பலராமருக்கு பணிந்த துரியோதனன்!

 

அஸ்தினாபுரம் விழாக் கோலம் பூண்டிருந்தது. துரியோதனன், தன் மகள் இலக்குமணைக்கு திருமண ஏற்பாடுகளைச் செய்தான்.

முதற்கட்டமாக சுயம்வரம் நடைபெற இருந்தது. அதில் கலந்து கொள்ள பல தேசங்களை சார்ந்த ராஜ குமாரர்களும் வந்திருந்தனர். அவர்களில், கிருஷ்ணனின் புதல்வனான சாம்பனும் ஒருவன்.

பலராமருக்கு பணிந்த துரியோதனன்!அவன், எவரும் எதிர்பாராவிதம் துரியோதனனின் மகளை பலவந்தமாக தூக்கிச் சென்றான். இதனால் கோபம் கொண்ட துரியோதனன் தன் நண்பன் கர்ணனின் தலைமையில் பெரும் படையுடன் சென்று, சாம்பனுடன் போர் செய்தான். முடிவில் சாம்பன் தோல்வி அடைய… அவனைச் சிறையிலிட்டான்.

இந்த விஷயம் கிருஷ்ணருக்கு தெரிய வந்தது. யாதவர்கள், துரியோதனன் மீது போர் தொடுக்க ஆயத்தம் ஆனார்கள். ஆனால் அவர்களை தடுத்த பலராமன், ”நான் மட்டும் சென்று சாம்பனை மீட்டு வருகிறேன்” என்று கூறிப் புறப்பட்டார்.

வழியில் நந்தவனம் ஒன்றில் தங்கி இளைப்பாறினார் பலராமர். இதை அறிந்த கௌரவர்கள் மற்றும் கர்ணன் ஆகியோர் நந்தவனத்துக்கு வந்து பலராமரை சந்தித்தனர். முறையான உபசாரங்கள் செய்து அவரை வரவேற்றனர். அப்போது பலராமர், ”துரியோதனா! நமக்குள் வீண் பகை வேண்டாம். சாம்பனை விடுதலை செய்ய வேண்டும் என்பது கிருஷ்ணனுக்கு தாத்தாவான உக்கிரசேன மன்னனின் கட்டளை. எனவே, அவனை விடுதலை செய்!” என்றார்.

இதைக் கேட்டு கடும் கோபம் கொண்ட துரியோ தனன், ”குரு வம்சத்து வீரருக்கு யது குலத்தவன் (யாதவர் குலம்) கட்டளையிடுவதா? என் மகளை கடத்திச் சென்ற சாம்பனை விடுவிக்க வேண்டுமா? சாத்தியமே இல்லை. நாங்கள், உங்களைச் சந்திக்க வந்ததும் மரியாதை செலுத்தியதும் எங் களது உபச்சாரம், அவ்வளவே!” என்றான்.

பலராமனும் கோபம் அடைந்தார்.

”கௌரவர்களே… உங்களுக்கு இவ்வளவு கர்வம் கூடாது. எங்கள் மன்னன் உக்கிரசேனன் அமர்ந்து ஆட்சி புரியும் ‘சுதர்மை’ என்ற சபா மண்டபம் தேவேந்திரனால் அளிக்கப்பட்டது. அவருக்கு நிகர் எவரும் இல்லை. இதை அறியாமல் பேசி விட்டாய் துரியோதனா!

அதற்கான தண்டனையை நீ அடைந்தே தீர வேண்டும். அஸ்தினாபுரத்தை இந்த கணமே கங்கையில் மூழ்கச் செய்து, உனது வம்சத்தையும் பூண்டோடு ஒழிக்கிறேன். அதன் பிறகு சாம்பனுக்கும் உன் மகளுக்கும் துவாரகையில் திருமணத்தை நடத்துகிறேன்.” என்றவர் தனது ஆயுதமான கலப்பையுடன் சென்று, கௌரவர்களது கோட்டையின் ஆதாரமான வேள்வித் தூணில் கலப்பையை மாட்டி இழுத்தார். அஸ்தினாபுரமே ஆடியது. துரியோதனன் பயந்து நடுங்கினான்.

ஓடோடி வந்து, ”பலராமரே! உங்கள் மன்னனின் ஆணைப்படி சாம்பனை விடுவித்து, என் மகளை அவனுக்கே மணம் செய்து தருகி றேன்!” என்று வேண்டினான் துரியோதனன்.

அவனை மன்னித்தார் பலராமர். சாம்பனையும் தன் மகளையும் ராஜமரியாதையுடன் துவார கைக்கு அனுப்பி வைத்தான் துரியோதனன்.

