பன்மொழிப் புலவரை பந்தாடிய தெனாலிராமன்!

 

ஒரு நாள் கிருஷ்ணதேவ ராயரின் அரண்மனைக்கு, ஒரிஸாவில் இருந்து வித்யாசாகரர் என்ற சம்ஸ்கிருதப் புலவர் ஒருவர் வந்தார். பல நூல்களை இயற்றி, பல நாடுகளில் பயணித்து, அறிஞர்கள் பலருடன் வாதிட்டு, வெற்றி பெற்றவர் அவர்.

அவரை வரவேற்று உபசரித்தார் கிருஷ்ணதேவ ராயர். மன்னருக்கு வணக்கம் தெரிவித்த வித்யாசாகரர், ‘‘மன்னா! தங்களது கீர்த்தி எங்கும் பரவி இருக்கிறது. தங்கள் பெருமையை விளக்கும் புலவர்கள் பலர் இந்த அவையில் உள்ளனர். அவர்களு டன் வாதிட்டு, எனது அறிவுத் திறத்தை நிரூபிக்க விரும்புகிறேன். என்னுடன் வாதிடும் அளவுக்கு இங்குள்ள புலவர் களுக்கு திறமை இல்லையெனில், அவர் கள் தங்களது தோல்வியை ஒப்புக் கொள் ளலாம்’’ என்றார்.

வித்யாசாகரரின் ஆணவப் பேச்சு

கிருஷ்ணதேவ ராயருக்குக் கோபம் ஊட்டியது. எனவே, ‘‘புலவரே! என் அரசவைப் புலவர்களிடம் நீங்கள் வாதிட விரும்பியது சரி. ஆனால், அவர்கள் தோற்று விடுவார்கள் என்று நீங்களே தீர்மானிப்பது தவறு. என் அரசவைப் புலவர்கள் உங்களிடம் வாதிடத் தயார். வாதத்தின் முடிவில் வெற்றி & தோல்வியை நிர்ணயிப்போம்!’’ என்றார். வித்யாசாகரரும் உடன்பட்டார். அரசாங்க விருந்தினர் மாளிகையில் வித்யாசாகரர் தங்குவதற்கு ஏற்பாடு செய்யப்பட்டது.

பிறகு கிருஷ்ணதேவராயர், தம் அரசவைப் புலவர்களிடம், ‘‘நாளை, விவாதத்தில் யார் கலந்து கொள்ளப் போகிறீர்கள்?’’ என்று கேட்டார். எவரும் பதிலளிக்கவில்லை. உடனே தலைமைப் புலவர் பெத்தண்ணா எழுந்து, ‘‘மன்னர்பிரானே! இதுவரை எத்தனையோ புலவர்களுடன் வாது நிகழ்த்தி வெற்றி பெற்றுள்ளோம். ஆனால், வித்யாசாகரர் போன்ற பன்மொழிப் புலவரிடம் மோதுவது யோசிக்க வேண் டிய விஷயம்!’’ என்றார்.

மன்னருக்குக் கோபம் வந்தது. ‘‘அப்படியானால், நாளைக்கு வித்யாசாகரரிடம் ‘எனது அரசவைப் புல வர்கள், கெட்டிக்காரர்கள் இல்லை’ என்று சொல்லி, தோல்வியை ஒப்புக் கொள்ளட்டுமா?’’

அதுவரை அமைதியாக இருந்த தெனாலிராமன் சட்டென்று எழுந்தான். ‘‘மன்னா, தாங்கள் அனுமதித்தால்… வித்யாசாகரரை நான் சமாளிக் கிறேன்!’’

மன்னர் முகம் மலர்ந்தது. ‘‘உன்னால் முடியுமா?’’

‘‘அன்னை மகா காளி எனக்குக் கைகொடுப்பாள். கவலையை விடுங்கள்!’’ என்றான் தெனாலி.

மறு நாள் அவை கூடியது. தன் சகாக்களுடன் வந்தமர்ந்த வித்யாசாகரர், ‘‘மன்னரே! என்னுடன் வாதிடப் போகும் புலவர் யார்?’’ என்று கேட்டார்.

