ஆரம்பம்!

 

அன்று ஞாயிற்றுக்கிழமை. ராகவனும், பிருந்தாவும் ஹாலில் ஓய்வாக உட்கார்ந்திருந்தார்கள். ராகவனின் வயசான அப்பா சுந்தரம் அன்றைய தினசரி பத்திரிகையில் வந்த பரபரப்பான ஊழல் வழக்கு தொடர்பான செய்திகளில் மூழ்கியிருந்தார்.

பேரன் செல்வம் அந்த நேரம் ஏதோ வேலையாக ஹாலுக்கு வந்தான். பிருந்தா மகனை கூப்பிட்டுக் கேட்டாள்.

“ஏண்டா செல்வம்!…இந்த செமஸ்டரில் கணக்கிலே ஏன் உன் மார்க் குறைந்து போச்சு?….”

“ அம்மா!..அது தான் எனக்கே தெரியலே!..நல்லாத்தான் செய்திருந்தேன்!….எப்படி குறைந்ததுனே தெரியலை…”

“ சரி……போகட்டும்!…..அடுத்த செமஸ்டரிலாவது நீ “மேத்ஸிலே சென்டம்’ வாங்கிக் காட்டு!…..நீ அன்னைக்கு கேட்டாயே…மூணாறுக்கு உன் பிரண்ஸோட டூர் போக வேண்டுமென்று……..அதற்கு நானே ஏற்பாடு செய்து தருகிறேன்!…..டெம்போ டிராவல்ஸ் வைத்து உன் செலவுக்கும் பணம் தருகிறேன்!….”

“ஹைய்யா!…….” என்று குதித்துக் கொண்டு பத்தாவது படிக்கும் செல்வம் ஓடினான்.

“டேய்!….செல்வம் இங்கே வாடா!….உனக்கு ஒரு வேலையிருக்கு!… என்று செல்வத்தை கூப்பிட்டான் தந்தை ராகவன்.

“என்ன வேலையப்பா!…” என்று கேட்டுக் கொண்டே அருகில் வந்தான் செல்வம்.

“உங்க அத்தை வீடு வரை கொஞ்சம் போய் விட்டு வா!…”

“எதற்கு அப்பா?…”

“உங்க அத்தை நான் சென்னிமலைக்கு போனா நல்ல பெட்ஷீட் நாலு வாங்கி வரச் சொன்னா….நேற்று சென்னிமலை ஒரு வேலையாப் போயிருந்தேன்!…அவ சொன்னபடி நாலு பெட்ஷீட் வாங்கி வந்தேன்.. அந்த பார்சலை நீ எடுத்திட்டுப் போய்….அத்தையிடம் கொடுத்து விட்டு அது ஒன்றின் விலை நானூறு ரூபாய் …..நாலுக்கு ஆயிரத்தி ஆறுநூறு ரூபா என்று சொல்லு… அத்தை அதற்கு பணம் கொடுப்பா…அதை பத்திரமா கொண்டு வந்து என்கிட்டத் தா!..”

“ அப்பா!….அம்மாவிடம் ராத்திரி பேசும் பொழுது..நீங்க பெட்ஷீட் விலை முன்னூறு ரூபா என்று தானே சொன்னீங்க?..”

“ அட….இவன் வேறே!…சரி நீயும் தெரிஞ்சுக்கோ!…இந்தக் காலத்தில் யாரும் எந்த வேலையும் சும்மா செய்ய மாட்டாங்க!..அப்படி ஒருவன் செய்தா அவனை பொழைக்கத் தெரியாதவன் என்று சமூகமே ஒதுக்கி வச்சிடும்!…பெற்ற மகன் வேலையாக இருந்தாலும் அதிலும் நாலு காசு பாக்கிறவன் தான் புத்திசாலி!…சரி…சரி.. நீ அத்தையிடம் உளறி வைக்காதே!…அதில் நூறு ரூபா உன் கமிஷனா வச்சுக்க!…நேற்று உனக்குப் பிடிச்ச விஜய் படம் ரிலீஸ் ஆச்சே! அதற்கு நீ ..சந்தோஷமா போய் விட்டு வா!….” என்று ராகவன் சொன்னான்.

செல்வம் குதி போட்டுக் கொண்டு ஓடினான்.

