பஞ்சதந்திரம்

 

“அஷோக் இப்ப நீ எங்க இருக்க”

“என்னோட ஸ்டேஷன்ல தான், ஏன் ஏதாவது அவசரமா?”

“ஆமா, இப்ப வந்தா உன்னை பாக்கமுடியுமா?”

“வாடா, என்ன இப்ப மணி பத்தாவுது ஒரு ஹாஃப் அன் அவர்ல வந்துடுவியா?”

“வறேன் அஷோக்”

மொபைலை கட் செய்த பிரஷாந்த் அருகிலிருந்த தன் நண்பரிடம் சொன்னான். “கவலைப்படாதீங்க மதி, ஏ.சி அஷோக் என்னோட ஃப்ரெண்ட்தான், கண்டிப்பா உங்க பிரச்சினைக்கு ஒரு தீர்வு கிடைக்கும்”

“ அவர் என்ன சொல்றாருன்னு பாப்போம்”

இருவரும் ஒரு அறை மணி நேரத்தில் அஷோக்கின் முன் அமர்ந்திருந்தனர்.

“சொல்லு ப்ரஷாந்த், என்ன திடீர் விஜயம், யார் இவர் ”

“என்னோட ஃப்ரெண்ட் பேரு மதி, ‘உண்மை’ டி.வி பாத்திருக்கியா? அதோட எடிட்டர். “

“வணக்கம் சார். சாரி நான் ரொம்ப டிவியெல்லாம் பாக்குறதில்லை. சொல்லுங்க என்ன விஷயம்?” என்றான்.

சற்று தயங்கிய மதி, “எனக்குத் தெரியாம என் பேரில ஒருத்தன் க்ரெடிட் கார்ட் எடுத்து யூஸ் பண்ணிட்டிருக்கான், கார்டை ப்ளாக் பண்ணிட்டேன்., விசாரிச்சதுல ரெண்டு மூணு பேர் இதுமாதிரி பாதிக்கப்பட்டிருகாங்க, லோக்கல் போலிஸ் ஸ்டேஷன்ல சொன்னதுக்கு, உங்க பணம் திருடு போகலியே. நீங்க பணம் கட்டாதீங்க சம்மந்தபட்ட பாங்க் தானா வந்து கம்ளைன்ட் பண்ணும்ன்றாங்க”

“ஒ அந்த இஷ்யுவா, அவங்களே கரெக்டா தான் சொல்லிருக்காங்க ஃபோன்ல விஷயத்தை சொல்லிருந்தா நானே வரவேண்டாம்னு சொல்லிருப்பேன் பிரஷாந்த், சம்மந்தபட்ட ஆளு நம்ம ஏரியாதான், பேரு சிங்காரம், கொஞ்சம் அரசியல் செல்வாக்கு உள்ளவர்” என்று இழுத்தார் அஷோக்.

“என்ன அஷோக் இப்படி காலை வாரி விடறியே, நான் வேற உன்னைப்பத்தி நிறைய பில்டப் பண்ணி இவரை கூட்டிட்டு வந்திருக்கேன்,” அலுத்துக்கொண்டான் பிரஷாந்த்.

“அந்த ஸ்டேஷன்ல சொல்ற மாதிரி செய்யலாம் ஆனா சிபில் ரேட்டிங் போயிருச்சுன்னா அப்புறம் பேங்க் லோன் எதுவும் வாங்க முடியாது, அதுவுமில்லாம வேற யாருக்கும் இது மாதிரி நடந்துடக் கூடாது, அது தான் என் கவலை”

சிறிது நேரம் யோசித்த அஷோக் “நீங்க சொல்றதும் நியாயம் தான், நீங்க ரெண்டு பேரும் கொஞ்சம் நான் சொல்ற மாதிரி செஞ்சிங்கன்னா ஒரு கேம் விளையாடி பாக்கலாம்”

“சொல்லுங்க எது வேணா செய்றேன்” என்றார் மதி

“சொல்லு அஷோக் என்ன பண்ணனும்”

“இங்க வேணாம் பக்கத்தில ஒரு காஃபி ஷாப் இருக்கு அங்க போய்டலாம்.”