உடனே தெனாலிராமன் கம்பீரமாக எழுந்து, ‘‘புலவரே! தங்களுடன் இன்று வாதிட வந்திருப்பவன் அடியேன்தான். தெனாலிராமன்!’’ என்று சுயமாக அறிமுகம் செய்து கொண்டான். அவனை ஏறிட்டுப் பார்த்தார் வித்யாசாகரர். ‘புலவருக்கு உரிய மிடுக்கு எதுவும் இவன் முகத்தில் தெரியவில்லையே!’ என்று முணுமுணுத்தார். பிறகு, ‘‘சரி… விவாதத்தை நாம் ஆரம்பிக்கலாமா?’’ என்று கேட்டார்.

தெனாலிராமன், ‘‘புலவரே, விவாதத்துக்கு முன் உங்களைச் சோதிக்க விரும்புகிறேன்!’’ என்றபடி பட்டுத் துணியால் மூடப்பட்ட மூட்டை ஒன்றை கவனமாகவும் மிகுந்த பக்தியுடனும் எடுத்து வைத் தான். ‘‘என்ன இது?’’ _ வித்யாசாகரர்.

‘‘இது பிரசித்தி பெற்ற சம்ஸ்கிருத நூலான தில காஷ்ட மகிஷ பந்தனம்’’ என்றான் தெனாலி.

‘‘இப்படியரு பெயரை நான் கேள்விப்பட்ட தில்லையே!’’ என்று திகைத்தார் வித்யாசாகரர்.

‘‘நீர் கேள்விப்படாதது, இந்த நூலின் குற்றமில்லை. அது உங்கள் அறியாமையைக் காட்டுகிறது!’’ என்றான் தெனாலி மிதப்பாக. திலகாஷ்ட மகிஷ பந்தனம் குறித்து மேற்கொண்டும் தெரியாது என்றால் தன்னைப் பற்றிக் கேவலமாக நினைப் பார்கள் என்று கருதிய வித்யாசாகரர், ‘‘இந்த நூல் சட்டென்று என் நினைவுக்கு வரவில்லை!’’ என்று சமாளித்தார்.

சரியான பிடி கிடைத்ததை எண்ணி மகிழ்ந்தான் தெனாலிராமன். ‘‘சந்தோஷம். இந்த இலக்கியத்தை வைத்தே வாதிடலாம். சரி… இதன் ஆசிரியர் யார்?’’

வித்யாசாகரரின் நிலை தர்மசங்கடமா னது. ‘‘தெனாலிராமா… அதன் ஆசிரியர் பெயர் அவ்வளவு முக்கியமா என்ன?’’ என்றார்.

‘‘சரி… போகட்டும். இந்த நூல் மூன்று முக்கிய உவமைகள் கொண்டது. அவை என்னென்ன? விளக்குங்களேன்!’’ என் றான் தெனாலி.

கிட்டத்தட்ட பைத்தியம் பிடித்தது போலானார் வித்யாசாகரர். மேற் கொண்டு பேசினால் அவமானப்பட நேரும் என்று கருதி, தெனாலியிடம், ‘‘புலவரே! திடீரென்று என் உடல் நிலை பாதிப்பு அடைந்துள்ளது. அத னால் நாளை நமது விவாதத்தைத் தொடரலாமே!’’ என்றார். தெனாலி யும் ஒப்புக் கொண்டான்.

மறு நாள் காலையில் அரசவை கூடி யது. ஆனால், வித்யாசாகரர் அவைக்கு வர வில்லை. பின்னர் இரவோடு இரவாக அவர் ஊரைவிட்டு ஓடிய தகவல் தெரிந்ததும் மன்னன் கிருஷ்ணதேவ ராயரும் மற்றவர்களும் மகிழ்ந்தனர். மன்னர், ‘‘தெனாலிராமா! நீ ஏதோ ஓர் இலக்கியம் பற்றிக் கூறினாயே… அதன் பெயரென்ன?’’ என்று கேட்டார்.

‘‘திலகாஷ்ட மகிஷ பந்தனம்!’’

‘‘அதைப் பற்றி உனக்கு எப்படித் தெரியும்? எங்கே, அந்த நூலை என்னிடம் காட்டு!’’

