ஒரே மகன்

 

என்னங்க! அத்தைக்கு பிடித்த வாழைத் தண்டு, சுண்டைக்காய் எல்லாம் வாங்கி வாங்க, நாளைக்கு அதுதான் சமையல் என்றாள் மருமகள் கீதா

மீனாட்சி, சுந்தரம் தம்பதியரின் ஒரே மகன். கிருபாகரன்,

தவமாய், தவமிருந்து திருவருளால் பெற்ற வாரிசனாதால் கிருபாகரன் எனப் பெயரிட்டு நன்கு படிக்க வைத்து, அருகிலேயே இருக்க வேண்டும் என நல்ல வேலைகளெல்லாம் வந்தும்
நிராகரித்து, நல்ல இடத்தில் கீதாவை மணமுடித்து பெண் பிள்ளை இல்லாததால், மருமகளையே பெண்ணாக பாவித்து, சுந்தரம் வேலைப் பார்த்தது போதும் என பணி ஓய்வு பெற்று, சொந்த வீட்டில் கூட்டுக் குடும்பமாய் வாழ்ந்தனர்.

யார் கண்கள் பட்டதோ, உழைப்பின் பலனை அனுபவிக்க சிலருக்கே வாய்ப்பு கிடைக்கும்.

ஓய்வு பெற்ற ஒரு வருடத்தில் சுந்தரம் மறைந்துவிட, சுமைகள் எல்லாம் கிருபாகரனின் தோளிலும், அம்மா பெறும் அப்பாவின் பாதி ஓய்வு ஊதியத் தொகையிலுமாகிப்போனது.

கிருபாவிற்கு இரண்டு குழந்தைகளும் மேற்கல்வி கற்பதற்கு தயாராகி கொண்டு இருக்க.. அம்மாவின் மருத்துவச் செலவுகள் இதர இல்லச் செலவுகள்..என திக்கு முக்காடிப் போனான்..

மகனின் இந்த நிலையைப் பார்த்து வருத்தமடைந்தாள், மீனாட்சி.

நல்ல வேலையெல்லாம் வந்த போது ஒரே பிள்ளை நம் கூடவே இருக்கட்டும் என அதிக பாசத்தினால் பிள்ளையின் எதிர்காலம் இப்படி ஆகிவிட்டதே! என மன அழுத்தமே அவளை நோயில் விழச் செய்தது, இதுவும் சுந்தரம் இருக்கும் வரை தோனவே இல்லை.

சொந்த வீட்டடைத் தவிர வேறு எதுவும் சேமிப்பில் இல்லை.

குடும்பம் நடத்தவே மிகுந்த சிரமப் பட்டான், அதனால் அவனும் வருத்தப்பட்டான். அப்பாவின் இழப்பு நிறைய பாடங்களை கற்றுக் கொடுத்துக் கொண்டு இருந்தன.

அப்பாவை இழந்து ஒரு வருடமே ஆகியிருக்கும்,

மீனாட்சியின் உடல் நிலை நிலையாகவே இல்லை.

பத்து நாட்களுக்குப் பிறகு , நாளைதான் ஆஸ்பிடலில் இருந்து டிஸ்சார்ஜ் ஆகி வருகிறார்.

வந்தவுடன் லைஃப் சர்டிபைகேட் கொடுக்க அவர்களை வங்கிக்கு அழைத்துக் செல்லவேண்டும், அதன்பிறகு அம்மாவின் ஆசைப்படி குலத்தெய்வக் கோவிலுக்கு அழைத்துச் செல்லவேண்டும் என வாடகைக்கு கார் எடுத்து இருந்தான்.

வங்கியில் ஓய்வுத் தொகை குறைவாக கணக்கில் ஏறியிருப்பதை மேனஜரிடம் கேட்டறிந்தாள்..

இன்சூரன்சு பணம் பிடித்தம் ஆகி இருப்பதாகக் கூறிய பின்தான் ஞாபகம் வந்தது, கணவர் தம் பெயரில் செய்த இன்சூரன்ஸ் பற்றி சொன்னது.

மீனாட்சி, உன் பெயரிலே 5 லட்சம் ரூபாய்க்கு ஆயுள் காப்பீடு எடுத்துள்ளேன், எனக்கு பிறகு உனக்கு எந்த தொல்லையும் இருக்க கூடாது. உனக்குப் பிறகு இந்த தொகை அவனுக்கே கிடைக்கும், அந்த தொகையை முன்னிட்டாவது நம்ம பையன் உன்னைக் காப்பாற்றுவான். அதற்கு நான் வருடா வருடம் ரூபாய் 25000 தொகை செலுத்தி வருகிறேன் என்று அவர் கூறியதையும்,

அப்படி எல்லாம் என் பையன் இல்லைங்க! இந்த பணத்துக்காக எல்லாம் அவன் அப்படி மாற மாட்டாங்க! என்று இவள் கூறியதையும் நினைவுக் கூர்ந்தாள்.

