அப்பாவா இப்படி?

 

“நீங்க பண்ணிட்டு வந்து நிக்கிற காரியம் உங்களுக்கே நல்லாயிருக்கா.?இருபத்திரெண்டு வருச காலமாச்சு..நான் இந்த வீட்டுக்கு மருமகளா வந்து..!..இத்தனை வருசமும் குடியும் குடித்தனமுமாகத்தான் இருக்கீங்க…ஆனா இவ்வளவு காலமா இல்லாம இப்ப ஊர்வம்பு வாசல்தேடி வந்து நிக்குது…அக்கம் பக்கம் இளக்காரமா பார்க்கறாங்க …என்ன பண்ணீங்க சொல்லுங்க?”கண்ணீர் வழிய மூக்கை உறிஞ்சியபடியே வழிமறித்து நின்றாள் நளினி.

“தப்பு தான் நளினி…நான் எதுக்காக அப்படி பண்ணினேன்னா…”பீடிகையோடு ராகவன் ஆரம்பிக்க இடைமறித்தாள் நளினி.

“நீங்க ஒன்னும் சால்ஜாப்பு சொல்ல வேணாம்..நம்ம தெரு பசங்ககிட்ட ஒயின்ஷாப்ல கலாட்டா பண்ணியிருக்கீங்க..அவனுங்க நம்ம பையன்கிட்ட..’உன் முகத்துக்காகதாண்டா உங்க அப்பாவை சும்மா விட்டோம்’னு சொல்லிட்டு போனப்ப…தலைக்கு உசந்த பிள்ளை எப்படி கூனிக்குறுகி நின்னான் தெரியுமா?”

“நளினி…உன் ஆதங்கம் சரிதான்..!அந்த பசங்களோட நம்ம ரவி கூட காலேஜ்ல படிக்குற அரவிந்தனும் வந்திருந்தான்..குடும்ப கஷ்டத்தை நெனச்சு லீவுநாட்கள்ல அந்த பையன் பெயிண்டிங் வேலைக்கு போறான்…இன்னிக்கு சாயங்காலம் சம்பளம் பிரிக்கும் போது ஆயிரம் ரூபாய் நோட்டை சில்லரை மாத்த ஒயின்ஷாப்புக்கு வந்தானுங்க..அவனுங்க எல்லோரும் குடிக்க பழகினவனுங்க…அதனால அந்த அரவிந்தன் மட்டும் ஒதுங்கி தூரமா போனான்..ஆனா அவனுங்க விடல..சும்மா பாருக்குள்ள வந்து ஒரு ஆப்பாயில் சாப்பிட்டு கம்பெனி கொடுடான்னு அவனை வற்புறுத்துனானுங்க..அவனும் இவனுங்க கூடவே உள்ளே வந்துட்டான்.”

“இந்த மாதிரி சூழல்தான் படிப்படியா என்னையும் குடிகாரனா மாத்துச்சு…அதே நிலமை அரவிந்தனுக்கும் ஏற்பட்டுடாம தடுக்கனும்னு நினைச்சேன்..அதான் போதை ஏறினது மாதிரி நடிச்சு…அவனுங்க டேபிள்ல இருந்ததையெல்லாம் தட்டிவிட்டேன்..முதல் அனுபவமே கசப்பானதாக இருந்தா அடுத்த முறை அந்த இடத்துக்கு வர அரவிந்தன் கூச்சப்படுவான்..என்னை மாதிரி நாத்த அகழியில அவனும் விழுந்து..அதன் மூலமா அவனைச்சேர்ந்தவங்களும் அவமானப்பட வேணாம்னு நினைச்சேன்..அது தப்பா நளினி.!?”என்றார் ராகவன்.

பக்கத்து அறையில் கேட்டுககொண்டிருந்த ரவி அவசரமாக ஒரு பிளாஸ்டிக் பையை ஜன்னல் வழியே வீசியெறிந்தான்.’களீ’ரென்று சப்தத்தோடு விழுந்து நொறுங்கியது மது பாட்டில்.!
தான் சாக்கடையில் விழுந்தாலும்..தனக்கு அடுத்த தலைமுறை சந்தனமாய் மணக்கவேண்டும் என நினைக்கும் தகப்பன் கிடைத்ததை எண்ணி பூரிப்படைந்தான் ரவி.பெருமிதம் கலந்த ஆனந்த கண்ணீரோடு ஆதரவாய் கணவனின் கரம்பற்றி வீட்டுக்குள் அழைத்துச்சென்றாள் நளினி.

