Warning: Cannot modify header information - headers already sent by (output started at /home/content/42/10186442/html/index.php:2) in /home/content/42/10186442/html/wp-content/themes/Clipso/functions.php on line 189
Sirukathaigal - Sirukathai - Short Stories in Tamil

கனவு சாம்ராஜ்யம்

 

“”அம்மா கதவை தாழ் போட்டுக்க. நான் வேலைக்கு கிளம்பறேன்.”

பரத் சொல்ல, கட்டு போட்ட காலை தாங்கியபடி நடந்து வந்தாள் அமிர்தம்.

அம்மாவை பார்த்த பரத்திற்கு மனம் வேதனைப்பட்டது. அப்பாவும், அம்மாவும் எந்த ஒரு ஆசையும், எதிர்பார்ப்பும் இல்லாமல் இருப்பதைக் கொண்டு வாழ்ந்துகொண்டு, பரத்தை படிக்க வைத்து, அவனது ஆசைகளை மட்டும் எப்பாடுபட்டாவது நிறைவேற்றி, வயதானபிறகு வாழ்க்கை வசதிகளை பெருக்கிக் கொள்ள வழியில்லாமல் வாழ்ந்து கொண்டிருந்தார்கள்.

“”கால் வலி பரவாயில்லையாம்மா. சாயிந்திரம் டாக்டர்கிட்டே போய்ட்டு வருவோமா?”

“”வேண்டாம் பரத். இன்னும் இரண்டு நாள் கழிச்சு தான் வரச்சொல்லியிருக்காரு. சும்மா இருக்காம, பரண் மேலே இருக்கிறதை எடுக்கிறேன்னு, ஸ்டூல் வழுக்கி கீழே விழுந்துட்டேன். இது இப்ப தேவையில்லாத செலவு என்ன
செய்யறது.”

அம்மா புலம்ப, வாசல் கேட்டை திறந்துகொண்டு பாக்டரியில் இரவு நேர வேலை முடித்து வரும் அப்பாவைப் பார்த்தான். தூங்காத கண்கள். சோர்வினால் வாடிய முகம்.

“”என்ன பரத். வேலைக்கு கிளம்பிட்டியா. சரி. போய்ட்டு வா. சாயிந்திரம் பார்ப்போம். இன்னைக்கு எனக்கு ஒ÷ர தலைவலி.” சொன்னவர், “”அமிர்தம், சூடா காபி கொண்டு வா.”

உள்ளே நுழைய, பரத் பைக்கை ஸ்டார்ட் செய்தான்.

டூவீலர்கள் ரிப்பேர் செய்யும் ஒர்க்ஷாப் வைத்து நடத்திக் கொண்டிருந்தான்.

இதை ஆரம்பிக்கவே, அம்மாவிடம் இருந்த நகைகளை அடகு வைத்து, பாங்க் லோன் வாங்கி, இப்போதுதான் மூன்று மாதமாக, அவனால் ஓரளவு வருமானம் பார்க்க முடிந்தது.

அவன் மனதின் கனவுகள், எப்பாடுபட்டாவது பணம் சம்பாதித்து அப்பா, அம்மாவை சந்தோஷப்படுத்த வேண்டும். அவர்கள் வசதியாக வாழ்வதற்கு சிறியதாக இருந்தாலும், மனதிற்கு பிடித்தமாக ஒரு சொந்த வீடு, அப்பாவின் உழைப்புக்கு விடை கொடுத்து அவøர நிம்மதியாக வைத்திருக்கும் அளவு பொருளாதார வசதி, அம்மாவின்
ஆசைப்படி, கோவிலுக்குச் சென்று வர ஒரு கார். இத்தனையும் என்னையும் முடியுமா. முடிய வேண்டும் என்று மனதில் நினைத்துக் கொண்டான்.

“”அண்ணே, இன்னைக்கு இரண்டு வண்டி வேலை முடிஞ்சு டெலிவரி கொடுக்கிறதாக சொல்லியிருக்கீங்க.”

கடைப் பையன் ஞாபகப்படுத்த வேலையில் மூழ்கினான்.

“”பரத், இந்த சனி, ஞாயிறு நீ நாகர்கோவிலுக்கு போகும்படி இருக்குப்பா.”

“”என்னப்பா சொல்றீங்க. அங்கே என்ன வேலை.”

“”என் நண்பன் வாசுவோட பையனுக்கு கல்யாணம். அம்மாவுக்கு காலில் அடிபட்டு இருக்கு. எங்களுக்கு பதிலாக நீ போய்ட்டு வந்துடுப்பா.”

“‘என்னப்பா இது, எனக்கு அங்கே யாரையும் தெரியாது. வாசு மாமாவை மட்டும் தான் எனக்குப் பழக்கம்.”

