடனும் சாட் செய்யமுடியவில்லை.

பொழுது போக்கு அம்சங்கள் எதுவும் இல்லை. சென்னையில் சகல வசதிகளையும்அனுபவித்துவிட்டு, கிராமத்தில் எதுவும் கிடைக்கவில்லை என்பதை அவள் பெரிய குறையாக நினைத்தாள்.

கிராமத்தின் எல்லையில் மாரியம்மன் கோவில் இருந்தது. நிறைய தற்காலிக திருவிழா கடைகள்போட்டிருந்தார்கள். ள்மைக் செட் அமைத்து சினிமா பாட்டுக்களை அலறவிட்டார்கள். கரகாட்டம்,இரவில் கூத்து நாடகங்கள் மெல்லிசை கச்சேரி போன்றவை தினமும் நடைபெற்றது.

சித்தப்பா பெண் ஈசுவரியை ஊரை சுற்றிக்காட்ட சொல்லி கவிதாவுடன் அனுப்பிவைத்தார்கள்.

அவள் மிகவும் அமைதியாக பேசினாள்,கிராமத்து பள்ளியில் எட்டாம் வகுப்பு படிப்பதாக கூறினாள்.அவளுக்கு நீண்ட நாட்களுக்கு பிறகு அக்காவை பார்த்ததில் மிகவும் சந்தோஷமாக இருந்தது.

இக்கிராமம் விவசாயத்தை தவிர மற்றபடி இன்னமும் வளர்ச்சி அடையாத குக்கிராமமாகவே இருந்தது. ஊரில் திருவிழா நடைபெறுவதால் பக்கத்து கிராமங்களில் இருந்தும் மக்கள் வந்துபோய்க் கொண்டிருந்தார்கள்.

சித்தப்பா மகள் ஈஸ்வரி,கவிதாவை அழைத்துக்கொண்டு தாத்தாவின் தென்னம்தோப்பு, மாந்தோப்புக்கு சென்றாள்.

ஈஸ்வரி, அக்கா,அக்கா என்று கவிதாவுடன், ஆசையுடன் பழகினாலும்,கவிதாவுக்கு,அவளின் கிராமத்து பேச்சும்,உடல் அசைவுகளும,பிடிக்கவில்லை. அவள்ட்கேள்விகளுக்கெல்லாம்,அவளை

கேலி செய்தும்,அவள் கிராமத்திலேயே இருப்பதால் அவளுக்கு ஒன்றும் தெரியாது என்றும் மட்டம் தட்டி பதில் கூறினாள்.

ஈஸ்வரி, அருகில் உள்ள அரசாங்க பள்ளியில் தமிழ் வழி கல்வி படிப்பதாலும்,பெற்றோர் படிக்காதவர்கள்,விவசாயத்தில் ஈடுபட்டு வந்ததாலும்,நகரத்தில் படிக்கும் பிள்ளைகளை போல தன்னை அனைத்து விஷயங்களிலும் வளர்த்து கொள்ள முடியவில்லை.

ஈஸ்வரிக்கு, கவிதா தன்னை கேலி செய்கிறாள் என்று புரிந்தபோதும்,அக்காதானே கேலி செய்கிறாள் பரவாயில்லை என்று ஏற்றுக்கொண்டாள்.

கவிதா,ஈஸ்வரியை கேலி செய்வதையும்,அவளிடம் பேசும்போது

எப்போதும்,சிடு,சிடுவென்று இருப்பதையும் கவனித்த அவளது பெற்றோர்கள் கவிதாவிடம் இவ்வாறு

நடந்து கொள்ள கூடாது என்றும், அவள் உன் சகோதரி என்றும், கடிந்துகொண்டார்கள்

கவிதா,எனக்கு இங்கு இருக்கவே பிடிக்கவில்லை, மிகவும் bore ஆக இருக்கிறது, போன் கூட சரியாக இயங்கவில்லை,நாம் உடனே ஊருக்கு போகலாம் என்றாள்.

அப்பாவும்,அம்மாவும் இன்னும் இரண்டு நாளில் திருவிழா முடிந்தவுடும்,பிறகு நாம் ஊருக்கு புறப்பட்டு விடலாம் என சமாதானம் செய்தனர்.

