Warning: Cannot modify header information - headers already sent by (output started at /home/content/42/10186442/html/index.php:2) in /home/content/42/10186442/html/wp-content/themes/Clipso/functions.php on line 189
Sirukathaigal - Sirukathai - Short Stories in Tamil

கரிசல் காட்டு காதல் கதைகள்! – 4

 

பொழுது கருத்துக்கிட்டு வர்றதைப் பார்த்ததும் சரோசா பெருமூச்சு மேல பெருமூச்சா விட்டா. நாலு நாளைக்கு முன்னாடிகூட ஆசை ஆசையா இருட்டு எப்போ வரும்னு காத்துக் கெடந்தவளுக்கு, இப்போ இருட்டைப் பார்த்தாலே மனசு கனத்துப் போகுது.

கண்ணும் மணியுமா இருந்த அவளுக்கும் அவ புருசன் சக்திக்கும் கண்ணேறு பட்டது மாதிரி சடவு வந்துடுச்சு. ‘‘சரோசா… சரோசா’’னு இவளையே சுத்திச் சுத்தி வந்தவன், இப்போ மூஞ்சியைத் தூக்கி வெச்சுக்கிடுதான். எப்பயும் அவளும் தன்னோட சேர்ந்தேதேன் சாப்பிடணும்னு அடம் பிடிக்கிறவன், கொலை பட்டினியா கெடக்கான். அது பார்க்க பொறுக்காம சாடை மாடையா கூப்பிட்டாலும் பேச்சே இல்ல. ‘அவுக குடும்பத் துக்கே புடிமுறண்டு (பிடிவாதம்) சாஸ்தி’னு கேள்விப்பட்டிருக்கா. அது நெசம்தேன் போல!

‘எல்லாம் இந்த பவுனால வந்த வினை’னு முணுமுணுத்தா சரோசா. சக்தி கூட நின்னு கருதடிக்கிறவன் பவுனு. அந்தக் களைப்பு போக நல்லாச் சாப்பிடுறவன்.

அதுலயும் கம்மாத் தண்ணி வத்திட்டதால, மடையோரம் தேங்கிக் கெடந்த தண்ணியில அயிரை, கெண்டை, கெளுருனு மீனுகள்லாம் சலசலத்துக் கெடந்துச்சு. கருதறுக்குற ஆம்பளையாளுகளும் பொம் பளையாளுகளுமா வேட்டியை யும், முந்தியையும் தண்ணிக் குள்ள விட்டு, ஒரு ராத்து ராத்தினா போதும்… மீனு குவிஞ்சிடும். இப்பவெல்லாம் வயக்காட்டுல நெல் வாசத்தைவிடவும் மீன் கொழம்போட வாசம்தான் அதிகமாயிடுச்சு.

அங்கதேன் பவுனு கொழம்போட மீனையும் அள்ளி, அள்ளிச் சாப்பிடுறதைப் பார்த்திருக்குறான் போல… அன்னிக்கு ராத்திரி கும்பாவுல வெச்ச சோறும் கொட்டு கூடையில (கிண்ணம்) வெச்ச சொரக்கா வெஞ்சனமும் சீந்தாம அப்படியே கெடந்துச்சு.

‘‘என்ன மச்சான், சோத்தக் கண்டா பறந்து போயி விழுங்குதவரு இப்பிடி பேசாம உக்காந்து இருக்கீரு. பாம்புலுக்கும் (பகல் முழுக்க) வேல செஞ்ச வெறிச்சில வவுத்துப் பசி உம்ம ஈரக் கொலயவில்ல கவ்விக்கிட்டு இருக்கும்’’னு ஆச்சர்யமா கேட்டா சரோசா.