உடனே பட்டுத் துணியில் மூடப்பட்ட மூட்டையை அவிழ்த்தான் தெனாலிராமன். அதற்குள் சற்று எள், விறகு, எருமை மாடு கட்டும் கயிறு ஆகியவை இருந்தன.

‘‘இதெல்லாம் என்ன? நூல் எதையும் காணோமே?’’ என்று வியப்புடன் கேட்டார் மன்னர்.

‘‘அரசே! இதுதான் திலகாஷ்ட மகிஷ பந்தனம். எள்& திலக். காஷ்டம்& விறகு. மகிஷ பந்தனம்& எருமை கட்டும் கயிறு. இந்த மூன்றும் சேர்ந்ததுதான் திலகாஷ்ட மகிஷ பந்த னம்!’’ என்று விளக்கினான் தெனாலி. அவனது சம யோசிதத்தை பாராட்டி சிறப்புப் பரிசுகள் வழங்கி கௌரவித்தார் கிருஷ்ணதேவ ராயர்.

- ராணி மணாளன், கிருஷ்ணகிரி-1 (மார்ச் 2007) 

தொடர்புடைய சிறுகதைகள்
சூதாடிக்காக வாதாடிய எமன்!
சூதாடி ஒருவன், ஒரு நாள் சூதாட்டத் தின்போது ஏராளமான பொருட்களை வெற்றி கொண்டான். அந்த மகிழ்ச்சியில் கண்டபடி மது அருந்திவிட்டு, விலைமாது ஒருத்தியின் வீட்டுக்குப் போனான். அதிகமான போதையால் பாதி வழியிலேயே தள்ளாடி விழுந்தான். நினைவு திரும்பியதும், ‘தான் செய்தது... செய்ய ...
மேலும் கதையை படிக்க...
நட்பு பெரிதா? நாடு பெரிதா?
துரோணரும் துருபதனும்... துரோணர், புகழ் பெற்ற ஆச்சார் யர். பாண்டவர் மற்றும் கௌரவருக்கு வில்வித்தை கற்பித்தவர். அர்ஜுனன் தேர்ந்த வில்லாளியாகப் புகழ் பெறக் காரணமானவர். இவரின் குருகுலத் தோழன் இளவரசன் துருபதன். குருகுலத்தில் துரோணரும் துருபதனும் நண்பர்கள். ஒரு நாள் துருபதன், ‘‘துரோணா, நான் ...
மேலும் கதையை படிக்க...
தம்பிகளைத் திரும்பப் பெற்ற தருமன்!
பாண்டவர்கள் வனவாசத்தில் இருந்த போது கடுமையான தாகத்தால் தவித் தனர். நீர் இருக்கும் இடம் தேடிச் சென்ற சகோதரர்களை நீண்ட நேரமாகியும் காணாததால் தவித்தார் தருமன். துரியோதனன் வேண்டிக் கொண்டதன் பேரில் பாண்டவர்களைக் கொல்வதற்காக யாகம் நடத்தி அதன் மூலம் ஒரு ...
மேலும் கதையை படிக்க...
பகவத் கீதை தெரியும்… உத்தவகீதை தெரியுமா?
குரு«க்ஷத்திரத்தில் அர்ஜுனனுக்குக் கண்ணபிரான் அருளியது பகவத் கீதை. தேரோட்டியான உத்தவனின் கேள்விகளுக்கு கண்ணன் கூறிய பதில்தான் ‘உத்தவ கீதை’! குரு«க்ஷத்திரப் போருக்குப் பிறகு தருமனுக்கு முடிசூட்டிய கண்ணபிரான் துவாரகை திரும்பினான். தமக்கு இளமை முதலே தேரோட்டியாக இருந்த உத்தவனை அழைத்து, ‘‘உத்தவா! உனக்கு ...
மேலும் கதையை படிக்க...
பாரத தேசத்தில் பல வள்ளல் பெருமக்கள் தோன்றியிருந்தாலும், கர்ணனுக்கு ஈடானவர்கள் வேறு எவரும் இல்லை. கௌரவர் களில் மூத்தவனான துரியோதனனைத் தன் தலை வனாக ஏற்ற கர்ணன், அவனாலேயே அங்க தேசத் துக்கு மன்னனாக முடி சூட்டப்பட்டான். அதே வேளையில், கர்ணன் மீது ...
