நீலா ஆகாஷ்

 

பாரீஸில் மூன்று வருடங்கள் கட்டிடக்கலையில் ஆர்கிடெக்சர் படித்துவிட்டு சென்னை வந்த ஆகாஷுக்கு, நிறைய வாய்ப்புகள் கிடைத்தன.

முதலில் சென்னையிலும், கோயமுத்தூரிலும் ஏகப்பட்ட வீடுகளுக்கு ஆர்கிடெக்சராக வாய்ப்பு கிடைத்தது. அவனது வித்தியாசமான பிரெஞ்சுக் கட்டிடக் கலையில் சொக்கிப்போன பல முரட்டுப் பணக்காரர்கள் நான் நீ என போட்டிபோட்டுக்கொண்டு வாய்ப்புகள் வழங்கினர்.

ஒரு பில்டிங் கட்டப்படும் மொத்தத் தொகையில் ஐந்து பர்சன்ட் என சார்ஜ் செய்துகொண்டிருந்த ஆகாஷ் தற்போது எட்டு பர்சன்ட் என தன் ரேட்டை உயர்த்தினாலும் அவனுக்கு டிமாண்ட் குறைவில்லை.

தற்போது அவனுக்கு பெரிய பெரிய வீடுகள் தவிர, அவனது கற்பனை வளமுள்ள கட்டிடக்கலையின் சிறப்பை மெச்சி ஷாப்பிங் மால்களும், ஷாப்பிங் செண்டர்களும் அவனை நம்பி ஒப்படைக்கப் படுகின்றன.

ஆகாஷுக்கு வயது முப்பது. சிவந்த நிறத்தில் அழகாக இருப்பான். ஒரு சோபிஸ்டிகேட்டட் லுக். இன்னமும் திருமணமாகவில்லை. அவனது பெற்றோர்கள் ஊட்டியின் காஸ்ட்லி இடமான டபுள் பங்க் ரோடில் வசிக்கின்றனர். எஸ்டேட் பணத்தில் கொழிக்கும் பரம்பரை பணக்காரர்கள்.

ஆகாஷுக்கு எப்போதும் ஆர்கிடெக்சர் பற்றிய நினைப்புதான். அது சம்பந்தப்பட்ட வீடியோக்களை பார்த்து; அதுபற்றிய புத்தகங்களையும்தான் படித்துக் கொண்டிருப்பான். ரொமான்டிக் மூடு இருந்தால் பியானோ வாசிப்பான். ஒரு சிறிய கெட்ட பழக்கமும் கிடையாது.

ஆகாஷின் ஆர்கிடெக்சர் புகழ் அதிகரிக்க அதிகரிக்க, அவனைப் புகழ்ந்து ஆர்கிடெக்சர் சம்பந்தப்பட்ட பல பத்திரிகைகள் எழுதின. சில பத்திரிகைகள் அவனை அட்டையில் பிரசுரித்து அவனது பேட்டிகளை ஆர்வமுடன் வெளியிட்டன.

அப்போதுதான் அவன் நீலாவைச் சந்தித்தான். நீலா பி.ஈ ஆர்கிடெக்சர் படித்துவிட்டு கோயமுத்தூரில் சில வீடுகளைக் கட்ட ஆரம்பித்திருந்தாள். ஆகாஷ் கோயமுத்தூர் வந்திருப்பதைக் கேள்விப்பட்டு அவனைத் தேடி வந்து சந்தித்து தன்னை அறிமுகப்படுத்திக் கொண்டாள். அவனைப்பற்றி நிறைய தெரிந்து வைத்திருந்தாள்.

ஆகாஷுக்கு நீலாவைப் பார்த்தவுடனே மிகவும் பிடித்துவிட்டது. அவளின் ஆசைக்காக அவள் ஆரக்கிடெக்ட் செய்த கட்டிடங்களை அவளுடன் சென்று பார்த்தான். இருவரும் தொழில் ரீதியாக நிறைய பேசினார்கள்… பழகினார்கள். அடிக்கடி தொடர்பில் இருந்தார்கள்.