பலராமரது வீர பராக்கிரமத்தை யாதவர்கள் போற்றிப் புகழ்ந்தனர்.

- ராணி மணாளன், கிருஷ்ணகிரி-1 (மார்ச் 2008) 

தொடர்புடைய சிறுகதைகள்
பேரரசர் அக்பர், இஸ்லாம் மதத்தைச் சேர்ந்தவர். அமைச்சராக இருந்த பீர்பாலோ இந்து மதத்தைச் சேர்ந்தவர். இதனால் சில நேரங்களில் அவர்களிடையே விவாதங்கள் நிகழும். ஒரு முறை பீர்பாலிடம் அக்பர், ''எங்கள் இஸ்லாம் மதத்தில் ஒரே கடவுள்தான் உள்ளார். அதே போல கிறிஸ்தவ மதம், ...
மேலும் கதையை படிக்க...
தம்பிகளைத் திரும்பப் பெற்ற தருமன்!
பாண்டவர்கள் வனவாசத்தில் இருந்த போது கடுமையான தாகத்தால் தவித் தனர். நீர் இருக்கும் இடம் தேடிச் சென்ற சகோதரர்களை நீண்ட நேரமாகியும் காணாததால் தவித்தார் தருமன். துரியோதனன் வேண்டிக் கொண்டதன் பேரில் பாண்டவர்களைக் கொல்வதற்காக யாகம் நடத்தி அதன் மூலம் ஒரு ...
மேலும் கதையை படிக்க...
பகவத் கீதை தெரியும்… உத்தவகீதை தெரியுமா?
குரு«க்ஷத்திரத்தில் அர்ஜுனனுக்குக் கண்ணபிரான் அருளியது பகவத் கீதை. தேரோட்டியான உத்தவனின் கேள்விகளுக்கு கண்ணன் கூறிய பதில்தான் ‘உத்தவ கீதை’! குரு«க்ஷத்திரப் போருக்குப் பிறகு தருமனுக்கு முடிசூட்டிய கண்ணபிரான் துவாரகை திரும்பினான். தமக்கு இளமை முதலே தேரோட்டியாக இருந்த உத்தவனை அழைத்து, ‘‘உத்தவா! உனக்கு ...
மேலும் கதையை படிக்க...
பாண்டுரங்கனின் திருவிளையாடல்!
விஜயநகரப் பேரரசை, ராம் ராயர் என்ற மன்னன் ஆட்சி செய்த காலம். ஒரு முறை, படை-பரிவாரங்களுடன் பண்டரிபுரம் கோயிலுக்குச் சென்றார் ராம் ராயர். அங்கு, அழகே உருவான ஸ்ரீபாண்டுரங்கனைக் கண்ட மன்னர் பேரானந்தம் அடைந்தார். 'இவ்வளவு அழகு பொருந்திய விக்கிரகம் தலைநகரில் இருப்பதே ...
மேலும் கதையை படிக்க...
சீடராகச் சேர்ந்த வீர சிவாஜி!
மராட்டிய மன்னன் சத்ரபதி சிவாஜியின் குரு ராமதாசர். ராம தாசரின் இயற்பெயர் நாராயணன். சூர்யாஜிபந்த்& ரேணுபாய் தம்பதிக்கு இரண்டாவது மகனாக கி.பி.1608&ஆம் ஆண்டு ஸ்ரீராம நவமியன்று இவர் பிறந் தார். இவருக்கு ஆறு வயதிலேயே ஆஞ்ச நேயர் அருளால் ஸ்ரீராமபிரானின் தரிசனம் ...
மேலும் கதையை படிக்க...
ஏன் நிறைய கடவுள்கள்?
தம்பிகளைத் திரும்பப் பெற்ற தருமன்!
பகவத் கீதை தெரியும்… உத்தவகீதை தெரியுமா?
பாண்டுரங்கனின் திருவிளையாடல்!
சீடராகச் சேர்ந்த வீர சிவாஜி!

பலராமருக்கு பணிந்த துரியோதனன்! மீது ஒரு கருத்து

  1. suriyan says:

    இதில் என்ன நீதி இருக்கிறது?

    அடுத்தவர் மகளை கவர்வது குற்றமா இல்லை அவ்வாறு கவர்ந்தவனை கைது செய்வது குற்றமா?.

    இது போன்ற கதைகளால் தான் இன்று நாம் நாட்டில் பெண்களுக்கு எதிரான குற்றங்கள் அதிகரிக்கிறது.

    என் கருத்தில் தவறு இருந்தால் திருத்தவும்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)