கறிச்சோறு

 

“மாப்ளே.!நாளைக்கு மாசி மகம்டா…திருவிழாவுக்கு கோவில்ல நேர்த்திக்கடன் கிடா வெட்டுவாங்கடா…நம்ம ஊர் தலைகட்டுக்கு வீட்டுக்கு நூறுகிராம் கிடைச்சாலே பெருசு…பத்துநாள் விரதத்தை எலும்பு உறிஞ்சாம எப்படிடா முடிக்கறது..?..முந்நூற்றி எண்பது ரூவா விக்குதேடா ஆட்டுக்கறி…”கோவில் திண்டில் ஆரம்பித்தான் கண்ணன்.

“ஒங்க..கதை அரைகிலோ,முக்கா கிலோவுல முடிஞ்சிடும்டா,என் கதைய கேளு …முதல்முதலா மாமியார் ,மாமனார் வர்றாங்க..கூடவே கொழுந்தியாளும்..!..நல்ல மாதிரியா செய்யனும்னா எங்க குடும்பத்துக்கு மூனு கிலோ வாங்கனும்…முழுசா ஆயிரம் ரூவா வேணும்…செலவில்லாம கறிதிங்க ஏதாவது யோசனை சொல்லுங்கடா”..என்றான் புதுமாப்பிள்ளை மூர்த்தி.

“சரிடா,..இன்னிக்கு ராத்திரி பதினோரு மணிக்கு இங்க கூடுங்கடா…இத்தினி நாளும் மாங்காயும்…தேங்காயுமா யாருக்கும் பாதிப்பில்லாம திருடி தின்னோம்…இப்ப கொஞ்சம் பெரிசா செய்யப்போறோம்…கறியை நாம திண்ணுட்டு பழியை நரிமேல போட்டுடலாம்…”என்றபடியே கலைந்தார்கள்.

இரவு நான்கு பேரும் சேர்ந்து ஊருக்கு மேற்கே ஆற்றக்கரையில் கூடினார்கள்.நால்வரும் மாறிமாறி நரிகள் போல கூவ,பதிலுக்கு நிஜநரிகளும் எதிர்க்குரல் கொடுக்க …அன்று ஊர் உறங்கவே வெகுநேரம் ஆனது…தங்கள் திட்டம் தங்களுக்கு எதிராய் திரும்பிவிடுமோ என பதட்டமடைந்த நண்பர்களை சமாதானப்படுத்தினான் மூர்த்தி.

“மாப்ளே..இப்ப போய் கிடை ஆட்டுல கைவச்சோம்னா….நாம நல்லி எலும்பு கடிக்க முடியாது…நம்ம சல்லி எலும்பை ஒடிச்சுப்புடுவானுங்க…கீதாரிங்க….ஒருத்தனும் தூங்கல…பேசாம குப்பாயிக்கிழவி கொட்டாய்ல புகுந்துடலாம்டா….கெழவி முக்கி முனகி எழுந்திரிச்சி கத்தரதுக்குள்ள…கறி கொதிச்சிடும்..கம்முன்னு வாங்கடா…”என்றான் கண்ணன்.

குப்பாயிக்கிழவியின் தோட்டத்தில் நுழைந்து…கொட்டாயில் கட்டிக்கிடந்த பெருத்த கிடாவை…அது கணைத்து காட்டிக்கொடுப்பதற்குள் கல் உப்பை கடைவாயில் கொட்டி வாயை சேர்த்து பிடித்துக்கொண்டு ….பனங்கரையை நோக்கி நடந்தார்கள்.

கசாப்பு வேலை முடித்து அவரவர் வீட்டுக்கு திரும்பினார்கள்.

விடியற்காலை அசந்து தூங்கிக்கொண்டிருந்த மூர்த்தியை உலுக்கி எழுப்பினாள் அவனது புது மனைவி கவிதா..”எழுந்திரிங்க..சீக்கிரம்..குப்பாயி பாட்டியோட பேத்தி இந்த செயினை, கொண்டு வந்து கொடுத்தா.!.அவ வீட்டு கொட்டாய்ல கட்டிக்கிடந்த கிடாவை காணோம்னு தேடிகிட்டு போகும்போது…கோயில் அரச மரத்தடியில கிடந்ததாம்…இதுல உள்ள ‘லாக்கெட்’ல உங்க போட்டோ இருத்ததால நம்ம வீடுதேடி வந்து கொடுத்துட்டு போறா…வாயில்லா பிள்ளை…வயசான கிழவிக்கு இவளவிட்டா நாதியில்ல…இவளுக்கும் கிழத்தைவிட்டா ஆதரவு இல்ல…அப்படியும் அடுத்தவங்க பொருளுக்கு ஆசைப்படாம வாழ நினைக்கிறாங்க…ஆனா அவங்க பொருளை களவாண்டு போகவும் பிறவி எடுத்திருக்கானுங்க..ஊருக்குள்ள..”