‘‘பசி கவ்வத்தேன் செய்யுது. இந்த வெஞ்சனத்தக் கண்டாத்தேன் எனக்குப் புடிக்கல. நிதமும் காயா தின்னு அலுத்துப் போச்சி!’’னு என்னிக்கும் இல்லாத திருநாளா சொன்னான் சக்தி. அதோட நிக்காம, அவ காது பக்கத்துல வந்து மெள்ள கிசுகிசுப்பா, ‘‘சரோசா, ஒரு நாளைக்கு அயிர மீனு வாங்கி கொழம்பு வையி’’னு சொன்னதும் திகிலடிச்சுப் போய்ட்டா சரோசா. ‘‘என்ன மச்சான்… உமக்கென்ன கிறுக்கு கண்டு புடிச்சுப் போச்சா? கறி திங்காத சைவ சாதியில பொறந்துட்டு மீனு கொழம்பு கேக்கீரே. உமக்கே இது நல்லா இருக்கா?’’னு கேட்டா.

‘‘ருசிய மீறுன சாதி எனக்கு தேவயில்ல’’னு சக்தியும் வீறாப்பா சிடுசிடுத்தான்.

‘‘உமக்கு என்ன… ஒரு வார்த்தயில சொல்லிட்டீரு. நானு அப்படி இருக்க முடியுமா? உமக்கு மீனு கொழம்பு வச்சி கொடுத்தேன்னு தெரிஞ்சா உம்ம ஆத்தாளும், அய்யாவும் என்னப் பிச்சிருவாகளே. அம்புட்டு எதுக்கு… பக்கத்து வீட்டுல இருக் காளே உங்கக்கா. அவ வெடிச்ச மூக்குக்கு ஒரு வாசம் தப்பாதே. அவ ஒருத்தி போதும். ஊரு முழுக்க சாட்டிட்டு வந்துருவா. அதனால உசுரு கொல்லி சனங்க கணக்கா ருசிக்கு அலயாதீரும்’’னு அவ சொல்லவும், ஒரு உறுமலோட கும்பா சோத்தை அப்பிடியே வெச்சுட்டு எழுந்தவன்தான்… இன்னி வரையிலயும் ஒரு பேச்சில்லை, வார்த்தையில்லை. சிரிப்பும் சிணுங்கலுமா இருந்த வீடு, இப்போ அத்துவானமா வெறிச்சிட்டுக் கெடக்கு.

அந்த நெனைப்பாவே நடந்தவளுக்கு ஒரு யோசனை தோணவும், வயலுக்குள்ள எறங்கினா. இடுப்புல சொருகியிருந்த கருதறுக்குற அரிவாளை எடுத்து, கட்டை பாய்ஞ்சு கெடந்த நெல்லோட தூரை (அறுவடை முடிந்த வயலில் மிச்சமுள்ள தாள்) ஒரு பிடி அறுத்து, மடியில வெச்சுக்கிட்டு வீட்டைப் பார்த்து நடந்தா, ஒரு சிரிப்போட.

பொழுது அடையுறதுக்கு முன்னயே சரோசா வீட்டுல மசாலா வாசனை மூக்கைத் துளைச்சது. வாசல்ல கயிறு திரிச்சுக்கிட்டிருந்த புருசனை ஓரக் கண்ணுல பார்த்துக்கிட்டே பக்கத்து வீட்டு ராசாத்தி கிட்ட, ‘‘எக்கா… எங்க வீட்டுல இன்னிக்கு மீனு கொழம்பு. வேண்ணா இம்புட்டு வாங்கி சாப்புடு’’னு சொன்னா.

‘‘சரோசா… நெசாமாத்தேன் மீன் குழம்பு வச்சயா?’’னு சக்தி ஆசையா கேக்கவும், ‘‘பெறவென்ன பொய்யா சொல்லுதேன். யாரு என்ன சொன்னாலும் எனக்கு எம் புருசன்தேன் பெருசு. வாரும்… இன்னைக்காச்சிலும் ஆச தீர சாப்பிடும்’’னு கூப்புட்டா புருசனை.

மசால்ல ஊறுன மீனை ஆசையோட அள்ளி வாயில வெச்சவன் முகம் வக்கரித்துப் போச்சு. ‘தூ… தூ…’னு துப்பினான்.

