எச்சிப்பால் குடித்தவன்..!

 

கடற்கரையில் அருண் ரொம்ப நேரமாக தனியே அமர்ந்திருந்தான்.

அனுஜாவைக் காணவில்லை

‘ காதலில் காத்திருப்பது என்பது கடுமையான, ஒரு இனிமையான தவம் . அதுவே அதிகமாகிப் போனால் வெறுப்பு வரும் ! ‘ – இவனுக்கு வந்தது.

‘ சே..! சே..! – கை மணல் தட்டி எழுந்தான்.

தூரத்தில் அனுஜா வந்து கொண்டிருந்தாள் .

அவளைக் கண்ட அடுத்த வினாடி…இவன் மனதுக்குள் ஜிவ்வென்று புத்துணர்ச்சிப் பிறந்து உற்சாகம் கொப்பளித்தது.

” ஏன்.. லேட்டு ? என்று பொய்க் கோபம் காட்டி கோபித்து விளையாடலாமா..?! ‘ – மனசு குறுகுறுத்தது.

இடது கையைத் திருப்பி பார்த்தான். மணி 6.30 .

‘ இந்த விளையாட்டில் நேரம் போய்… அவள் முகம் சுண்டிவிட்டால்..? ! ‘ – நினைக்கப் பயமாக இருந்தது.

அதற்குள் அனுஜாவே அவன் பக்கத்தில் வந்து விட்டாள்.

” என்ன எழுந்திரிச்சிட்டீங்களா…? ! ” அவளாகவே கேட்டு மணலில் அமர்ந்தாள்.

” பேச மாட்டேன்..! ” நின்றான்.

” அய்யாவுக்குக் கோபமா.? ”

” இல்ல. சந்தோசம்..! ” விறைப்பாக நின்றான் .

” உங்களுக்கென்ன…? அலுவலகம் விட்டதும் நேரா இங்கே வந்துடுவீங்க. ஆனா… நான்..? அம்மாகிட்ட எவ்வளவு சாக்குப் போக்கு சொல்லிட்டு வரவேண்டி இருக்குது தெரியுமா..” – சொன்னாள் . – முகம் சுணங்கி தொண்டை கரகரத்தது.

‘ இதற்கு மேல் விளையாடினாள் ஆபத்து ! ‘ இவனுக்குள் எச்சரிக்கை மணி அடித்தது.

” சரி சரி . மூஞ்சியைத் தூக்கி வச்சுக்க வேணாம். நான் சும்மா விளையாட்டுக்கு அப்படி சொன்னேன் .” என்று பல்பு வாங்கி அவள் அருகில் நெருங்கி அமர்ந்தான் .

அவ்வளவுதான் !…

அனுஜா முகம் சட்டென்று பிரகாசித்து சமாதானக் கொடி பறந்தது.

சுண்டல் , முறுக்கு வாங்கி கொரித்துக்கொண்டு ஏதேதோ பேசினார்கள்.

” ம்ம்… ஒன்னு சொல்ல மறந்துட்டேன்… ” வாயில் சுண்டல் வைத்து திடீரென்று நினைத்துக் கொண்டவளாய்ச் சொன்னாள் .

” என்ன ? ”

” நான் சொல்றதைக் கொட்டு கோப படக் கூடாது. ! ”

” என்ன எச்சரிக்கை பலமா இருக்கு..? ”

” சேதி சொல்லனுமா வேண்டாமா..? ” இவள் முறுக்கினாள் .

” சொல்லு..? ”

” கோப பட மாட்டீங்களே..? ! ”

” மாட்டேன் . என்ன விசயம் .? ”

” சத்தியமா..? ”

” சத்தியமாய் ! ” அனுஜா தலையில் அடித்தான்.

” வ… வந்து…. வந்து.. உங்க தம்பி எனக்கு காதல் கடிதம் எழுதி இருக்கார். ”

” என்ன !! ” தேள் கொட்டியவனாய்த் திடுக்கிட்டான்.

” உண்மையாவா சொல்றே..?! ” நம்ப முடியாமல் கேட்டான்.

” ஆமாம். இதோ பாருங்க..” தன் கை பையிலிருந்து ஒரு கடிதம் எடுத்துக் காட்டினாள்.

வாங்கி பரபரப்புடன் பிரித்தான்

சத்தியமாகத் தம்பி சத்தியமூர்த்தி கையெழுத்து.! !! முகம் சிவந்தது.

‘ அண்ணன் காதலிக்குத் தம்பி காதல் கடிதம் ! ‘ எவனுக்குப் பொறுக்கும்.. !?

