நீயா !?

 

அன்று அந்த புகழ் பெற்ற வில்லன் நடிகர் ஜெகன், சைக்யாட்ரிஸ்ட் டாக்டர் சத்தியமூர்த்தியின் எதிரே அமர்ந்து தன் மனக்குழப்பத்தைப்பற்றி சொல்லிக்கொண்டிருந்தார். ஜெகன் நடிகிறார் என்றாலே அப்படம் வசூலில் சக்கை போடு போடும். சமீப காலமாக அவருக்கு கதாநாயகனாக நடிக்கும் விஸ்வாவைப் பார்க்கும் போதெல்லாம் ஒரே வெறுப்பாக வரும் காரணம் புரியவில்லை.

விஸ்வா, ஜெகனுக்கு நல்ல நண்பன். கதாநாயகனாக ஜொலித்துக்கொண்டிருப்பவர்.

“கொலை செய்து விடலாம் போல ஒரு வெறுப்பு ஏன் வரவேண்டும் டாக்டர் ? என்னை குணப்படுத்திக்கொள்ள வேண்டும்”. அழாத குறையாய் டாக்டரிடம் அவர் மன்றாடிக்கொண்டிருந்தார்.

“படங்களில் நான் அவருடன் சண்டை போடவேண்டும். கதைகளில் அவர் எனக்கு எதிரி. எல்லா படங்களிலும் அவரிடம் நான் தோற்கவேண்டும். ரத்தகாயங்களுடன் தோல்வியில் அவமானப்பட்டு நிற்க அவர் சிரித்து எனக்கு பாடம் புகட்டுவது போல பேசவேண்டும். ஆனால் இதெல்லாம் நடிப்பு என்பது எனக்கு நன்றாகவே தெரிகிறது. இது தவிர வேறு ஏதோ புரியாத காரணம் இருப்பதாக எனக்கு நிச்சயமாகத் தெரிகிறது. ப்ளீஸ் ஹெல்ப் மீ டாக்டர்”.

ஜெகன் சொல்வதை கேட்டுக்கொண்டிருந்த டாக்டர், “சரி நாளை படப்பிடிப்பு நடக்கும் சமயம் அங்கு நேரில் வந்து பார்க்கிறேன்” என்றார்.

அதன்படி அவர் அங்கு சென்ற போது விஸ்வாவும், ஜெகனும் அருகருகே அமர்ந்திருந்தார்கள். தமாஷாகப் பேசி சிரித்துக் கொண்டிருந்தர்கள். படப்பிடிப்பு ஆரம்பமாகியது. விஸ்வா கதாநாயகி சிவானியுடன் ஆடிப்படிக்கொண்டிருக்க ஜெகன் புதர் மறைவில் நின்று பொறாமையுடன் பார்த்துக்கொண்டிருக்கவேண்டும். டைரக்டர் ராமன் “கட் கட் இன்னும் கொஞ்சம் வில்லத்தனம் உங்கள் கண்களில் வரவேண்டும். டீப்பாக உங்கள் வெறுப்பைக் காண்பிக்க வேண்டும். மேக்கப் மேன் ! கொஞ்சம் கிளிசரின் போட்டாவது அவர் கண்களில் சிகப்பை ஏற்றப்பார்” என்றார்.

“கொஞ்சம் உதட்டை இறுக்கிக் கொள்ளுங்கள். விழிகளை உருட்டுங்கள். கோபத்தைக் கொண்டு வாருங்கள்”. நடிப்பை ஜெகனிடமிருந்து பிழிந்தெடுத்துக் கொண்டிருந்தார்.

மேக்கப்மேன் நடேசன், ஜெகன் அருகில் வந்து டச்சப் செய்துகொண்டே “சார் ! அந்த விச்வாவை விட நீங்கள் செம அழகு சார். நடிப்பில் உங்களை அவர் மிஞ்ச முடியாது சார். ஏதோ விதி அவர் கதாநாயகனகி விட்டார். நீங்களோ வில்லன்தான்” என கிசு கிசுத்தார். டச் அப் மேன் நடேசன் அவருடைய வேலையை மட்டும் பார்க்காமல் அவரால் முடிந்த கைங்கரியத்தையும் சேர்த்தே செய்துவிடுகிறார் போலும் என டாக்டர் நினைத்தார்.