உயிரோடு இருப்பதாக சான்றை வழங்கி விட்டு குலதெய்வத் தரிசனத்திற்கு சென்று பின் வீடு திரும்பினர்.

வீடு திரும்பியதிலிருந்து அமைதியாகவே இருந்தார். இதுவரை யாரும் அவரை இப்படிக் கண்டதில்லை.

சாப்பாடும் முன் போல் சாப்பிட பிடிக்கவில்லை எனக் கூறி சோர்ந்து உட்கார்ந்துக் கொண்டாள்.

பேரப்பிள்ளையோடு விளையாடும் பல்லாங்குழி ஆட்டம் கூட என்னால் உட்கார முடியலை எனக்கூறி மறுத்து விட்டாள்.

நாட்கள் நகர்ந்தன.. இந்தத் தாயின் அன்பைக் கண்டு காலம் கூட பொறாமைப் பட்டு பறித்துக்கொண்டது, அவள் உயிரை.

காரியங்கள் முடிந்து அம்மாவின் அறையை பார்த்தபோது,

மாத்திரைகள் சாப்பிடப் படமால் அப்படியே இருந்ததைக் கண்டு அதிர்ச்சியடைந்து, அம்மாவின் இறப்பு சாதாரணமாக நிகழவில்லை, வலிகளை தாங்கி தனது உயிரை பிரித்து இருக்கிறாள், எனப் புரிந்துக் கொண்டான் அங்கே கிடைத்த கடிதத்தைப் பார்த்து.

கிருபா! என்னை மன்னித்து விடு!

எங்களின் அளவுக்கு மீறிய பாசத்தால் நீ படும் வேதனைகளை என்னால் காண முடியவில்லை. நீ என்னை நன்றாகத்தான் கவனிப்பாய்! இருந்தாலும் உனக்கு என்னால் ஒரு தொந்திரவும் வரக் கூடாது, தற்போது எனக்கான மருத்துவச் செலவுகளை விட உன் பிள்ளைகளின் படிப்புச் செலவு அவசியம், ஆகையால் உன்னை பிரிய மனமில்லாமல் பிரிகிறேன். எத்துனை ஜென்மம் எடுத்தாலும் உன் தாயாகவே வரவேண்டும் என ஆசைப்படுகிறேன், உங்கள் அனைவருக்கும் என் நல் ஆசிகள். என முடித்து இருந்தாள்.

வாசலில் யாரோ அழைக்க ,

இன்சூரன்சு முகவர் அம்மா பதினைந்து நாள் கழித்து வரச் சொன்னதாக வந்து இருந்தார். 