முதன்முறையாக நீலா அவனை ஒருமுறை தன் வீட்டிற்கு டின்னருக்கு அழைத்தாள். அவன் ஆர்வமுடன் சென்றான். அங்கு தன் கணவர் நரேனை அவனுக்கு அறிமுகம் செய்து வைத்தாள். நரேன் பி.ஈ படித்துவிட்டு ரியல் எஸ்டேட் தொழில் செய்துகொண்டிருந்தான். நீலா ஏற்கனவே திருமணமானவள் என்பது தெரியவந்ததும் ஆகாஷுக்கு ஏனோ மனதில் ஒரு ஏமாற்றம் பரவியது.

எனினும் தொழில் ரீதியாக அவளின் அருகாமை அவனுக்கு மிகவும் பிடித்திருந்தது. ஒரு கட்டத்தில் அவளுக்கு இவனும், இவனுக்கு அவளும் நிறைய ஆலோசனைகள் வழங்கினர்.

நீலாவின் அமைதியான அழகும், புத்திசாலித்தனமும், கஸ்டமர்களிடம் நயமாகவும், சாமர்த்தியமாக பேசும் திறனும் ஆகாஷுக்கு ரொம்பவே பிடித்துப்போக, நீலாவை தன்னுடைய தொழிலில் பார்ட்னராக சேர்த்துக்கொண்டான்.

இவர்கள் மூலமாக நரேனின் ரியல் எஸ்டேட் தொழிலும் நன்கு விருத்தியடைந்தது.

நீலா ஆகாஷ் என்கிற பெயர் ஆர்கிடெக்சர் உலகில் கொடிகட்டிப் பறந்தது.

இருவரும் தொழில் நிமித்தமாக அடிக்கடி டெல்லி, மும்பை, சிங்கப்பூர், மலேசியா என பறந்தனர். தனித் தனி அறைகளில் தங்கினர்.

அவர்களின் ஆரோக்கியமான நட்பு இரண்டு வருடங்களாகத் தொடர்ந்தது.

அன்று மாலை இருவரும் சிங்கப்பூர் லீ மெரிடியன் ஹோட்டல் காபி ஷாப்பில் அமர்ந்து பேசிக் கொண்டிருந்தனர். வெளியே மழை தூறிக்கொண்டிருந்தது.

ஆகாஷையே சற்றுநேரம் உற்றுப் பார்த்துக் கொண்டிருந்த நீலா திடீரென்று, “ஏன் நீங்கள் இன்னும் கல்யாணம் பண்ணிக் கொள்ளவில்லை?” என்று கேட்டாள்.

“என்னுடைய முதல் மனைவி ஆர்கிடெக்சர் நீலா…அதில் ஈடுபாடுடைய ஒருத்தி எனக்கு கிடைத்தால் அவளை இரண்டாந்தாரமாக பண்ணிக்கொள்ள ஆசைதான்.”

“பி ப்ராங்க் ஆகாஷ். நாம் தொழில் ரீதியாக பார்ட்னராகவும், தவிர நல்ல நட்புடனும் பழகுகிறோம்….வெளியூர்கள், வெளிநாடுகளுக்கு சேர்ந்து பறக்கிறோம். ஆனால் இந்த இரண்டு வருடங்களில் நீங்கள் ஒரே ஒருமுறைகூட என்னை வேறு கண்ணோட்டத்தோடு பார்த்ததில்லை, பேசியதில்லை….அது எப்படி? நான் அழகாக இல்லையா?”

“யு வான்ட் மி டு பி ப்ராங்க்… ரைட்?”

