காதலுக்கா கல்லறை..?!

 

சந்திரன்…. நினைவில் நிற்கும் தன்னுடன் படித்த, பழகிய அனைவருக்கும் திருமணப் பத்திரிக்கை நீட்டிவிட்டு கடைசியாக கண்ணகிக்காக திருவண்ணாமலைக்குப் பேருந்து ஏறினான்.

கண்ணகி இவனுடன் படித்த கல்லூரி தோழி மட்டுமல்ல…..காதலி.!

பிரிவு அவள் அப்பா மூலம் வந்தது.

அவர் பெண்ணைக் கண்டித்தாரோ இல்லையோ…தன் கௌவரம், அந்தஸ்து, சாதி, மதமெல்லாமம் காப்பாற்ற நான்கு கூலிகளை ஏவினார்.

அவர்கள் வாங்கிய பணத்திற்குப் பழுதில்லாமல் கச்சிதமாக வேலை செய்தார்கள்.

காத்திருந்து….. தனியாக வந்த சந்திரனை உயிரை மட்டும் வைத்து உடலை துவைத்துப் போட்டுவிட்டு இவன் விட்டிற்கு போன் வேறு. கைபேசியை எடுத்த ஒருவன் எண்களை அழுத்தி…

”பரமசிவம் வாத்தியாரே ! நான் சொல்றதைப் பதறாம சிதறாம போனை வைச்சுடாம கவனமா கேள். நீ என்ன செய்வீயோ ஏது செய்வீயோ எங்களுக்குத் தெரியாது. இன்னைக்கு ராத்திரியோ இல்லே இன்னும் ரெண்டு நாளிலோ இருக்கிற வீட்டைக் காலி பண்ணிட்டு ஊரை விட்டே ஓடினும். ஏன் ஏதுக்குன்னு கேட்காதே. நானே சொல்றேன்.! உன் செல்லப் பையன் சந்திரன், கல்லூரிக்குப் போய் எங்க ஐயா பொண்ணுக்குக் காதல் பாடம் கத்துக் கொடுத்துட்டான். அதுக்குப் பிராயச்சித்தமாத்தான் அவனைக் காவேரி ஆத்துப் பாலத்தாண்ட போட்டுத் தள்ளிட்டோம். பயப்படாதே ! வெட்டு, கத்திக் குத்துக்கிடையாது. வெறும் உருட்டுக்கட்டை அடி, உதை, கைகால் முறிவுதான். குப்பலாக் கிடக்கான் அள்ளிக்கோ. அவசரப்பட்டு வைச்சுடாதே. சேதி இன்னும் இருக்கு. ஐயா யாரின்றீயா  ? தொழிலதிபர் தொண்டமான்தான். போலீசுக்குப் போக மனசு வைக்காதே. அவர் ஆளுங்கட்சி. பிரயோசனமில்லே. அதையும் மீறிப் போனா…. உன் குடும்பமே காலி. இதைச் செய்த நாங்க அதையும் செய்வோம். வைச்சிடுறேன் வாத்தியாரே. ஜாக்கிரதை !” வைத்தான்.

அரை நினைவில் அனைத்தும் அடிபட்டுக்கிடந்த சந்திரனுக்குத் தெளிவாகக் கேட்டது. அகன்றார்கள்.

அடுத்து….இவன் அப்பா அம்மா அடித்துப் பிடித்து அலறி அடித்து வந்து….இவனை ஆம்புலன்சில் அள்ளிப் போனார்கள். அவர்கள் சொன்னபடியே வீட்டைக் காலி செய்து கன்னியாக்குமாரி சென்றார்கள்.

இவன்…. கண்ணகி மறந்து உடல் தேறி ஐந்தாண்டுகளுக்குப் பின் இதோ திருமணம்.

சந்திரன் பேருந்தை விட்டு இறங்கி…. ஆட்டோப் பிடித்து தொழிலதிபர் தொண்டைமான் வீட்டு முன் இறங்கினான். பங்களா எந்தவித மாற்றமுமில்லாமல் அப்படியே இருந்தது.

அழைப்பு மணி அழுத்தினான். வேலைக்காரி அலமேலு திறந்தாள்.

”கண்ணகி…… ? ” இழுத்தான்.

”இருக்காங்க. நீங்க ? ”

”நான் அவுங்களோட படிச்ச சந்திரன் ! பார்க்கனும்.”

