அன்னபூர்ணே! சதா பூர்ணே!

 

நித்திய​ பாராயண ஸ்லோகங்களுள் ஒன்றான அன்னபூரணி துதி மிகவும் பிரபலமான ஒன்று.

அன்னபூர்ணே! சதா பூர்ணே!
சங்கர பிராண வல்லபே!
ஞான வைராக்ய சித்யர்த்தம்
பிக்ஷாம் தேஹி ச பார்வதி

இந்த நான்கு வரி ஸ்லோகத்தில் ஒரு பரிபூரணம் காணப்படுகிறது.

முதல் வரி – “அன்னம் சம்பூர்ணமாக உள்ள தாயே!”

இரண்டாம் வரி – “எப்போதும் முழுமையாக நிறைந்த ஜகதம்பா!” (எந்நேரமும் இந்த தாயின் பொக்கிஷ சாலை காலியாவதில்லை)

மூன்றாம் வரி – “சங்கரனின் உயிருக்குயிரான பிரியமான தேவி!” (அவள் பதிவிரதையாதலால் கணவரின் பெயரை துதித்தால் பரவசப்படுபவள்)

நான்காம் வரி – “ஹே! பார்வதி! ஞான வைராக்யங்கள் பெறும்படியாக எங்களுக்குப் பிச்சையளி, அம்மா!”

இவற்றில் பொதிந்துள்ள மாபெரும் செய்திகள் என்ன?

* ‘நாமே சம்பாதித்து சமைத்து சாப்பிடுகிறோம்’ என்ற கர்வம் நம்மை விட்டு நீங்க வேண்டும். ‘அம்மா போட்ட அன்னம்’ என்ற பாவனை வாத்சல்யத்தையும் மாதுர்யத்தையும் சேர்த்து அமிர்த குணத்தை அளிக்க வல்லது.

* அதே போல் உலகங்களைஎல்லாம் பெற்ற தாயான ஜகதம்பாள் ஒவ்வொரு நாளும் உணவு உண்ணும் முன்பு நம் நினைவுக்கு வருவதால் அம்மாவின் வாத்சல்ய உணர்வை வாழ்க்கை பூராவும் அனுபவிக்க முடியும்.

* ஜகதம்பாளே ‘ப்ரக்ருதி’ எனப்படும் ‘இயற்கை’. இந்த பிரகிருதி, அன்னத்தின் பண்டகசாலை.அதுவே ‘அன்னபூர்ணா!’.

* எத்தனை உயிரினங்கள் எத்தனை விதமாகத் தின்றாலும் திரிந்தாலும் குறையாத கருவூலம். அதுவே ‘சதா பூர்ணா!’

* இயற்கை அனைத்தும் பரமேஸ்வரனின் சக்தி. அதுவே ‘சங்கர பிராண வல்லபா!’.

- பவித்திரமான இந்த எண்ணத்தோடு உணவை ஏற்பவன் உணவு எதற்காக உண்ண வேண்டுமோ அதை அறிந்தவனாகிறான். அதுவே ‘ஞான வைராக்ய சித்யர்த்தம்’. ஞானமும் வைராக்யமும் பெறுவதற்காக அன்னத்தை உண்ண வேண்டும். அதில்லாமல் வயிறு நிறைய தின்று பெரிதாக ஏப்பம் விடுவதற்காக அல்ல.

- நாம் உண்ணும் உணவு அறிவை சைதன்யத்தோடு கூடியதாகச் செய்து நல்ல ஞானத்தை அளிக்க வேண்டும். அந்த ஞானத்தின் மூலம் எது உண்மை எது பொய் என்று உணர்ந்து பெரிய துக்கங்களையும், விருப்பு, வெறுப்புகளையும் நீக்கி தெய்வீக அனுபவம் பெற வேண்டும். அதற்காகத்தான் உணவை ஏற்பது. இத்தனை ஆழமான ஞானம் இந்த ஸ்லோகத்தில் உள்ளது.

காசி க்ஷேத்திரத்தில் அன்னபூரணி, விஸ்வநாதர் கொலு வீற்றுள்ளார்கள். அன்னபூரணி உணவு பரிமாறுவதாகவும், ஈஸ்வரன் பெறுவதாகவும் அங்கு வழிபடப்படுகிறது. இது நம் அனைவருக்கும் மிகவும் பரிச்சயமான சித்திரப் படம்.

இதில் உள்ள மர்மமென்ன?

இயற்கையிலிருந்து (பிரகிருதி) தயாரான ஆகாரத்தை முதலில் ஈஸ்வரனுக்கு சமர்பித்து, அதன் பின் நாம் சாப்பிட வேண்டும். என்ற போதனையே அன்னபூரணி விஸ்வநாதருக்கு அன்னமிடும் காட்சியில் பொதிந்துள்ள அர்த்தம்.

காசி க்ஷேத்திரம் ஞான பூமி.