“எஸ் ஆகாஷ்….ப்ரெட்டி மச் ப்ராங்க், இன்பாக்ட் நான்தான் இந்த டாப்பிக்கையே ஆரம்பித்தேன்…”

“சம் டைம்ஸ் வி மீட் ரைட் பீப்பிள் இன் த ராங் டைம் நீலா….நான் உன்னைப் பார்க்கும்போதே உனக்கு ஏற்கனவே திருமணமாகி விட்டது. நரேன் மிகவும் அதிர்ஷடசாலி. அதன் பிறகு ஒரு நாகரீகமான இடைவெளியை நான் கடைபிடித்தே ஆக வேண்டிய கட்டாயம் எனக்கு. தொழில்ரீதியாகவும் நீ எனக்கு அவசியமானவள்; அத்தியாவசியமானவள். மற்றபடி உன்னை எனக்கு ரொம்ப ரொம்பப் பிடிக்கும் நீலா. என்னுடைய தனிமையான இரவுகளில் எத்தனையோமுறை என்னை நீ பாடாய் படுத்தியிருக்கிறாய் நீலா. ஒரு அழகிய பெண்ணின் அருகாமை மிகவும் சோதனையானது நீலா…”

நீலாவின் மொபைல் அடிக்க அந்த டாப்பிக் அத்துடன் நின்றது. அது ஆகாஷுக்கு மிகவும் ஏமாற்றமாக இருந்தது.

ஞாயிற்றுக்கிழமை மதியம். சென்னையில் நீலாவின் வீடு….

ஆகாஷ் பற்றிப் பெருமையாக நீலா நரேனிடம் பேசிக் கொண்டிருந்தாள்.

“எப்பப் பார்த்தாலும் ஆகாஷ், ஆகாஷ் அவனுடைய புகழ்தான் உன்னிடம் கொடி கட்டிப் பறக்கிறது…. நீ பேசாம அவனையே கல்யாணம் பண்ணிக் கொண்டிருக்கலாம்…”

“ஆர் யு சீரியஸ் நரேன்?”

“எஸ் ஒய் நாட்? இப்பவும் ஒண்னும் கெட்டுப்போகல…ஹி இஸ் அ ப்ரெட்டி டீசன்ட் கை…..அண்ட் ஆல்சோ யுவர் சேம் புரோபஷன்.”

“தேங்க்ஸ் நரேன்….யு ஆர் அ டீசண்ட் பர்சன் வித் பிராட் அவுட்லுக்.”

“நீ ஆகாஷிடம் பேசிப்பாரு…. உன் சந்தோஷம்தான் எனக்கு முக்கியம் நீல். அவன் சம்மதித்தால் நானே முன்னின்று உங்கள் திருமணத்தை நடத்தி வைக்கிறேன். ஐ வில் ட்ரைவ் திஸ் மாரேஜ்.”

ஒருவாரம் நீலா தீவிரமாக யோசித்தாள்….

ஆகாஷின் அருகாமையும், அன்பும், தொழில் சம்பந்தப்பட்ட நெருக்கமும் அவளை அவன்பால் மிகவும் ஈர்த்தன. அவன் தன் வாழ்க்கைக்கு மிக முக்கியமாகப் பட்டது.

ஆனால் நரேனின் நிலை?

“இந்த மனசு உனக்கு எப்படி சாத்தியம் நரேன்?”

“உன்மேல் என்னுடைய காதல் அன்கண்டிஷனல் நீலா….உனக்கு பிடிக்கும் எல்லாமே எனக்கும் பிடிக்கும்….. இது ஒருவிதமான புரிதலுடன் கூடிய விட்டுக்கொடுத்தல். அன்பு வெளிப்பாட்டின் இன்னொரு புறம்…”

“உனக்கு பெரிய மனசு இருந்தாலும், இந்தச் சமூகம் இதை ஏற்றுக்கொள்ளது நரேன்.”

“நீலா வி ஆர் ஸ்டிங்கிங் ரிச்….ரிச் பீப்பிள் சமூகத்தைப்பற்றி கவலைப் படவேண்டாம். தவிர, இது நீ, நான், ஆகாஷ் சம்பந்தப்பட்ட பர்சனல் மேட்டர். இந்தியச் சமூகத்தில் பெரும்பாலோர் வம்பு பேசுபவர்கள்….மற்றவர்கள் மரமண்டைகள். மரமண்டைகளுக்கு இந்த உறவின் அவசியம் புரியாது. அதனால் நீ இதைப்பற்றி கவலைப்படாதே. ஆகாஷிடம் பேசிப்பாரு.”

“ஓ காட்….தேங்க்யூ நரேன்.”