மறுநாள்,மீண்டும் திருவிழா கடைகளை பார்த்துவிட்டு சகோதரிகள் இருவரும் அருகில் இருந்த குளக்கரைக்கு சென்றனர்.

அங்கு ஆண்களும்,பெண்களும் எதிர்,எதிர் கரைகளில் குளித்துக்கொண்டிருந்தனர்.

தண்ணீரை பார்த்தவுடன்,கவிதா ஈஸ்வரியிடம்,தான் குளத்தில் இறங்கி குளிக்க போவதாக கூறினாள்.

ஈஸ்வரி,அவசரமாக,வேண்டாக்கா, அப்பா,அம்மா சத்தம் போடுவாங்க,இந்த குளம் ஆழமானது என்றாள்.ஆனாலும்,கவிதா குளிக்க குளத்தில் இறங்கி விட்டாள்.

ஈஸ்வரி,கரையில் அமர்ந்து பார்த்து கொண்டிருந்தாள்.

அருகில் குளித்துக்கொண்டிருந்த கவிதா,சற்று முன்னேறி செல்ல ஆரம்பித்தாள்,அதை பார்த்த ஈஸ்வரி பயத்துடன் ரொம்ப உள்ள போகாதீங்க, சேத்துல மாட்டிக்கிடுவீங்க எனக்குரல் கொடுத்தாள்,

எனக்கு நீச்சல் தெரியும்,நீ கவலைப்படாதே என கூறிக்கொண்டே இன்னமும் நகர்ந்து சென்றபோது,அவளது வலது கால் சேற்றில் மாட்டிக்கொண்டது,ஆழமான பகுதி ஆகையால்,அவள் காலை வெளியே எடுக்க முடியாமல் போனதுடன், நீரில் மூழ்கவும் ஆரம்பித்தாள்,தண்ணீரில் மூழ்க ஆரம்பித்தவுடன் பயத்தில் அலறினாள்.

இதை பார்த்தவுடன்,கரையில் அமர்ந்திருந்த ஈஸ்வரி சரேலென தண்ணீருக்குள் பாய்ந்து, கவிதாவின் தலைமுடியை பிடித்து இழுத்தபடியே அவளை வேகமாக கரைய நோக்கி இழுத்தாள்.அதற்குள் அருகில் இருந்த ஆண்களும் ஓடிவந்து கவிதாவை மேலே கொண்டுவந்து சேர்த்தனர்.

ஈஸ்வரி,கவிதாவுக்கு முதலுதவி செய்து அவள் குடித்திருந்த நீரை வெளியேற்றினாள்.

அதற்குள்ளாக செய்தி கேள்விப்பட்டு,கவிதாவின் அப்பா,அம்மா,பாட்டி,தாத்தா என அனைவரும் அழுதபடி ஓடிவந்தனர்.

உடனடியாக,கவிதாவை காரில் ஏற்றி அருகிலுள்ள நகரத்திற்கு கொண்டுசென்று மருத்துவ மனையில் சேர்த்தனர்.

அனைவரும்,ஈஸ்வரியை நீ தான் அக்காவை கவனமாக பார்த்துக்கொள்ளவில்லை என்று திட்டிக்கொண்டிருந்தனர்,

அவள்,நான் எவ்வளவு சொல்லியும் அக்காதான் கேட்காமல் குளத்தில் இறங்கி விட்டாள் என அழுதபடி கூறினாள்.

இதனிடையில்,கவிதா கண் திறந்து விட்டதாகவும்,இனி பயம் ஒன்றும் இல்லை என மருத்துவர் கூறி சென்றார்.

அனைவரும் உடனே கவிதாவை பார்க்க விரைந்தனர்.

கவிதாவை பார்த்ததும் அவள் அம்மா,பாட்டி,சித்தி என அனைவரும் அழுதனர். சித்தப்பாவும்,எல்லாம் இந்த ஈஸ்வரியினாலதான் நடந்தது,அவதான் உன்ன கவனமா பாத்துக்கல என்றார்,

உடனே கவிதா அவளை ஒன்னும் சொல்லாதீங்க, நான் இன்னைக்கு உயிரோட இருக்கறதுக்கு காரணமே என் தங்கச்சி ஈஸ்வரிதான். நான் தண்ணீல மூழ்க ஆரம்பிச்சதும் அவதான் உடனே தண்ணீக்குள்ள பாஞ்சு என்ன காப்பாத்தி மேல கொண்டு வந்தா என்றாள்.