ஆத்திரம் வந்தது அடக்கிக் கொண்டான். மௌனமாகக் கடிதத்தை வெறித்தான்.

மனசுக்குள் ஏதேதோ யோசனைகள்.

” என்ன யோசனை…? ” உலுக்கினாள்.

” அவன் மேல தப்பா , உன் மேல தப்பா.. யோசனை ! ” என்றான்.

” என்ன உளர்றீங்க….? ” – துணுக்குற்றாள் .

” அவன் உனக்கு காதல் கடிதம் எழுதி இருக்கான்னா… நீ என்னிடம் பழகுற மாதிரி அவனோடு பழகி இருக்கணும்..”

” ச்சே.! ச்சே ..! அப்படியெல்லாம் ஒண்ணுமில்லே. மாமன் மகன் என்கிற உரிமையிலும், உங்க தம்பி என்கிற முறையிலும் நான் சாதாரணமாகத்தான் கலகலப்பா பேசினேன், பழகினேன். ”

‘[ உண்மை ! அனுஜா சொந்த அத்தை மகள் . இவனுக்கும் தம்பிக்கும் மூன்று வயதுகள்தான் வித்தியாசம் இவள் இவனிடம் கலகலப்பாகப் பேசி பழகுவது போல் அவனிடமும் பழகி இருக்கிறாள். அவன்தான்..... விசயம் புரியாமல் தவறாகப் புரிந்து கொண்டு... ' - அருணுக்குப் புரிந்தது.

' அவனின் இந்த தவறான எண்ணத்தைக் கிள்ளி எரிய வேண்டும் . கடிதம் விசயம் தனக்குத் தெரிந்த மாதிரி காட்டிக்கொண்டு கண்டித்தால் சரி படாது. இவளையே விட்டு சரி செய்தால்தான் சரிப்படும் ! ' - தோன்றியது .

'' எப்படிக் கொடுத்தான்...? '' - கேட்டான்.

'' நேரடியாவேக் கொடுத்தார் ! '' - சொன்னாள் .

'' உடனே பிரிச்சிப் படிச்சி மூஞ்சியில் விட்டெறிய வேண்டியதுதானே.. ..? ''

'' அதுக்கு வாய்ப்புக் கொடுக்கல. தனியே போய் படிச்சுப் பாருங்கன்னு சொல்லி விருக்குன்னு போயிட்டாப்போல .''

'' பிரிச்சிப் படிச்சதும் உனக்கு அவன் மேல் ஆத்திரம் , கோபம் வரலையா ...? ''

'' சட்டுன்னு எல்லாம் வந்தது. கடைசியில அழறதா.. சிரிக்கிறதா நெனப்பு ! ''

ஆமாம் என்ன செய்ய முடியும்.. !? - அருணுக்குப் புரிந்தது.

'' சரி. இதெல்லாம் தப்பு. சரி இல்லேன்னு அவனுக்குச் சொல்லிடு. இல்லே எழுதிடு.''

'' அப்படியெல்லாம் செய்தா உங்க தம்பி உடைஞ்சிட மாட்டாரா '' இவள் திருப்பிக் கேட்டாள்.

இப்போது அருணுக்கே அனுஜா மீது சந்தேகம் வந்தது.

'' நீ அவனைக் காதலிக்கிறீயா.. ? '' கேட்டான் .

'' என்ன பேச்சு இது ? '' - அவள் முகத்தில் லேசாக கோபம் படர்ந்தது.

'' சொல்லு....? ''

'' இல்லே..''

'' யாரைக் காதலிக்கிறே..? ''

'' உங்களை.. ''

'' அப்போ. இதுக்கு முடிவு..? என்ன செய்யலாம்...? ''

'' நீங்களே கண்டிச்சுடுங்க.. ''

'' நா.. நானா..?! நா.. '' - தடுமாறினான்.

'' ஏன் ? என்ன..? ''

'' சிக்கல் இருக்கு ! ''

'' என்ன சிக்கல்..? ''

'' சரி நானே கண்டிக்கிறேன் ! '' - எழுந்தான் .

வீட்டிற்குச் சென்றபோது சத்தியமூர்த்தி தனியே இருந்தான் .

கண்டிக்க சரியான தருணம் !

'' தம்பி உன் கூட கொஞ்சம் பேசணும்... ''

'' சொல்லு..? ''

'' நம்ம அத்தை மகள் அனுஜாவுக்கு கடிதம் கொடுத்தியா. ? '' - நேரடியாகவே விசயத்திற்கு வந்தான்.

சத்தியமூர்த்தி ஆடவில்லை அதிரவில்லை.

'' ஆமா ...'' சாதாரணமாகச் சொன்னான்.