“”அதனால் என்னப்பா, பத்திரிக்கை அனுப்பி போனில் வேறு அழைச்சிருக்கான். போகாம இருந்தா நல்லா இருக்காது. நீ போய்ட்டு வா. கல்யாணத்துக்கு என் நண்பன் வேணு வருவான். அவனை தான் உனக்கு தெரியுமே.
அவனையும் பார்த்து பேசிட்டு வா.”

அப்பாவின் சொல்லை தட்டமுடியாதவனாக கல்யாணத்திற்கு கிளம்பினான்.

கல்யாண மண்டபத்தில் உட்கார்ந்திருந்தவன், மண்டப வாசலில் ஸ்கார்பியோ வந்து நிற்க, அதிலிருந்து இறங்கும் வேணு மாமாவை பார்த்தான். இந்த கல்யாணத்தில் அவனுக்கு அறிமுகமான நபர் அவர் மட்டும்தான், அவருடன் உட்கார்ந்து கொள்ளலாம் என நினைத்தவனாக இடத்தை விட்டு எழுந்தான்.

“”மாமா… நல்லா இருக்கீங்களா?”

திரும்பியவர் பரத்தை பார்த்தார்.

“”பரத் பார்த்து எவ்வளவு நாளாச்சு. அப்பா வரலையா?”

“”இல்லை. நான்தான் வந்திருக்கேன்.” அதற்குள் காரிலிருந்து இறங்கிய டிரைவர், “”சார், காரை பார்க் பண்ணிட்டு வெயிட் பண்றேன்.”

“”தம்பி, நம்ப ப்ரண்ட் வீட்டு கல்யாணம்தான். போய் டிபன் சாப்பிட்டு வந்து வெயிட் பண்ணு.”

சொன்னவர், “”வா, பரத் போய் உட்கார்ந்து பேசுவோம்.” அவனை அழைத்துக்கொண்டு மண்டபத்துக்குள் நுழைந்தார்.

“”இருவருமாக சாப்பிட்டு வந்து உட்கார்ந்தார்கள்.

“”அப்புறம் சொல்லு பரத், அப்பா, அம்மா எப்படி இருக்காங்க?”

“”அம்மாவுக்கு தான் காலில் அடிபட்டிருக்கு. அதான் அப்பா, என்னைப் போகச் சொன்னாரு.”

“”நானும் உன் அப்பாவை போல சிரமப்பட்டு வாழ்க்கை நடத்தினவன்தான். கடவுள் கிருபையாலும், நான் பண்ணின அதிர்ஷ்டத்தாலும் என் பையன் டெக்ஸ்டைல் பிஸினஸ் இன்னைக்கு ஓகோன்னு வளர்ந்து, நல்ல செல்வாக்கில் இருக்கான். கார், பங்களான்னு வசதியாக இருக்கேன். அப்பா என்னைப் பத்தி சொல்லலையா?”

“”இல்லை மாமா. எனக்கே நீங்க இவ்வளவு பெரிய காரில் வந்திறங்கியது. ஆச்சரியமாக தான் இருந்தது, கேட்கணும்னு நினைச்சேன். நீங்களே சொல்லிட்டீங்க. உங்களைப் பார்க்க சந்தோஷமாக இருக்கு. வாழ்க்கையில் கஷ்டப்பட்டவங்க. நல்ல நிலைக்கு வருவதைப் பார்க்கும்போது மனசுக்கு நிறைவாக இருக்கு மாமா.”

உண்மையான புரிதலுடன் பரத் சொல்ல, அவனைப் பார்த்து புன்னகைத்தார்.

“”நீ மெக்கானிக் ஒர்க் ஷாப் வைத்து நடத்துவதாக உங்க அப்பா சொன்னானே. எப்படி போயிட்டிருக்கு.”

“”பரவாயில்லை மாமா. ஓரளவு லாபத்தில் தான் நடந்துட்டிருக்கு. ஆனா நான் நினைக்கிற அளவு பெரிய அளவில் வளர்ச்சியடைய, நிறைய நாட்கள் காத்திருக்கணும்னு தோணுது.”

அவன் குரலில் ஒருவித வருத்தம் இழையோட, “”என்ன பரத், என்னவோ போல் பேசற. வயசு புள்ளைங்க தளர்ந்து போகலாமா?”

“”உங்ககிட்டே சொல்றதுக்கென்ன மாமா. என் மனசெல்லாம் எங்க அப்பா, அம்மாவை நல்லா வச்சுக்கணும். வாழ்க்கை வசதிகளை பெருக்கணுங்கற எண்ணம் இருக்கு. ஆனா என் கனவுகள், நனவாகும் நாள்தான் என்னைக்குன்னு தெரியலை. சமயத்தில் இதைப் போல விரக்தி எட்டிப் பார்க்குது. நீங்க தப்பா எடுத்துக்காதீங்க. உங்க பையன், இந்த வயசிலேயே முன்னறி நல்ல நிலைக்கு வந்துட்டாரு. ஆனா…நான்… இப்பத்தான் முதல் படியிலேயே காலடி எடுத்து வச்சிருக்கேன்.”