”உள்ளே வாங்க.” நன்றாக கதவு திறந்தாள்.

உள்ளே நுழைந்தவனுக்கு அதிர்ச்சி.

”தொழிலதிபர் தொண்டைமான் மனைவியுடன் சுவரில் மாலை போட்டுத் தொங்கினார்.

”ஐயாவும் அம்மாவும் வெளிநாட்டுக்குப் போனபோது விமான விபத்துல இறந்து அஞ்சு வருசமாவுது. சின்ன ஐயாதான் கம்பெனியெல்லாம் கவனிச்சுக்கிறாரு.” அலமேலு சேதி சொன்னாள்.

”கண்ணகி ? ”

”இருக்காங்க வாங்க.” சொல்லி அருகிலிருந்த அறைக் கதவைத் திறந்து உள்ளே நுழைந்தாள். தொடர்ந்தவனுக்கு அங்கும் அதிர்வு.

கட்டிலில் கண்ணகி நாறுந்தோலுமாய்க் கிடந்தாள்.

உறைந்தான்.

”உங்களை அடிச்சிப் போட்ட அன்னைக்கே… அம்மாவுக்கும் அடி. ஐயாதான் அடிச்சார். ஆனா படாத இடத்துல பட்டு உங்க பேர் பிதற்றலைத் தவிர்த்துக் கிட்டத்தட்ட கோமா நிலை. அன்னையிலேர்ந்து இன்னைவரைக்கும் நான்தான் துணை.” என்றாள்.

சந்திரன் அப்படியே செயலற்று நின்றான்.

”இருங்க… அம்மாவை எழுப்பறேன்.” என்ற அலமேலு கட்டிலிருந்தவள் காதருகில் குனிந்து…. ”கண்ணகி அம்மா! உங்க சந்திரன் ஐயா வந்திருக்கார் பாருங்க.” என்று இரு முறை சொன்னாள்.

முகம் பரவசப்பட்டு லேசாக கண் விழித்த கண்ணகி  கண்களில் ஆளைப் பார்த்ததும்  பளீர் ஒளி. அடுத்த விநாடி அது அப்படியே நிலை குத்தியது.

”ஐயோ அம்மா….ஆ !” அலமேலு அலறினாள்.

கையில் திருமணப் பத்திரிக்கை கனக்க…..சந்திரன் சிலையாக நின்றான். 