எல்லோரும் நன்றியுடன் ஈஸ்வரியை பார்த்தார்கள்.

கவிதா,ஈஸ்வரியை அருகில் அழைத்து அணைத்துக்கொண்டாள்,

என்ன மன்னிச்சுடு ஈஸ்வரி,நான் சென்னையில பெரிய ஸ்கூல்ல படிச்சவனு நினைப்பிலயும்,உனக்கு ஒன்னும் தெரியாது என்ற தவறான எண்ணத்தினாலும், உன்ன மிகவும் மட்டமாகவும்,கேவலமா பேசினேன்.,

நீ சொல்ல,சொல்ல கேக்காம நான்தான் குளத்துக்குள்ள இறங்கினேன். ஆனாலும், கடைசியா நீதான் என் உயிரை காப்பாத்தி யிருக்கிறே, நான் செஞ்ச தவறுக்கெல்லாம் என்ன மன்னிச்சுடு என்று மீண்டும் கவிதா ஈஸ்வரியிடம் மன்னிப்பு கேட்டுக்கொண்டாள்.

அப்படியெல்லாம் பேசாதீங்க அக்கா, நீங்க உயிர் பிழைத்து வந்ததே போதும் என்று, கவிதாவின் கைகளை பிடித்துக்கொண்டு கண் கலங்கியபடி சொன்னாள் ஈஸ்வரி.

கவிதா மனம் திருந்தியது கண்டு அவளது பெற்றோர் மிகவும் மகிழ்ச்சி அடைந்தனர்.

அப்பா, நாம போறப்ப ஈஸ்வரியையும்,மற்ற எல்லாரையும் சென்னைக்கு கூட்டிகிட்டு போய் சென்னையை சுத்தி காட்ட போறேன் என்றாள். அப்பாவும் அதை சந்தோஷமாக ஆமோதித்தார். ஒரு கோவில் திருவிழா- தொடர்பே இல்லாம இருந்த இரு சகோதரிகளிடையே மீண்டும் பாச இணைப்பினை ஏற்படுத்தியது. 