அத்தனையும் கவனித்துக் கொண்டிருந்த அவன் தந்தை சுந்தரம் ராகவனைக் கூப்பிட்டார்

“தினசரி பத்திரிகை படிக்கும் பொழுது நாட்டிலே லஞ்சமும், ஊழலும் ஏன் தான் இப்படி பெருகிப் போச்சேனு..நினைச்சு வருத்தப் பட்டேன்! ..இப்ப ஊழல் எங்கிருந்து தொடங்குகிறது என்று புரிகிறது!…………குழந்தைகளை பெற்றோர் இப்படி வளர்த்தா அவங்க பெரியவங்களாகி பொறுப்புக்கு வந்தா லஞ்சம் வாங்கமே…..ஊழல் செய்யாமே எப்படி இருப்பாங்க?!.. உங்களுக்கு கொஞ்சமாவது அறிவு இருக்கா?….குழந்தைகளிடம் இப்படிச் சொல்லியா வளர்ப்பது?..” என்று சத்தம் போட்டார்.

- பாக்யா ஜூன் 12-18 

தொடர்புடைய சிறுகதைகள்
நீங்க ஒரு பக்கக் கதை, ஒரு நிமிடக்கதைகளில் கூட இதுபோல் படித்திருக்க மாட்டீர்கள்! நேற்று நடந்த உண்மைநிகழ்ச்சி இது! உங்களுக்கு மங்களத்தைத் தெரியாது! எனக்கு பத்துவருஷமாத் தெரியும்! எதிர் வீடு தான்! அந்தம்மாவுக்கு அறுபத்தி ஐந்து வயசுஎன்று யார் சொன்னாலும் நம்ப மாட்டார்கள்! பார்க்கும்பொழுது ...
மேலும் கதையை படிக்க...
ஐந்து நட்சத்திர ஹோட்டலில் பிரபல டைரக்டர் மோகன் ராஜ் ஸ்டோரி டிஸ்கஷனுக்கு ஏற்பாடு செய்திருந்தார். அவருடைய அஸிஸ்டெண்ட் டைரக்டர்கள் சுறுசுறுப்பாக ஏற்பாடுகளைக் கவனித்துக் கொண்டிருந்தார்கள். பிரபல எழுத்தாளர் ஜயராமன், பிரபல கேமரா மேன் சந்திரன் மற்றும் பல முதல் தர டெக்னிஷன்களும் அன்று ...
மேலும் கதையை படிக்க...
“ முரளி!....உங்கிட்டே ஒரு விஷயம் சொல்லணும்.....உன் ‘வொய்ப்’ அகல்யா சிநேகிதமெல்லாம் அவ்வளவு சரியில்லே!....” “ என்ன அண்ணா சொல்லறீங்க?...” “ நேற்று. ... புருஷனைப் பற்றி கண்டபடி பத்திரிகையில் பேட்டி கொடுத்து டைவர்ஸ் வாங்கிய அந்த சித்ராவோடு இவ ‘ஷாப்பிங்மாலில்’ பேசி சிரிச்சிட்டிருந்தா!...அந்த மாதிரி ...
மேலும் கதையை படிக்க...
பாசம் போகும் பாதை!
“ அசோக்!....எனக்கு ரெண்டு வாரமா உடம்புக்குச் சரியில்லே!......காலையிலே எழுந்திரிக்கும்போதே ஒரே தலை சுத்தல்…….உள்ளங்கால் பூராவும் ஒரே எரிச்சல்……வாயில் புண் வந்து ஆற மாட்டேன்கிறது……..ஒரு வாரமா நெஞ்சு வலியும் இருக்குடா!....வீட்டிலே ஒரு வேலையும் செய்ய முடியலே!...டாக்டரைப் பார்த்தா நல்லா இருக்கும்!.....” என்று முணகிக் ...
மேலும் கதையை படிக்க...
தமிழ், ஆங்கிலம் என்று இரு மொழிகளில் ஏழெட்டு தினசரி பத்திரிகைகள் கோவைப்பதிப்புகள் வெளி வருகின்றன. கடந்த நான்கு மாதங்களாக எல்லாப் பத்திரிகைகளிலும் ஏதாவது ஒரு மூலையில் செயின் பறிப்பு செய்திகள் கட்டாயம் இடம் பெறும்! அந்த செயின் பறிப்பு நிகழ்ச்சிகளை புதுப் புது ...
மேலும் கதையை படிக்க...
மன அழுத்தம்!
நைன் ஹீரோயின்ஸ்!
குடும்ப கௌரவம்!
பாசம் போகும் பாதை!
ஏமாற்றம்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)