அம்மா என்றால்…

 

எல்லோருடைய கண்களும் குழைவாக வடிக்கப்பட்ட சாதம்,காய்கறிகள்,அப்பளம்,இனிப்புகள் இவற்றோடு பாலாடை மிதக்கும் காபி எல்லாம் சேர்த்து கலவையாக படைக்கப்பட்டிருந்த இலையிலும் எதிரே இருந்த வேப்பமரத்திலும் மாறி மாறி பதிந்து மீண்டன.

மரணத்தின் காட்டமான நெடி சுவாசங்களில் நிறைந்திருக்க எல்லோருடைய முகங்களிலும் வியர்வை வழிந்து கொண்டிருந்தது. நிரம்பி ததும்பிக் கொண்டிருந்த அமைதியில் கனமாக விழுந்து அதிர்வுகளை உண்டாக்கியது ராமசாமி மாமாவின் குரல்.

யாராவது கூப்பிடுங்கப்பா கூப்ட்டாதானே வரும் காகா காகா

எழுந்த குரலைத் தொடர்ந்தன குரல்கள். காகா காகா

சற்றுத் தொலைவிலிருந்த வேப்பமரத்தில் எந்த அசைவும் இல்லை கால்களைப் பொசுக்கும் வெயிலின் உக்கிரத்தில் சலித்துப் போயோ என்னவோ சித்தப்பாதான் சொன்னார்

சரிப்பா அது வந்து சாப்பிடறப்ப சாப்பிடட்டும்.நாம போய்….

முடிக்க விடாமல் பாய்ந்தார் மாமா.

அதெப்படி காக்கா சாப்டாம நாம சாப்டறது.எந் தங்கச்சி பட்டினியா கெடக்கறப்ப நாம சாப்படறது பாவமில்லையா?

தேங்கி நின்ற காலத்தை உலுக்கிக் கலைத்தது பெரியம்மாவின் ஆங்காரமான குரல். அவ வரமாட்டா அவ ரோஷக்காரி .

ஏய் சும்மாருக்க மாட்ட பெரியப்பாவின் குரல் உயர்ந்தது .

வயிறு எரியுது.ஒத்தப் புள்ளய புருஷனில்லாம ஆளாக்கி வந்தவளுக்கு தாரை வார்த்துட்டு அனாத மாரி முதியோர் இல்லத்துல செத்தாளே அவ மனசு வேகுமா இந்த எச்ச சோத்த திங்கறதுக்கு அவ வரவே மாட்டா.

என் மறுபாதி ஜானகியும் வாளை உருவிக் கொண்டு குதித்தாள்.

வயசான பத்தாது வாய அடக்கணும்.எல்லா வீட்டு நாத்தமும் எனக்கும் தெரியும்.எங்க வீட்ட கௌற யாரையும் வெத்தல பாக்கு வச்சு அழைக்கல.

நீயும் ஒத்தப் பயலத்தானே பெத்து வச்சிருக்க.நாளைக்கு ஒனக்கும் இதே கதிதான்.

நானே நாகரிகமா ஒதுங்கிட்டு அவங்கள சந்தோஷமா வாழ விடுவேன்.அட்டையா ஒட்டிகிட்டு உயிரெடுக்க மாட்டேன்.

ஏம்மா எழவு வீடுன்னு நெனச்சீங்களா இல்ல… மாமாவின் தடித்த குரல் இருவரையும் விலக்கியது.

கூட்டமா இருந்தா காக்கா பயப்படும்.இப்படி கூச்சல் வேற போட்டீங்கன்னா….? சரி போங்க போய் சாப்பிட்டு ஆகற வேலயப் பாருங்க.

எல்லோரும் இறுகின முகங்களுடன் வீட்டிற்குள் சென்றதும் தனியே நின்று நடந்த சண்டையினால் பாதிக்கப்படாமல்,பிரமாண்டமான துரிகையென மெல்ல அசைந்து கொண்டிருந்த வேப்பமரத்தையே பார்த்துக் கொண்டிருந்தேன்.