மேலும் கதையை படிக்க...
சீடராகச் சேர்ந்த வீர சிவாஜி!
மராட்டிய மன்னன் சத்ரபதி சிவாஜியின் குரு ராமதாசர். ராம தாசரின் இயற்பெயர் நாராயணன். சூர்யாஜிபந்த்& ரேணுபாய் தம்பதிக்கு இரண்டாவது மகனாக கி.பி.1608&ஆம் ஆண்டு ஸ்ரீராம நவமியன்று இவர் பிறந் தார். இவருக்கு ஆறு வயதிலேயே ஆஞ்ச நேயர் அருளால் ஸ்ரீராமபிரானின் தரிசனம் ...
மேலும் கதையை படிக்க...
நாரதர் நடத்திய திருமணம்
மகாபலி சக்ரவர்த்திக்கு நூறு பிள்ளைகள். இவர்களில் மூத்தவன் பாணாசுரன். சோணிதபுரத்தை ஆட்சி செய்த இவன், சிறந்த சிவபக்தன்; சிவனருளால் ஆயிரம் கரங்களையும் அரிய வரங்கள் பலவற்றையும் பெற்றவன். ஆனால்... காலப்போக்கில் அவனிடம், 'தம்மை எதிர்க்க எவரும் இல்லை!' என்ற அகந்தையும் அதிகார மமதையும் ...
மேலும் கதையை படிக்க...
பேரரசர் அக்பர், இஸ்லாம் மதத்தைச் சேர்ந்தவர். அமைச்சராக இருந்த பீர்பாலோ இந்து மதத்தைச் சேர்ந்தவர். இதனால் சில நேரங்களில் அவர்களிடையே விவாதங்கள் நிகழும். ஒரு முறை பீர்பாலிடம் அக்பர், ''எங்கள் இஸ்லாம் மதத்தில் ஒரே கடவுள்தான் உள்ளார். அதே போல கிறிஸ்தவ மதம், ...
மேலும் கதையை படிக்க...
பாண்டுரங்கனின் திருவிளையாடல்!
விஜயநகரப் பேரரசை, ராம் ராயர் என்ற மன்னன் ஆட்சி செய்த காலம். ஒரு முறை, படை-பரிவாரங்களுடன் பண்டரிபுரம் கோயிலுக்குச் சென்றார் ராம் ராயர். அங்கு, அழகே உருவான ஸ்ரீபாண்டுரங்கனைக் கண்ட மன்னர் பேரானந்தம் அடைந்தார். 'இவ்வளவு அழகு பொருந்திய விக்கிரகம் தலைநகரில் இருப்பதே ...
மேலும் கதையை படிக்க...
பலராமருக்கு பணிந்த துரியோதனன்!
அஸ்தினாபுரம் விழாக் கோலம் பூண்டிருந்தது. துரியோதனன், தன் மகள் இலக்குமணைக்கு திருமண ஏற்பாடுகளைச் செய்தான். முதற்கட்டமாக சுயம்வரம் நடைபெற இருந்தது. அதில் கலந்து கொள்ள பல தேசங்களை சார்ந்த ராஜ குமாரர்களும் வந்திருந்தனர். அவர்களில், கிருஷ்ணனின் புதல்வனான சாம்பனும் ஒருவன். அவன், எவரும் எதிர்பாராவிதம் ...
மேலும் கதையை படிக்க...
சூதாடிக்காக வாதாடிய எமன்!
நட்பு பெரிதா? நாடு பெரிதா?
தம்பிகளைத் திரும்பப் பெற்ற தருமன்!
பகவத் கீதை தெரியும்… உத்தவகீதை தெரியுமா?
இந்திரன் வியந்த கர்ணன்!
சீடராகச் சேர்ந்த வீர சிவாஜி!
நாரதர் நடத்திய திருமணம்
ஏன் நிறைய கடவுள்கள்?
பாண்டுரங்கனின் திருவிளையாடல்!
பலராமருக்கு பணிந்த துரியோதனன்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)