- தினத்தந்தி_குடும்பமலர்: 20.1.2013 

தொடர்புடைய சிறுகதைகள்
"ஐயா,இது போலீஸ் ஸ்டேஷனுங்களா...எம்மவனை காப்பாத்துங்கய்யா...'வெட்டியா ஊரை சுத்திசுத்திவர்றீயே..படிப்புக்கேத்த வேலை கிடைக்கிற வரைக்கும் கிடைக்குற வேலைக்கு போயேன்'னு சத்தம் போட்டேன்..அதுக்காக கோவிச்சிகிட்டு 200அடி உயர செல்போன் டவர்ல ஏறி கீழே விழுந்து சாகப்போறேன்னு அடம் பண்றான்...உடனே கிளம்பி வாங்கய்யா"பதட்டத்தில் அதற்கு மேல் வார்த்தை ...
மேலும் கதையை படிக்க...
முதலிரவு அறை. பால் சொம்பேந்திய திருவாரூர் தேரை தோழி பொக்லைன்கள் நெட்டி அறைக்குள் தள்ளி விட்டு கதவை வெளிப்பக்கம் சாத்துகின்றன. பால் சொம்பை கையில் கொடுத்துவிட்டு கால் தொட்டு வணங்குதல் இல்லை.சற்று தள்ளியே அமர்ந்து கை வீணையை மீட்டக்கொடுத்துவிட்டு உச்சி சிலிர்க்க காலால் தரையில் ...
மேலும் கதையை படிக்க...
"வளரு..வளரு..!".. குழந்தைகளுக்கு சிக்கெடுத்து தலைவாரிக் கொண்டிருந்த வளர்மதிக்கு குழைந்து இழையோடும் அந்தக்குரல் யாருடையது என்பது தெரியாமல் இல்லை. அதிகாலையில் வீட்டை விட்டு கிளம்புபவன்,இரவு வீடு திரும்புகையில் ...ஒருநாள் கூட இப்படி அன்பொழுக கூப்பிட்டதில்லை. யோசனையோடு தாழ்ப்பாளை விலக்கியவள் "என்ன மாமா.!..இந்நேரமே திரும்பிட்ட..பொழப்புக்கு போகலியா.?"என்றாள். "இல்ல..வளர்,பொழப்புக்குதான் போனேன்.தலைவரு தர்மலிங்கம் ...
மேலும் கதையை படிக்க...
"என்னப்பா...வந்துடுவாங்களா..?..நான் வேற பள்ளிவாசலுக்கு தொழுக போகனுமே..."பரூக் மரைக்காயரின் கேள்விக்கு பதிலளிக்க அவகாசமின்றி வீதியில் இறங்கி ஓடினார் பண்ணையாள்சவுரிமுத்து. இன்னும் சிலநாட்களில் நாடாளுமன்ற தேர்தல் நடைபெற இருக்கிறது.அதன் பொருட்டு வாக்குகேட்டு வரும் வேட்பாளரை வரவேற்க நாட்டாமையின் பண்ணை வீட்டில் குழுமியிருந்தார்கள் அனைவரும். "ஐயா..வேற்பாளர் வந்துகிட்டிருக்காருங்க..தெரு முனையில் ...
மேலும் கதையை படிக்க...
"எலேய்..துரை!என்ன பழம்டா வச்சிருக்கே?கன்னல் இல்லாம கொஞ்சம் கொண்டாடா.."பழவண்டிக்காரனை ஏவியவர்,குதப்பிய வெற்றிலை எச்சிலை ஓரமாய் உமிழ்ந்தபடியே அடுத்த அதட்டல் உத்தரவை தேநீர் கடைக்காரனுக்கு போட்டார் ஏட்டு ராகவன்.."ஏய்..யாருய்யா அது..கடைப்பையன்கிட்ட ஒரு கிளாஸ் பச்சத்தண்ணீய கொடுத்தனுப்பு". சைடு ஸ்டாண்ட் போட்டு நிறுத்தப்பட்டிருந்த புல்லட்டில் சாய்ந்தபடியே கடைப்பையன் ...
மேலும் கதையை படிக்க...
சமர்ப்பனம்
தீண்டும் இன்பம்
‘பலான’எந்திரம்
நீதியின் நிழலில்
உழைப்’பூ’

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)