அதிர்ச்சி

 

பூஜையை முடித்துக் கொண்டு பூசனிக்காய் வயிறு தெரிய வெளியே வந்தார் புண்ணியக்கோட்டி. வந்தவரை பிரம்பு நாற்காலியில் உட்காரக்கூட அனுமதிக்கவில்லை. அனுசுயா அப்படியே அவர் கால்களில் விழுந்தாள். புண்ணியக்கோட்டி இதை எதிர்ப்பார்க்கவில்லை. “எழுந்திரும்மா . .. எழுந்திரு. நீ யாரு ? என்ன வேணும். ? ”

“என் புருசனை நீங்கதான் காப்பாத்தணும்,” அவள் இன்னும் எழுந்திருக்கவில்லை.

“எழுந்திரும்மா.. . யாரு உன் புருசன் ? ”

“கார் டைவர். .. பாண்டி. .. . ”

“அவனா? அவனை இனிமே திருத்தவே முடியாதும்மா. ”

“இல்லே, நீங்க அப்படிச் சொல்லக்கூடாது ”

“பொல்லாத ஆளும்மா அவன் . ..சீட்டைக் கிழிக்கச் சொல்லிட்டேன். ”

“சீட்டைக் கிழிச்சா அவரு சோத்துக்கு என்ன செய்வாரு ? ”

“அந்தக் கவலை இருந்தா வண்டிக்குப் பெட்ரோல். .. வண்டிக்குப் பெட்ரோல்-னு காசு வாங்கி சீட்டு ஆடுவானா ? ”

“இந்த சீட்டுப் பழக்கம் தான் அவர் குடியைக் கெடுக்குது. ”

“சீட்டு மட்டுமா ? குடிச்சுட்டு காரை ஓட்டி வாராவதியிலே மோதி வண்டியை ஓர்க் ஷாப்புக்கு அனுப்பிச் சிட்டான். ”

“ஐயா நீங்கதான் புண்ணியவான். .. இதோடு ஏழெட்டு கம்பெனி ஏறி ஏறங்கியாச்சு.. . ஒங்க பிள்ளை மாதிரி பார்த்துக்கற உங்ககிட்ட வேலை செய்யலைன்னா வேறே எங்கேயும் செய்ய முடியாது. ”

“வண்டிப் பெட்ரோலை வாயாலே உறிஞ்சி எடுத்து வெளியே விக்கிறானாம். ”

“செய்வாருங்க.. . அவரு நல்லவர், அவரை வேலையிலே விட்டு எடுத்தது தப்புன்னு சொல்லலை.. . வயிறு பொழைக்க வழியில்லே. மன்னிச்சுடுங்கன்னுதான் கேக்குறேன். ”

“நாய் வாலும்மா.. . நிமித்த முடியாது. வெட்டத்தான் வேணும் ! ”

“இந்த ஒரு தபா எனக்காக அவரை எச்சரிச்சு விட்டுடுங்க. .. அவரு எவ்வளவு ரூவா தரோணுமோ அதை மாசா மாசம் பிடிச்சுக்குங்க. .. முதுகிலே அடிங்க. .. வயித்திலே அடிச்சிடாதீங்க. ”

“இவ்வளவு நல்ல பொண்ணா இருக்குறே.. . உங்கிட்ட நல்லபடியா நடந்துக்குவானா ?”

“பெரியவங்க உங்ககிட்டே பொய் சொல்லக்கூடாது. அடி, உதை. .. வீட்டுக்கு காலணா கண்ணுலே காட்ட மாட்டாரு. ”

“வீட்டுக்கு ரெகுலரா வருவானா ? ”

“எப்பவாவது கையிலே காசில்லேன்னா. . வயித்துக்கு சோறில் லேன்னா. .. ”

“அப்படிப்பட்ட பாவிக்கு நீ ஏன் பரிஞ்சு பேசறே ? அவன் வேலை பார்த்தா என்ன, நடுத்தெருவிலே நின்னா என்ன ? ”

“அப்படி இல்லீங்க.. . அவரை ஒரேயடியா தலைமுழுகப் போறேன். ”