“”புரியுது பரத். உன் ஆதங்கம் எனக்கு புரியுது. இந்த உலகத்தில் எல்லாமே சாத்தியப்படும்பா. சிலருக்கு சில விஷயங்கள் உடனே நடக்குது. சில பேருக்கு காலதாமதம் ஆகுது அவ்வளவு தான். அடுத்தவங்க நல்ல நிலையில் இருப்பதைப் பார்க்கும்போது, நம் மனசில் ஆயாசமோ, சோர்வோ ஏற்படவிடக்கூடாது. நீ நினைச்சதும் நடக்கும். விரும்பியது கிடைக்காமல் போய்விட்டால் என்ன செய்யறதுன்னு விரக்தியோடு வாழ்க்கை நடத்தினால், அதில் சுவாரஸ்யமே இல்லாம போய்விடும்பா. உன் மனசிலே ஒரு கனவு சாம்ராஜ்யத்தை விதைச்சிருக்கே. இப்ப அது செயல்படுவதற்கான எந்த தடயமும் உன் கண்ணுக்கு தெரியாம இருக்கலாம். அதுக்காக நீ சோர்ந்து போயிடக்கூடாது பரத். உன் வேலையை ஈடுபாட்டோடு, செய், அதற்கான காலமும், நேரமும் வரும்போது, நிச்சயம் உன் ஆசைகள் நிறைவேறும் பரத்.”

அவர் பேச, பரத் அவøரப் பார்க்கிறான். கண்களில் தெரிந்த சோர்வு மறைய, இவர் மகனைப் போல, என் தொழிலை ஈடுபாட்டோடு செய்து, என் முயற்சியால் முன்னுக்கு வந்து, என் அப்பாவை நானும் சந்தோஷமாக வைத்துக் கொள்வேன்.

எனக்கான கதவுகள் இன்றில்லாவிட்டாலும் நாளை நிச்சயம் திறக்கும். மனதின் எண்ணங்கள் முகத்தில் புத்துணர்ச்சியை வரவழைக்க, “கெட்டி மேளம், கெட்டி மேளம்’ கையிலிருந்த அட்சதையை சந்தோஷமாக மேடையை நோக்கி தூவுகிறான். 