மாமா சொல்வது நிஜமா?அம்மா நீ வந்துருக்கயா?நான் பேசறது உனக்கு கேட்குதாம்மா? அப்பாவ போட்டோலதானம்மா பாத்துருக்கேன்.நீதானம்மா எனக்கு எல்லாம்.பெரியம்மா சொன்னது எவ்வளவு நிஜம்.நீ ரோஷக்காரிதாம்மா.இல்லேன்னா அப்பா செத்ததுக்கப்பறம் எந்தச் சொந்தத்துகிட்டயும் கையேந்தாம வேலைக்குப் போய் என்ன ஆளாக்கியிருப்பியா.எவ்வளவு நன்றி கெட்டவன்ம்மா நான்.எப்படிம்மா எப்படி இப்படி மாறினேன்.

புலன்களில் மேல் மெல்லிய திரையென படர்ந்து நழுவின நினைவுகள். என்னடா இது சின்னக்குழந்த மாதிரி.நல்ல நாளும் அதுவுமா.

என் கண்ணீரைத் துடைத்த அம்மாவின் சுருக்கங்கள் நிறைந்த கைகளை பற்றியபடி குலுங்கினேன்.

முடியலம்மா எனக்கு வெவரம் தெரிஞ்சு நீ என் கூட இல்லாத மொத தீபாவளிம்மா இது.என்ன ஆளாக்கறதுக்கு எவ்வளவு கஷ்டப்பட்ட.என்னால உனக்கு பிரயோஜனமே இல்லாம போச்சேம்மா

இவன் ஒருத்தன்.பலனை எதிர்பாத்தா இதெல்லாம் செய்வாங்க.உன்ன இப்படி வளர்த்தேன்.அப்படி வளத்தேன்னு ஒரு தாயோ தகப்பனோ சொல்லவே கூடாது.அப்படிச் சொன்னா அதுக்குப் பேரு பாசம் இல்ல வியாபாரம்.

நெஜமா சொல்லும்மா என் மேல உனக்கு கோபமே இல்லையா?

சத்தியமா இல்ல.கல்யாணம் ஆகி அஞ்ச வருஷம் கழிச்சு தவமிருந்து பெத்த புள்ளடா நீ.கோழி மிதிச்சு குஞ்ச முடமாகுமான்னு கேட்பாங்க.எசகுபிசகா மிதிச்சா குஞ்சு முடமாகத்தான் செய்யும்.அடப்பாவின்னு உன்ன நான் வயிறெரிஞ்ச சபிச்சா அது உன்ன பாதிக்காம போகுமா? மனச போட்டு குழப்பிக்காத.நானே விருப்பப்பட்டுத்தானே வந்தேன்.சரி,ஆகாஷ் எப்படி இருக்கான்?ஜானகி எப்படி இருக்கா?

நல்லா இருக்காங்கம்மா .

ஒரு நிமிஷம் இரு என்றபடி உள்ளே சென்று சிறு பையுடன் வந்த அம்மா,நல்லாயிருக்கான்னு பாரு என்று தர,வாங்கி பிரித்துப் பார்த்தேன். எனக்கு மிகவும் பிடித்த மெருன்கலர் சட்டை.

உச்சிக்கால பூஜை மணி கணீர் கணீரென ஒலித்து நிகழுக்கு இழுத்தது.மேகக் கூட்டமொன்று சூரியனை மறைக்க வெயிலின் உக்ரம் குறைந்து எங்கும் மிதமான ஒளி பரவியது.

சரி அவ சொன்னா என் அறிவு எங்க போச்சு?என் உடம்புல ஓடற ரத்தம் எங்கம்மாவோட வேர்வை.எந்தக் காரணத்துக்காகவும் எங்கம்மாவ நான் பிரிய மாட்டேன்னு ஏன் என்னால ஜனகிகிட்ட சொல்ல முடியல.அம்மா நான் உன் மகனா மட்டும் இருந்திருக்கக் கூடாதா?

இதயத்தின் ஆழத்திலிருந்து அசைந்து வந்த குமிழ் ஒன்று தொண்டையில் வெடித்தது.