நரேனை கட்டிப்பிடித்து ஒரு முத்தம் கொடுத்துவிட்டு தன் பென்ஸ் காரில் ஏறி ஆகாஷைப் பார்க்க விரைந்தாள்.

ஆகாஷ் வீட்டில் பியானோ வாசித்துக் கொண்டிருந்தான்.

நீலாவைப் பார்த்ததும் வாசிப்பதை நிறுத்தினான்.

“ஆகாஷ் நீங்க சரின்னா நாம ரெண்டுபேரும் கல்யாணம் பண்ணிக்கலாம். இனி இருபத்திநாலுமணி நேரமும் நாம ஒண்ணா இருக்கலாம். ஆர்க்கிடெக்ட் பற்றி நிறைய விவாதிக்கலாம்….நரேன் நம்ம கல்யாணத்துக்கு முழு சம்மதம் சொல்லிட்டாரு.”

ஆகாஷ் அழகாக சிரித்தபடி தன் சம்மதத்தையும், சந்தோஷத்தையும் வெளிப்படுத்தும் விதமாக பியானோவில் தன் விரல்களை பெரிதாக இசைத்தான்.

பிறகு பியானோவை நிறுத்திவிட்டு எழுந்துநின்று, நீலாவை அன்புடன் அணைத்துக்கொண்டான். 

