இந்த இருவரில் யார் என் மனைவி?

 

உத்தமமான சிவாசார்யரான தேவசர்மா, கயிலைவாச னான உமையரு பாகனை வழிபட்ட தீவிர பக்தர். அவருக்குத் திருமணம் நடந்தது (மணப் பெண்ணை விமலா என்றும், அவள் தங்கையைக் கமலா என்றும் வைத்துக் கொள்வோம்).இந்த இருவரில்

திருமணத்தின்போது, விமலாவின் வயது எட்டு. உலக அனுபவம் இல்லாத சிறுமியாக இருந்தாலும், தன் கணவனின் பக்தியிலும், சிவத் தொண்டிலும் பெருமைப்பட்டாள். இரண்டு மாதங்கள் கடந்தன. தேவசர்மா, ஸ்தல யாத்திரை செல்லத் தீர்மானித்தார்.

மனைவியை மாமனார் வீட்டில் விட்டு விட்டுக் கிளம்பினார் தேவசர்மா. ஊர் ஊராகச் சென்று இறைவனின் அருள் கோலங்களை தரிசித்த தேவசர்மாவின் ஸ்தல யாத்திரை பன்னிரண்டு ஆண்டுகள் தொடர்ந்தது. விமலா பருவம் எய்தினாள். அழகும், இளமையும் ததும்பும் அவளுக்கு இப்போது வயது இருபது. விமலாவின் சகோதரி கமலா, தோற்றத்தில் விமலா வைப் போலவே இருப்பாள். இதை வைத்து ஒரு திருவிளையாடல் நிகழ்த்த திருவுள்ளம் கொண்டார் இறைவன்.

விமலாவுக்குப் பெரியம்மை வந்தது. அதன் காரணமாக அவளது அழகு பறிபோனது. மேனியெங்கும் அம்மைத் தழும்புகள் பளிச்சிட்டன.

இந்த நிலையில் தேவசர்மா ஊர் திரும்பினார். பன்னிரண்டு வருடங்களுக்குப் பிறகு, மனைவியைப் பார்க்கும் ஆர்வம். மாமனாரும் மற்றவர்களும் ஆவலுடன் வரவேற்றார்கள். விமலாவும் கணவரை வரவேற்று வணங்கினாள்.

‘‘யார் இந்தப் பெண்?’’ & கேட்டார் தேவசர்மா.

‘‘என்ன இப்படிக் கேட்கிறீர்கள்? இவள்தான் உங்கள் மனைவி விமலா. பெரியம்மை பாதித்ததால் இப்படி உருக் குலைந்து விட்டாள்!’’ என்று எல்லோரும் ஏகக் குரலில் பதில் சொன்னார்கள். தேவசர்மா நம்பவில்லை. ‘எட்டு வயதில் விட்டு விட்டுப் போன என் மனைவி இப்போது இருபது வயது அழகுத் தேவதையாக இருப்பாள் என்று எண்ணினால், யாரோ ஓர் அவலட்சணத்தைக் கொண்டு வந்து மனைவி என்கிறார்களே!’ என்று நினைத்த அவர், அதிர்ச்சியும் அருவருப்பும் அடைந்தார். அதே நேரம் தேவசர்மாவின் மைத்துனியான கமலா அழகுப் பதுமையாக அங்கு வந்தாள். துள்ளினார் தேவசர்மா, ‘‘ஹ§ம்! ஏமாற்றுகிறீர்களா? இதோ வருகிறாளே, இவள் தான் என் மனைவி!’’ என்று கத்தினார்.

எல்லோரும் திடுக்கிட்டார்கள். ‘‘ஐயா! நீங்கள் சொல்வது தவறு. இவள் உங்கள் மைத்துனி. உங்கள் மனைவியும் இவளும் ஒரே ஜாடையில் இருப்பதால், நீங்கள் தடுமாறுகிறீர்கள். உண்மையில் அவள்தான் உங்கள் மனைவி!’’ என்றார்கள். தேவசர்மா இதை ஏற்கவில்லை.

‘‘எல்லோரும் என்னை ஏமாற்றுகிறீர்கள். நான் உங்களை நம்பத் தயாரில்லை. எல்லோரும் ஸ்வாமி சந்நிதிக்குப் போவோம். என் மனைவி யார் என்பதை ஸ்வாமியே சொல்லட்டும். இல்லா விட்டால், நான் மறுபடியும் ஸ்தல யாத்திரை கிளம்பிவிடுவேன்!’’ என்று நிபந்தனை விதித் தார். எல்லோரும் ஒப்புக் கொண்டு, ஸ்வாமி சந்நிதியை அடைந்தனர்.