சரிம்மா நான் தப்பு பண்ணிட்டேன்.தப்பு கூட இல்ல பெரிய பாவம் பண்ணியிருக்கேன்.ஒத்துக்கறேன்.என்ன மன்னிக்க மாட்டயா,நீயே பெத்த புள்ளய மன்னிக்கலேன்னா யார் மன்னிப்பா?ப்ளீஸ்மா,என்ன மன்னிச்சிரு.நான் பெறக்கும் போது நீ என் பக்கத்துல இருந்த.நீ சாகறப்ப இநத்ப் பாவி உன் பக்கத்துல இல்லயேம்மா.அய்யோ எவ்வளவு பெரிய பாவியாயிட்டேன்.அம்மா,வாம்மா வந்து சாப்பிடு.போகும் போது பசியோட தாகத்தோட போகாதம்மா.வந்து சாப்பிடும்மா.

தீராத சுனையொன்றின் ஊற்றாக பெருகி வழியும் கண்ணீரைத் துடைக்கக் கூடத் தோன்றாமல், நான் பார்த்துக் கொண்டிருக்கும் போதே நீலவானின் பின்னணியில் காற்றின் பாடலுக்கு தலையசைத்துக் கொண்டிருந்த வேப்பமரத்தின் இலைகளுக்குள்ளிலிருந்து மழை மேகத்தின் துண்டொன்று எழும்பி,சிறகுகள் விரித்தபடி பறந்து வந்து இலையின் முன் அமர்ந்தது. 