மூவரும் அருகிலிருந்த காஃபி ஷாப்புக்கு சென்றனர். மெலிதான இசை குளிரூட்டப்பட்ட சூழலில் ரம்மியமாக இருந்தது. காஃபி சாப்பிட்டுகொண்டே அஷோக் பேச ஆரம்பித்தார்.

“ரெண்டு பேரும் நான் சொல்றதை கவனமா கேளுங்க, பிரஷாந்த் முதல் காரியமா நீ என்ன பண்ற, நான் சொல்ற ரெண்டு நம்பர்க்கு வழக்கமா பாங்க்லேர்ந்து இ எம் ஐ கட்டலேன்னா அனுப்புவாங்களே அந்த மாதிரி எஸ் எம் எஸ் அனுப்பணும்.

“ஓகே, யாரோட நம்பர்”

“ஒண்ணு கமிஷனரோடது, இன்னொண்னு டி.ஜி.பியோடது.”

“என்னப்பா பிரச்சினையை தீர்த்துவைன்னா ஊதி பெரிசாக்கரே வம்புல மாட்டி விடறே,” பதறினான் ப்ரஷாந்த்

“இன்னமும் நான் ஆரம்பிக்கவேயில்ல அதுக்குள்ள இப்படி பதர்றே, பேசும்போது என்னமோ பொது நலம், சமூக அக்கறைன்ன, இப்ப பின் வாங்கறே”

“அதில்லை நாளை பின்ன ஏதும் பிரச்சினை வராதே?”

“பிரச்சினைன்னு வந்தா சமாளிக்கவேண்டியதுதான், முடியுமா? முடியாதா? சட்டுன்னு சொல்லு”

“சரி, தெரிஞ்ச பையனிருக்கான், இந்த மாதிரி தில்லாலங்கடி சமாச்சாரத்தில எக்ஸ்பர்ட், சொன்னா நம்ப மாட்டே, பையன் என்ன படிச்சிருப்பான் நினைக்கிறே?

“ஐ ஐ டி ட்ராப் அவுட்?”

“இல்ல எட்டாங்கிளாஸ் ஸ்கூல் ட்ராப் அவுட், கம்பியூட்டரை பிரிச்சு மேய்ஞ்சிருவான், செம ப்ரில்லியன்ட், சரி என் சைட் ஒகே, அவர்க்கு என்ன வச்சிருக்க?”

“நீங்க என்ன பண்றீங்க அந்த எஸ் எம் எஸ் அனுப்புன கொஞ்ச நேரத்தில உங்க டி வில நான் சொல்ற மாதிரி ஃப்ளாஷ் நியூஸ் போடணும்”

“என்னன்னு சொல்லுங்க, என்ன சொல்லப்போறிங்களோன்னு நெஞ்சு பக்கு பக்குன்னு அடிச்சுக்குது?”

“முதல்வர் அக்கவுன்டையும் ஹேக் செய்து காட்டுவேன் கிரெடிட் கார்ட் மோசடி மன்னன் பகிரங்க சவால்”னு உங்க டி வில ஃப்ளாஷ் நியூஸ் வரணும்.

“என்ன சார் இது அடுத்த அதிரடி, இதெல்லாம் சரியா வருமா?”

“என் மேல நம்பிக்கை இருந்தா செய்யுங்க, இல்லாட்டி விட்டுடுங்க, தட்ஸ் ஆல்… . கூல்”

“அது சரி, ஆதாரம் இல்லாம நாங்க எந்த நியூஸும் போட முடியாதே?”

“பிரஷாந்த், அந்த பையனை விட்டு அவங்க டி.விக்கு ஃபேக் ஐ டிலேர்ந்து இமெய்ல் அனுப்ப சொல்லு, நான் சொல்ற அட்ரஸ்க்கு பக்கதில இருக்குற நெட் சென்டர்லேர்ந்து ” என்று சிங்காரத்தின் விலாசத்தைக் கொடுத்தார்.

“குட் ஐடியா அனுப்பசொல்றேன், நாளைக்கு எதாவது பிரச்சினைன்னா நீ பார்த்துப்பேயில்ல?”

“அது அப்புறம் பாக்கலாம், சொன்ன வேலை எப்ப முடியும்?”

