இழப்பு!

 

பத்து வருடங்களாக தமிழ் திரையுலகில் கொடி கட்டிப் பறக்கும் நட்சத்திரம் ஸ்வர்ணலதா. தமிழ் நாட்டில் உள்ள அனைத்து முன்னணி நடிகர்களுடனும் ஜோடி சேர்ந்து நடித்தாகி விட்டது!

முதலில் தன் கவர்ச்சியால் திரை உலகைக் கட்டிப் போட்ட ஸ்வர்ணலதா, இப்பொழுது நடிப்பில் சாவித்திரிக்கு ஈடாகப் பேசப் படுகிறார். பாசமுள்ள குடும்ப பாங்கான வேடத்திற்கு ஸ்வர்ணலதாவை விட்டால் இன்று ஆள் இல்லை!

இரவு பகலாக கால்ஷீட் கொடுத்தும் அவளால் சமாளிக்க முடியவில்லை. அவளுடைய இரண்டு வயசு குழந்தை சிநேகா மேல் அவளுக்கு உயிர். காலையில் சிநேகா எழுவதற்கு முன்பே ஷூட்டிங்கிற்கு கிளம்பி விடும் ஸ்வர்ணலதா, நள்ளிரவு வீடு திரும்பும் பொழுது, குழந்தை சிநேகா ஆழ்ந்த தூக்கத்தில் இருக்கும்.

வீட்டில் ஒவ்வொரு வேலைக்கும் தனித் தனி ஆட்கள். சிநேகாவோடே எந்த நேரமும் கூட இருந்து கவனித்துக் கொள்ள பரிமளா என்ற ஒரு படித்த இளம்பெண்ணை நியமித்திருந்தாள். வீட்டில் நவீன வசதிகளுக்கு குறைவில்லை.

பரிமளா எவ்வளவோ முயற்சி செய்தும் சிநேகாவை மகிழ்ச்சியாகவும், அமைதியாகவும் வைத்துக் கொள்ள அவளால் முடிய வில்லை.

சிநேகா ரூமில் ஒரு மூலையில் ஒரு டி.வி.யும் டி.வி.டி. பிளேயரும் எப்பொழுதும் இருக்கும். நேரம் கிடைக்கும் பொழுது எப்பொழுதாவது பரிமளா அதில் சினிமா பார்ப்பாள். சமீபத்தில் ஸ்வர்ணலாதா நடித்து சக்கை போடு போட்டுக் கொண்டிருந்த ‘பாசத்தின் அடிமை!’ திரைப் படத்தை ஒரு முறை அதில் பார்த்துக் கொண்டிருந்தாள்.

குழந்தையும் அதைப் பார்த்துக் கோண்டிருந்தது! அதில் ஸ்வர்ணலதா ஒரு குழந்தையை கட்டியணைத்து அடிக்கடி முத்தம் கொடுத்து கொஞ்சும் காட்சிகள் நிறைய அந்தப் படத்தில் இடம் பெற்றிருந்தன.

சிநேகா கண் இமைக்காமல் அதையே பார்த்துக் கொண்டிருந்தாள். இப்பொழுதெல்லாம் பரிமளா ஸ்வர்ணலதா குழந்தைகளோடு நடித்த கேசட்டுகளை போட்டு விட்டு, நிம்மதியாக படிக்க ஆரம்பித்து விடுவாள்.

சிநேகா திரையில் அம்மா கொடுக்கும் முத்தக் காட்சிகளைப் பார்த்துக் கொண்டே பொம்மைகளுக்கு நடுவே ஒரு பொம்மையாக அமைதியாக உட்கார்ந்து விடுவாள்!

- பாக்யா ஆகஸ்ட் 21-27 

தொடர்புடைய சிறுகதைகள்
பள்ளிக்கூடத்திலிருந்து வந்தவுடன் ராமு, தெருவில் விளையாடிக் கொண்டிருந்த கூட்டத்தில் கலந்து கொள்வதற்காக அவசர அவசரமாகப் புறப்பட்டான். தன்னுடைய பம்பரத்தை எடுத்துக் கொண்டு புறப்படும் பொழுது, சமையலறையிலிருந்து வந்த நெய்யின் மணம் அவனை திகைக்க வைத்தது! உடனே பம்பரத்தை சட்டை பையில் போட்டுக் கொண்டு ...
மேலும் கதையை படிக்க...
“ சித்ரா!....சித்ரா!...ஏண்டி அலாரம் அடிப்பது கூடத் தெரியாமே அப்படி என்னடி தூக்கம்?...எழுந்து வாடி!....”என்ற அம்மா கண்மணியின் சத்தம் கேட்டு திடுக்கிட்டு எழுந்து உட்கார்ந்தாள் சித்ரா. காலை ஐந்து மணி. அதற்குள் அம்மா ஆரம்பித்து விட்டாள் ‘படி!..படி!.’ என்ற ராமாயணத்தை!. முகத்தைக் கழுவிக் கொண்டு, வேறு ...
மேலும் கதையை படிக்க...
நேரு மார்க்கெட்டில் வாகன நிறுத்துமிடத்தை பராமரிக்கும் வேலையை ஒரு தனியார் வசம் மாநகராட்சி ஒப்படைந்திருந்தது. செல்வம் காரை பார்க் செய்தவுடன், ஒரு தடித்த மனிதன் ஒரு துண்டுச் சீட்டை நீட்டி முப்பது ரூபாய் கேட்டான். “ என்னப்பா!...அநியாயமா இருக்கு….சைக்கிளுக்கு இரண்டு ரூபாய்…பைக்கிற்கு ஐந்து ரூபாய்…கார்களுக்கு ...
மேலும் கதையை படிக்க...
விடாமல் அடித்த போனை கல்பனா தான் எடுத்தாள். திருப்பூரிலிருந்து சித்தி மகள் பேசினாள் “அக்கா!....அப்பாவுக்கு ஹார்ட் அட்டாக்....காலமாகி விட்டார்....” “அப்படியா?.....அட அடா.!...எப்ப எடுப்பாங்க?” “மாலை ஆறு மணி ஆயிடும்!......” “சரி!...நான் வந்து விடுகிறேன்...நேரில் பேசிக்கலாம்!” இரண்டு மாதம் கழித்து இரவு பத்து மணிக்கு மேல் போன். கல்பனாவின் கணவர் ராஜசேகரன் ...
மேலும் கதையை படிக்க...
“கல்யாண வீட்டில் முதல் பத்தியில் உட்கார்ந்து சாப்பிடற மாதிரி…சாப்பாடு ஆனதும் இவ முதலிலேயே உட்கார்ந்து ஒரு பிடி பிடிச்சிடறா….முட்டையைக் கூட விட்டு வைக்கிறதில்லே!....எனக்குப் பார்க்க அசிங்கமா இருக்குதடி!......” அந்தப் பள்ளிக் கூடத்தில் வேலை செய்யும் பெண்கள், சத்துணவைக் கவனிக்கும் தன் தோழி மாலதியைப் ...
மேலும் கதையை படிக்க...
மைசூர் பாகு!
கல்லுக்குழி!
திருந்தாத சமுதாயம்!
வலி!
முதல் பந்தி – ஒரு பக்க கதை

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)