அன்று மாலை ஜெகன் டாக்டரை சந்தித்த போது, “உங்கள் நடிப்பு மிகமிக அபாரம். டைரக்டர் ராமன் படமா கொக்கா? ஒவ்வொருவரிடைருந்தும் நடிப்பை எப்படி எக்ஸ்ட்ராக்ட் செய்கிறார் பாருங்கள். படம் பிச்சுக்கிட்டுப் போகும் பாருங்கள்” என பாராட்டினார்.

“டைரக்ட்டருக்கு விஸ்வாவைப் பிடிக்காதோன்னு எனக்கு தோணுது டாக்டர். நான்தான் முடியைப் பிச்சுக்கப் போறேன். நடிப்புக்கே முழுக்கு போட்டுட்டு நிம்மதியா இருக்கப் போறேன் டாக்டர்” என ஜெகன் புலம்ப, “அவசரப் படாதீர்கள் ஜெகன். உங்களுக்கு மருந்து எழுதித்தருகிறேன். ஒரு வாரத்திற்கு அப்புறம் என்னை வந்து பாருங்கள்”. பிரிஸ்கிரிப்ஷனை கிறுக்கி ஜெகனிடம் கொடுத்தார்.

ஆனால் ஒரு வாரத்திற்குள்ளாகவே எல்லா செய்தித் தாள்களிலும் அந்த செய்தி கொட்டை எழுத்துகளில் வெளிவந்திருந்தது. அது விஸ்வாவின் மரணச் செய்தி. தலையங்கம், இரங்கல் செய்திகள் போட்டோக்கள் கேள்விகள் எல்லாம் விஸ்வா மயம்தான். மரணம் கொலையா? தற்கொலையா? போஸ்ட் மர்டம் ரிப்போர்ட் படி கழுத்தை நெரித்துக் கொலை என்றதால் போலீஸ் விசாரணை தீவிரமடைந்தது.

மக்கள் குரல் ஓங்கி ஒலித்தது. விசாரணை லிஸ்டில் டாக்டர், இயக்குனர், இவர்களின் பெயர்கள் முதலாக இருந்தது.

விஸ்வாவின் மனைவி நர்மதா டாக்டருக்கு மாமா பெண். ஆனால் அவரை மறுத்து சினிமா மோகத்தில் விஸ்வாவைக் கைபிடித்தாள். இது ஒரு காரணம்போதுமே. டாக்டரின் கிளினிக் சோதனை போடப்பட்டது. ஜெகனின் மெடிகல் ரிபோர்ட் போலீஸ் கைகளில் கிடைக்க அது அசைக்கமுடியாத சாட்சியமானதால். ஜெகனும் விசாரணைக்கு ஆளானார்.

நர்மதா புகாரின் பேரில் மேக்கப் நடேசனும் விசாரிக்கப்பட்டார். இவர்கள் மூவருமே விஸ்வா வீட்டினுள் சர்வ சாதாரணமாக போய்வரும் வழக்கம் உள்ளவர்கள்.விஸ்வா அவரது படுக்கை அறையில் கொலை செய்யப்பட்டுக்கிடந்தார் என்றால் இவர்களுள் யாரோதான் என போலீஸ் நினைத்தது.

கிடைத்த கைரேகையோ இவர்கள் யாருடையதும் இல்லை. குழப்பம்தான் மிச்சம்.

விஸ்வா வீட்டினருகே மக்கள் கூட்டம் அலைமோதிக்கொண்டிருந்தது. கூட்டத்தை கலைக்க கண்ணீர் புகை பயன்படுத்தப்பட்டது. மக்கள் கூட்டத்தை படம் பிடித்து பத்திரிகைகளில் போட அப்பத்திரிகைகள் அமோக விற்பனை கண்டன. டீ.வி சானல்களில் இதே செய்திகள்தான்.

டீ.வி பார்த்துக்கொண்டிருந்த ஜெகன், மக்கள் கூட்டத்தில் இருந்த ஒருவனைப்பார்த்துவிட்டதனால் நிமிர்ந்து உட்கார்ந்தார். உடனேயே யாருக்கோ டயல் செய்தார். அடுத்த நிமிடத்தில் கொலைகாரன் போலீசில் சரணடைந்த செய்தி ஒளிபரப்பப்பட்டது.

ஜெகனின் ரசிகர் மன்ற தலைவன்தான் விஸ்வாவை கொலை செய்ததை ஒத்துக்கொண்டான்.