“இமெய்ல் கிடைச்ச கொஞ்ச நேரத்தில ந்யூஸ் போட்டுடலாம், அதுல ஒண்ணும் சிறமமில்லை”

“அப்ப எல்லாம் முடிஞ்சதும், சாயந்திரம் ரெண்டு பேரும் என்னை வந்து பாருங்க” என்று விடை கொடுத்தார் அஷோக்.

அஷோக் லன்ச் முடிந்து, ரவுண்ட்ஸ் முடிந்து மாலை நாங்கு மணிக்கு தன் சீட்டுக்கு வந்தார். அவர் சீட்டில் அமர்வதற்கும் கமிஷ்னரிடமிருந்து கால் வருவதற்கும் சரியாக இருந்தது. எடுத்து பேசினார்,

“எஸ் சார், அஷோக் தான் பேசரேன்”

“நியூஸ் பாத்திங்களா?”

“இல்லை சார், ரவுண்ட்ஸ்ல இருந்தேன், இப்ப தான் வைஃப் ஃபோன் பண்ணி சொன்னாங்க, ஃபேக் நியூஸாயிருக்கும் சார்”

“இல்ல அஷோக் எனக்கே எஸ் எம் எஸ் வந்துச்சு, இ எம் ஐ கட்டலைன்னு, சிம்பிளா எடுத்துக்க முடியாது”

“அய்யோ அப்ப அது நிஜமான நியூஸா? இப்ப என்ன சார் செய்றது?” போலியாய் அதிர்ச்சி காட்டினார் அஷோக்.

“வேற என்ன பாண்றது சிங்காரத்தை கஸ்டடில எடுக்கவேண்டியதுதான், உங்க ஏரியா தானே?”

“ஆமா சார் என் ஏரியா தான் , நாளைக்கு அவர் கட்சிலேர்ந்து எதாவது பிரச்சினைன்னா?”

“அதை அப்புறம் பாக்கலாம், நாளைக்கு அவன் சொன்னா மாதிரி செஞ்சிட்டா நிலைமை விபரீதமா போயிடும்”

“சரி சார் உடனடியா ஆக்ஷன் எடுக்கறேன்”

எதிர்பார்த்த உத்தரவு வந்ததால் அதிரடியாக களத்தில் இறங்கினார் அஷோக். ஒரு மணி நேரத்தில் சிங்காரம் லாக்கப்பில் இருந்தான். வழக்கமான போலிஸ் ட்ரீட் மென்ட் ஆரம்பித்தனர்.
செய்தியை தெரிந்துகொள்ள பிரஷாந்தும், மதிவும் மாலை வந்திருந்தனர். அஷோக் அவர்களிடம் ஆறுதல் சொன்னார்.

“கவலைப்படாதீங்க சார், ஆளை அமுக்கிட்டோம், ஆமா உங்களுக்கு மொத்தம் எவ்ளோ லாஸ்?”

“லாஸெல்லாம் இல்லை சார், இன்னொரு விஷயம் நாளைக்கு அவன் நான் எஸ் எம் எஸூம், இமெயிலும் அனுப்பலைன்னு சொல்லிட்டா”

“உங்க கவலை உங்களுக்கு, சரி கொஞ்சம் நேரம் வெய்ட் பண்ணுங்க, வேடிக்கை பாருங்க” என்று டேபிளில் இருந்த ஃபைல்களில் கவனம் செலுத்தினார் அஷோக்
சிறிது நேரத்தில் உள்ளே வந்த ஏட்டு, “ சார் செஞ்ச எல்லாத்தையும் ஒத்துகிட்டான், ஆனா இமெயில், எஸ் எம் எஸ் எதுவும் அனுப்பலைன்னு சாதிக்கிறான்”

“என்ன சார் எவ்ளோ பேரை பாத்திருகோம், எந்த குற்றவாளி ஆரம்பத்திலேயே செஞ்ச எல்லா தப்பையும் ஒத்துகிட்டிருக்கான், பேருக்கும், புகழுக்கும் ஆசைபட்டு செஞ்சிருப்பான், அதையே ஸ்டேட்மென்டா எழுதிவாங்கிடுங்க, பெரிய எடத்து பிரச்சினை, தேவைப்பட்டா தேர்ட் டிகிரி கூட கொடுங்க பாத்துக்கலாம்”

“அதில்லை சார் அவன் வக்கீல் கிட்டே பேசணுமாம்”