“அதிர்ந்து போனார் புண்ணியகோட்டி, என்னம்மா சொல்றே நீ ? அவனுக்காக எங்கிட்டே பரிஞ்சு பேசறே. . ஆனா நீ அவனை ஒரேயடியா விட்டுப் போகப் போறேங்கிறே ? ”

“ஆமாங்க.. . அவருக்கு வேலையில்லாதபோது விட்டுட்டுப் போனான புருஷன் சம்பாரிச்ச வரை கூட இருந்தா. .. காசு இல்லேன்னு ஆனவுடனே கட்டின புருசனை உட்டுட்டுப் பூட்டான்னு சொல்வாங்க. . ”

“அப்ப நீ. ..? ”

“கையிலே சித்தாள் வேலையிருக்கு. . மனசிலே தைரியமிருக்கு.. தனிமையிலே பழக்கமிருக்கு. ”

புண்ணியகோட்டிக்கு அதிர்ச்சியிலிருந்து மீளவே நெடு நேரமாயிற்று.

- ஜூன் 09, 2005 

தொடர்புடைய சிறுகதைகள்
ஆத்திரம் ஆத்திரமாய் வந்தது. அவள் கணவன் மீது, அம்மா மீது, அப்பா மீது, தங்கை மீது, அவள் மீதே கூட ! ‘அரைவிங் பை பிருந்தாவன் ‘ என்ற அவள் தங்கை கணவன் தந்தி அவள் ஆத்திரத்தை அதிகப்படுத்தியது. சூட்டும் கோட்டுமாய் ஜம்மென்று ...
மேலும் கதையை படிக்க...
முதலில் மேடையேறும் நடிகனைப்போல மனதில் சொல்லிப் பார்த்துக் கொண்டார் வராகசாமி. ஒட்டக் கறந்துவிட வேண்டும். தரகர் சொல்லியிருந்தார், ‘சரியான பார்ட்டி‘ என்று. ரிமோட் கண்ட்ரோலில் மனைவியின் முகம் வேறு. ஆரம்பித்தார். “நாங்க மிடில் கிளாஸ்தான், நகை நட்டை வித்துத்தான்..“ அவரிடம் ஸ்க்ரூ நட் ...
மேலும் கதையை படிக்க...
"விற்பனையாகிறது குசேலர் எழுதிய குடும்பக் கட்டுப்பாடு நுhல்". "வீட்டு வசதி யூனிட்டின் கிளைக்கு வசதியான வீடு தேவை" "பத்தே ரூபாய்த் தவணை, பத்தே ஆண்டுகள், சென்னைக் கடற்கரைக்குக் கிழக்கே பத்தே நிமிட விமானப் பயணம்.. மனைகள் விற்பனை." விளம்பரப் பகுதிகளைப் படித்துக் கொண்டே வந்த ...
மேலும் கதையை படிக்க...
"அம்மா இன்னைக்கு ஸ்கூல்லே.. ." குழந்தை மாயா சொல்ல வந்த போது. .. அம்மாவுக்கு சமையல் வேலை, அப்பா பேப்பரில் பிசி, அக்காவுக்கு நாவல் சுவாரசியம் கடைசியில் டெலிபோன் வந்தபோது.. . ஸ்கூலில் என்னதான் நடந்தது ? குழந்தை வாயால் கேட்க மூவருமே காத்திருந்தனர். முத்து முத்தாக முகத்தில் வியர்வை தளிர்க்க, ரவிக்கை கசகசக்க, ...
மேலும் கதையை படிக்க...
"கெட்டி மேளம் ! கெட்டி மேளம் !" குரல்கள் எதிரொலித்தன. "கொட்டாதே கெட்டி மேளம் ! நிறுத்து... நிறுத்து மேளத்தை !" குரலைத் தொடர்ந்து மேளக்காரக் கிழவன் கையிலிருந்த கொம்பையே பிடுங்கிக் கொண்டு ருத்திராகாரமாய் நின்றhள் அகிலாண்டம் ! ‘கொட்டாதே கெட்டி ...
மேலும் கதையை படிக்க...
பெருமை
சீர்வரிசை
வேலை கிடைத்தது
அம்மா இன்னைக்கு ஸ்கூல்லே
சிவன் சொத்து!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)