என் தலைவரை படங்களில் கதாநாயனாக நடிக்கும் அவர் அசிங்கப்படுத்துவதை என்னால் சகித்துக்கொள்ள முடியவில்லை. அதனால் விஸ்வாவின் வீட்டிற்கு ஜெகனின் ரசிகர் மன்ற தலைவன் என்று சொல்லிக்கொண்டு போனேன்..அவரும் என்னை அன்புடன் வரவேற்றார். ஏதோ காரணமாக அவர் தன் படுக்கை அறைக்குள் போனபோது நானும் கூடவே சென்று அவரைக் கொலை செய்தேன்..என் தலவர் எனக்கு போன் பண்ணி குற்றவாளி நீதான் என்று கண்டுபிடித்துவிட்டேன். மரியாதையாக சரணடைந்துவிடு என்றார். என் தலைவன் கட்டளை யிட்டதும் அதன்படியே செய்தேன் என்றான்.

எப்படி சார் கண்டுபிடித்தீர்கள் என்று இன்ஸ்பெக்ட்டர் ஜெகனிடம் ஆர்வமுடன் கேட்க ஜெகன் சொல்லத்தொடங்கினார்.

“இவன் என் தீவீர ரசிகன். ஒருமுறை எனக்கு உடல் நலமில்லாமலிருந்தபோது தீக்குளித்தது இவன்தான். முகம்முழுக்க தீக்காயங்களுடன்தான் இவன் உயிர் பிழைத்தான். நிறைய கவிதைகள் எழுதி எனக்கு அனுப்புவான். அதில் மறைமுகமாக, எது பெரிதோ அது இல்லாவிட்டால்தான் இந்த ஜகம் ஜொலிக்கும் என்பதுபோன்ற வாசகங்கள் இடம்பெற்றிருக்கும். ஆரம்பத்தில் புரியவில்லை. கூட்டத்தில் இவனைப்பார்த்தபோது இவன் தீக்காயங்களைப் பார்த்ததும் எனக்கு புரிந்தமாதிரி இருந்தது. எதுக்கும் அவனை மிரட்டிப்பார்த்தேன். போலீஸில் சரணடைந்துவிட்டான். இப்படிப்பட்ட முட்டாள் கொலைகார ரசிகர்கள் எனக்கு தேவை இல்லை. நான் ரசிகர் மன்றத்தை கலைத்துவிடுவேன் சார்” என்றார் மிகவும் வருத்தத்துடன். 