“அதெல்லாம் முடியாதுன்னு சொல்லுங்க, மீடியா வரைக்கும் நியூஸ் போயிருச்சு, சட்டு பட்டுன்னு எழுதி வாங்குங்க” என்றவர் அவர் வேளியே சென்றவுடன்,

“ச்சே.. ஜஸ்ட் மிஸ் ஆயிடுச்சு” என்றார்

“ஏன் என்னாச்சு”

“அவன் வக்கீலை பத்தி முன்னமே யோசிச்சிருந்தா அவருக்கும் ஒரு எஸ் எம் எஸ் அனுப்பி சேம் சைட் கோல் போட வச்சிருக்கலாம், அவசரத்தில ப்ளான் பண்ணா இப்படித்தான், சரி விடுங்க அதையும் சமாளிப்போம்”

“ரொம்ப தாங்க்ஸ்” என்றார் மதி

“ப்ரஷாந்துக்காக இது கூட செய்யலைன்னா எப்படி”

“வறேன் அஷோக்”

“போலிஸ் ஸ்டேஷனுக்கெல்லாம் வந்துட்டு, வறேன்னு சொல்லகூடாது, டைம் ஆயிருச்சு நானும் கிளம்ப வேண்டியதுதான்” என்று அவரும் அவர்களுடன் வீட்டிற்கு புறப்பட்டார், ஸ்டேஷனை விட்டு வெளியில் வந்த போது, யார் வீட்டிலோ நியூஸ் ஒடிகொண்டிருந்தது. “ஸ்காட்லாண்ட் யார்டுக்கு நிகரான நமது காவல் துறை – செய்தி வெளிவந்த சில மணி நேரத்தில் துரிதமாக செயல்பட்ட காவல்துறைக்கு முதல்வர் பாராட்டு”

ஒருவரை ஒருவர் பார்த்து நக்கலாக சிரித்துகொண்டனர். 

