7வது தளத்தில் ஒரு சின்ன கதை

 

அந்த அடுக்குமாடி குடியிருப்பில் 7வது தளத்தில் அன்றைக்கான விடியல் காதலாய் பூத்தது.

அவள் என்றால் அது அவனும் அவளும்….
அவன் என்றால் அது அவளும் அவனும்…

ஒரு கை ஜன்னல் திறக்க ஒரு அவளை நெஞ்சோடு அணைத்துக் கொண்டிருந்தது. நெற்றிகள் இரண்டும் மெல்ல முட்ட கலைந்த ஓவியத்தின் இரு பகுதிகள் போல இருவரும்…ஒருவரையொருவர் பார்த்தார்கள்.

காதலை எந்த மொழியில் கூறினாலும் காதலே… அதுவும் காதோரம் கிசுகிசுக்கும் உன்னை நான் காதலிக்கிறேன் என்பது பழைய மொழி என்றாலும் ஆதி மொழி. இருவரும் குளித்து வந்தார்கள்.குளிர்ந்து வந்தார்கள். அவன் தேநீர் தயாரித்தான். மாற்றி மாற்றி கொஞ்சலும்.. கெஞ்சலுமாக எச்சிலும் முத்தமுமாக தேநீர் கவிதையானது. அவ்வப்போது உரசிக் கொண்டார்கள். பற்றுதல் நலம் என்று இருக்கலாம்.

அவள் இட்லிக்கு மாவெடுத்து ஊற்றி வைத்தாள். அவன் வீடு கூட்டினான். அப்படியே சட்னிக்கு தேங்காய் துருவினான். கடலையோடு சேர்த்து மிக்சியில் அரைத்தான். துவைக்க வேண்டிய துணிகளை வாஷிங் மெஷினில் போட்டான். அவள் இருவருக்குமான ஆடைகளை இஸ்திரி செய்தாள். மதியத்துக்கான சாதம் ஒரு பக்கம் வெந்து கொண்டிருந்தது. காய்கறி நறுக்கினான் அவன். பொரியல் செய்தாள் அவள். ஷூவுக்கு பாலிஷ் போட்டு விட்டு அவளின் செருப்பையும் துடைத்து வைத்தான் அவன்.

இளையராஜா வீடு முழுக்க காதலை விதைத்துக் கொண்டிருந்தார்.

இடையே அவள் படித்த பிடித்ததை பகிர்ந்து கொண்டாள். அவன் பார்த்ததை பகிர்ந்து கொண்டான். இடையே சில முத்தங்கள்… சில தழுவல்கள். சில மௌனங்கள்.

அழகு கூடுகிறது காதலில் என்றான். ஆயுளும் கூடும் காதலில் என்றாள்.

இருவரும் மதிய உணவை பேக் செய்தும் அவரவர் பையில் வைத்துக் கொண்டு ஜம்மென்று உடை உடுத்தி கதவை பூட்டிக் கொண்டு வெளியேறினார்கள்.

கீழே வாசலில் இருவரும் நிற்க… ஒரு சேர இந்த பக்கமிருந்து அவன் ஐ டி கம்பெனி பஸ்ஸும் அந்த பக்கமிருந்து அவள் வேலை செய்யும் துப்புரவு தொழிலார்கள் வண்டியும் வர… இருவரும் காற்றில் முத்தமிட்டபடியே “பாய் பியூட்டி… டேக் கேர்… யு டூ மை டியர்” என்றபடியே ஏறி சென்றார்கள்.

பகல் நீண்டு கிடந்தது….வாழ்வும் அதன் அர்த்தமும் கூட.  

தொடர்புடைய சிறுகதைகள்
"அவள் எதற்கோ திரும்புவாள்..... நான் எனக்கென்று நினைத்துக் கொள்வேன்..."-இப்படித்தான்.... இந்தக் கதையை நான் ஆரம்பிக்க வேண்டும். சரி... இது யார் பற்றிய கதை...? எப்படியும் சுற்றி சுற்றி இவன் நியந்தாவுக்குத்தான் வருவான் என்று நினைத்தீர்களானால் அதுவும் சரியே. ஆனால் அந்த ...
மேலும் கதையை படிக்க...
இரவு மணி 2 ஊசி குத்துவது போல உடலுக்குள் புகுந்து வெளிவந்து கொண்டிருந்தது குளிர்...எங்கும் இருட்டு... ஷிப்ட் முடிந்து சாப்பாட்டு பேக்கும் , சின்ன டார்ச்சுமாக, வீடு நோக்கி நடக்க துவங்கியிருந்தான் செல்வராஜ்....உடன் வந்த சிலர், அவரவர் பாதையில் ...
மேலும் கதையை படிக்க...
மீனலோட்சனி....................... இந்த பெயரை உச்சரிக்க நினைக்கும் போதே, குடை தாண்டி ஒரு மழை என்னை நனைக்கத் தொடங்குகிறது.. மீனா.......... மீனா என்று அழைத்தால் அவளுக்கு பிடிக்காது..... மீனலோட்சனி என்று முழு பெயர் சொல்லியே அழைக்க வேண்டும் என்பது அவளின் மழையின் ஆளுமை.... கடற்கரையில் மழையோடு நிற்பதென்பது அலையோடு ...
மேலும் கதையை படிக்க...
intro இந்தப் பயணத்தின் முடிவு எப்படி இருக்குமோ எனக்கு தெரியாது.... இப்படித்தான் இருக்க வேண்டும் என்ற எந்த கட்டுப்பாடோ ஆசையோ இல்லை... போகி.........................றே.............................ன்... என் சொந்த ஊருக்கு, நான் பிறந்த மண்ணுக்கு... நீண்ட நாட்களுக்கு பின்.. இல்லையில்லை நீண்ட வருடங்களுக்கு பின்...போகிறேன்.. மனதுக்குள் ...
மேலும் கதையை படிக்க...
ஊரே புது வருசத்தை எதிர் நோக்கி என்ன செய்வதென்று தெரியாமல் அங்கும் இங்கும் நடந்து கொண்டிருந்தது, எப்போதும் போல.... ஆனால்... மனமெங்கும் அந்த திகிலின் தவிப்புகளோடு.... இளசுகள் கோவில் திடலில் அரட்டை அடித்துக் கொண்டும்.. திகில் விஷயத்தைப் பற்றி விவாதிக் கொண்டும் ...
மேலும் கதையை படிக்க...
ஒரு ஊதா பூ நிறம் கூடுகிறது
இரும்பு பட்டாம் பூச்சி
குடைக்குள் மழை
தி லாஸ்ட் செல்பி
விடிஞ்சா கல்யாணம்

7வது தளத்தில் ஒரு சின்ன கதை மீது ஒரு கருத்து

  1. Nithya Venkatesh says:

    அருமை …

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)