‘அன்னம்’ என்ற சொல்லுக்கு ‘நம் இந்திரியங்கள் கிரகிக்கும் சப்தம், காட்சி போன்ற ஐஸ்வர்யங்கள்’ என்று வேதம் பொருள் கூறுகிறது. இப்பொருளைக் கொண்டு பார்த்தால், இந்த உலகில் இந்த வாழ்க்கையில் நாம் அனுபவிக்கும் அனைத்தும் அன்ன பூரணியின் பிரசாதங்களே. அவற்றை ‘ஈச்வரார்ப்பணம்’ என்ற அறிவோடு ஏற்பவன் அதிர்ஷ்டசாலி.

விஸ்வநாதர் கங்கை, அன்னபூரணி இவர்களின் பதி. தேவதைகளுள் ‘மனைவி’ என்பது சக்தியின் ஸ்தானம். இந்த விஸ்வத்தை போஷிக்கும் அன்னம், நீர் இவையே அன்னபூரணி தாயும் கங்கை மாதாவும். அவற்றுக்கு மூலமான பரமேஸ்வரனே விஸ்வநாதன். ஒரே ஜகதம்பாளே கங்கையாகவும் அன்னபூரணியாகவும் வெளிப்பட்டுள்ளர்கள். இவை நம் தேவதைகளின் உருவங்களில் உள்ள உட்பொருள்.

சுபம்.

தெலுங்கில் -பிரம்மஸ்ரீ சாமவேதம் ஷண்முக சர்மா.

- ஞான ஆலயம் ஆகஸ்ட், 2016ல் பிரசுரமானது. 

தொடர்புடைய சிறுகதைகள்
மகன்களை காட்டுக்கு அனுப்பிய மூன்று அம்மாக்கள் மிக உயர்ந்தவர்களாக பெரியோர்களால் போற்றபடுகிறார்கள். யார் அந்த உத்தம தாய்மார்கள்? ராமாயணத்தில் லக்ஷ்மணனின் தாயான சுமித்திரை. பாகவதத்தில் துருவனின் தாய் சுநீதி. மார்கண்டேய புராணத்தில் வரும் இளவரசி மதாலசா. இந்த மூன்று தாய்மார்களும் உலக வழக்கப்படி சாதாரண கண்ணோட்டத்தில் பார்த்தால் ...
மேலும் கதையை படிக்க...
படித்துக் கொண்டிருந்த வாரப் பத்திரிக்கையைச் சோர்வோடு மூடினாள் ராதிகா. சே! வெறும் அபத்தம். இப்படியெல்லாம் கூட நடக்குமா என்ன? கற்பனைக்கும் ஓர் அளவு வேண்டாம்? "என்ன? உனக்குள் நீயே முணுமுணுக்கற?" லேசாகப் புரண்டு அருகில் படுத்திருந்த மனைவியைக் கேட்டான் சதீஷ். அது ஒரு ஞாயிறு ...
மேலும் கதையை படிக்க...
மார்கண்டேய புராணம் ஞான பட்சிகளின் கதையோடு ஆரம்பமாகிறது. மகாபாரதக் கதை முழுவதும் வியாச பகவானிடம் கேட்டறிந்த ஜைமினி முனிவருக்கு சில சந்தேகங்கள் மீதமிருந்தன. அவற்றை வியாசரிடமே கேட்டுத் தெரிந்து கொள்ளலாம் என்று எண்ணினாலும் அதற்கான அவகாசம் கிடைக்கவில்லை. ஒரு முறை ...
மேலும் கதையை படிக்க...
"சத்தியப் பிரமாணம் என்பது அளவுகோல். நான் என் வாழ்க்கைக்கு இந்த விழுமியங்களை அளவுகோலாகக் கொண்டு வாழ்வேன். இவற்றில் எதாவது ஒன்றையாவது தவறினேனானால் அந்த பாவம் என்னை தீவிரமாக பீடிக்கும்" என்றான் உத்தமன் பரதன். தான் எவற்றை அளவுகோல்களாகக் கொண்டு வாழ்ந்து வந்தானோ அவற்றையே ...
மேலும் கதையை படிக்க...
கதை வடிவில் உபதேசிப்பது புராண சம்பிரதாயம். இந்த வழிமுறையில் ஞானம் சுவைபட அளிக்கப்படுகிறது. இதயத்தில் பதிந்து போகிறது. வாழ்க்கையைத் தன்மயமாக்குகிறது. 'ஜென்ம சாபல்யம்' கிடைக்கிறது. ஒவ்வொரு புராணக் கதையிலும் செய்திகளும் குறிப்புகளும் சேர்ந்து கதாபாத்திரங்களாக நம்மோடு உரையாடுகின்றன; நிகழ்ச்சிகளாக நம்மைச் சுத்தப்படுத்துகின்றன. இக்கதைகள் எல்லாம், ...
மேலும் கதையை படிக்க...
மகன்களை காட்டுக்கு அனுப்பிய மூன்று அம்மாக்கள்
அவளுக்குப் புரிந்து விட்டது ….
ஞானப் பறவைகளின் கதை
பரதன் எடுத்த சபதம்
தெரிந்த கதையில் பொதிந்த ரகசியம் – பக்தியின் வடிவம் துருவன்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)