‘‘முழு முதற் கடவுளே! இங்கு இருக் கும் இரு பெண்களில் என் மனைவி யாரென்று அறிய முடியவில்லை. என் துயரத்தைத் தீர்த்தருள வேண்டும்!’’ என முறையிட்டார் தேவசர்மா.

அம்பிகையுடன் ரிஷப வாகனத்தில் தரிசனம் தந்தார் சிவபெருமான். தேவ சர்மாவின் மைத்துனியைச் சுட்டிக் காட்டி, ‘‘அன்பனே! அவளல்ல உன் மனைவி. இவளே உன் மனைவி!’’ என்று விமலாவைச் சுட்டிக் காட்டினார். அத்துடன், ‘‘தேவசர்மா! இதோ, எதிரில் இருக்கும் சிவ புஷ்கரணியில் உன் மனைவியை நீராடச் சொல்!’’ என்று கூறி மறைந்தார். எல்லோரும் சிவ புஷ்கரணியில் நீராடினார்கள். என்ன அதிசயம்! விமலா வின் அலங்கோல வடிவம் நீங்கி, அழகுத் தேவதையாக வெளிப்பட்டாள்! ‘அவள் அல்ல, இவளே உன் மனைவி’ என இறைவனே சுட்டிக் காட்டியதால் அன்று முதல் அந்தத் தலம் ‘அவளிவநல்லூர்’ (அவள்+இவள்+நல்லூர்) என்று அழைக்கப்பட்டது. தானே சாட்சியாக நின்று, வழக்கைத் தீர்த்து வைத்ததால், இந்தத் திருத்தலத்தின் இறைவன், ‘சாட்சிநாதர்’ என்று அழைக்கப்படுகிறார்.

தஞ்சை மாவட்டம் பாபநாசம் தாலூகாவில், சாலிய மங்கலம் ரயில் நிலையத்தில் இருந்து வடகிழக்கே சுமார் 10 கி.மீ. தொலைவில் உள்ளது இந்தத் தலம். சிவ பெருமான் தரிசனம் தந்து, சாட்சி சொல்லி அருள் புரிந்த நாள், ‘தை அமாவாசை’. அதை முன்னிட்டு ஆண்டுதோறும் தை அமாவாசையன்று இங்கே பிரதான உற்சவம் வெகு விமரிசையாக நடைபெறுகிறது.