மனைவியின் பிரசங்கம் நீண்ண்ண்ண்டடடடட….கையாக நெஞ்சில் அறைய …

குற்ற உணர்வில் தலைகுனிந்தான் மூர்த்தி.

- 10-3-2013-தினத்தந்தி குடும்பமலர் 

தொடர்புடைய சிறுகதைகள்
"வணக்கம்..வருண்.!..எப்ப சென்னையிலிருந்து வந்தாப்ல...என்ன 'சினிபீல்டு'ல நுழைஞ்சிட்டீங்களா.!?நாங்களும் தியேட்டர்ல கலர்கலரா பேப்பர் துகள்களை பறக்கவிட்டுகிட்டு..எங்க ஊரு இயக்குனர் தந்த படைப்புன்னு காலரை தூக்கிவிட்டு அலைய ஆசைப்பட மாட்டோமா.!?"என்றான் டைலர் சிவா. "என்னப்பா செய்யறது..எட்டு வருசமா போராடற எங்க மாமாவே இப்பதான் கையில'ஸ்கிரிப்ட்'டோட கம்பெனி கம்பெனியா ...
மேலும் கதையை படிக்க...
"நீங்க பண்ணிட்டு வந்து நிக்கிற காரியம் உங்களுக்கே நல்லாயிருக்கா.?இருபத்திரெண்டு வருச காலமாச்சு..நான் இந்த வீட்டுக்கு மருமகளா வந்து..!..இத்தனை வருசமும் குடியும் குடித்தனமுமாகத்தான் இருக்கீங்க...ஆனா இவ்வளவு காலமா இல்லாம இப்ப ஊர்வம்பு வாசல்தேடி வந்து நிக்குது...அக்கம் பக்கம் இளக்காரமா பார்க்கறாங்க ...என்ன பண்ணீங்க ...
மேலும் கதையை படிக்க...
அவன் பொட்டுப்பொட்டாய் நெற்றியில் துளிர்த்த வியர்வையை அழுத்தித் துடைத்தான். அடர்ந்த புதராய் வளர்ந்து செம்பட்டை பாரித்த மீசையில் வழிந்த வியர்வை,வெடித்து பிளவுபட்டிருந்த உதடுகள் வழியாக ஊடுருவி உப்புக்கரித்தது. அவனுக்கு அந்த சுவை புதிது...அந்த சூழ்நிலை புதிது..இப்போதும் கண்கள் இருட்டத்தான் செய்கிறது...ஆனால் அது நியாயமான பசி ...
மேலும் கதையை படிக்க...
முதலிரவு அறை. பால் சொம்பேந்திய திருவாரூர் தேரை தோழி பொக்லைன்கள் நெட்டி அறைக்குள் தள்ளி விட்டு கதவை வெளிப்பக்கம் சாத்துகின்றன. பால் சொம்பை கையில் கொடுத்துவிட்டு கால் தொட்டு வணங்குதல் இல்லை.சற்று தள்ளியே அமர்ந்து கை வீணையை மீட்டக்கொடுத்துவிட்டு உச்சி சிலிர்க்க காலால் தரையில் ...
மேலும் கதையை படிக்க...
"ஆண்டவா...இன்னைக்கும் கால்வயித்து கஞ்சிக்கு பங்கம் வராம பக்கத்துணையா இருந்து காப்பாத்துப்பா..!"வானத்தை பார்த்து கும்பிட்டபடியே கோணிப்பையை கக்கத்தில் இடுக்கியபடியே நடந்தார் நடேசன். நாலு மா சொந்த வயலை சொத்தாக கொண்ட சிறுவிவசாயி அவர்.ஆண்டவன் புண்ணியத்தில் 'தின அறுவடை'யில் அரைவயிற்று கஞ்சி குடிக்க வழிகோலியது அவரது ...
மேலும் கதையை படிக்க...
முதல் சுவாசம்
அப்பாவா இப்படி?
நாளையும் ஓர் புது வரவு
தீண்டும் இன்பம்
விவசாயி

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)