தொடர்புடைய சிறுகதைகள்
ஒரு வழியாக சுகன்யாவுடன் சுந்தரேசனுக்கு தடபுடலாக கல்யாணம் நடந்து முடிந்தது. அடுத்ததாக அவன் முதலிரவுக்காக ஏராளமான எதிர்பார்ப்பில், எப்படா சாந்தி முகூர்த்தம் வரும் என்று காத்திருந்தான். பல வருடங்களுக்கு முன்பே பெண் சுகத்திற்காக உடல் தயாராக இருந்தாலும், திருமணம் என்கிற ஒரு சமூக ...
மேலும் கதையை படிக்க...
அவள் பெயர் ப்ரியா. சென்னையின் ஒரு பிரபல ஐடி மல்டி நேஷனில் டெலிவரி ஹெட்டாக இருக்கிறாள்; வயது இருபத்தியெட்டு. கோதுமை நிறத்தில் பார்க்க ரொம்ப அழகாகவே இருப்பாள் ஹாஸ்டலில் தனியறையில் வாசம். அவளை யாரும் கட்டுப்படுத்த முடியாது. பிடித்ததைச் செய்வாள். இது தப்பு அது ...
மேலும் கதையை படிக்க...
கர்நாடகாவின் நஞ்சன்கூடு அரசு உயர்நிலைப்பள்ளி தனது நூறு வருடங்களுக்கான கல்விப்பணி சாதனையை ஒரு பெரியவிழா எடுத்து கொண்டாடியது. அதில் கர்நாடகாவின் கல்வி மந்திரி மாண்புமிகு மஞ்சுநாத் கலந்துகொண்டு சிறப்புரையாற்ற வந்திருந்தார். பள்ளியின் முதல்வர் தனது முன்னுரையில், “நம் கல்வி மந்திரி மாண்புமிகு மஞ்சுநாத் ...
மேலும் கதையை படிக்க...
‘காதம்பரி’ வார இதழில் கவிதைப்போட்டி வைத்திருந்தார்கள். ஒரு கவிதைக்கு உண்டான எதுகை, மோனை, யாப்பு, இலக்கணம் என்று எதுவும் இல்லாமல் நகைச்சுவையாகவோ, நக்கலாகவோ, குத்தலாகவோ இருக்கலாம். ஆனால் ரசிக்கும்படி மட்டுமே இருக்க வேண்டும் என்பதுதான் நிபந்தனை. நிறைய கவிதைகள் போட்டிக்காக வந்திருந்தன. சப் எடிட்டர் தேர்வு ...
மேலும் கதையை படிக்க...
பேயைப் பற்றி படிப்பதும், அவைகளைப் பற்றி அதிகம் தெரிந்து கொள்ள ஆசைப்படுவதும் நமக்கு அலுக்காத விஷயங்கள். முதலில் ஒன்றைத் தெளிவு படுத்திவிடுகிறேன். பேய் என்றால் பெண்கள். பிசாசு என்றால் ஆண்கள். அதனால் எனக்கும் இளம் வயதுப் பேய்களைப் பார்க்க வேண்டும்; அவைகளிடம் நைச்சியமாகப் ...
மேலும் கதையை படிக்க...
தி.நகர். சென்னை. சதாசிவ ஐயர் காலையிலேயே குளித்து பூஜை செய்துவிட்டு அன்றைய செய்தித் தாளில் மூழ்கியிருந்தார். எட்டு மணி இருக்கும். வாசலில் நிழலாடவே ஐயர் நிமிர்ந்து பார்த்தார். ஒரு இளைஞன் அவரிடம், “சார் என் பெயர் நரசிம்மன். ...
மேலும் கதையை படிக்க...
அய்யம்புழா, கேரளா. கொச்சிக்கு அருகில் இருக்கும் செழிப்பான மிகச் சிறிய ஊர். அய்யம்புழாவின் மிகப்பெரிய பணக்காரர் பிஜூ குரியன். செல்வாக்கானவர். நிறைய நில புலன்கள்; கேரளாவின் பல பகுதிகளில் ஏலக்காய் எஸ்டேட்டுகள் என செல்வத்தில் கொழிப்பவர். அய்யம்புழாவில் இரண்டு ஏக்கரில் தன் வீட்டுத் தோட்டத்தின் நடுவே ...
மேலும் கதையை படிக்க...
பெங்களூரில் இருந்து ஊட்டி போகும் வழியில், மாண்டியாவைத் தாண்டியதும், வலதுபுறம் இருந்த அந்த சிறிய பஸ்ஸ்டாண்டில் தனது காரை நிறுத்தச்சொல்லி இறங்கினார் சதாசிவம். இதே இடத்தில்தான் அந்த அரூபன் அறிமுகமானான். அவனால் தன் மனைவி சரஸ்வதி இறந்துபோனதை எண்ணி அங்கேயே சிறிதுநேரம் ...
மேலும் கதையை படிக்க...
இரவு இரண்டு மணிக்கு ராகுலை தூக்கத்திலிருந்து எழுப்பி, “அப்பா இஸ் நோ மோர்” என்று அவன் மனைவி ஜனனி மொபைலில் சொன்னாள். மாரடைப்பினால் இறந்துவிட்டார் என்றாள். ராகுல் பதட்டப் படவில்லை. ஒரே மகனான அவன் அப்பாவின் தகனத்திற்கு பெங்களூர் உடனே செல்ல ...
மேலும் கதையை படிக்க...
எண்பத்தியேழு வயது விஸ்வநாத ஐயர் காலையில் சந்தியாவந்தனம் செய்துவிட்டு அன்றைய பேப்பரை எடுத்துக்கொண்டு ஈஸி சேரில் வந்து அமர்ந்தார். கொள்ளுப் பேரன் ஸ்ரீராம் அங்கு வந்து, “தாத்தா நானும் கமலியும் இன்னிக்கி தனிக்குடித்தனம் போகிறோம்...” என்றான். “எதுக்குடா இப்ப தனிக்குடித்தனம்?” “கமலிக்கு இங்க ப்ரைவஸி இல்ல ...
மேலும் கதையை படிக்க...
முதலிரவு
பெண்ணுரிமை
வளர்ப்பு
கவிதைப்போட்டி
பேய்க் கதைகள்
ஐயர் தாதா
காதல் மழை
ஆவியும் சதாசிவமும்
அப்பாவின் கடைசி ஆசை
அறம் சார்ந்த வாழ்க்கை

நீலா ஆகாஷ் மீது 2 கருத்துக்கள்

  1. satheesh says:

    கேவலமான கதை

  2. PMLRA.Nadar says:

    கலாச்சார சீரழிவு கதையாக கொண்டுபோய் முடித்து விட்டீர்கள்???

    அப்போ கண்ணன் கண்ணனே………………..

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)