'' அது தப்பு . சரி இல்லே ! ''

'' ஏன்... ? ''

'' அவள் அதை விரும்பல...''

'' காரணம்.. ??''

'' வந்து ..வந்து ...அவ என்னைக் காதலிக்க்கிறாள்!''

'' நீங்க...? ''

'' நா நானும்தான்... ''

'' வெரிகுட் ! திருமணமாகி ரெண்டு புள்ளைங்களுக்குத் தகப்பனான உனக்கு காதல். ! இது சரியா. ? ''

'' சத்தி ! ''

'' ஆத்திரப்படாம பொறுமையாக் கேளு. நீ அண்ணிக்குத் துரோகம் செய்யிறது வருத்தமா இருக்கு. திருமணமானால்... கணவன் என்கிறவன் மனைவியைக் காதலிக்கனும். அடுத்தவளைக் காதலிக்க கூடாது. அனுஜா முறைப் பெண் உன்னிடம் கலகலப்பாய் பேசினதுனால அவளை மயக்கிட்டே. அவளும் மயங்கிட்டாள் . நாளைக்கு ... கலியாணம் காட்சி ஒத்து வருமா..? . ரெண்டு பேர் எப்படி சரி வரும் ? ஒருவனுக்கு ஒருத்திதான் சரி. அதுதான் நம்ம கலாச்சாரம் பண்பாடு. என்னடா எச்சிப்பால் குடிச்சவன் உபதேசிக்கிறானேன்னு நினைக்காதே. துரோகம், வாழ்க்கையில் அடுத்தவளுக்குப் பங்கு எல்லாம் சரி படாது.

அனுஜா மேல எனக்கு காதல் கத்தரிக்காயெல்லாம் கிடையாது . அது உங்களுக்குப் புத்திமதி சொல்ல நான் எழுதிய நாடகம். வீண் சபலத்தால ரெண்டு பேர் வாழ்க்கையும் வீணாக வேணாம். அனுஜாவிடமும் உண்மையைச் சொல்லி திருத்து. இந்த விஷயம் எதுவும் அண்ணிக்குத் தெரியவேணாம். அண்ணி வருத்தப்படுவாங்க. '' நிறுத்தினான்.

அருணுக்கு விசயம் புரிய கூனி குறுக்கினான்.

எச்சிப்பால் குடித்த தம்பி சத்தியமூர்த்தி அவனுக்குள் போதி மரமாகச் தெரிந்தான். 