- ஜனவரி 2006 

தொடர்புடைய சிறுகதைகள்
தர்மருக்கு பீஷ்மர் சொன்னது மகாபாரத யுத்தம் முடிந்தது. அம்புப் படுக்கையில் படுத்திருக்கும் பீஷ்மரைக் கண்டு, தர்மபுத்திரர் கதறினார். "எங்களுக்கெல்லாம் மேலானவரே! யுத்த களத்தில் உயிர் நீத்த துரியோதனன், நல்லவேளை.... இந்த நிலையில் உங்களைப் பார்க்க வில்லை. இதைக் காணும் நான்தான் பாவி. இதற்கு பதில், ...
மேலும் கதையை படிக்க...
திருமணம் பேச வந்தவர்கள் திகைத்து நின்றது ஏன்?
இயற்கை வளம் கொழித்துக் கிடந்தது. பச்சைப் பசேலென வயல்வெளிகள். பசுக் குலம் ‘அம்மா!’ என்று அழைப்பதும் அவற்றின் கழுத்து மணி ஓசைகளும் மென்மையாகக் கேட்டன. இடையர்களின் சொர்க்க பூமியாகத் திகழ்ந்தது தொண்டை நாட்டின் காரணை என்ற அந்தக் கிராமம். அங்கிருந்தவர்களின் தலைவர் ...
மேலும் கதையை படிக்க...
கைகேயி பிறந்த கதை!
கைகேயியைப் பற்றிப் பலர் பல விதமாகப் பேசிக் கொண்டிருக்கிறோம்; ஏசுபவர்களும் உண்டு. உத்தமமான கைகேயியைப் பற்றிய உண்மையான தகவல் இதுதான்! துருபதன் மகள் திரௌபதி. ஜனகன் மகள் ஜானகி. பாஞ்சாலன் மகள் பாஞ்சாலி என்பதைப் போல, கேகய மன்னன் மகள் என்பதால் கைகேயி ...
மேலும் கதையை படிக்க...
மரணத்தை வென்ற இல்லறத்தான்!
துரியோதனன் தர்மவான்; அன்பாளன்; இன்சொல் பேசுபவன்; பொறாமை இல்லாதவன்; இரக்க குணம் உள்ளவன்; புலன்களை வென்றவன்; தற்பெருமை பேசாதவன்; எவரையும் அவமதிக்காதவன்; விதிப்படி யாகங்களைச் செய்பவன்; புத்திமான்; வேதங்களை அறிந்தவன்; அந்தணர்களை மதிப்பவன்; வாக்கு தவறாதவன்; எல்லாவற்றுக்கும் மேலாக பராக்கிரமசாலி. இவனது ...
மேலும் கதையை படிக்க...
சிவகாமிக்கு செல்வன் ஆன திருமலைக் குமரன்!
''அம்மா... சிவகாமி! உனது குறை என்னவென்று எனக்குத் தெரியும். ஆனால், உன் மணி வயிற்றில் மகவு பிறக்க வாய்ப்பு இல்லை. அதோ மேற்கில் மலை மீது இருக்கும் முருகப் பெருமான்தான் உன் குழந்தை. இன்றே அவன் சந்நிதிக்குச் செல். இனி, அவனையும் ...
மேலும் கதையை படிக்க...
அர்ஜுனனை வீழ்த்திய அருமை மகன்!
‘‘குந்தியின் மகனே! யாகம் செய்வதற்காக சித்ரா பௌர்ணமியன்று உனக்கு தீட்சை அளிக்கப்படும். எனவே, அஸ்வ மேத யாகத்துக்கு வேண்டிய ஏற்பாடுகளைச் செய்! உத்தம லட்சணங்கள் பொருந்திய குதிரையை சாஸ்திரப்படி அனுப்பி வை. அது இந்த உலகத்தைச் சுற்றி வரட்டும்!’’ என்றார் வியாசர். அதைக் ...
மேலும் கதையை படிக்க...
அகங்காரம் தீர்த்தான் ஐந்துகரத்தான்!
அருகம்புல்லின் அற்புதம்! வளங்கள் நிறைந்த மிதிலா தேசம். ஜனகனின் அரண்மனை! அவைக்குள் நுழைந்த நாரதரை வணங்கி வரவேற்றனர் அமைச்சர்கள். ஜனகர் மட்டும், ஆசனத்தில் அமர்ந்தபடியே வரவேற்றார்! இதைப் பொருட்படுத்தாத நாரதர், ''நீ விரும்பிய அனைத்தையும் இறைவன் உனக்கு அருள்வான்'' என்று ஜனகரை ஆசீர்வதித்தார். இதைக் ...
மேலும் கதையை படிக்க...
நல்ல ‘நண்ப’ நாய்…
அன்புக்கும் உண்டோ அடைக்கும் தாழ்? ''இது சிறிய உயிர்; அது பெரிய உயிர்! இது படித்தவன் உயிர்; அது படிக்காதவன் உயிர்! இது பணக்காரனின் உயிர்; அது பரதேசியின் உயிர்' என்றெல்லாம் பாகுபாடு பார்ப்பது சாதாரண மனிதர்களது வழக்கம். எல்லா உயிர்களையும் தன்னுயிர் போல் ...
மேலும் கதையை படிக்க...
பிரகலாதன் செய்த உபதேசம்
பொறுமையும் வேண்டும்... கோபமும் வேண்டும்!' சந்தேகங்கள் பலவிதம். ஒவ்வொரு வருக்கும் ஒவ்வொரு விதமான சந்தேகங்கள் எழும். உத்தம பக்தனான பிரகலாதனின் பேரன் மகாபலிக்கும் சந்தேகம் ஒன்று எழுந்தது. அது குறித்து தன் தாத்தாவிடம் கேட்டான்: ''தர்மம் தெரிந்தவரே... மேலானது எது? பொறுமையா அல்லது ...
மேலும் கதையை படிக்க...
கண்ணபிரான் யார் பக்கம்?
போருக்கு முன்னால் போட்டி... கண்ணபிரான் யார் பக்கம்? குருஷேத்திரப் போர் நடப்பது உறுதியானது. இதையடுத்து பாண்டவர்களும் கௌரவர் களும் தங்களது படைபலத்தைப் பெருக்கிக் கொள்வதிலும் அரசர்கள் பலரை சந்தித்து ஆதரவு திரட்டுவதிலும் தீவிரம் காட்டினர். இதன் பொருட்டு ஸ்ரீகிருஷ்ணரைச் சந்திக்க துவாரகைக்கு வந்தான் ...
மேலும் கதையை படிக்க...
நல்லதுக்கும் கெட்டதுக்கும் கர்மமே காரணம்!’
திருமணம் பேச வந்தவர்கள் திகைத்து நின்றது ஏன்?
கைகேயி பிறந்த கதை!
மரணத்தை வென்ற இல்லறத்தான்!
சிவகாமிக்கு செல்வன் ஆன திருமலைக் குமரன்!
அர்ஜுனனை வீழ்த்திய அருமை மகன்!
அகங்காரம் தீர்த்தான் ஐந்துகரத்தான்!
நல்ல ‘நண்ப’ நாய்…
பிரகலாதன் செய்த உபதேசம்
கண்ணபிரான் யார் பக்கம்?

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)