தொடர்புடைய சிறுகதைகள்
மார்க்கெட்டில் காய்கறிகளை வாங்கிக் கொண்டு வந்தவள் எதிரில் பாங்க் அட்டெண்டர் வருவதைப் பார்த்தாள். ""என்னப்பா... நல்லா இருக்கியா... பார்த்து ரொம்ப நாளாச்சு... நானும் லாக்கருக்கு வரணும், பாங்குக்கு போகணும்னு அவர்கிட்டே சொல்லிட்டு இருக்கேன். நேரம் கிடைக்கலை.'' ""போன வாரம் கூட சார் பாங்க் வந்தாரே. ...
மேலும் கதையை படிக்க...
உறவும் பகையும்!
""சித்தப்பா...'' வாசலில் உட்கார்ந்து பேப்பர் படித்துக் கொண்டிருந்தவர், குரல் கேட்டு நிமிர்ந்தார். விக்ரமைப் பார்த்ததும் கண்களில் கோபம் தெரிந்தது. ""இங்கே எதுக்கு வந்தே. உங்களோடுதான் ஒட்டு உறவு இல்லைன்னு, எல்லாத்தையும் அறுத்து விட்டாச்சே... அப்புறம் என்ன உறவு முறை சொல்லிக் கிட்டு வந்து ...
மேலும் கதையை படிக்க...
தங்கமான மாப்பிள்ளை!
தம்பி பெண்ணின் வளைகாப்பிற்கு மனைவியுடன் வந்திருந்தார் ராஜன். வளைகாப்பு வைபவம் முடிந்து, சாப்பாடு பந்தி நடக்க, சுறுசுறுப்பாக ஓடி, ஓடி பரிமாறும் தம்பி மாப்பிள்ளையை பார்த்தபடி அமர்ந்திருந்தார். ""என்னங்க... என்ன யோசனை? நம் பெண் லதாவுக்கு, இந்த மாதிரி விசேஷம் எப்ப வரப்போகுதுன்னு ...
மேலும் கதையை படிக்க...
வேரில்லா மரம்
அடுப்பில் சாம்பார் கொதிக்க தாளித்து இறக்கி வைத்தாள் வத்சலா. ஹாலில் அபியும், அவள் அப்பாவும் சிரிக்கும் சப்தம் கையை டவலால் துடைத்தபடி வந்தாள். ""அப்பா, இந்த ப்ரோக்ராம் இன்னும் ஒரு வாரத்தில் முடித்தாகணும்'' லேப்டாப்பைத் திறந்து அதில் தலையைக் கவிழ்த்திருந்தார்கள் எட்டிப் பார்த்தாள். போஸ்ட்கவரில் ஏதோ ...
மேலும் கதையை படிக்க...
எண்ணங்களின் சுமைகள்
வேலை முடிந்து திரும்பிய கணவன், முகம் சோர்ந்து வருவதை பார்த்தாள் மாலதி. "ஆபீசில் ஏதும் பிரச்னையா? எதுவாக இருந்தாலும், வந்ததும் கேட்க வேண்டாம்...' என முடிவு செய்தவளாக, உள்ளே சென்று, சூடான காபியுடன், அவன் அருகில் வந்தாள்... ""இந்தாங்க... காபி குடிங்க.'' சிறிது நேரம் ...
மேலும் கதையை படிக்க...
குரு தெய்வம்!
பத்து நாட்கள் ஜுரத்துல படுத்து, ஸ்கூலுக்கு லீவு போட்டிருந்த ஆனந்தி, அன்று தான் அரைப் பரிட்சை ஆரம்பம் என்பதால், பள்ளிக்கு வந்திருந்தாள். ""ஆனந்தி... தமிழ் பரிட்சைக்கு நல்லா படிச்சுட்டீயா? நம்ப சுகுணா இந்த முறை உன்னை பின்னுக்கு தள்ளி, பர்ஸ்ட் ராங்க் எடுத்துடணும்ங்கிறதில் ...
மேலும் கதையை படிக்க...
நியாயம்
கண்கள் சிவக்க, கோபமாக கத்திக் கொண்டிருந்தான் குமார். அவன் கோபமாக இருக்கும் போது, நெருங்கவே பயப்படுவாள் அனு. அடுக்களையில் அவளுக்கு வேலையே ஓடவில்லை. பாவம் சந்தீப்... பத்து வயது சிறுவன்; அவன் முன் அழுதபடி நின்றுக் கொண்டிருந்தான். இதற்கும், தனக்கும் சம்பந்தமில்லை என்பது ...
மேலும் கதையை படிக்க...
எண்ணங்கள் மாறலாம்!
மகனும், மருமகளும் ஆளுக்கொரு காரில் வேலைக்கு புறப்பட்டுச் செல்ல, கதவை தாழிட்டு உள்ளே வந்தாள் சுந்தரி. ""என்ன சுந்தரி, இரண்டு பேரும் கிளம்பியாச்சா?'' ""ஆமாம்...'' அலுப்புடன் சொன்னபடி, கணவரின் அருகில் உட்கார்ந்தாள். ""சரி, நாமும் ஏதாவது சாப்பிட்டு... வாக்கிங் போய்ட்டு வரலாமா?'' ""என்ன பெரிசா சாப்பாடு... ஓட்ஸ், ...
மேலும் கதையை படிக்க...
தீவுகளாய் வாழ்க்கை..
ஆபிஸ் முடிந்து வீட்டிற்கு வந்த சந்திரன், கையில் காபியுடன் வாசலில் இருந்த சேரில் அமர்ந்தான். பக்கத்து வீட்டில் ஒரே சிரிப்பும், கலகலப்புமாக இருப்பதைப் பார்த்தான்...""ரூபிணி... பக்கத்து வீட்டில் என்ன விசேஷம்?'' என்று, அங்கு வந்த மனைவியை கேட்டான்.""அதுவா... அந்த வீட்லே இருக்காங்களே ...
மேலும் கதையை படிக்க...
பிரிவும் பரிவும்!
கதவை திறந்தவள், வாசலில் நிற்கும் அக்காவை பார்த்து மலர்ந்தாள். ""வா அக்கா... வர்றேன்னு போன் கூட பண்ணலை... திடீர்ன்னு வந்து நிக்கறே!'' ""குலதெய்வம் கோவிலுக்கு போகணும்ன்னு நினைச்சிட்டிருந்தேன். அதான், உன்னை பார்த்துட்டு, இரண்டு நாள் உன்னோடு இருந்துட்டு, அப்படியே கிராமத்துக்கு போகலாம்ன்னு புறப்பட்டு வந்தேன்.'' கல்லூரிக்கு ...
மேலும் கதையை படிக்க...
இருவரும் ஒன்றே
உறவும் பகையும்!
தங்கமான மாப்பிள்ளை!
வேரில்லா மரம்
எண்ணங்களின் சுமைகள்
குரு தெய்வம்!
நியாயம்
எண்ணங்கள் மாறலாம்!
தீவுகளாய் வாழ்க்கை..
பிரிவும் பரிவும்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)