தொடர்புடைய சிறுகதைகள்
இரவு பத்து மணி. கட்டிலுக்கு வந்த மகேசுக்குள் மகிழ்ச்சித் துள்ளல். காரணம் இன்றைக்குத் தாம்பத்திய நாள். கணவன் மனைவி மாதச் சம்பளக்காரர்கள், அலுவலக உழைப்பாளிகள் என்றாலே தாம்பத்தியத்தில்கூட கட்டுப்பாடு என்பது காலத்தின் கோலம். என்னதான் ஆண் பெண்ணுக்கு உதவி ஒத்தாசை அனுசரணையாக இருந்தாலும் காலை...சமையல் ...
மேலும் கதையை படிக்க...
''அம்மா. .! அம்மா ...! '' முகம் நிறைய மகிழ்ச்சியைச் சுமந்து கொண்டு விரைவாய் வரும் மகனைக் கண்டதும் அப்படியே மலை த்துப் போய் நின்றாள் தாய் விசாலாட்சி. சட்டென்று கையில் வைத்திருந்த மைசூர் பாக்கை அவன், தன் தாயின் வாயில் திணித்தான். வாய் ...
மேலும் கதையை படிக்க...
'' எந்த சிறுக்கிடி எம் புள்ளைய நாக்குல நரம்பில்லாம பேசினது...? தைரியமிருந்தா..என் முன்னால வந்து பேசுங்கடி...'' அந்த மத்தியான வெய்யிலில் போவோர் வருவோரைப் பற்றிக் கவலைப் படாமல் பத்ரகாளி போல ஏழரைக் கட்டைச் சுருதியில் கத்தி கூப்பாடு போட்டாள் ராக்கம்மா. அந்தத் தெருவில் ...
மேலும் கதையை படிக்க...
' பந்தாம் பந்த் ! யாருக்கு வேண்டும் பந்த் ! எவனோ. .. எவனையோ அடிச்சிட்டானாம். அதுக்காகப் பந்த்தாம். அவன் தப்பு செய்திருப்பான். இவன் அடிச்சிருப்பான். அதை சங்கமாக்கி, சாதியாக்கி, அரசியலாக்கி. ... நக்கிங்க....நாட்டையே குட்டிச் சுவராக்குறானுங்க. நாசமாய்ப் போறவனுங்க. எப்படியோ ...
மேலும் கதையை படிக்க...
கடற்கரைக்குக் காற்று வாங்கச் சென்ற அலமேலு இடியை வாங்கிக் கொண்டு திரும்பி வந்து சோபாவில் அமர்ந்தாள். சேகரும் திவ்யாவும் நெருங்கி அமர்ந்து சுண்டல் தின்று மகிழ்ச்சியாக இருந்த காட்சி அவளால் நம்ப முடியவில்லை. நம்பாமலும் இருக்க முடியவில்லை. இடியின் உறுத்தலாய் இன்னும் மனதை ...
மேலும் கதையை படிக்க...
நான் அண்ணன் வீட்டு வாசல் படி தாண்டி உள்ளே நுழைந்த அடுத்த வினாடி எதிரே தரையில் அமர்ந்திருந்த என் அண்ணி செண்பகத்தின் கண்கள் குபுக்கென்று கொப்பளித்து கண்ணீர் அருவியாகக் கொட்டியது. 'ஏன்...? ஏன்..?' எனக்குள் பதற்றம் பெட்ரோலில் பட்ட தீயாகப் பற்றியது. நான், அண்ணன் ...
மேலும் கதையை படிக்க...
வெளியே போன ஆள் இரண்டு நாளாக வீடு திரும்பவில்லை என்ன ஆனார், எங்கே போனார் என்று தவித்துக் கொண்டிருந்த தமிழ்ச்செல்விக்கு அந்த செய்தி அதிர்ச்சியாக இருந்தது, ‘‘கேட்டியாக்கா சேதிய. நீ தேடிக்கிட்டிருக்கிற அந்த மனுசன்... அதான் உன் புருசன் டவுன்ல ஒரு சிறுக்கி ...
மேலும் கதையை படிக்க...
மார்ச் மாத விடியலில் ஐந்து மணிக்குப் புறப்படும் முதல் சென்னை - புதுச்சேரி அரசு பேருந்தில் ஏறி.. குளிருக்கு அடக்கமாய் நடுவில் இடம் பிடித்து உட்கார்ந்து தன் கையில் இருக்கும் மஞ்சள் துணிப்பையை மடியில் பத்திரமாக வைத்து இறுக்கிப் பிடித்துக்கொண்டு அமர்ந்தான் ...
மேலும் கதையை படிக்க...
சென்னையில் நண்பனின் மகளை ஐந்து வருடங்களுக்குப் பிறகு சந்திப்போமென்று கனவிலும் நினைக்கவில்லை கதிரவன். சின்னக்குழந்தையாய்க் கைகளில் தவழ்ந்தவள். அப்புறம் வளர்ந்து உருமாறி, படித்து.... திருமணத்தி;ற்குப் பிறகு அப்பன் சாவில் சந்தித்ததோடு சரி. இதோ உஸ்மான் சாலை ஒரம் நடந்து செல்ல...அருகில் ஊர்ந்து உரசியபடி ...
மேலும் கதையை படிக்க...
"ஏய் ! உனக்கு எவ்வளவு தெனாவட்டு இருந்தா எம் பொண்சாதியைப் பார்த்து லாட்ஜிக்கு வர்றியான்னே கூப்பிடுவே...?" கத்தினான் காத்தமுத்து. பிளாட்பாரத்தில் அமர்ந்து பீடி பிடித்துக் கொண்டிருந்த சிங்காரம்.. "ஏய் ! பேசுறதை மருவாதையாய் பேசு..." என்று எச்சரித்து பீடி புகையை தெனாவட்டாக விட்டான். "இன்னா.. உதார் ...
மேலும் கதையை படிக்க...
ஞாயிறு…!
தாய் நண்டு..!
பொய் முகம்..!
பந்த்..!
மகளுக்காக…
தனிக்குடித்தனம்
ஓடிப்போனவர்
வேதனை!
சம்பாதிப்பு……!
லாட்ஜுக்கு வர்றீயா லட்சுமி…!

காதலுக்கா கல்லறை..?! மீது 2 கருத்துக்கள்

  1. Satheesh says:

    Arumai

  2. agalya says:

    சூப்பர்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)