தொடர்புடைய சிறுகதைகள்
தீபிகாவின் மொபைல் ஒலித்தது, தூங்கிக்கொண்டிருந்த தீபிகா மொபைல் ஐ on செய்து பார்த்த போது, சென்னையிலிருந்து அம்மா கால் செய்வது தெரிந்தது. என்னம்மா, காலையிலேயே போன் பண்ற? என கேட்டாள்? இன்னமும் நீ எழுந்துக்கலயா? மணி 7.30 ஆயிடுச்சு? இல்லம்மா, ராத்திரி வரும்போதே ரொம்ப லேட்டாயிடிச்சி., ...
மேலும் கதையை படிக்க...
தானும், மனைவி மேகலாவும் வேலைக்கு சென்று வருவதால் தன்னுடைய அப்பாவை சரிவர கவனிக்க முடியவில்லை என்ற ஒரு குறை ராகவனுக்கு உண்டு. மேலும், அவனது மனைவி மேகலாவுக்கும் தற்போதைய நவீன யுக மருமகள்களை போல (விதி விலக்காக தனது மாமனாரை அப்பா போல ...
மேலும் கதையை படிக்க...
ராகவ், ரமா தம்பதியர், அந்தஅடுக்கு மாடி குடியிருப்புக்கு குடிவந்து நான்கு மாதங்கள் ஆகியிருந்தது. ரமாவின் கணவர் ராகவ் தாம்பரம் மெப்சில் ஒரு மென்பொருள் நிறுவனத்தில் பணிபுரிகிறான். ஒரே மகன் கணேஷ் வீட்டுக்கு அருகே உள்ள ஒரு தனியார் பள்ளியில் நாலாம் வகுப்பு ...
மேலும் கதையை படிக்க...
பாட்னா எக்ஸ்பிரஸ் தனது நீண்ட பயணத்தை முடித்துக்கொண்டு சென்னை சென்ட்ரல் ஸ்டேஷனின் 9வது plotform-ற்குள் நுழைந்தது. அதிலிருந்து வழக்கம்போல் பீகாரிலிருந்து வேலை தேடி சென்னை வரும் இளைஞர் கூட்டம் இறங்கியது. அவர்கள் அனைவரும் எங்கு செல்வது, யாரை கேட்பது என தெரியாமல் ஸ்டேஷன்க்கு ...
மேலும் கதையை படிக்க...
கல்யாண மண்டபமே கலவர பூமி ஆகியது., கல்யாணப் பெண் சித்ராவை காணவில்லை?! காலை 7.30 மணி முதல் 9.00மணிக்குள்ளாக முகூர்த்த நேரம் நிச்சயிக்கப் பட்டிருந்தது. அதற்கு முன்பாக சில சடங்குகள் செய்யப்பட வேண்டியிருந்ததால், தோழிகளுடன் படுத்திருந்த சித்ராவை எழுப்ப அம்மா அமுதவல்லி சென்றபோதுதான் அவளை ...
மேலும் கதையை படிக்க...
கணவர் அலுவலகம் சென்றபின் வீட்டை பூட்டிக்கொண்டு,அவசரம் அவசரமாக நான்கு வீடுகள் தள்ளியிருந்த தனது தோழி நித்யா வீட்டுக்கு சென்றாள் மல்லிகா. வாங்கக்கா,என வரவேற்றாள் நித்யா. உனக்கு சேதி தெரியுமா? அந்த கோவிந்தராசு வீட்ல சொத்து தகராறுல அடிதடி சண்டையாகி போலீஸ் ஸ்டேஷன் வரைக்கும் ...
மேலும் கதையை படிக்க...
அலுவலக வேலையாக பீகார் மாநிலத்தில் பூர்ணியா மாவட்டத்தின்,பைசிநகருக்கு சென்றிருந்தேன். . எங்களது கம்பெனியின் ஒர்க் சைட் அருகில் உள்ள கிராமத்தில் அமைந்திருந்தது. மறுநாள் காலை அங்கு போகலாம் என முடிவு செய்து ஒரு ஓட்டலில் அறை எடுத்து தங்கி இருந்தேன். இரவு உணவு சாப்பிடுவதற்காக ...
மேலும் கதையை படிக்க...
தொலைக்காட்சியில் முக்கிய செய்தி ஒன்று scroll ஆக ஓடிக் கொண்டிருந்தது, "மஞ்சள்பட்டி சட்டமன்ற தொகுதிக்கான தேர்தல் அங்கீகரிக்கபட்ட கட்சியான மக்கள் முன்னேற்ற முன்னணியின் வேட்பாளர் கந்தசாமி அகால மரணம் அடைந்ததால் ரத்து செய்யப்படுகிறது" , தேர்தல் நடக்கும் தேதி பின்னர் அறிவிக்கப்படும் ...
மேலும் கதையை படிக்க...
தொலைக்காட்சியில் செய்திகளை பார்த்துக்கொண்டிருந்த விக்னேஷ் அப்போது திரையில் ஓடிய பிளாஷ் நியூஸ் ஐ பார்த்து அதிர்ச்சியில் அம்மா,அம்மா என குரல்கொடுத்தான், அவசரமாக ஓடிவந்த அம்மா, என்னடா, என்ன ஆச்சு என கேட்டாள்? T. V. யை பாரும்மா என்றான் அழுகையுடன், அப்போது T.V. யில் "லஞ்சம் ...
மேலும் கதையை படிக்க...
மொபைல் ஒலித்தது, யார் இந்த நடு இரவில் போன் செய்கிறார்கள் என எண்ணியபடி போன் -ஐ எடுத்தான் நரேன். எதிர்முனையில்இந்தியாவிலிருந்து அப்பா பரமேஸ்வரன், என்னப்பா இந்த நேரத்தில் போன் செய்யுறீங்க? என கேட்டான் அப்பா பரமேஸ்வரன், பதட்டத்துடன், அம்மாவுக்கு ஹார்ட் அட்டாக், ஆஸ்பத்திரியில் ...
மேலும் கதையை படிக்க...
தீபிகா
முன்பதிவு
எதிர்வீட்டு ஜன்னல்
அம்மா காத்திருக்கிறாள்
பாசப்பறவை
ஊர் வம்பு
குழந்தை திருமணம்
மஞ்சள் பட்டி மர்மம்
லஞ்சம்
தவப்புதல்வன்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)