தொடர்புடைய சிறுகதைகள்
கதிர் என்னுடைய நெருங்கிய நண்பன். க்லோஸ் ஃப்ரெண்ட் திக் ஃப்ரெண்ட் எப்படி வேண்டுமானாலும் வைத்துக் கொள்ளுங்கள். கல்லூரி முதலாம் ஆண்டு வரை என்னுடன் படித்தவன். சென்னையில் இருந்த அந்த புகழ்பெற்ற பள்ளியில்தான் நாங்கள் படித்தோம். கதிருக்கு சினிமா ஆர்வம் அதிகம். பை நிறைய ...
மேலும் கதையை படிக்க...
சென்னையில், வயதான அப்பாவும், பேச்சிலர் தம்பியும் கஷ்டப்படுகிறார்களென்று எனக்கும் அப்பாவுக்கும் சுவையாக சமைத்துப் போட ஒவ்வொரு முறையும் அக்கா உமா ஏதாவது காரணம் வைத்துக்கொண்டு மும்பையிலிருந்து மகன் கௌதமுடன் வந்துவிடுவாள். பிரச்சினை என்னவென்றால் எங்களால் வீட்டில் பாத்திர பண்டங்களை ஒழுங்காக பராமரிக்க ...
மேலும் கதையை படிக்க...
திருவள்ளூர் செல்லும் பாதையில் ஆவடியைத் தாண்டி, சென்றுகொண்டிருந்தது அந்த கார். மிகுந்த சந்தோஷத்துடன் அப்பாவின் மடியில் அமர்ந்திருந்தாள் ஆறு வயது பாரதி, அம்மா சுந்தரி காரை செலுத்திக்கொண்டிருந்தாள். “நான் வேகமா போறேன்னு ட்ரைவ் பண்றே சரி, ஆனா ரொம்ப ஸ்லோவா போற, பின்னாடி வர்றவனெல்லாம் ...
மேலும் கதையை படிக்க...
நீண்ட நாட்களாக மனைவி ஜானகிக்கு அடையாள அட்டை இல்லாத காரணத்தாலும், ரேஷன் கார்டில் இன்னமும் பெயர் சேர்க்கப்படாத காரணாத்தாலும், பாஸ்போர்ட் எடுக்க முடியவில்லை. (பாஸ்போர்ட் வைத்துக்கொண்டு எதுவும் செய்யப்போவதில்லை, அது வேறு விஷயம்!) இன்னிலையில் ஒரு நாள் செய்தித்தாளில் இனி அனைவரும் தங்கள் ...
மேலும் கதையை படிக்க...
சிறுவயதிலிருந்தே தினேஷிற்கு கிரிக்கெட் என்றால் உயிர். பத்தாம் வகுப்பு வரை கிரிக்கெட் ஒன்றே பிரதானம் என திரிந்தவன், அதற்குப் பிறகு ஸ்கூல் டியூஷன், ஐஐடி கிளாஸ் என்ன முழுநேரமும் படிப்பிற்கே போக அவனால் கிரிக்கெட் பார்க்க மட்டுமே முடிந்தது! அதுவும் சமயம் ...
மேலும் கதையை படிக்க...
சின்ன தாத்தாவைப் பற்றிய என் நினைவுகள், சிறு வயதிலிருந்தே அழகான படிமங்களாக சேர்ந்திருந்தது. நான் என் அண்ணா, பக்கத்து வீடுகளிலிருந்த எங்கள் நண்பர்கள் என அனைவரும் அவரை ஒரு அழகான கதை சொல்லியாகவே அறிந்திருந்தோம். விசாலமான முற்றத்தை கொண்ட மர வேலைப்பாடுகள் நிறைந்த ...
மேலும் கதையை படிக்க...
வாடகை வீடு அழகாகவும், பொருத்தமாகவும் அமைவதென்பது நமது பூர்வ ஜென்ம புண்ணியம்தான். சுற்றிலும் மதில் சுவருடன் முன்புறம் கார் ஷெட் வாசலில் பச்சை நிற கிரில் கதவு கொண்ட தனி வீடு எங்களுடையது. எங்கள் வீட்டின் உரிமையாளர் மிகுந்த விருப்பத்துடன் பார்த்து ...
மேலும் கதையை படிக்க...
இன்று ஆஃபீசிலிருந்து சீக்கிரம் கிளம்பி விடலாம் என்று ஒவ்வொரு நாளும் மனது ஆசைப்படும். ஆடிட் நேரங்களில் சொல்லவே வேண்டாம் லெட்ஜரை சரிபார்க்க, டேலி செய்ய என்று நேரம் போவதே தெரியாது. எல்லா வேலைகளையும் முடித்துக்கொண்டு கிளம்ப ஏறத்தாழ நள்ளிரவு நெருங்கிவிடும். அன்றும் அப்படித்தான். ...
மேலும் கதையை படிக்க...
அந்த மலையின் சரிவில் இறங்கிக்கொண்டிருந்த ஜானுக்கும் ரவிக்கும் குளத்தில் தண்ணீரில் தத்தளித்துக்கொடிருந்த அந்தச் சின்ன நாய்க்குட்டியை பார்ப்பதற்கே பாவமாக இருந்தது. சரிவான குளத்தின் விளிம்பில் படிந்திருந்த பாசி வழுக்கியதால் அதனால் ஏறமுடியவில்லை. ஊட்டியின் கடும் குளிர் அதனை மேலும் வாட்டியது. “ஜான் எப்பவும் ...
மேலும் கதையை படிக்க...
பத்தாம் வகுப்பிற்கு இன்று கடைசி தேர்வு, விடைத்தாள்களைச் சேகரித்து, சரிபார்த்து அடுக்கி, அலுவலகத்தில்ஒப்படைத்துவிட்டு ரயில் நிலையத்தை அடைந்த போது மணி மூன்று. நாளையிலிருந்து விடுமுறை. ஆசிரியர் தொழிலில்இது கொஞ்சம் ஆறுதலான விஷயம். தனியார் பள்ளிகளில் மாணவர்களின் நூறு சதவிகித தேர்ச்சி என்பது குறைந்தபட்ச ...
மேலும் கதையை படிக்க...
இன்னிசை பாடிவரும்…..
ஸ்பூன்
பதியன்ரோஜா
பின் புத்தி – 2.0
‘சார்’லேர்ந்து அங்கிள்
சின்னதாத்தா
ஷேர்கான்
விடியலைத்தேடி
உயிர்களிடத்தில்…
மதிப்பீடுகள்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)