தொடர்புடைய சிறுகதைகள்
அவள் காத்திருந்தாள்.வெகு நாட்களாக எதிர்பார்த்திருந்த வேட்டைநாள் இன்றுதானென்பது அவளுக்குத் தெரிந்து விட்டது. கொப்பளிக்கும் கோபம் நாடி நரம்புகளிலெல்லாம் கசியும் ரௌத்ர சூரியன் பற்ற வைத்த நெருப்பு, அந்த பொட்டல் வெளியெங்கும் பற்றியெறிந்து கொண்டிருந்தது.நா வறணடு துவணடு நகர்ந்தது முடமான காற்று. மேகங்களற்ற வானில் ...
மேலும் கதையை படிக்க...
எனக்கு தண்ணீர் குடிக்க வேண்டும் போலிருந்தது. இந்த நேரம் ஜனனியும் பாப்பாவும் என்ன செய்து கொண்டிருப்பார்கள்? ஜனனி டிவியில் பாடல்கள் கேட்டபடி வேலை செய்து கொண்டிருக்கலாம். பாப்பா ஸ்கூலில் இருப்பாள். பேங்கில் எவ்வளவு பணம் இருக்கிறது? சரியாகத் தெரியவில்லை.சுமாராக ஒரு ஐம்பதாயிரம் இருக்கும். ஜனனிக்கு ...
மேலும் கதையை படிக்க...
மிகப்பெரிய அற்புதமொன்று நிகழப் போவதற்கான எந்த அறிகுறியும் இல்லாமல் வழக்கம் போலத்தான் விடிந்தது இன்றைய காலைப் பொழுது. மணி கடையில் இலக்கின்றி எங்கெங்கோ சுற்றிக் கொண்டிருந்த பேச்சை,அச்சா,ஆன ஆன என்று கலைத்த மலையாளச் சிறுவன்,யானையின் அசைவுகளை பரவசத்துடன் கவனித்துக் கொண்டிருந்தான்.கிட்டிப்புள்,கோலி,பம்பரம்,திருடன் போலீஸ் எல்லவாற்றையும் ...
மேலும் கதையை படிக்க...
அவன் ஓடிக்கொண்டிருக்கிறான் காட்டுக் கொடிகளும் செடிகளும் கிழித்து உடலெங்கும் ரத்தமும், வியர்வை வழிய வழிய நா வறண்டு அசுரத்தனமாக ஓடியவன் மர வேரோ எதுவோ தடுக்கி தடுமாறி விழுகிறான்.அய்யோஓஓஓஓஓ…. வனத்தின் அமைதியில் அவனது குரல் எதிரொலிக்கிறது அருகில் இருளை வார்த்தது போல் ...
மேலும் கதையை படிக்க...
சொன்னா கேளுங்க இப்ப அவ தூங்க மாட்டா என்று சமையலறையிலிருந்து வந்த திவ்யாவின் குரல்,தமிழ் சினிமாக்களில் சேலன்ஞ் என்று இடைவேளை விடும் சமயத்தில் திரையெல்லாம் ஆக்ரமித்து நிற்கும் கட்டைவிரல் மாதிரி என் ஈகோவின் முன்னே சவாலாய் விரிந்து நின்றது. பாப்பா தூங்கு பாப்பா ...
மேலும் கதையை படிக்க...
எம் மேல கோபமா? அலைகளின் மேல் தாழப்பறந்து விழுந்து பரவும் அலைகளின் இரைச்சலில் விலகி பின்னும் பறந்து காகமொன்று ஏதோ ஒரு சிவப்பு நிறப் பொருளை அலகுகளில் கவ்வி வந்தது. ஈரமணலில் அமர்ந்து பரவும் அலைகளுக்கு விலகி அலகுகளால் குத்தியது. சுற்றுமுற்றும் ஒர ...
மேலும் கதையை படிக்க...
ஆயுள் உள்ளவரை இன்ப துன்பம் பகிர்வேன் என்று அக்னி சாட்சியாய் கரம் பிடித்து ஆறே மாதத்தில் பலவீனமாய் இயற்கையால் சபிக்கப்பட்டவளை,. திருப்பித் தாக்க இயலாதவளை. பெற்றோர் உறவினர் நண்பர்களை விட்டு என்னையே சதம் என்று நம்பி வந்தவளை, என்னில் ஒரு துளியை ...
மேலும் கதையை படிக்க...
ஏம்ப்பா மணி ஒன்பதரை ஆச்சு ஒன்பது மணின்னு டிக்கெட்ல போட்டு இருக்கு எப்பத்தான் எடுப்பீங்க? ஏழு மணிக்கு மேல சிட்டிக்குள்ள பஸ்சை விடமாட்டான் தெரியுமில்ல. அஞ்சு நிமிஷம் சார் ஒருத்தர் வந்துக்கிட்டு இருக்கார். பழனி பேருந்து நிலையத்தில் வெளிப்புறமாக நின்று கொண்டிருந்த தனியார் பேருந்தில் ...
மேலும் கதையை படிக்க...
மூடியிருந்த பிரஸ் வாசலில் ராஜா சித்தப்பா உட்கார்ந்திருந்ததை வண்டிக்கு ஸ்டாண்ட் போடும்போது தான் கவனித்தேன். நரைத்த ரோமம் மண்டியிருந்த ஒட்டிப்போன கன்னங்களுக்கு மேலே சாராயம் வழிந்து கொண்டிருந்த பிதுங்கின பெரிய விழிகள் என்னைப் பார்த்ததும் நொடி நேரத்தில் தாழ்ந்து பதுங்கின. ஆர் ஏ ஜே ...
மேலும் கதையை படிக்க...
சிவா இப்ப என்ன பண்ணிட்டிருக்கீங்க என்று ஆரம்பித்த ஜானகியின் கடிதத்தை படித்துக் கொண்டிருந்தேன். ஸ்கூலிருந்து வந்ததும் யூனிபார்மைக் கூட கழற்றாமல் அம்மா இன்னைக்கு ஸ்கூல்ல என்று ஆரம்பிக்கும் குழந்தை மாதிரி ஆர்டர் செய்யப்பட்ட காபி, குவளைகளின் நுண்ணிய துளைகள் வழியாக வெப்பத்தை இழந்து ...
மேலும் கதையை படிக்க...
எதிர் வினை
தாகம்
ஆனைச்சாமி
மாயா
காட்டில் வாழும் நரி
கானல் வரி
நிறம் மாறும் தேவி
இறந்தவனின் அலைபேசியிலிருந்து வரும் அழைப்பு
ஆர்ஏஜேஏ ராஜா
ஆசையில் ஓர் கடிதம்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)