‘‘இதென்னத்தா… இதுவா மீன் கொழம்பு? ‘வதக்கு, வதக்கு’னு ஒரு ருசியுமில்ல. இதவா அம்புட்டு சனமும் அள்ளி, அள்ளி மொக்குதாக’’னு அவன் கேக்க, சரோசா சிரிச்சுக்கிட்டே சொன்னா… ‘‘மச்சான்… வேம்பு தின்னவகளுக்கு வேம்பு ருசி, கரும்பு தின்னவகளுக்கு கரும்பு ருசி’’னு.

‘‘அடடா… நானு ஒரு கிறுக்குப் பய! இந்த ருசிக்கு ஆசப்பட்டு எதுக்க இருந்த ருசிய விட்டுட்டேனே’’னு சக்தி தன் பொஞ்சாதியை அணைச்சுக்கிடவும், நெல்லோட தூரு மீனான கதையை நினைச்சு, தனக்குள்ளேயே நமட்டுச் சிரிப்பா சிரிச்சுக்கிட்டா சரோசா.

- மார்ச் 2006 

தொடர்புடைய சிறுகதைகள்
வேட்டை நாய்! பத்ரகாளிக்கு ரெண்டு ஆம்பளைப் புள்ளைக. மூத்தவன் கருப்பழகு, அப்புராணி. வாயத் தொறன்னா கண்ணத் தொறப்பான். சுந்தரம் இளையவன். வாய் சவுடாலு. எப்பவும் சில்லுனு வெள்ளை வேட்டி & சட்டையோட ஊரைச் சுத்திக் கிட்டுத்தேன் அலைவான். இவங்களுக்கு ஒரு அத்தை மக இருந்தா. ...
மேலும் கதையை படிக்க...
இளவரசி காதல் தன்னோட ஒரே மகன்... வருங்கால பட்டத்து இளவரசனாகப் போறவன்... ஒரு ஏழைப் பொண்ணை கல்யாணம் முடிச்சுக்கிட ஆசைப்படுறான்னு கேள்விப்பட்டதும் மன்னர் மகேந்திரர் திகிலடிச்சுப் போய்ட்டாரு. மகன் பிரபுவைப் பத்தியும், அவன் கல்யாணத்தை எப்பிடியெல்லாம் நடத்தணும்கிறதைப் பத்தியும் ஏகப்பட்ட கனவு கண்டிருந்தாரு. ...
மேலும் கதையை படிக்க...
கொலுசுக்காரி! பெத்த மக ரஞ்சனியை நினைச்சாலே வேதாசலத்துக்கும், அவர் பொண்டாட்டி ராசம்மாவுக்கும் ரொம்பப் பெருமையா இருந்துச்சு. அழகும் அறிவும் ஒரு எடத்துல சேந்தமான இருக்காதுனு சொல்லுவாங்க. ஆனா, ரஞ்சனி பொட்டுவம் கணக்கா அம்புட்டு அழகா இருந்தா. கனிஞ்ச மாம்பழம் கணக்கா நெறமும், மல்லிகைப்பூவ ...
மேலும் கதையை படிக்க...
‘‘ஊறுகாயா நான்?’’ கையலக் கண்ணாடியில முகத்தைப் பார்த்துக்கிட்டு இருந்த பவானிக்கு, கூடவே தனபாலு முகமும் தெரிய ஒரு வேளை நம்மளத் தேடி அவரு வீட்டுக்கே வந்துட்டாரோனு திடுக்கிட்டுத் திரும்பிப் பார்த்தா. அங்க பழைய கூரையும் செல்லரிச்சுப் போன மண் சுவரும்தான் இருந்தது. வாசத் ...
மேலும் கதையை படிக்க...
சோலையனுக்கு முப்பத்தி மூணு வயசுக்கு மேல ஆகிடுச்சு. தன்னோட இளமையை தாங்கிக் கிட்டுத்தான் கல்யாணத்துக்கு காத்திருக்கான். ஆனா, அவனுக்கு பொண்ணு கொடுக்க நெனக்கற வங்க எல்லாருமே, அவன் ஆத்தா சங்கம்மாளை நெனச்சு பயந்துபோயி பதினாறு அடிக்கு அந்தப் பக்கம் ஓடோ ஓடுனு ...