தொடர்புடைய சிறுகதைகள்
ஞாயிற்றுக்கிழமைப் பொழுது இப்படி அதிரிபுதிரி, தடாலடியாய் விடியுமென்று அன்பழகனும் அன்னபூரணியும் கொஞ்சமும் எதிர்பார்க்கவில்லை. அதுவும் வீட்டில் வேற்றாள்கள் விருந்தாளிகளாய் வந்து தங்கி இருக்கையில் சிறிதும் நாகரீகமில்லாமல் இப்படி நடக்குமென்று இவர்கள் நினைத்துப் பார்க்கவுமில்லை. இதோ....இதோ..... இப்போதுதான் நடந்தது. நடந்த சூடு கொஞ்சமும் ஆறாமலோ ...
மேலும் கதையை படிக்க...
'இந்த இடமும் கை விரிப்புதான்!' - வீட்டுக்குள்ளிருந்தே அப்பா தூரத்தில் நடை தளர்ந்து வருவதைக் கொண்டே கண்டு பிடித்துவிட்டான் சேகர். ஆனாலும், அவர் உள்ளுக்குள் வந்ததுமே... "என்னப்பா ஆச்சு..?" கேட்டான். "பச்!!" அவர் சலிப்புடன் உதட்டைப் பிதுக்கிக் கொண்டு போய் நாற்காலியில் அமர்ந்ததைப் பார்க்கப் பாவமாக ...
மேலும் கதையை படிக்க...
இரவு மணி 10 .10. ' பதினொன்றாம் வகுப்புப் படிப்பு. வயசுப் பிள்ளை. ஆளைக் காணோம்.! ' - செந்தமிழ்செல்வனுக்குள் திடீரென்று கலக்கம் வந்தது. தோளுக்கு மேல் வளர்ந்த பிள்ளை தோழன். வீண் கட்டுப்பாடுகளால் ஆர்வத்தைக் கெடுக்கக் கூடாது. அது அவன் முன்னேற்றத்தைப் பாதிக்கும் ...
மேலும் கதையை படிக்க...
மருத்துவமனையில் உயிருக்குப் போராடிக்கொண்டு கட்டிலில் சலனமின்றிப் படுத்திருக்கும் மகன் கணேசுக்கு அருகில் இடிந்து சிலையாக அமர்ந்திருந்தார் தணிகாசலம். இப்போதுதான்… இவரோடு சம்பந்தம் செய்து கொள்ளப் போகிற சாந்தமூர்த்தி அந்த அறைக்குள் நுழைந்தார். கவலையுடன் மகனைக் கவனித்துக்கொண்டிருந்த தணிகாசலம் அவர் வந்ததைக் கவனிக்கவில்லை. ஊரான் பிள்ளையை ஊட்டி வளர்த்தால் ...
மேலும் கதையை படிக்க...
வீட்டில் நுழைந்த மகளைப் பார்த்த தாய் லைலாவிற்கு ஆத்திரம், ஆவேசம். "ஏய் நில்லுடி. ! ‘’ நாற்காலியை விட்டு எழுந்து நின்று அதட்டல் போட்டாள். நின்றாள் கல்லூரி மாணவி மீரா. "எத்தனை நாளாய் நடக்குது இந்தக் கூத்து..? "வெடித்தாள். "எது...? "மீரா தாய் அதட்டல் உருட்டலுக்கு அதிராமல் ...
மேலும் கதையை படிக்க...
'யோக்கியன்னு மரியாதை குடுத்தா... இப்புடி இழுத்தடிக்கிறான் !. இதோட பதினோரு நாள்ல பத்தாவது தடவை. இனி பொறுக்காது. ஆளை நடு ரோட்டுல பார்த்;தாலும் ஈட்டிக்காரன் போல கழுத்துல துண்டைப் போட்டு வசூல் பண்ணியே ஆகனும். கேட்டு குடுக்கலைன்னா... 'உன் பவிசுக்கு என் ...
மேலும் கதையை படிக்க...
நான் அண்ணன் வீட்டு வாசல்படி தாண்டி உள்ளே நுழைந்த அடுத்த வினாடி எதிரே தரையில் அமர்ந்திருந்த அண்ணி செண்பகத்தின் கண்கள் குபுக்கென்று கொப்பளித்து.... கண்ணீர் அருவியாகக் கொட்டியது. ' ஏன்...ஏன்....? ' எனக்குள் பதற்றம் பெட்ரோல் மீது பட்ட தீயாய்ப் பற்றியது. நான், அண்ணன் அர்ச்சுனன் ...
மேலும் கதையை படிக்க...
'இந்த வீட்டில் இணைய தள இணைப்பிலிருந்து அனைத்து வசதிகளும் இருக்கு. ஆனா தொலைபேசி மட்டும் அரத பழசு.!! அழைத்தால் எடுத்து.... '' ஹலோ..! '' சொல்ற அமைப்பு. அழைக்க வேண்டும் என்றால் எண்களை அழுத்தி ஒலிவாங்கியைக் காதில் வைக்கும் அமைப்பு. .இதில் அழைப்பு எண்கள் ...
மேலும் கதையை படிக்க...
தாயை நீட்டிப் படுக்க வைத்து எல்லா வேலைகளையும் முடித்து நிமிர்ந்ததுமே ஊர் பெரிய மனுசன் கோபாலை அணுகி...... ''தம்பி ! யார் யாருக்குச் சேதி சொல்லனும் ?'' கேட்டார். ''சொல்றேன்.!'' சொன்ன கோபால் தன் கைபேசியை எடுத்து.... தெரிந்தவர்களுக்கெல்லாம் சொல்லி வைத்தான். அருகில் இருந்து கவனித்த ...
மேலும் கதையை படிக்க...
''லட்சுமி !'' என்ற குரல் கொடுத்துக் கொண்டே திறந்த வீட்டிற்குள் கையில் பையுடன் நுழைந்த விசாலம் கூடத்து கட்டிலில் அமர்ந்திருக்கும் பத்து வயது பெண் அருணாவைக் கண்டதும் குரலை நிறுத்தி முகம் மாறினாள். அருணாவிற்கு வந்தவள் யாரென்று புரிந்து விட்டது. ''பெரிம்மா..ஆ'' மெல்ல குரல் ...
மேலும் கதையை படிக்க...
கூட்டுக் குடும்பம்…!
அப்பாவும், பிள்ளையும்…
இருட்டிலே விளையாடுங்க…
இவளும் பெண்…!
பழக்கம்..! – ஒரு பக்க கதை
பதிலில்லை பாடம்
கணவன்…!
தொ(ல்)லைபேசி? – ஒரு பக்க கதை
மனிதம்…!
மாற்றம் மாறுதலுக்குரியது……!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)