ஆசையில் ஓர் கடிதம்

 

சிவா இப்ப என்ன பண்ணிட்டிருக்கீங்க என்று ஆரம்பித்த ஜானகியின் கடிதத்தை படித்துக் கொண்டிருந்தேன்.

ஸ்கூலிருந்து வந்ததும் யூனிபார்மைக் கூட கழற்றாமல் அம்மா இன்னைக்கு ஸ்கூல்ல என்று ஆரம்பிக்கும் குழந்தை மாதிரி ஆர்டர் செய்யப்பட்ட காபி, குவளைகளின் நுண்ணிய துளைகள் வழியாக வெப்பத்தை இழந்து கொண்டிருக்க,காது வளையங்கள் அசைய அசைய நேரில் அமர்ந்து பேசுவது போல,அன்புள்ள,நலம் நலமறிய ஆவல் போன்ற சம்பிரதாய வார்த்தைகளற்று கடிதமெழுத ஜானகியால்தான் முடியும்.

சிவா எப்படி இருக்கீங்க?பாக்கணும் போல இருக்கு. சிவா இந்த வரியை எழுதும்போது ஸ்கூல் குழந்தைகள் போறது ஜன்னல்ல தெரியுது.

ததும்பி வழியும் பூக்குடலையாய் கான்வென்ட் பஸ் அவிழ்ந்து பரவும் குவியலில் எது எனது மலர்?ன்னு நீங்க எழுதினது ஞாபகத்துக்கு வருது.

சிவா, குட்டிக் குழந்தைகள், மழை, ஜேசுதாஸ் பாட்டு,ட்ரெயின்,யானைன்னு உங்கள ஞாபகப்படுத்த எத்தனை விஷயங்கள் இருக்கு. சரி,அங்க எப்பவாவத என் ஞாபகம் வருமா? இல்ல பஸ்ல ஏறி கையசைத்ததும் அப்படியே மறந்துட்டீங்களா?

சும்மா வா வான்னா உடனே வர முடியுமா? வீட்ல எத்தன பொய் சொல்லணும் எத்தன பேர சமாளிக்கணும் வழியில யாராவது பாத்துருவாங்களோன்னு திக்திக்குனு இருக்கும். இதெல்லாம் புரியாது. வரலலேன்னா கோபம் மட்டும் அப்படி வருது. எப்பத்தான் புரிஞ்சுக்க போறீங்களோ.

சரி ஊர்லருந்து கெஸ்ட் வந்திருக்காங்க.எப்படி வரமுடியும்னு தெரியல. நானே போன் பண்றேன். அதுக்கப்புறம் நீங்க கிளம்பினா போதும். இல்லேன்னா வெயிட் பண்ணேன் நீ வரல்லேன்னு வழக்கம் போல குதிப்பீங்க சரியா?

ஜானகி.

கடிதத்தை குழந்தையைப் போல் மார்பில் சாய்த்தபடி என் உயிரில் கலந்த ஜானகியின் நினைவுகளில் முழ்கினேன்.

எத்தனை யுகங்களோ அலைபேசி அதிர்ந்து அழைத்தது.

ஹலோ என்றேன்.

நான்தான். இன்னும் ரெடியாகாம என்ன பண்ணிட்டிருக்கீங்க,பங்ஷன் ஆரம்பிக்கப் போகுது.இன்னும் உன் விட்டுக்காரர் வரலையான்னு எல்லாரும் கேட்கறாங்க.

வர்றேன்.

சிக்கிரம் வாங்க என்றாள் எதிரில் இருந்த புகைப்படத்தில் கழுத்து நிறைந்த மாலையுடன் என்னருகில் சிரித்துக் கொண்டிருந்த பவித்ரா.

சரி என்றபடி திரும்பினேன்.

ஒரு மலரைப் போல மின்விசிறியின் காற்றில் மெல்ல அசைந்து கொண்டிருந்தது ஒரு இனிமையான கனவைப் போல இனி மீளவே முடியாதபடி என் வாழ்வை விட்டு விலகிப் போய்விட்ட ஜானகியின் கடிதம். 

தொடர்புடைய சிறுகதைகள்
ஆயுள் உள்ளவரை இன்ப துன்பம் பகிர்வேன் என்று அக்னி சாட்சியாய் கரம் பிடித்து ஆறே மாதத்தில் பலவீனமாய் இயற்கையால் சபிக்கப்பட்டவளை,. திருப்பித் தாக்க இயலாதவளை. பெற்றோர் உறவினர் நண்பர்களை விட்டு என்னையே சதம் என்று நம்பி வந்தவளை, என்னில் ஒரு துளியை ...
மேலும் கதையை படிக்க...
அவள் காத்திருந்தாள்.வெகு நாட்களாக எதிர்பார்த்திருந்த வேட்டைநாள் இன்றுதானென்பது அவளுக்குத் தெரிந்து விட்டது. கொப்பளிக்கும் கோபம் நாடி நரம்புகளிலெல்லாம் கசியும் ரௌத்ர சூரியன் பற்ற வைத்த நெருப்பு, அந்த பொட்டல் வெளியெங்கும் பற்றியெறிந்து கொண்டிருந்தது.நா வறணடு துவணடு நகர்ந்தது முடமான காற்று. மேகங்களற்ற வானில் ...
மேலும் கதையை படிக்க...
சொன்னா கேளுங்க இப்ப அவ தூங்க மாட்டா என்று சமையலறையிலிருந்து வந்த திவ்யாவின் குரல்,தமிழ் சினிமாக்களில் சேலன்ஞ் என்று இடைவேளை விடும் சமயத்தில் திரையெல்லாம் ஆக்ரமித்து நிற்கும் கட்டைவிரல் மாதிரி என் ஈகோவின் முன்னே சவாலாய் விரிந்து நின்றது. பாப்பா தூங்கு பாப்பா ...
மேலும் கதையை படிக்க...
எல்லோருடைய கண்களும் குழைவாக வடிக்கப்பட்ட சாதம்,காய்கறிகள்,அப்பளம்,இனிப்புகள் இவற்றோடு பாலாடை மிதக்கும் காபி எல்லாம் சேர்த்து கலவையாக படைக்கப்பட்டிருந்த இலையிலும் எதிரே இருந்த வேப்பமரத்திலும் மாறி மாறி பதிந்து மீண்டன. மரணத்தின் காட்டமான நெடி சுவாசங்களில் நிறைந்திருக்க எல்லோருடைய முகங்களிலும் வியர்வை வழிந்து கொண்டிருந்தது. ...
மேலும் கதையை படிக்க...
ஹலோ என்றதும் மறுமுனையில் உற்சாகமாய் வழிந்தது அம்மாவின் குரல். பேத்தி பொறந்திருக்காடா அப்படியே உன்னை உரிச்சு வச்சிருக்கு. சுகப்ரசவம். ஜானகி நல்லாருக்கா நீ உடனே புறப்பட்டு வந்துரு. அப்பாவாகி விட்டேன். கடவுளே நன்றி. பத்து மாத புதிர் அவிழ்ந்து கிடைத்த விடை. ஒரு புதிய ...
மேலும் கதையை படிக்க...
நிறம் மாறும் தேவி
எதிர் வினை
காட்டில் வாழும் நரி
அம்மா என்றால்…
மகாலட்சுமி

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)