தொடர்புடைய சிறுகதைகள்
ஏங்க ,கொஞ்சம் அடுப்பிலே பாலை வைங்க, இதோ வந்து காபி தாரேன். சந்தானம், காலை நடைப் பயிற்சி முடித்து வந்தவனைப் பார்த்து குளித்துக் கொண்டு இருந்த கீதா கூறினாள். சரி சரி,வைக்கிறேன். என பாலை அடுப்பில் வைத்தான். குளித்து முடித்து வந்த கீதா, ஒன்னுத்துக்கும் லாயக்கில்லே, ...
மேலும் கதையை படிக்க...
அம்மா! ரேவதி, சீக்கிரமா எழுந்திரு. கொஞ்சம் எழுந்து வேலையை பாரு! நானே எல்லாம் செய்யனும்! இதுக்கெல்லாம் ஒருத்தன் வருவான் பாரு, அப்ப தெரியும் இந்த அம்மாவோட அருமை. என காலை மந்திரம் ஓதினாள். ரேவதி எழுந்து வந்து அப்பாவைப் பார்த்து கண்ணடித்தாள், எப்படி ...
மேலும் கதையை படிக்க...
என்னங்க! ஏன் இவ்வளவு டென்சனா இருக்கீங்க? முதல் முதலா நேர்முக தேர்விற்குப் போவது போல, சும்மா தைரியமா போங்க, ஐந்து வருடம் குழந்தைங்களை வைது ஆட்டோ ஓட்டியஅனுபவம், இருபது வருடம் இந்த மாநகரப் பேரூந்தில் ஓட்டிய நீங்கள், ஓய்வு பெற்ற பிறகும் ...
மேலும் கதையை படிக்க...
எலே! ஏன்டா! அந்த வேலியைத் தாண்டி போய் போய் நிக்கிறீக? அதான் வாரா வாரம் வந்து கேஸைப் போட்டு நம்ம தாலியை அறுக்குறனோ இல்ல. அப்புறம் ஏண்டா? என ஒரு பெரிசு அதட்டியது ரமேசையும் அங்கே நின்ற பாபுவையும்.. ரமேசு கையில் உள்ள ...
மேலும் கதையை படிக்க...
ஏன்டா அம்பி கோவில் நடை சாத்தியிருக்கு? என்று ஊரிலிருந்து திரும்பி வந்துக் கொண்டு இருந்த மணி மாமா விளையாடிக் கொண்டு இருந்தவர்களிடம் கேட்டபடி அக்ரஹாரத்திற்குள் நுழைந்தார். கடைசி வீட்டு சுப்புனி மாமாவோட மாமி தவறிட்டா மாமா !என்றனர் விளையாடியவர்கள். அச்சோ,,என உச் கொட்டியபடி நடந்து ...
மேலும் கதையை படிக்க...
கடற்கரை மணலில் கை கோர்த்தப்படி அமர்ந்து இருந்தனர்.விஜியும்,சுந்தரும். இவர்களைப் போலவே அலைகளும் ஒன்றொடு ஒன்று தவழ்வதும்,விலகுவதும் போல காதல் புரிந்து கொண்டு இருந்தது. ஆம், இருவரும் காதலர்கலாக இருந்து மணமானவர்கள்.ஒரே கட்டிடத்தில் இருக்கும் வெவ்வேறு கம்பெனியில் பணிபுரியும் போது அடிக்கடி லிப்டில் சந்தித்து, காதலர்களாக ...
மேலும் கதையை படிக்க...
வாசுகி கல்யாண மண்டபம்... அன்றைய கல்யாணப் பரபரப்பில்.. காலை நேரம். சமையல் கலைஞர்கள் தங்கள் பணியைச் செய்து கொண்டு இருக்க, அறுபது வயது மதிக்க தக்க ஒருவர் சாம்பார் கொதிக்கும் இடத்தில் வேலைசெய்து கொண்டு இருக்கிறார்.. அங்கே சாம்பார் மட்டும் கொதிக்கவில்லை. அவரது மனமும்.. விசும்பி விசும்பி ...
மேலும் கதையை படிக்க...
ஏய்,இந்திரா, டிபன் ரெடியா? மணி என்ன ஆச்சு? விடிகாலையிலே எழுந்த பின்னும் உன்னால் நேரத்திற்கு தயார் பண்ண முடியல இல்ல, என்னத்தான் பண்ணுகிறாயோ? நாங்க எல்லாம் வெளியே போனத்துக்கு அப்புறம் மத்த வேலையை பார்க்க வேண்டியதுதானே, என அங்கலாய்த்த படியே கையில் நாளிதழ் ...
மேலும் கதையை படிக்க...
ஒரு பக்கம் இடிந்த பழமையான வீடு. ஒரு புறம் சரிந்த வரிசை கலைந்த ஓடுகள். நின்றுக் கொண்டியிருந்த பழைய தூண்களே பறைசாற்றியது வெங்குச்செட்டியாரின் இன்றைய வறுமை நிலைமையை. வெங்குசெட்டியாருக்கு வயது எண்பத்தைந்தாகிறது. மனைவி யோகா ஆச்சிக்கும் எண்பது நெருங்கி இருக்கும். இன்றோ, நாளையோ ...
மேலும் கதையை படிக்க...
ஏண்டி!, மீனாட்சி, நீ வேலை செய்யற ஆபிசர் காலனி வூட்டிலே கல்யாணமாமே, சொல்லவே இல்லே. ஆமா யக்கா,அது சொல்ற மாதிரி ஒன்றும் இல்ல ,என பீடிகை போட்டாள். நல்ல வூடு, நல்ல அம்மா, நல்லப் பொண்னு எல்லாமே என்கிட்டே பாசமாத்தான் இருக்கும். ஐயாதான் கொஞ்சம் ...
மேலும் கதையை படிக்க...
ஒன்டிக் கட்ட
உண்மை
இடங்கடத்தி
காலனி களவானிகள்
அனுஷ்டானம்
எச்சம்
அத்தைக்கு கல்யாணம்
பூக்களை பறிக்காதீர்கள்
மறுவாசனை
தகவல் எந்திரம்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)