மேலும் கதையை படிக்க...
பட்டணத்தில் பெரிய படிப்பு படித்துக் கொண்டிருந்த ரங்கநாதனின் ஒரே செல்ல மகன் பாண்டியனுக்கு, சொந்த ஊருக்கு வரவே மனசில்ல. ஆனா, காலேசு படிப்பு முடிஞ்சி போச்சு. அவன் அய்யா வேற கடுதாசிக்கு மேல கடுதாசியா போட்டு அவனை வரச் சொல்லிக்கிட்டிருக்காரு. ஊருன்னு சொன்னாலே ...
மேலும் கதையை படிக்க...
அம்மான் மகன் மகேந்திரன் முடுக்க, கேப்பைக் கருதின் வரப்பினூடே ஓடினாள் செங்கா. ‘‘இந்த சில்லாவில நீ எந்த மூலைக்கு ஓடிருவே?’’ என்று கேட்டவாறே மகேந்திரன் அவளை விரட்டிக்கொண்டு வந்தான். சின்னஞ்சிறுசுகள்! எங்கும் சந்தோஷம் பூத்துக் கிடந்தது. வரப்பின் மேல் தன் கட்டுப்பாட்டை கடந்து ...
மேலும் கதையை படிக்க...
உச்சியில இருந்த பொழுது கொஞ்சமா மேற்க சாய்ஞ்சது. உழுதுக்கிட்டிருந்த வீரணனுக்கு வயிறு பசி எடுக்கவும், பெஞ்சாதி தேன்மொழி வர்றாளானு நிமிந்து பார்த்தான். கொஞ்ச தூரத்துல கஞ்சிக் கலயத்தைச் சொமந்து வந்துக்கிட்டிருந்தா தேன்மொழி. கலயத்தைத் தாங்கிக்கிட்டிருந்த அவ கை வளையலும், கால்ல இருந்த ...
மேலும் கதையை படிக்க...
விருந்து ‘‘இன்னைக்கு உன் அயித்தயும், அவ மவனும் நம்ம வீட்டுக்கு வராகளாம். ஆனா, அவுக வாரது நமக்கு தெரியக் கூடாதுனு ரொம்ப ரகசியமா வச்சிருக்காகளாம். ஆனாலும், எம் மேல உருத்தா (பிரியமா) இருக்கற ஆளு வந்து சொல்லிப் போடுச்சி”னு ஆத்தா பஞ்சு சொன்னதைக் ...
மேலும் கதையை படிக்க...
புதுப் பணக்காரங்க! ‘‘ஏலேய் ராசாமணி, உனக்கு இந்த வருசம் கல்யாணத்த முடிச்சிருவோமின்னு ஆத்தாளும், நானும் நெனச்சிருக்கோம். நீ என்னடா சொல்லுதே?’’னு கேட்டதும், ராசாமணி அவசரமா சொன்னான்... ‘‘எய்யா, எனக்கு கல்யாணம் முடிக்க சம்மதம். ஆனா, பொண்ணு, கிண்ணுன்னு யாரயும் பாத்துராதீக. ஏன்னா, நானே எனக்கு ...
மேலும் கதையை படிக்க...
கரிசல் காட்டு காதல் கதைகள்!
கரிசல் காட்டு காதல் கதைகள்! – 3
கரிசல் காட்டு காதல் கதைகள்! – 16
கரிசல் காட்டு காதல் கதைகள்! – 13
கரிசல் காட்டு காதல் கதைகள்! – 18
கரிசல் காட்டு காதல் கதைகள்! – 2
கரிசல் காட்டு காதல் கதைகள்! – 1
கரிசல் காட்டு காதல் கதைகள்! – 6
கரிசல் காட்டு காதல் கதைகள்! – 15
கரிசல் காட்டு காதல் கதைகள்! – 8

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)