தொடர்புடைய சிறுகதைகள்
அந்த இரண்டு கார்களும் ஒன்றன் பின் ஒன்றாக; ஒன்றை ஒன்று முந்திக்கொண்டும், பிந்திக்கொண்டும் நெடுஞ்சாலையில் சீறிப்பாய்ந்து கொண்டு போய்க்கொண்டிருந்தன. உல்லாசப் பயணமாக நானூறு கிலோமீட்டர் தொலைவில் இருந்த கரைனாடு என்ற ஊரை நோக்கி அருணும் அவன் நண்பர்கள் மூன்று பேரும் உற்சாகம் ...
மேலும் கதையை படிக்க...
சிரித்து பின் அழுது அவள் சொன்னது என்ன? வேல்..! வேல்..! கார்திகேயன் தன் மகளை அழைத்தார். ஏன் அப்பா கூப்பிட்டீர்கள்? “உன்னைக் ஹாஸ்டலில் விட்டுவிட்டு நான் நேரத்தோடு திரும்ப வரனும். ரெடியாகி விட்டாயா? காரை ஷெட்டிலிருந்து எடுக்கட்டுமா? வேல்விழியின் அம்மா, அகிலாண்டேஸ்வரி, “எங்கே இந்த கோபியும், ...
மேலும் கதையை படிக்க...
அவன் அந்த பார்க்கில் மரத்தடியில் அமர்ந்திருந்தான். காலையிலிருந்து, பார்க் பூட்டும் நேரமான இரவு வரை அப்படியே அதே நிலையில் அவனைப் பார்த்த வாச்மேன் அவ்விடம் விட்டு போகும்படி கூறவும் அவன் எழுந்துகொண்டான். அவன், கைசெயின்,கழுத்தில் செயின், வாச், எல்லாம் அணிந்திருந்தான். எங்கே போகப்போகிறாய் ? ...
மேலும் கதையை படிக்க...
சாரதா, குழந்தை அரவிந்தைத் தூக்கிக்கொண்டு மூச்சிரைக்க ஓடிக் கொண்டிருந்தாள். அவனைக் காப்பாற்றிவிட வேண்டும் என்பது மட்டுமே அவளது எண்ணமாக இருந்தது. பின்னால் அடிக்கடித் திரும்பிப் பார்த்துக் கொண்டே ஓடியவள்; ஒருவரும் தன்னைப் பின்தொடரவில்லை என்பதை உறுதிப்படுத்திக் கொண்டு சிறிதே நிதானித்தாள். அருகில் ...
மேலும் கதையை படிக்க...
என் தாத்தா; என் பாட்டியை “நாச்சியார்” என்று வாய் நிறைய அழைப்பார்கள். அவர்கள் அழைப்பதைப்பார்த்து, நான் “நாச்சி” என்று மழலையில் அழைக்கத் துவங்கி, அப்படியே இன்று வரைக்கும் பழக்கமாகிவிட்டது. எங்கள் குடும்பம் அன்பு நிறைந்த குடும்பம். அதற்கு காரணம் முழுக்க முழுக்க ...
மேலும் கதையை படிக்க...
போன வருடம், இதே தீபாவளி விடுமுறைக்கு வந்த அண்ணன்; அவனுடைய நண்பனையும் அழைத்து வந்திருந்தான். முதலில் அவர்களுடன் உற்சாகமாக பேசிக்கொண்டிருந்த அம்மா; அவன் யார் என்பது தெரிந்தவுடன் கொஞ்சம் ஒதுங்கிக் கொண்டது எனக்குப் பிடிக்கவில்லைதான். ஆனால் எங்கள் ஊர் அப்படிப்பட்டது. அவன் எங்கள் ...
மேலும் கதையை படிக்க...
தன் கைபேசியிலிருந்து அழைப்பு வரவே இந்த நேரத்தில் யாராக இருக்கும் என யோசித்தவாறே. சுமன் அதனை எடுத்து பேசினான், இருபத்தைந்து ஆண்டுகளுக்கு முன் நடந்த சோகத்தினை நினைவு கூறும் நாள் அந்த நாள் என்பதால்தான் வெளி ஊருக்கு சென்றிருந்த, சுமனின் அப்பா ...
மேலும் கதையை படிக்க...
சிவானி, வாசலில் கோலம் போட்டு முடித்தபின் .கேட்டை மூடிவிட்டு வீட்டிற்குள் வந்தாள். பின்னாலேயே கேட் திறக்கும் சப்தம் கேட்டு நிலைவாசல்படியிலேயே நின்று திரும்பிப் பார்த்தாள். சூட்கேஸை இழுத்துக்கொண்டு ஒருவன் வந்துகொண்டிருந்தான். இவ்வளவு அதிகாலையில் யார் வருவது என சிவானி யோசித்தாள். அங்கேயே ...
மேலும் கதையை படிக்க...
அன்பை அனுபவித்திருக்கிறீர்களா நீங்கள்? அதுவும் உன்னதமான, தூய்மையான அன்பை? இப்பப் போய் நாகராஜன் என் நினைவுக்கு வந்தான். எல்.கே.ஜி இலிருந்து நான்காம் வகுப்பு வரை நாங்கள் இருவரும் ஒன்றாகப் படித்தோம். “கோகிலா! கோகிலா! என்று அவன் அழைப்பதே அருமையாக, அன்பாக இருக்கும். ...
மேலும் கதையை படிக்க...
அவன் கண் விழித்த போது மிதமான குளிரை உணர்ந்தான். அது அவனுக்கு இதமாக இருந்தது. சுற்றும் முற்றும் கவனித்தான். தான் வெறும் புல் தரையில், எவ்வித வசதியும் இன்றி சயனித்திருந்ததை எண்ணி திகைத்தான். எழுந்து உட்கார்ந்தவன், அந்த இடம் ஒரு காடு ...
மேலும் கதையை படிக்க...
கொலைதூரப் பயணம்
வேல்விழி
ரிஷி மூலம்
சங்கு
திருமகள் தேடி வந்தாள்
பாப்பாவுக்கு ஒரு பாட்டு
உண்மை உறங்குவதில்லை
தென்றல் வரும் நேரம்
உன்னோடுதான் நான்
ஆவிகளின் அரண்மனை

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)